Fullorðinsvörur, sérvörur fyrir Japansmarkað og nýfenginn styrkur Rakel Sveinsdóttir skrifar 8. september 2020 09:00 As We Grow Garðastræti 2, Gréta Hlöðversdóttir framkvæmdastjóri Foto: Vilhelm Gunnarsson/Vilhelm Gunnarsson „Við höfum nú þegar verið að bjóða upp á nokkrar fullorðinsvörur og einnig gert vörur eingöngu fyrir Japansmarkað. Núna erum við að vinna mikla þróunarvinnu til að stækka þá vörulínu, bæta við þær klassísku vörur sem fyrir eru“ segir Gréta Hlöðversdóttir framkvæmdastjóri og einn stofnenda As We Grow. Hún segir þróunarvinnuna standa yfir núna þar sem ætlunin er að stækka þá vörulínu og bæta við þær vörur sem fyrir eru. As We Grow hlaut nýverið tvær milljóna króna styrk frá Hönnunarsjóði sem ætlunin er að nýta til að þróa fullorðinslínuna en að sögn Grétu er algengt erlendis að barnafatalínur bjóði einnig upp á fatnað fyrir fullorðna. As We Grow (AWG) er eitt þeirra nýsköpunarfyrirtækja sem stofnað var í kjölfar bankahruns. Starfsemin hófst árið 2012 en hugmyndin spratt út frá sögu um peysu sem fór á flakk um heiminn og sögð var á milli kynslóða. Það var sagan um peysuna sem íslensk móðir prjónaði á son sinn sem síðan notaði þessa peysu í mörg, mörg ár því peysan í raun stækkaði með honum. Að sögn Grétu fer öll hönnun og vöruþróun fram á Íslandi en framleiðslan erlendis. Þegar við byrjuðum 2012 voru ekki til vélar á Íslandi til að móta snið með prjóni með þeim hætti sem við þurfum á að halda. Því byrjuðum við að framleiða þar sem meirihluti alpaca ullar í heiminum er uppruninn, í Perú“ segir Gréta og bætir við „Ég þekkti framleiðendurna vel og vissi að þeir ynnu eingöngu eftir ströngustu stöðlum um aðbúnað og kjör starfsfólks, og við höfum þróað einstakt samstarf með þeim.“ Gréta segir AWG hafa verið að stækka framleiðslunetið hægt og rólega síðustu árin. Nú sé svo komið að valdar vörur eru framleiddar í Evrópu og ekkert sé útséð með það hvort eitthvað verði framleitt á Íslandi seinna meir. „Með því að stækka framleiðslunetið koma tækifæri og þekking sem við ætlum meðal annars að nýta til þess að stækka fullorðinslínuna okkar,“ segir Gréta. Gréta segir að þótt 60-70% af sölunni fari fram á Íslandi séu vaxtarmöguleikarnir erlendis. „Markmiðið er að auka útflutninginn í gegnum vefsölur erlendis og til valinna verslana. Við erum nú þegar búnar að byggja upp vörumerkið okkar í nokkur ár í Japan og er það núna að skila árangri og hefur reyndar áhrif víðar í Asíu en bara í Japan, því við erum einnig komnar í samband við stórar vefverslanir í Suður Kóreu og Kína og búnar að prufukeyra sölur þar með frábærum árangri,“ segir Gréta og bætir við „Austurströnd Bandaríkjanna er einnig mjög spennandi markaður fyrir okkur.“ Nýverið opnaði AWG verslun í Garðarstræti en þar geta neytendur séð alla vörulínuna á einum stað. Þá hafi AWG sótt innblástur í kórónufaraldurinn með nýjum hugmyndum. Sífelldar breytingar á smásölumarkaðinum á Íslandi gerði það að verkum að við ákváðum að stíga það skref að opna verslun. Í Covid fórum við síðan að bjóða upp á fríar heimsendingar í gegnum nýja íslenska vefsíðu As We Grow. Svona umbrotatímar hvetja til nýrra hugmynda og nýrra lífshátta og það er hlutverk okkar allra að hugsa hlutina upp á nýtt. Það eru breyttar áherslur í heiminum og það hlýtur að hafa áhrif á okkur eins og alla aðra,“ segir Gréta. AWG er eina íslenska fatahönnunarmerkið sem hefur hlotið Hönnunarverðlaun Íslands. Þá hefur AWG hlotið verðlaun frá Junior Design Awards sem