Guð­mundur hættir sem for­stjóri Varðar

Guðmundur segir tíma sinn hjá verði hafa verið afar ánægjulegan og segir það vera forréttindi að hafa fengið að leiða starfsfólk tryggingafélagsins. Í tilkynningu er haft eftir Guðmundi að hann kveðji félagið sáttur og fullur þakklætis.

Benedikt Olgeirsson, formaður stjórnar Varðar, þakkar Guðmundi fyrir vel unnin störf og gott samstarf. 

„Það verða vissulega tímamót hjá félaginu þegar Guðmundur lætur af störfum á næsta ári. Guðmundur hefur verið afar farsæll forstjóri og gegnt lykilhlutverki í vexti og velgengni félagsins á undanförnum árum,“ er haft eftir Benedikt í tilkynningu. 

Guðmundur mun gegna starfi forstjóra fram á nýtt ár eða þar til arftaki hans er fundinn.