Hrafn: Þessi keppni er okkur mjög mikilvæg Sigurður Elvar Þórólfsson skrifar 12. janúar 2011 16:15 Hrafn Kristjánsson þjálfari KR. „Tindastóll er lið sem er í mikilli framför og það verður ekki auðvelt að mæta þeim þrátt fyrir að við séum á heimavelli," sagði Hrafn Kristjánsson þjálfari KR eftir að ljóst var að KR-ingar fengu Tindastól í undanúrslitum Poweradebikarsins í körfubolta karla. Haukar taka á móti Grindavík í hinni undanúrslitarimmunni. Leikirnir fara fram 5.-6. febrúar og úrslitaleikurinn er í Laugardalshöllinni 19. febrúar. „Við fengum að sjá þá í góðum gír í fyrri hálfleik gegn okkur á dögunum en við þurfum að vinna okkar heimavinnu áður en við mætum þeim. Það eru 20 ár frá því að KR varð síðast bikarmeistari og þetta er því mjög góður tími til þess að ljúka þeirri bið. Þessi keppni er okkur mjög mikilvæg og mér finnst liðið vera að taka skref fram á við á nýju ári. Hugarfarið er betra og varnarleikurinn er einnig betri." Mætum bara kokhraustir í Vesturbæinn „Við mætum bara kokhraustir í Vesturbæinn, það hefur gengið vel hjá okkur eftir að við skiptum um útlendinga í haust. Við erum með tvo en vorum áður með þrjá. Það hefur allt smollið saman eftir þessa breytingu og ég er sannfærður um að Skagfirðingar fjölmenna í vesturbæinn þegar við mætum KR," sagði Helgi Rafn Vigósson leikmaður Tindastóls. „Tindastóll komst síðast í undanúrslit árið 2002 þar sem við töpuðum gegn Njarðvík. Í bikarkeppninni getur allt gerst og ég er bara bjartsýnn. Þetta verður gaman og við stefnum á að komast í Laugardalshöllina," sagði Helgi Rafn. Það verður ekkert vanmat í gangi „Það skiptir engu máli hvaða liði maður mætir í undanúrslitum, þetta eru allt sterk lið," sagði Helgi Jónas Guðfinnsson þjálfari Grindavíkur en lið hans mætir Haukum á útivelli í undanúrslitum Powerade-bikars karla. Grindavík tapaði í úrslitum keppninnar í fyrra gegn Snæfelli og Helgi varð bikarmeistari sem leikmaður Grindavíkur árið 2006. „Við ætlum okkur að sjálfsögðu alla leið, en það verður erfitt." Helgi var búinn að landa bandarískum leikmanni á dögunum sem hafði reynslu úr NBA deildinni en hann valdi að fara til Rúmeníu og skildi Grindvíkinga eftir með sárt ennið. „Ég er búinn að finna nýjan leikmann en ég ætla ekki að segja hver hann er fyrr en hann er mættur á svæðið og allt er klárt. Hann er leikstjórnandi og vonandi verður hann kominn fljótlega. Haukar eru með sterka liðsheild og tvo góða útlendinga. Það verður ekkert vanmat í gangi hjá okkur. Pétur hefði viljað fá ÍA í úrslitum Pétur Ingvarsson þjálfari Hauka var mest svekktur yfir því að fá ekki leik gegn ÍA í úrslitum Powerade-bikarsins og vitnaði þar allt aftur til ársins 1996. „Haukar hafa ekki leikið í úrslitum frá þeim tíma en við erum alveg rólegir yfir þessu öllu saman. Grindavík verður án efa komið með frábæran útlending fyrir undanúrslitin en við erum bara ánægðir með að fá heimaleik. Framhaldið ræðst síðan í leiknum sjálfum. Liðið okkar er ungt og margir leikmenn eru með færri leikmínútur í efstu deild en úrvalsdeildarleikirnir hjá mér. Það tekur sinn tíma að byggja upp lið hjá Haukum og það er liðin tíma að það séu landsliðsmenn í hverri stöðu hjá Haukum. Við erum að vinna í því en það tekur tíma," sagði Pétur sem náði því að koma Hamri