er mjög virt viðurkenning á alþjóðamarkaði. AWG hefur innleitt markmið Sameinuðu þjóðanna í baráttunni gegn fatasóun inn í sína framleiðslu. Að sögn Grétu hefur vitund neytenda um sjálfbærni og nýtni aukist verulega hin síðustu ár. „Af þessari slóð verður ekki aftur snúið, nú á tímum ofgnóttar alls, það er deginum ljósara“, segir Gréta. Nýsköpun Verslun Tíska og hönnun Faraldur kórónuveiru (COVID-19) Umhverfismál Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent „En það hefur líka margt fallegt komið út úr þessu“ Atvinnulíf Bankarnir verði að lækka vexti jafnhratt og þeir hækkuðu Viðskipti innlent Fleiri fréttir „Frekar kvöldsvæfur heldur en morgunfúll“ Atvinnumissir: „Það var rosa skrýtið að lenda í þessu“ „En það hefur líka margt fallegt komið út úr þessu“ „Breytingaskeið kvenna hefur líka áhrif á karlavinnustaði“ „Það segir sig sjálft að við höfum endalausa orku“ Horfðu á hallærislegt sjónvarpsefni og úðuðu í sig bragðaref Að hætta að vera vandræðaleg í nýrri vinnu „Myndi alveg segja að hjartað í mér hafi verið í buxunum“ „Fjárfestar eru bara venjulegt fólk“ Gervigreind og tíska: Hafa nú þegar fengið 100 milljónir í styrki „Við eigum margar rómantískar stundir í vinnunni“ Langaði svakalega mikið í sleik við George Clooney Atvinnumissir: „Ég kunni nú ekki við að spyrja Jón beint“ Nýtt trend: Engir yfirmenn á vinnustaðnum Fótboltastelpan um starfsframann: „Að sækja sér tækifærin sjálfur“ „Fyrir mann sem er skrifblindur og lesblindur er þetta ekkert auðvelt“ „Ég verð auðveldlega meyr en segi engum frá því“ Draumar rætast: „Konur þurfa ekki alltaf að vera á skrilljón“ Draumar rætast: „Lengi skammaðist ég mín ...“ Biskupinn á hlaupum með Bubba Morthens og Sísí með Grýlunum Tvöfalt líf Ara: „Í fyrra túraði ég í sex vikur“ Klara á Kanarí: „Fólk kom með ferðatöskur af saltfiski og seldi“ Sjá meira
„Við höfum nú þegar verið að bjóða upp á nokkrar fullorðinsvörur og einnig gert vörur eingöngu fyrir Japansmarkað. Núna erum við að vinna mikla þróunarvinnu til að stækka þá vörulínu, bæta við þær klassísku vörur sem fyrir eru“ segir Gréta Hlöðversdóttir framkvæmdastjóri og einn stofnenda As We Grow. Hún segir þróunarvinnuna standa yfir núna þar sem ætlunin er að stækka þá vörulínu og bæta við þær vörur sem fyrir eru. As We Grow hlaut nýverið tvær milljóna króna styrk frá Hönnunarsjóði sem ætlunin er að nýta til að þróa fullorðinslínuna en að sögn Grétu er algengt erlendis að barnafatalínur bjóði einnig upp á fatnað fyrir fullorðna. As We Grow (AWG) er eitt þeirra nýsköpunarfyrirtækja sem stofnað var í kjölfar bankahruns. Starfsemin hófst árið 2012 en hugmyndin spratt út frá sögu um peysu sem fór á flakk um heiminn og sögð var á milli kynslóða. Það var sagan um peysuna sem íslensk móðir prjónaði á son sinn sem síðan notaði þessa peysu í mörg, mörg ár því peysan í raun stækkaði með honum. Að sögn Grétu fer öll hönnun og vöruþróun fram á Íslandi en framleiðslan erlendis. Þegar við byrjuðum 2012 voru ekki til vélar á Íslandi til að móta snið með prjóni með þeim hætti sem við þurfum á að halda. Því byrjuðum við að framleiða þar sem meirihluti alpaca ullar í heiminum er uppruninn, í Perú“ segir Gréta og bætir við „Ég þekkti framleiðendurna vel og vissi að þeir ynnu eingöngu eftir ströngustu stöðlum um aðbúnað og kjör starfsfólks, og við höfum þróað einstakt samstarf með þeim.