Varstu ekki örugglega með límmiða yfir glasinu þínu? Kolbeinn Tumi Daðason skrifar 15. maí 2017 11:15 Nöfnunarnar Hildur Lilliendahl og Hildur Sverrisdóttir eru efins um verkefnið. Vísir Nöfnurnar Hildur Sverrisdóttir þingmaður og Hildur Lilliendahl eru meðal þeirra sem eru efins um að límmiðar til að setja á glös á skemmtistöðum bæjarins til að sporna við nauðgunarlyfum sé skref í rétta átt. Fjallað var um verkefnið í Fréttablaðinu í dag en verndari þess er forseti Íslands, Guðni Th. Jóhannesson. Telja þær að með verkefninu sé verið að setja ábyrgðina yfir á þolandann, en ekki gerandann. Límmiðalausnin, ef hana má kalla, nær auk þess aðeins til drykkja sem er hægt að drekka með röri. Límmiðarnir eru merktir tónlistarhátíðinni Secret Solstice. Færsla Hildar Sverrisdóttur. Tónlistarkonan Þórunn Antonía Magnúsdóttir, kynningarstjóri Secret Solstice, fékk hugmyndina að verkefninu. Límmiðarnir eru með litlu gati fyrir rör sem líma má ofan á glösin. Þannig eigi ekki að vera hægt að lauma nauðgunarlyfjum ofan í glösin. Skemmistaðirnir Prikið, b5 og Dillon taka þátt í verkefninu. „Ég veit að þetta er kannski ekki lausn en þetta er hugmynd og ég er að reyna að skapa umtal og vitundarvakningu um að við eigum að passa hvert annað,“ segir Þórunn Antonía í Fréttablaðinu í dag. „Hugmyndin kviknaði út frá sorg og vanmáttarkennd stúlku sem er mér afar kær og var byrlað lyf á skemmtistað og nauðgað. “ Dáist að virðingarverðri hugsun Hildur Sverrisdóttir, þingkona Sjálfstæðisflokksins, tekur viljann fyrir verkið en er full umhugsunar um verkefnið. „Ég dáist að virðingarverðri hugsun, hlýju og samkennd í þessum vilja til að passa upp á náungann. En ég óttast að þarna sé verið að stíga varhugaverð skref. Konur eiga að geta skemmt sér án límmiða yfir glasinu sínu. Það má heldur ekki verða konu „að kenna” ef henni eru byrluð lyf því hún hafði ekki límmiða á drykknum. Langaði að fá að nefna þetta til hliðsjónar í þessari mikilvægu umræðu,“ segir Hildur. Færsla Hildar Lilliendahl. Hildi Lilliendahl finnst nafna sín stíga varlega til jarðar. „Mig langar bara að öskra hluti,“ segir Hildur Lilliendahl. Nafna hennar Sverrisdóttir bendir á að það sé líkast til munurinn á þeim tveim. Hildur Lilliendahl segist í kaldhæðnistón fagna því að loksins hafi einhver tekið af skarið og skellt fram hugmynd að fýsískri lausn fyrir konur til að koma í veg fyrir að karlar nauðgi þeim. „Af hverju að stoppa þarna? Hvað með bara skírlífisbelti? Eða að hafa Secret Solstice bara fyrir karla? Tónlistin á hátíðinni er nánast bara eftir karla hvort sem er. Ég skil ekki hvað konur eru að gera utandyra. Vita þær ekki að þær eru að taka áhættu?“ spyr Hildur. „Eða, með orðum hugmyndasmiðsins: „Ábyrgðin er ekki bara þeirra sem drekka úr glasinu heldur allra í kring.““ *TW* Varstu ölvuð? Hvernig varstu klædd? VARSTU EKKI ÖRUGGLEGA MEÐ LÍMMIÐA YFIR GLASINU ÞÍNU?!— Kratababe93 (@ingabbjarna) May 15, 2017 Linnulausar árásir Ósk Gunnlaugsdóttir, sem steig fram í viðtali við Stundina árið 2015 og sagði frá nauðgun sem hún varð fyrir af hendi landsþekkts manns, leggur orð í belg og segir í gríni: „Hvað með að setja í lög að konur þurfi alltaf að vera í fylgd með karlkynsfjölskyldumeðlimi?“ Helga Björg Laxdal, skrifstofustjóri borgarstjórnar, segir kaldhæðnislega að nú sé búið að leysa vandamálið, sem nauðganir séu. „Límmiði á glasið og anti-nauðgunarnaglalakkið á puttana. Allir glaðir á djamminu.