tvívegis í úrslitaleikinn í bikarnum sem þjálfari en liðið tapaði í bæði skiptin. Körfubolti Mest lesið Áhorfandi fékk sex milljónir fyrir ótrúlegt skot Fótbolti Ten Hag verði ekki rekinn Enski boltinn „Viðbjóðsleg“ frammistaða sem lætur stjóra missa starfið Enski boltinn Leikurinn ekki stöðvaður þó svo maður hafi dáið í stúkunni Enski boltinn Simeone kennir Courtois um ólætin Fótbolti „Væri gaman að spila við þá í hverri einustu viku” Íslenski boltinn Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Íslenski boltinn Spilar ekki í deildinni fyrr en í nóvember Enski boltinn Spilar ekki gegn Arsenal eftir hávaðarifrildi Fótbolti Fær Njarðvík frekar stimpilinn? Íslenski boltinn Fleiri fréttir Dikembe Mutombo látinn Enginn „heimsendir“ verði Keflavík ekki Íslandsmeistari Teitur valdi besta Íslendinginn í Bónus deildinni Taka inn nýjan mann eftir stutt stopp Franck í Þorlákshöfn Tryggvi með tíu í fyrsta leik Valsmenn neituðu að veita viðtöl „Mátti þetta ekki í Þýskalandi“ Martin magnaður í fyrsta sigrinum „Einhver náttúrulegasta þrenna sem ég hef séð“ Uppgjörið: Valur - Keflavík 88-98 | Öruggt hjá Keflavík og Finnur rekinn úr húsi Uppgjörið: Keflavík - Þór Ak. 82-86 | Þór skellti meisturunum Knicks og Timberwolves opna leikmannamarkaðinn með látum Ísold eltir annan draum: „Erfiðasta ákvörðun sem ég hef þurft að taka í lífinu“ Tryggvi Snær í riðlakeppni Evrópubikarsins Pavel: „Ég var brjálaður vísindamaður“ Meisturunum spáð sigri í Bónus deildunum Svona var kynningarfundurinn fyrir fyrir Bónus-deildirnar Álftanes lét Frakkann fara og samdi við Okeke Pavel nýr liðsmaður Bónus Körfuboltakvölds Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Sjá meira
„Tindastóll er lið sem er í mikilli framför og það verður ekki auðvelt að mæta þeim þrátt fyrir að við séum á heimavelli," sagði Hrafn Kristjánsson þjálfari KR eftir að ljóst var að KR-ingar fengu Tindastól í undanúrslitum Poweradebikarsins í körfubolta karla. Haukar taka á móti Grindavík í hinni undanúrslitarimmunni. Leikirnir fara fram 5.-6. febrúar og úrslitaleikurinn er í Laugardalshöllinni 19. febrúar. „Við fengum að sjá þá í góðum gír í fyrri hálfleik gegn okkur á dögunum en við þurfum að vinna okkar heimavinnu áður en við mætum þeim. Það eru 20 ár frá því að KR varð síðast bikarmeistari og þetta er því mjög góður tími til þess að ljúka þeirri bið. Þessi keppni er okkur mjög mikilvæg og mér finnst liðið vera að taka skref fram á við á nýju ári. Hugarfarið er betra og varnarleikurinn er einnig betri." Mætum bara kokhraustir í Vesturbæinn „Við mætum bara kokhraustir í Vesturbæinn, það hefur gengið vel hjá okkur eftir að við skiptum um útlendinga í haust. Við erum með tvo en vorum áður með þrjá. Það hefur allt smollið saman eftir þessa breytingu og ég er sannfærður um að Skagfirðingar fjölmenna í vesturbæinn þegar við mætum KR," sagði Helgi Rafn Vigósson leikmaður Tindastóls. „Tindastóll komst síðast í undanúrslit árið 2002 þar sem við töpuðum gegn Njarðvík. Í bikarkeppninni getur allt gerst og ég er bara bjartsýnn. Þetta verður gaman og við stefnum á að komast í Laugardalshöllina," sagði Helgi Rafn. Það verður ekkert vanmat í gangi „Það skiptir engu máli hvaða liði maður mætir í undanúrslitum, þetta eru allt sterk