Ísland í dag - Þórhildur á bæði eiginmann og kærasta og allir enn sáttir
Þórhildur Magnúsdóttir er menntaður verkfræðingur og hagfræðingur en einnig sambandsmarkþjálfi og jógakennari. Og er hún mjög vinsæl sem slík. Þórhildur er í hjónabandi en er einnig með kærasta og allir eru sáttir. Eiginmaðurinn hefur einnig leyfi til að vera í sambandi við aðra konu og hefur verið í öðrum samböndum auk hjónabandsins og börnin þeirra eru að þeirra sögn fullkomlega sátt við þetta fjölskyldumynstur. Þórhildur er einnig með mjög vinsælar netsíður og hlaðvörp undir nafninu sundur og saman. En Þórhildur heldur einnig gríðarlega vinsæl námskeið og er núna með spennandi ferð til Malaga á suður Spáni 22.apríl þar sem konur geta farið og sett sig almennilega í fyrsta sæti og endurheimt ástina og skapað hamingjuna í sínu lífi og gleðina. Vala Matt fór fyrir Ísland í dag og kynnti sér það hvort þetta sérstaka fjölskyldumynstur væri enn að ganga upp eftir þau ár sem þau hafa lifað þessu lífi.