“ Lögfræðingurinn Auður Kolbrá Birgisdóttir er sömuleiðis hugsi yfir málinu. „Auðvitað viljum við ekki þurfa límmiða yfir drykkina okkar, það er fáránlegt. En er fáránlegt að verja sig gegn linnulausum árásum?“ Auðvitað viljum við ekki þurfa límmiða yfir drykkina okkar, það er fáránlegt. En er fáránlegt að verja sig gegn linnulausum árásum?— Auður Kolbrá (@AudurKolbra) May 15, 2017 Það er árið 2017 Þórunn Ólafsdóttir, sem hefur unnið mikið hjálparstarf í þágu flóttamanna undanfarin misseri, er sömuleiðis hugsi. „Það minnist enginn á gerendur þarna. Það er auðvitað á ábyrgð nauðgara að nauðga ekki. Allt annað er bara rugl. Elsku stelpur, það er ekki ykkar að passa ykkur. Það er alveg sama hvað þið gerið eða gerið ekki, það er aldrei á ykkar ábyrgð ef einhver brýtur á ykkur,“ segir Þórunn. „Ég vil núna sjá herferð sem beinist að gerendum, takk. Það er 2017.“ Secret Solstice Tengdar fréttir Eru saman í liði gegn nauðgunum Þórunn Antonía Magnúsdóttir vill koma í veg fyrir að fólki séu byrluð nauðgunarlyf. Hún lét gera límmiða sem settur er ofan á glös. Guðni Th. er verndari verkefnisins. Dillon, B5 og Prikið taka þátt. 15. maí 2017 07:00 Mest lesið „Hreint og klárt vistmorð sem hér á sér stað“ Innlent Ölvaður ökumaður keyrði á umferðareyju og reyndi að flýja Innlent Allt að tuttugu stiga hiti í dag Veður N1-mót og Dyrfjallahlaup í skítaveðri Innlent Lögregla vopnaðist og skotvopn haldlagt Innlent Eldur kviknaði inni á veitingastað í Ármúla Innlent Miklar framkvæmdir á Kirkjubæjarklaustri fyrir unga fólkið Innlent Yfirgáfu skarkalann í borginni og gerðust ferðaþjónustubændur Innlent Fannst fyrir botni Birnudals Innlent Tveir í haldi lögreglu vegna meintrar skotárásar Innlent Fleiri fréttir Útilokar ekki kosningu en Jón vill kjósa áður en það verður of seint Íbúum í Árborg fjölgar um 600 til 700 á ári Reikna með að hefja formlegar sameiningarviðræður í haust Annríkt hjá lögreglu á stærsta degi Írskra daga Lögregluaðgerðir í Rangárþingi og sameining Skorradals og Borgarbyggðar Lögregla vopnaðist og skotvopn haldlagt Ölvaður ökumaður keyrði á umferðareyju og reyndi að flýja Miklar framkvæmdir á Kirkjubæjarklaustri fyrir unga fólkið Slökkviliðið kallað út vegna reyks á skemmtistað Sjö gistu fangageymslur á höfuðborgarsvæðinu í nótt Eldur kviknaði inni á veitingastað í Ármúla N1-mót og Dyrfjallahlaup í skítaveðri „Hreint og klárt vistmorð sem hér á sér stað“ Tveir í haldi lögreglu vegna meintrar skotárásar Yfirgáfu skarkalann í borginni og gerðust ferðaþjónustubændur Uppgjöf eftir áratugabaráttu við kerfið og meint skotárás í Þykkvabæ Fannst fyrir botni Birnudals Segir menn hafa skotið á gröfumann við vinnu Fluttu sex á slysadeild eftir harðan árekstur í Breiðholti Umdeild starfsemi hafi ekki áhrif á neysluvatn íbúa Mikil stemning á Goslokahátíð í Vestmannaeyjum Göngumaðurinn fannst látinn „Ótrúlegt hvað er hægt ef maður hefur hugmyndaflugið“ 30 tilvik skráð: „Alltaf einhverjir sem fara út af sporinu“ Nýjar stofnanir hafi aðsetur á landsbyggðinni Maður handtekinn tvisvar í nótt fyrir sama brot Ná að stytta biðlista og kynjaskipta meðferðinni Kristrún segir mál sem skekið hafa Samfylkinguna ekki svarthvít Meira um ofbeldi og hótanir og starfsfólk upplifir óöryggi í vinnunni Glæsilegt gullregn og hlynur í Hveragerði Sjá meira
Nöfnurnar Hildur Sverrisdóttir þingmaður og Hildur Lilliendahl eru meðal þeirra sem eru efins um að límmiðar til að setja á glös á skemmtistöðum bæjarins til að sporna við nauðgunarlyfum sé skref í rétta átt. Fjallað var um verkefnið í Fréttablaðinu í dag en verndari þess er forseti Íslands, Guðni Th. Jóhannesson. Telja þær að með verkefninu sé verið að setja ábyrgðina yfir á þolandann, en ekki gerandann. Límmiðalausnin, ef hana má kalla, nær auk þess aðeins til drykkja sem er hægt að drekka með röri. Límmiðarnir eru merktir tónlistarhátíðinni Secret Solstice. Færsla Hildar Sverrisdóttur. Tónlistarkonan Þórunn Antonía Magnúsdóttir, kynningarstjóri Secret Solstice, fékk hugmyndina að verkefninu. Límmiðarnir eru með litlu gati fyrir rör sem líma má ofan á glösin. Þannig eigi ekki að vera hægt að lauma nauðgunarlyfjum ofan í glösin. Skemmistaðirnir Prikið, b5 og Dillon taka þátt í verkefninu. „Ég veit að þetta er kannski ekki lausn en þetta er hugmynd og ég er að reyna að skapa umtal og vitundarvakningu um að við eigum að passa hvert annað,“ segir Þórunn Antonía í Fréttablaðinu í dag. „Hugmyndin kviknaði út frá sorg og vanmáttarkennd stúlku sem er mér afar kær og var byrlað lyf á skemmtistað og nauðgað. “ Dáist að virðingarverðri hugsun Hildur Sverrisdóttir, þingkona Sjálfstæðisflokksins, tekur viljann fyrir verkið en er full umhugsunar um verkefnið. „Ég dáist að virðingarverðri hugsun, hlýju og samkennd í þessum vilja til að passa upp á náungann. En ég óttast að þarna sé verið að stíga varhugaverð skref. Konur eiga að geta skemmt sér án límmiða yfir glasinu sínu. Það má heldur ekki verða konu „að kenna” ef henni eru byrluð lyf því hún hafði ekki límmiða á drykknum. Langaði að fá að nefna þetta til hliðsjónar í þessari mikilvægu umræðu,“ segir Hildur. Færsla Hildar Lilliendahl. Hildi Lilliendahl finnst nafna sín stíga varlega til jarðar. „Mig langar bara að öskra hluti,“ segir Hildur Lilliendahl. Nafna hennar Sverrisdóttir bendir á að það sé líkast til munurinn á þeim tveim. Hildur Lilliendahl segist í kaldhæðnistón fagna því að loksins hafi einhver tekið af skarið og skellt fram hugmynd að fýsískri lausn fyrir konur til að koma í veg fyrir að karlar nauðgi þeim. „Af hverju að stoppa þarna? Hvað með bara skírlífisbelti? Eða að hafa Secret Solstice bara fyrir karla? Tónlistin á hátíðinni er nánast bara eftir karla hvort sem er. Ég skil ekki hvað konur eru að gera utandyra. Vita þær ekki að þær eru að taka áhættu?“ spyr Hildur. „Eða, með orðum hugmyndasmiðsins: „Ábyrgðin er ekki bara þeirra sem drekka úr glasinu heldur allra í kring.““ *TW* Varstu ölvuð? Hvernig varstu klædd? VARSTU EKKI ÖRUGGLEGA MEÐ LÍMMIÐA YFIR GLASINU ÞÍNU?!— Kratababe93 (@ingabbjarna) May 15, 2017 Linnulausar árásir Ósk Gunnlaugsdóttir, sem steig fram í viðtali við Stundina árið 2015 og sagði frá nauðgun sem hún varð fyrir af hendi landsþekkts manns, leggur orð í belg og segir í gríni: „Hvað með að setja í lög að konur þurfi alltaf að vera í fylgd með karlkynsfjölskyldumeðlimi?“ Helga Björg Laxdal, skrifstofustjóri borgarstjórnar, segir kaldhæðnislega að nú sé búið að leysa vandamálið, sem nauðganir séu. „Límmiði á glasið og anti-nauðgunarnaglalakkið á puttana. Allir glaðir á djamminu.“ Lögfræðingurinn Auður Kolbrá Birgisdóttir er sömuleiðis hugsi yfir málinu. „Auðvitað viljum við ekki þurfa límmiða yfir drykkina okkar, það er fáránlegt. En er fáránlegt að verja sig gegn linnulausum árásum?“ Auðvitað viljum við ekki þurfa límmiða yfir drykkina okkar, það er fáránlegt. En er fáránlegt að verja sig gegn linnulausum árásum?— Auður Kolbrá (@AudurKolbra) May 15, 2017 Það er árið 2017 Þórunn Ólafsdóttir, sem hefur unnið mikið hjálparstarf í þágu flóttamanna undanfarin misseri, er sömuleiðis hugsi. „Það minnist enginn á gerendur þarna. Það er auðvitað á ábyrgð nauðgara að nauðga ekki. Allt annað er bara rugl. Elsku stelpur, það er ekki ykkar að passa ykkur. Það er alveg sama hvað þið gerið eða gerið ekki, það er aldrei á ykkar ábyrgð ef einhver brýtur á ykkur,“ segir Þórunn. „Ég vil núna sjá herferð sem beinist að gerendum, takk. Það er 2017.“
Secret Solstice Tengdar fréttir Eru saman í liði gegn nauðgunum Þórunn Antonía Magnúsdóttir vill koma í veg fyrir að fólki séu byrluð nauðgunarlyf. Hún lét gera límmiða sem settur er ofan á glös. Guðni Th. er verndari verkefnisins. Dillon, B5 og Prikið taka þátt. 15. maí 2017 07:00 Mest lesið „Hreint og klárt vistmorð sem hér á sér stað“ Innlent Ölvaður ökumaður keyrði á umferðareyju og reyndi að flýja Innlent Allt að tuttugu stiga hiti í dag Veður N1-mót og Dyrfjallahlaup í skítaveðri Innlent Lögregla vopnaðist og skotvopn haldlagt Innlent Eldur kviknaði inni á veitingastað í Ármúla Innlent Miklar framkvæmdir á Kirkjubæjarklaustri fyrir unga fólkið Innlent Yfirgáfu skarkalann í borginni og gerðust ferðaþjónustubændur Innlent Fannst fyrir botni Birnudals Innlent Tveir í haldi lögreglu vegna meintrar skotárásar Innlent Fleiri fréttir Útilokar ekki kosningu en Jón vill kjósa áður en það verður of seint Íbúum í Árborg fjölgar um 600 til 700 á ári Reikna með að hefja formlegar sameiningarviðræður í haust Annríkt hjá lögreglu á stærsta degi Írskra daga Lögregluaðgerðir í Rangárþingi og sameining Skorradals og Borgarbyggðar Lögregla vopnaðist og skotvopn haldlagt Ölvaður ökumaður keyrði á umferðareyju og reyndi að flýja Miklar framkvæmdir á Kirkjubæjarklaustri fyrir unga fólkið Slökkviliðið kallað út vegna reyks á skemmtistað Sjö gistu fangageymslur á höfuðborgarsvæðinu í nótt Eldur kviknaði inni á veitingastað í Ármúla N1-mót og Dyrfjallahlaup í skítaveðri „Hreint og klárt vistmorð sem hér á sér stað“ Tveir í haldi lögreglu vegna meintrar skotárásar Yfirgáfu skarkalann í borginni og gerðust ferðaþjónustubændur Uppgjöf eftir áratugabaráttu við kerfið og meint skotárás í Þykkvabæ Fannst fyrir botni Birnudals Segir menn hafa skotið á gröfumann við vinnu Fluttu sex á slysadeild eftir harðan árekstur í Breiðholti Umdeild starfsemi hafi ekki áhrif á neysluvatn íbúa Mikil stemning á Goslokahátíð í Vestmannaeyjum Göngumaðurinn fannst látinn „Ótrúlegt hvað er hægt ef maður hefur hugmyndaflugið“ 30 tilvik skráð: „Alltaf einhverjir sem fara út af sporinu“ Nýjar stofnanir hafi aðsetur á landsbyggðinni Maður handtekinn tvisvar í nótt fyrir sama brot Ná að stytta biðlista og kynjaskipta meðferðinni Kristrún segir mál sem skekið hafa Samfylkinguna ekki svarthvít Meira um ofbeldi og hótanir og starfsfólk upplifir óöryggi í vinnunni Glæsilegt gullregn og hlynur í Hveragerði Sjá meira
Eru saman í liði gegn nauðgunum Þórunn Antonía Magnúsdóttir vill koma í veg fyrir að fólki séu byrluð nauðgunarlyf. Hún lét gera límmiða sem settur er ofan á glös. Guðni Th. er verndari verkefnisins. Dillon, B5 og Prikið taka þátt. 15. maí 2017 07:00