“ Gréta segir AWG hafa verið að stækka framleiðslunetið hægt og rólega síðustu árin. Nú sé svo komið að valdar vörur eru framleiddar í Evrópu og ekkert sé útséð með það hvort eitthvað verði framleitt á Íslandi seinna meir. „Með því að stækka framleiðslunetið koma tækifæri og þekking sem við ætlum meðal annars að nýta til þess að stækka fullorðinslínuna okkar,“ segir Gréta. Gréta segir að þótt 60-70% af sölunni fari fram á Íslandi séu vaxtarmöguleikarnir erlendis. „Markmiðið er að auka útflutninginn í gegnum vefsölur erlendis og til valinna verslana. Við erum nú þegar búnar að byggja upp vörumerkið okkar í nokkur ár í Japan og er það núna að skila árangri og hefur reyndar áhrif víðar í Asíu en bara í Japan, því við erum einnig komnar í samband við stórar vefverslanir í Suður Kóreu og Kína og búnar að prufukeyra sölur þar með frábærum árangri,“ segir Gréta og bætir við „Austurströnd Bandaríkjanna er einnig mjög spennandi markaður fyrir okkur.“ Nýverið opnaði AWG verslun í Garðarstræti en þar geta neytendur séð alla vörulínuna á einum stað. Þá hafi AWG sótt innblástur í kórónufaraldurinn með nýjum hugmyndum. Sífelldar breytingar á smásölumarkaðinum á Íslandi gerði það að verkum að við ákváðum að stíga það skref að opna verslun. Í Covid fórum við síðan að bjóða upp á fríar heimsendingar í gegnum nýja íslenska vefsíðu As We Grow. Svona umbrotatímar hvetja til nýrra hugmynda og nýrra lífshátta og það er hlutverk okkar allra að hugsa hlutina upp á nýtt. Það eru breyttar áherslur í heiminum og það hlýtur að hafa áhrif á okkur eins og alla aðra,“ segir Gréta. AWG er eina íslenska fatahönnunarmerkið sem hefur hlotið Hönnunarverðlaun Íslands. Þá hefur AWG hlotið verðlaun frá Junior Design Awards sem er mjög virt viðurkenning á alþjóðamarkaði. AWG hefur innleitt markmið Sameinuðu þjóðanna í baráttunni gegn fatasóun inn í sína framleiðslu. Að sögn Grétu hefur vitund neytenda um sjálfbærni og nýtni aukist verulega hin síðustu ár. „Af þessari slóð verður ekki aftur snúið, nú á tímum ofgnóttar alls, það er deginum ljósara“, segir Gréta.
Nýsköpun Verslun Tíska og hönnun Faraldur kórónuveiru (COVID-19) Umhverfismál Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent „En það hefur líka margt fallegt komið út úr þessu“ Atvinnulíf Bankarnir verði að lækka vexti jafnhratt og þeir hækkuðu Viðskipti innlent Fleiri fréttir „Frekar kvöldsvæfur heldur en morgunfúll“ Atvinnumissir: „Það var rosa skrýtið að lenda í þessu“ „En það hefur líka margt fallegt komið út úr þessu“ „Breytingaskeið kvenna hefur líka áhrif á karlavinnustaði“ „Það segir sig sjálft að við höfum endalausa orku“ Horfðu á hallærislegt sjónvarpsefni og úðuðu í sig bragðaref Að hætta að vera vandræðaleg í nýrri vinnu „Myndi alveg segja að hjartað í mér hafi verið í buxunum“ „Fjárfestar eru bara venjulegt fólk“ Gervigreind og tíska: Hafa nú þegar fengið 100 milljónir í styrki „Við eigum margar rómantískar stundir í vinnunni“ Langaði svakalega mikið í sleik við George Clooney Atvinnumissir: „Ég kunni nú ekki við að spyrja Jón beint“ Nýtt trend: Engir yfirmenn á vinnustaðnum Fótboltastelpan um starfsframann: „Að sækja sér tækifærin sjálfur“ „Fyrir mann sem er skrifblindur og lesblindur er þetta ekkert auðvelt“ „Ég verð auðveldlega meyr en segi engum frá því“ Draumar rætast: „Konur þurfa ekki alltaf að vera á skrilljón“ Draumar rætast: „Lengi skammaðist ég mín ...“ Biskupinn á hlaupum með Bubba Morthens og Sísí með Grýlunum Tvöfalt líf Ara: „Í fyrra túraði ég í sex vikur“ Klara á Kanarí: „Fólk kom með ferðatöskur af saltfiski og seldi“ Sjá meira