Peter Boyle látinn 15. desember 2006 13:45 Boyle ásamt Ray Romano og Brad Garett sem léku syni hans í Everybody Loves Raymond. MYND/AP Leikarinn Peter Boyle, sem er þekktastur í seinni tíð fyrir að leika pabbann Frank Barone í gamanþættinum Everybody Loves Raymond, er látinn, 71 árs að aldri. Boyle lést á sjúkrahúsi í New York eftir að hafa átt við veikindi að stríða í nokkurn tíma. Hann fékk heilablóðfall árið 1990 og gat ekki talað í sex mánuði á eftir. Árið 1999 fékk hann síðan hjartaáfall á tökustað Everybody Loves Raymond en náði heilsu aftur skömmu síðar.Hæfileikaríkur leikariBoyle á farsælan feril að baki bæði í sjónvarpi og kvikmyndum.„Ég er afar sorgmæddur vegna dauða Peters Boyle," sagði Ray Romano, sem leikur aðalhlutverkið í Everybody Loves Raymond. „Hann gaf mér góð ráð og fékk mig alltaf til að hlæja. Það hversu góðum tengslum hann náði við alla í kringum sig kom mér alltaf jafnmikið á óvart. Að hann skuli hafa getað leikið svo sannfærandi durg í þættinum á meðan hann var í raun og veru samúðarfull og yndisleg persóna, sýnir vel hversu hæfileikaríkur hann var," sagði Romano.„Þetta er eins og að missa maka sinn," bætti Doris Roberts, sem lék eiginkonu Boyles í þættinum. Þáttaröðin Everybody Loves Raymond lauk göngu sinni á síðasta ári eftir níu ára sigurgöngu.Farsæll ferillFerill Peters Boyle í kvikmyndunum hafði verið nokkuð glæsilegur áður en hann hóf leik í Everybody Loves Raymond árið 1996. Meðal annars lék hann í hinni sígildu kvikmynd Taxi Driver eftir Martin Scorsese og Joe sem kom út 1970.Í upphafi ferils síns var Boyle jafnan ráðinn í hlutverk ýmiss konar rudda og harðjaxla en sú ímynd rann fljótlega af honum eftir að hann lék í The Candidate á móti Robert Redford og í gamanmyndinni Young Frankenstein eftir Mel Brooks.Á meðal fleiri mynda sem Boyle lék í má nefna voru Johnny Dangerously, The Dream Team, Monster"s Ball, The Santa Clause, The Santa Clause 2 og While You Were Sleeping. Í sjónvarpi vann hann meðal annars Emmy-verðlaun fyrir gestahlutverk sitt í The X-Files árið 1996.Vinur Johns LennonBoyle bjó allt sitt líf í New York með eiginkonu sinni og eignuðust þau tvær dætur saman. Kona hans var góð vinkona Yoko Ono og varð Boyle í kjölfarið náinn vinur Johns Lennon. Var Bítillinn fyrrverandi m.a. svaramaður í brúðkaupi hans. „Við leituðum báðir að sannleikanum og reyndum að finna skjóta leið að því að verða upplýstari manneskjur," sagði Boyle eitt sinn um Lennon. Mest lesið Sauð upp úr í stjörnufansi á golfmóti Coolbet Lífið Setti sér markmið og hóf veitingarekstur átján ára Lífið Ólafía Hrönn reyndist vera á bak við „stóra pokamálið“ Lífið Júlía Margrét gengin út Lífið Kvikmyndastjarna slær í gegn á Landsmóti hestamanna Lífið Fannst eins og hann væri eini fulli í brekkunni fyrir hádegi Lífið Helvítis kokkurinn: Gómsætar grillaðar lambakótelettur Lífið Götutíska fyrir íslenskar aðstæður Lífið Þurfti að vinda skyrtuna eftir tryllt gigg í Víetnam Tónlist Gyðjusamkoma með glæsilegum gellum Lífið Fleiri fréttir Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira
Leikarinn Peter Boyle, sem er þekktastur í seinni tíð fyrir að leika pabbann Frank Barone í gamanþættinum Everybody Loves Raymond, er látinn, 71 árs að aldri. Boyle lést á sjúkrahúsi í New York eftir að hafa átt við veikindi að stríða í nokkurn tíma. Hann fékk heilablóðfall árið 1990 og gat ekki talað í sex mánuði á eftir. Árið 1999 fékk hann síðan hjartaáfall á tökustað Everybody Loves Raymond en náði heilsu aftur skömmu síðar.Hæfileikaríkur leikariBoyle á farsælan feril að baki bæði í sjónvarpi og kvikmyndum.„Ég er afar sorgmæddur vegna dauða Peters Boyle," sagði Ray Romano, sem leikur aðalhlutverkið í Everybody Loves Raymond. „Hann gaf mér góð ráð og fékk mig alltaf til að hlæja. Það hversu góðum tengslum hann náði við alla í kringum sig kom mér alltaf jafnmikið á óvart. Að hann skuli hafa getað leikið svo sannfærandi durg í þættinum á meðan hann var í raun og veru samúðarfull og yndisleg persóna, sýnir vel hversu hæfileikaríkur hann var," sagði Romano.„Þetta er eins og að missa maka sinn," bætti Doris Roberts, sem lék eiginkonu Boyles í þættinum. Þáttaröðin Everybody Loves Raymond lauk göngu sinni á síðasta ári eftir níu ára sigurgöngu.Farsæll ferillFerill Peters Boyle í kvikmyndunum hafði verið nokkuð glæsilegur áður en hann hóf leik í Everybody Loves Raymond árið 1996. Meðal annars lék hann í hinni sígildu kvikmynd Taxi Driver eftir Martin Scorsese og Joe sem kom út 1970.Í upphafi ferils síns var Boyle jafnan ráðinn í hlutverk ýmiss konar rudda og harðjaxla en sú ímynd rann fljótlega af honum eftir að hann lék í The Candidate á móti Robert Redford og í gamanmyndinni Young Frankenstein eftir Mel Brooks.Á meðal fleiri mynda sem Boyle lék í má nefna voru Johnny Dangerously, The Dream Team, Monster"s Ball, The Santa Clause, The Santa Clause 2 og While You Were Sleeping. Í sjónvarpi vann hann meðal annars Emmy-verðlaun fyrir gestahlutverk sitt í The X-Files árið 1996.Vinur Johns LennonBoyle bjó allt sitt líf í New York með eiginkonu sinni og eignuðust þau tvær dætur saman. Kona hans var góð vinkona Yoko Ono og varð Boyle í kjölfarið náinn vinur Johns Lennon. Var Bítillinn fyrrverandi m.a. svaramaður í brúðkaupi hans. „Við leituðum báðir að sannleikanum og reyndum að finna skjóta leið að því að verða upplýstari manneskjur," sagði Boyle eitt sinn um Lennon.
Mest lesið Sauð upp úr í stjörnufansi á golfmóti Coolbet Lífið Setti sér markmið og hóf veitingarekstur átján ára Lífið Ólafía Hrönn reyndist vera á bak við „stóra pokamálið“ Lífið Júlía Margrét gengin út Lífið Kvikmyndastjarna slær í gegn á Landsmóti hestamanna Lífið Fannst eins og hann væri eini fulli í brekkunni fyrir hádegi Lífið Helvítis kokkurinn: Gómsætar grillaðar lambakótelettur Lífið Götutíska fyrir íslenskar aðstæður Lífið Þurfti að vinda skyrtuna eftir tryllt gigg í Víetnam Tónlist Gyðjusamkoma með glæsilegum gellum Lífið Fleiri fréttir Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira