„Er bara að lemja í okkur að þetta sé hægt“ Runólfur Trausti Þórhallsson skrifar 12. maí 2023 10:01 Sævar Atli og félagar fagna sigri í síðustu umferð. Lyngy Sævar Atli Magnússon skoraði það sem reyndist sigurmark Lyngby gegn Midtjylland í síðustu umferð dönsku úrvalsdeildarinnar. Það mark gæti reynst dýrmætt þegar uppi er staðið en á einhvern ótrúlegan hátt á Lyngby enn möguleika á að halda sér í deild þeirra bestu í Danmörku. Í Danmörku er tímabilið tvískipt þar sem það er lengra hlé um jólin - á miðju tímabili - en er á milli tímabila á sumrin. Þegar hlé var gert á deildinni fyrir áramót sat Íslendingalið Lyngby sem fastast á botninum. Lærisveinar Freys Alexanderssonar höfðu aðeins unnið einn leik en hann kom í síðasta leiknum fyrir frí. Freyr stýrði Lyngby upp í dönsku úrvalsdeildina á sínu 1. tímabili og stefnir á að halda liðinu þar.Lars Ronbog/Getty Images Flestir ef ekki allir voru búnir að dæma liðið niður í B-deild. Átti það einnig við um nokkra af leikmönnum liðsins og voru þeir í kjölfarið seldir áður en mótið fór af stað á nýjan leik. Þeir sem eftir voru lögðu hins vegar ekki árar í bát og nú þegar fjórar umferðir eru eftir er liðið vissulega enn fjórum stigum frá öruggu sæti en það er enn í séns og það skiptir öllu máli. Sést það best á fjölda fólks sem mætir á heimaleiki en alls mættu rúmlega 7500 á leikinn gegn Midtjylland. Vísir settist niður með Sævari Atla, einum af mönnunum sem er ástæða þess að Lyngby á enn möguleika á að spila í efstu deild á næstu leiktíð og fór yfir tímabilið. Sævar Atli hefur skorað 6 mörk og gefið 3 stoðsendingar í 25 leikjum í dönsku úrvalsdeildinni á leiktíðinni.Vísir/Getty „Það er hægt að horfa á sigurinn fyrir jól á tvo vegu. Við unnum og fórum ekki inn í fríð án þess að vera með einn sigur en vildum auðvitað keppa aftur næstu helgi því við vorum komnir með smá mómentum. Mikilvægt samt að vera með þennan eina sigur, að fara inn í pásuna án þess að hafa unnið einn leik ... úff.“ Eftir það seldi liðið nokkra „leikmenn sem höfðu staðið sig hvað best.“ Sævar Atli sagði að stemningin í klefanum hefði verið á þá átt að menn veltu fyrir sér hvort félagið væri einfaldlega að undirbúa sig fyrir fallið niður í B-deild. Eftir það sótti Lyngby nokkra leikmen, þar á meðal var Kolbeinn Birgir Finsson. Hann líkt og aðrir leikmenn sem félagið hefur sótt hafa lyft liðinu á hærra plan. „Okkur gekk síðan rosalega vel á undirbúningstímabilinu fyrir seinni hluta tímabilsins. Skrítið að vinna leiki sem skiptu engu máli en vorum að standa okkur rosalega vel. Búnir að finna liðið okkar og búnir að breyta um kerfi.“ Þetta breytta kerfi þýðir að Sævar Atli er nú kominn á miðjuna í 5-3-2 leikkerfi sem er þó mjög fljótandi. Áhugaverð hlutskipti þar sem hann var keyptur til Danmerkur sem framherji. Það hentar honum hins vegar ágætlega og þá býr hann að því að hafa spilað flestar ef ekki allar stöður á vellinum með uppeldisfélagi sínu Leikni Reykjavík á sínum tíma. „Núna fókusum við mikið á andstæðingana, Midtjylland var með tvo Brasilíumenn vinstra megin í vörninni sem eru báðir frekar villtir. Annar stígur rosalega mikið upp, um leið og ég myndi fara upp þá myndi annað hvort opnast svæði fyrir mig eða þá annan af framherjunum okkar. Það gekk rosalega vel, skorum fyrra markið [innskot: Kolbeinn Birgir með stoðsendinguna] eftir að við fórum í það svæði upphaflega og svo skora ég seinna eftir skyndisókn þeim megin.“ Kolbeinn Birgir var valinn í lið umferðarinnar eftir frammistöðu sína gegn Midtjylland.Lyngby Þessi fókus á andstæðingana gengur af því að liðið hefur trú á því sem er verið að gera. Í fyrsta leik eftir frí gerði Lyngby 1-1 jafntefli við topplið Nordsjælland. Alfreð Finnbogason með markið undir lok leiks. Það gaf mönnum trú sem og óbilandi trú Freysa á verkefninu. Hann fékk einnig íþróttasálfræðing til að ræða við liðið. „Það hjálpaði klárlega en það var bara í þetta eina skipti. Ég man að við komum til baka eftir HM og jólafríið, Freysi kemur inn í klefa - erum ekki búnir að taka æfingu eða neitt - og hann er bara að lemja í okkur að þetta sé hægt. Hann var með glærusýningu, fór yfir tölfræði og allskonar. Síðan kemur smá trú þegar það gengur vel í æfingaleikjum fyrir mót.“ Sigrar á Bröndby og Midtjylland skömmu eftir að mótið fór aftur af stað þýddi að Lyngby var farið að trúa. Sævar Atli segir að Freyr eigi mikið hrós skilið fyrir hvernig hann hefur mótað leikmannahópinn og séð til þess að allir leikmenn liðsins eru samstíga fyrir komandi verkefni. Bæði Freyr og Sævar Atli eru uppaldir hjá Leikni Reykjavík í Breiðholti og segja má að félögin séu nokkuð lík þó það sé vissulega erfitt að bera þau saman.Mynd/Lyngby „Þetta er líkt Leikni að því leyti að maður þekkir alla í kringum félagið, það er svona fjölskyldu stemning. Maður er í sama húsi og allir, þekkir alla og hittir alla á hverjum einasta degi.“ Þessi fjölskyldu stemning gerir það að verkum að fjöldi fólks mætir alltaf á leiki þó útlitið hafi verið orðið frekar dökkt á tímabili. „Magnað hvað er búið að vera góð mæting. Fyrir áramót gekk ógeðslega illa en það var alltaf fólk að koma á völlinn, bara ótrúlegt.“ SEJR OVER FC MIDTJYLLAND Sikke en eftermiddag på Lyngby Stadion Knapt 7.500 tilskuere var med til at skabe en elektrisk stemning, der var med til at bære De Kongeblå frem til en forrygende 2-1-sejr over FC Midtjylland Læs referat af kampen her: pic.twitter.com/vrrdyrClcf— Lyngby Boldklub (@LyngbyBoldklub) May 7, 2023 Um framtíðina hjá Lyngby og landsliðinu „Hef mikla trú á að við höldum okkur uppi og sé enga ástæðu af hverju ég ætti að fara ef Lyngby er áfram í efstu deild. Yrði hrikalega stórt fyrir Lyngby að halda sér uppi, hafa ekki gert það undanfarin ár. Alltaf farið upp og niður,“ sagði Sævar Atli en núverandi samningur hans við félagið rennur út sumarið 2024. Sævar Atli hefur spilað tvo A-landsleiki og viðurkennir að hann telji leikstíl sinn henta núverandi landsliðsþjálfara ágætlega. „Ég myndi halda - veit ekkert um það - að allir séu með hreint blað. Það sem ég hef heyrt um hans leikstíl og hvernig hann mun leggja leiki íslenska landsliðsins upp þá held ég að ég sé alveg inn í myndinni. Það er bara undir mér komið að standa mig.“ Lyngby heimsækir Stefán Teit Þórðarson og félaga í Silkeborg á sunnudaginn kemur, 14. maí. Stig, í eintölu eða fleirtölu, er eflaust markmiðið en Silkeborg hefur tapað fjórum af síðustu fimm leikjum sínum. Eftir það mætir liðið svo OB á heimavelli en fjórar umferðir eru eftir af deildinni. BLIV KLAR TIL NÆSTE HJEMMEKAMP Søndag venter der en utrolig vigtig og spændende udekamp mod Silkeborg IF, men allerede nu kan du købe billet til næste hjemmekamp, hvor vi igen skal have fyldt Lyngby Stadion Mod FC Midtjylland var der komplet udsolgt på Lyngby-afsnittene, pic.twitter.com/WfQWqKeMAg— Lyngby Boldklub (@LyngbyBoldklub) May 11, 2023 Hvað gerist veit enginn en það að Lyngby eigi enn raunhæfan möguleika á að spila í efstu deild á næstu leiktíð er magnað eftir stigasöfnun liðsins fyrir áramót. Fótbolti Danski boltinn Landslið karla í fótbolta Mest lesið Jóhann lenti óvænt í flugi með formanninum og fer ekki fet Enski boltinn Íþróttahjón opna apótek saman: „Þetta var búið að blunda í okkur í einhvern tíma“ Sport Búast við gullregni með sölu á Stefáni til Englands Fótbolti Uppgjörið og viðtöl: Víkingur R. - Valur 0-2 | Ragnheiður heldur áfram að skora Íslenski boltinn Tækling Toni Kroos eyðilagði Evrópumótið fyrir Pedri Fótbolti Donny van de Beek snýr við blaðinu og fer til Spánar Enski boltinn Mótmælti sama brotinu tvisvar og var rekinn af velli Fótbolti Sjáðu fernu og dans Viktors, Valsara í stuði og tæpt jöfnunarmark KR Íslenski boltinn „Klikkaðir“ FH-ingar á grasi reyna að þyngja það með lóðum Íslenski boltinn „Líður eins og ég hafi svikið þjóð mína“ Fótbolti Fleiri fréttir Sædís lagði upp tvö í stórsigri Í beinni: FH - Breiðablik | Tekst FH-ingum að stríða Blikum? Uppgjörið og viðtöl: Víkingur R. - Valur 0-2 | Ragnheiður heldur áfram að skora Keflavík fagnaði sigri í botnslag Bestu deildarinnar Uppgjörið og viðtöl: Þróttur R. - Þór/KA 2-4 | Sandra María Jessen með þrennu í sigri Donny van de Beek snýr við blaðinu og fer til Spánar Michael Olise mættur til læknisskoðunar hjá Bayern München Tækling Toni Kroos eyðilagði Evrópumótið fyrir Pedri Mótmælti sama brotinu tvisvar og var rekinn af velli Úrúgvæ sló Brasilíu út í vítaspyrnukeppni „Klikkaðir“ FH-ingar á grasi reyna að þyngja það með lóðum Jóhann lenti óvænt í flugi með formanninum og fer ekki fet Vistaskipti Kilman gætu breytt framtíð E-deildarliðs Maidenhead Búast við gullregni með sölu á Stefáni til Englands Sjáðu fernu og dans Viktors, Valsara í stuði og tæpt jöfnunarmark KR „Líður eins og ég hafi svikið þjóð mína“ Fyrsta mark Bryndísar skipti sköpum FHL jók forskotið og dýrmætur sigur Þróttar Hollendingar lentu undir en mæta Englandi „Ég hef aldrei skammast mín jafn mikið“ Viktor með fernu: „Eitthvað sem ég vissi alltaf að byggi í mér“ Fyrsta mark Eggerts eftir mínútu á vellinum Uppgjör og viðtöl: Valur-Fylkir 4-0 | Valsmenn ekki í vandræðum með botnliðið Uppgjörið: Vestri-Breiðablik 2-2 | Fyrsta stig Vestra á Ísafirði en eru Blikar að missa af lestinni? Uppgjörið og viðtöl: KR-Stjarnan 1-1 | Axel Óskar tryggði heimamönnum stig Uppgjörið: ÍA-HK 8-0 | HK-ingar hnepptir í þrældóm á Írskum dögum Uppgjörið: Tindastóll-Stjarnan 0-0 | Víti í súginn og markalaust í Skagafirði Öll vítin inn og England í undanúrslit Íslenskur markvörður orðaður við Frey og félaga Jóhann Berg áfram hjá Burnley Sjá meira
Í Danmörku er tímabilið tvískipt þar sem það er lengra hlé um jólin - á miðju tímabili - en er á milli tímabila á sumrin. Þegar hlé var gert á deildinni fyrir áramót sat Íslendingalið Lyngby sem fastast á botninum. Lærisveinar Freys Alexanderssonar höfðu aðeins unnið einn leik en hann kom í síðasta leiknum fyrir frí. Freyr stýrði Lyngby upp í dönsku úrvalsdeildina á sínu 1. tímabili og stefnir á að halda liðinu þar.Lars Ronbog/Getty Images Flestir ef ekki allir voru búnir að dæma liðið niður í B-deild. Átti það einnig við um nokkra af leikmönnum liðsins og voru þeir í kjölfarið seldir áður en mótið fór af stað á nýjan leik. Þeir sem eftir voru lögðu hins vegar ekki árar í bát og nú þegar fjórar umferðir eru eftir er liðið vissulega enn fjórum stigum frá öruggu sæti en það er enn í séns og það skiptir öllu máli. Sést það best á fjölda fólks sem mætir á heimaleiki en alls mættu rúmlega 7500 á leikinn gegn Midtjylland. Vísir settist niður með Sævari Atla, einum af mönnunum sem er ástæða þess að Lyngby á enn möguleika á að spila í efstu deild á næstu leiktíð og fór yfir tímabilið. Sævar Atli hefur skorað 6 mörk og gefið 3 stoðsendingar í 25 leikjum í dönsku úrvalsdeildinni á leiktíðinni.Vísir/Getty „Það er hægt að horfa á sigurinn fyrir jól á tvo vegu. Við unnum og fórum ekki inn í fríð án þess að vera með einn sigur en vildum auðvitað keppa aftur næstu helgi því við vorum komnir með smá mómentum. Mikilvægt samt að vera með þennan eina sigur, að fara inn í pásuna án þess að hafa unnið einn leik ... úff.“ Eftir það seldi liðið nokkra „leikmenn sem höfðu staðið sig hvað best.“ Sævar Atli sagði að stemningin í klefanum hefði verið á þá átt að menn veltu fyrir sér hvort félagið væri einfaldlega að undirbúa sig fyrir fallið niður í B-deild. Eftir það sótti Lyngby nokkra leikmen, þar á meðal var Kolbeinn Birgir Finsson. Hann líkt og aðrir leikmenn sem félagið hefur sótt hafa lyft liðinu á hærra plan. „Okkur gekk síðan rosalega vel á undirbúningstímabilinu fyrir seinni hluta tímabilsins. Skrítið að vinna leiki sem skiptu engu máli en vorum að standa okkur rosalega vel. Búnir að finna liðið okkar og búnir að breyta um kerfi.“ Þetta breytta kerfi þýðir að Sævar Atli er nú kominn á miðjuna í 5-3-2 leikkerfi sem er þó mjög fljótandi. Áhugaverð hlutskipti þar sem hann var keyptur til Danmerkur sem framherji. Það hentar honum hins vegar ágætlega og þá býr hann að því að hafa spilað flestar ef ekki allar stöður á vellinum með uppeldisfélagi sínu Leikni Reykjavík á sínum tíma. „Núna fókusum við mikið á andstæðingana, Midtjylland var með tvo Brasilíumenn vinstra megin í vörninni sem eru báðir frekar villtir. Annar stígur rosalega mikið upp, um leið og ég myndi fara upp þá myndi annað hvort opnast svæði fyrir mig eða þá annan af framherjunum okkar. Það gekk rosalega vel, skorum fyrra markið [innskot: Kolbeinn Birgir með stoðsendinguna] eftir að við fórum í það svæði upphaflega og svo skora ég seinna eftir skyndisókn þeim megin.“ Kolbeinn Birgir var valinn í lið umferðarinnar eftir frammistöðu sína gegn Midtjylland.Lyngby Þessi fókus á andstæðingana gengur af því að liðið hefur trú á því sem er verið að gera. Í fyrsta leik eftir frí gerði Lyngby 1-1 jafntefli við topplið Nordsjælland. Alfreð Finnbogason með markið undir lok leiks. Það gaf mönnum trú sem og óbilandi trú Freysa á verkefninu. Hann fékk einnig íþróttasálfræðing til að ræða við liðið. „Það hjálpaði klárlega en það var bara í þetta eina skipti. Ég man að við komum til baka eftir HM og jólafríið, Freysi kemur inn í klefa - erum ekki búnir að taka æfingu eða neitt - og hann er bara að lemja í okkur að þetta sé hægt. Hann var með glærusýningu, fór yfir tölfræði og allskonar. Síðan kemur smá trú þegar það gengur vel í æfingaleikjum fyrir mót.“ Sigrar á Bröndby og Midtjylland skömmu eftir að mótið fór aftur af stað þýddi að Lyngby var farið að trúa. Sævar Atli segir að Freyr eigi mikið hrós skilið fyrir hvernig hann hefur mótað leikmannahópinn og séð til þess að allir leikmenn liðsins eru samstíga fyrir komandi verkefni. Bæði Freyr og Sævar Atli eru uppaldir hjá Leikni Reykjavík í Breiðholti og segja má að félögin séu nokkuð lík þó það sé vissulega erfitt að bera þau saman.Mynd/Lyngby „Þetta er líkt Leikni að því leyti að maður þekkir alla í kringum félagið, það er svona fjölskyldu stemning. Maður er í sama húsi og allir, þekkir alla og hittir alla á hverjum einasta degi.“ Þessi fjölskyldu stemning gerir það að verkum að fjöldi fólks mætir alltaf á leiki þó útlitið hafi verið orðið frekar dökkt á tímabili. „Magnað hvað er búið að vera góð mæting. Fyrir áramót gekk ógeðslega illa en það var alltaf fólk að koma á völlinn, bara ótrúlegt.“ SEJR OVER FC MIDTJYLLAND Sikke en eftermiddag på Lyngby Stadion Knapt 7.500 tilskuere var med til at skabe en elektrisk stemning, der var med til at bære De Kongeblå frem til en forrygende 2-1-sejr over FC Midtjylland Læs referat af kampen her: pic.twitter.com/vrrdyrClcf— Lyngby Boldklub (@LyngbyBoldklub) May 7, 2023 Um framtíðina hjá Lyngby og landsliðinu „Hef mikla trú á að við höldum okkur uppi og sé enga ástæðu af hverju ég ætti að fara ef Lyngby er áfram í efstu deild. Yrði hrikalega stórt fyrir Lyngby að halda sér uppi, hafa ekki gert það undanfarin ár. Alltaf farið upp og niður,“ sagði Sævar Atli en núverandi samningur hans við félagið rennur út sumarið 2024. Sævar Atli hefur spilað tvo A-landsleiki og viðurkennir að hann telji leikstíl sinn henta núverandi landsliðsþjálfara ágætlega. „Ég myndi halda - veit ekkert um það - að allir séu með hreint blað. Það sem ég hef heyrt um hans leikstíl og hvernig hann mun leggja leiki íslenska landsliðsins upp þá held ég að ég sé alveg inn í myndinni. Það er bara undir mér komið að standa mig.“ Lyngby heimsækir Stefán Teit Þórðarson og félaga í Silkeborg á sunnudaginn kemur, 14. maí. Stig, í eintölu eða fleirtölu, er eflaust markmiðið en Silkeborg hefur tapað fjórum af síðustu fimm leikjum sínum. Eftir það mætir liðið svo OB á heimavelli en fjórar umferðir eru eftir af deildinni. BLIV KLAR TIL NÆSTE HJEMMEKAMP Søndag venter der en utrolig vigtig og spændende udekamp mod Silkeborg IF, men allerede nu kan du købe billet til næste hjemmekamp, hvor vi igen skal have fyldt Lyngby Stadion Mod FC Midtjylland var der komplet udsolgt på Lyngby-afsnittene, pic.twitter.com/WfQWqKeMAg— Lyngby Boldklub (@LyngbyBoldklub) May 11, 2023 Hvað gerist veit enginn en það að Lyngby eigi enn raunhæfan möguleika á að spila í efstu deild á næstu leiktíð er magnað eftir stigasöfnun liðsins fyrir áramót.
Fótbolti Danski boltinn Landslið karla í fótbolta Mest lesið Jóhann lenti óvænt í flugi með formanninum og fer ekki fet Enski boltinn Íþróttahjón opna apótek saman: „Þetta var búið að blunda í okkur í einhvern tíma“ Sport Búast við gullregni með sölu á Stefáni til Englands Fótbolti Uppgjörið og viðtöl: Víkingur R. - Valur 0-2 | Ragnheiður heldur áfram að skora Íslenski boltinn Tækling Toni Kroos eyðilagði Evrópumótið fyrir Pedri Fótbolti Donny van de Beek snýr við blaðinu og fer til Spánar Enski boltinn Mótmælti sama brotinu tvisvar og var rekinn af velli Fótbolti Sjáðu fernu og dans Viktors, Valsara í stuði og tæpt jöfnunarmark KR Íslenski boltinn „Klikkaðir“ FH-ingar á grasi reyna að þyngja það með lóðum Íslenski boltinn „Líður eins og ég hafi svikið þjóð mína“ Fótbolti Fleiri fréttir Sædís lagði upp tvö í stórsigri Í beinni: FH - Breiðablik | Tekst FH-ingum að stríða Blikum? Uppgjörið og viðtöl: Víkingur R. - Valur 0-2 | Ragnheiður heldur áfram að skora Keflavík fagnaði sigri í botnslag Bestu deildarinnar Uppgjörið og viðtöl: Þróttur R. - Þór/KA 2-4 | Sandra María Jessen með þrennu í sigri Donny van de Beek snýr við blaðinu og fer til Spánar Michael Olise mættur til læknisskoðunar hjá Bayern München Tækling Toni Kroos eyðilagði Evrópumótið fyrir Pedri Mótmælti sama brotinu tvisvar og var rekinn af velli Úrúgvæ sló Brasilíu út í vítaspyrnukeppni „Klikkaðir“ FH-ingar á grasi reyna að þyngja það með lóðum Jóhann lenti óvænt í flugi með formanninum og fer ekki fet Vistaskipti Kilman gætu breytt framtíð E-deildarliðs Maidenhead Búast við gullregni með sölu á Stefáni til Englands Sjáðu fernu og dans Viktors, Valsara í stuði og tæpt jöfnunarmark KR „Líður eins og ég hafi svikið þjóð mína“ Fyrsta mark Bryndísar skipti sköpum FHL jók forskotið og dýrmætur sigur Þróttar Hollendingar lentu undir en mæta Englandi „Ég hef aldrei skammast mín jafn mikið“ Viktor með fernu: „Eitthvað sem ég vissi alltaf að byggi í mér“ Fyrsta mark Eggerts eftir mínútu á vellinum Uppgjör og viðtöl: Valur-Fylkir 4-0 | Valsmenn ekki í vandræðum með botnliðið Uppgjörið: Vestri-Breiðablik 2-2 | Fyrsta stig Vestra á Ísafirði en eru Blikar að missa af lestinni? Uppgjörið og viðtöl: KR-Stjarnan 1-1 | Axel Óskar tryggði heimamönnum stig Uppgjörið: ÍA-HK 8-0 | HK-ingar hnepptir í þrældóm á Írskum dögum Uppgjörið: Tindastóll-Stjarnan 0-0 | Víti í súginn og markalaust í Skagafirði Öll vítin inn og England í undanúrslit Íslenskur markvörður orðaður við Frey og félaga Jóhann Berg áfram hjá Burnley Sjá meira
Uppgjörið: Vestri-Breiðablik 2-2 | Fyrsta stig Vestra á Ísafirði en eru Blikar að missa af lestinni?