lið," sagði Helgi Jónas Guðfinnsson þjálfari Grindavíkur en lið hans mætir Haukum á útivelli í undanúrslitum Powerade-bikars karla. Grindavík tapaði í úrslitum keppninnar í fyrra gegn Snæfelli og Helgi varð bikarmeistari sem leikmaður Grindavíkur árið 2006. „Við ætlum okkur að sjálfsögðu alla leið, en það verður erfitt." Helgi var búinn að landa bandarískum leikmanni á dögunum sem hafði reynslu úr NBA deildinni en hann valdi að fara til Rúmeníu og skildi Grindvíkinga eftir með sárt ennið. „Ég er búinn að finna nýjan leikmann en ég ætla ekki að segja hver hann er fyrr en hann er mættur á svæðið og allt er klárt. Hann er leikstjórnandi og vonandi verður hann kominn fljótlega. Haukar eru með sterka liðsheild og tvo góða útlendinga. Það verður ekkert vanmat í gangi hjá okkur. Pétur hefði viljað fá ÍA í úrslitum Pétur Ingvarsson þjálfari Hauka var mest svekktur yfir því að fá ekki leik gegn ÍA í úrslitum Powerade-bikarsins og vitnaði þar allt aftur til ársins 1996. „Haukar hafa ekki leikið í úrslitum frá þeim tíma en við erum alveg rólegir yfir þessu öllu saman. Grindavík verður án efa komið með frábæran útlending fyrir undanúrslitin en við erum bara ánægðir með að fá heimaleik. Framhaldið ræðst síðan í leiknum sjálfum. Liðið okkar er ungt og margir leikmenn eru með færri leikmínútur í efstu deild en úrvalsdeildarleikirnir hjá mér. Það tekur sinn tíma að byggja upp lið hjá Haukum og það er liðin tíma að það séu landsliðsmenn í hverri stöðu hjá Haukum. Við erum að vinna í því en það tekur tíma," sagði Pétur sem náði því að koma Hamri tvívegis í úrslitaleikinn í bikarnum sem þjálfari en liðið tapaði í bæði skiptin.
Körfubolti Mest lesið Áhorfandi fékk sex milljónir fyrir ótrúlegt skot Fótbolti Ten Hag verði ekki rekinn Enski boltinn „Viðbjóðsleg“ frammistaða sem lætur stjóra missa starfið Enski boltinn Leikurinn ekki stöðvaður þó svo maður hafi dáið í stúkunni Enski boltinn Simeone kennir Courtois um ólætin Fótbolti „Væri gaman að spila við þá í hverri einustu viku” Íslenski boltinn Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Íslenski boltinn Spilar ekki í deildinni fyrr en í nóvember Enski boltinn Spilar ekki gegn Arsenal eftir hávaðarifrildi Fótbolti Fær Njarðvík frekar stimpilinn? Íslenski boltinn Fleiri fréttir Dikembe Mutombo látinn Enginn „heimsendir“ verði Keflavík ekki Íslandsmeistari Teitur valdi besta Íslendinginn í Bónus deildinni Taka inn nýjan mann eftir stutt stopp Franck í Þorlákshöfn Tryggvi með tíu í fyrsta leik Valsmenn neituðu að veita viðtöl „Mátti þetta ekki í Þýskalandi“ Martin magnaður í fyrsta sigrinum „Einhver náttúrulegasta þrenna sem ég hef séð“ Uppgjörið: Valur - Keflavík 88-98 | Öruggt hjá Keflavík og Finnur rekinn úr húsi Uppgjörið: Keflavík - Þór Ak. 82-86 | Þór skellti meisturunum Knicks og Timberwolves opna leikmannamarkaðinn með látum Ísold eltir annan draum: „Erfiðasta ákvörðun sem ég hef þurft að taka í lífinu“ Tryggvi Snær í riðlakeppni Evrópubikarsins Pavel: „Ég var brjálaður vísindamaður“ Meisturunum spáð sigri í Bónus deildunum Svona var kynningarfundurinn fyrir fyrir Bónus-deildirnar Álftanes lét Frakkann fara og samdi við Okeke Pavel nýr liðsmaður Bónus Körfuboltakvölds Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Sjá meira