Atvinnulíf

Nýtt trend: Engir yfir­menn á vinnu­staðnum

Rakel Sveinsdóttir skrifar
Það má alveg velta því fyrir sér hvernig stjórnun vinnustaða og stofnana verður háttað þegar þessi litli gaur verður orðinn stór. Því nú þegar eru nokkuð skýrar vísbendingar um að nánast allt muni breytast í stjórnun vinnustaða næstu ár og áratugi. Hvaða leið svo sem verður mest ríkjandi síðar.
Það má alveg velta því fyrir sér hvernig stjórnun vinnustaða og stofnana verður háttað þegar þessi litli gaur verður orðinn stór. Því nú þegar eru nokkuð skýrar vísbendingar um að nánast allt muni breytast í stjórnun vinnustaða næstu ár og áratugi. Hvaða leið svo sem verður mest ríkjandi síðar. Vísir/Getty

Eitt af því sem mikið hefur verið rætt, ritað um og rannsakað síðustu árin, er helgun starfsmanna. Sem snýst um að rýna í það hversu nátengt og skuldbundið fólk upplifi sig í starfi. Hversu miklu máli starfið og vinnustaðurinn skipti fólk.

Almennt virðast niðurstöður þróast niður á við. Helgun starfsmanna fer hríðlækkandi og með tilliti til þess að árið 2025 verður Z-kynslóðin 27% starfsfólks í heiminum, er ekki laust við að margir hafi af þessu verulegar áhyggjur.

Því Z kynslóðin er jú líkleg til að horfa allt öðruvísi augum á framtíðina með tillit til vinnuveitenda og starfa.

Á dögunum fjallaði viðskiptavefurinn FastCompany um nokkuð áhugavert trend. Sem þó er ekki alveg nýtt af nálinni. Kannski frekar að verða meira áberandi.

Trendið snýst um það að hreinlega svissa út öllum yfirmönnum.

Já: Stjórnendastöðurnar eru lagðar niður í þeirri merkingu að viðkomandi sé yfirmaður. 

Þetta þýðir ekki að stöðugildi með stjórnendaheiti séu ekki lengur til staðar innan fyrirtækja. Heldur eingönu það að viðkomandi telst ekki lengur yfirmaður.

Á ensku er talað um þetta nýja trend sem „The Great Unbossing.“ 

Að svissa út stjórnendum sem beinum yfirmönnum snýst í stuttu máli um að traustið er fært til starfsfólks og hverjum og einum gert að stjórna sjálfum sér og sinna sínu. Án þess að vera með yfirmann.

Sumir vilja meina að þessi af-stjórnunarleið, eða Unbossing, sé dæmi um hvernig atvinnulífið er að reyna að bregðast við hröðum breytingum með því að hugsa út fyrir boxið. Meðal annars með tilliti til Z-kynslóðarinnar sem svo sannarlega er sögð munu breyta nánast öllu.

Aðrir benda á að ekkert sé svo nýtt undir sólinni að það hafi ekki verið reynt áður. Meira að segja Grikkir til forna, prófuðu ýmsar leiðir í svipuðum dúr.

Þeir sem aðhyllast þessa leið, telja af-stjórnunina mögulega geta kynt undir helgun starfsmanna. Að það að geta stjórnað sér sjálfum muni hvetja fólk til dáða, auka á eldmóð og áhuga og fyrir vikið auka á helgun starfsfólks.

Hvað svo sem verður, má telja líklegt að á næsta áratug muni ýmislegt breytast verulega í stjórnun fyrirtækja og stofnana. Þar sem nýir tímar eru að taka við.

Hér að neðan má sjá viðtal við Önnu Signý Guðbjörnsdóttur hjá hugbúnaðarfyrirtækinu Kolibri, en það styðst við „holacracy“ aðferðarfræðina í sínum rekstri. Sú aðferðarfræði gengur einmitt út á að hver einstaklingur er í ábyrgð fyrir sjálfum sér og sínum störfum og því telst enginn vera yfirmaður eða undirmaður.

Stjórnun Mannauðsmál Vinnustaðurinn Vinnustaðamenning Starfsframi

Tengdar fréttir

Z kyn­slóðin er allt öðru­vísi en eldri kyn­slóðir og mun breyta öllu

„Við þurfum alltaf að taka samtalið. Við þurfum alltaf að passa að vera í samráði við unga fólkið því að þau munu breyta öllu. Z kynslóðin, sem nú er 10 til 27 ára, er kynslóð sem er allt öðruvísi en kynslóðin sem er ríkjandi stjórnendahópur í dag,“ segir Anna Steinsen einn eigandi KVAN.

Fjórar kynslóðir á sömu vinnustöðum: Mikilvægt að þjálfa næstu kynslóð leiðtoga

„Eitt af því sem stendur upp úr í íslensku atvinnulífi í augnablikinu er að í fyrsta skipti erum við með fjórar ólíkar kynslóðir að vinna saman. Þetta eru þá kynslóðirnar sem eru Z kynslóðin, aldamótakynslóðin, X kynslóðin og sú sem er að jafnaði kölluð Baby boomers kynslóðin,“ segir Guðrún Högnadóttir framkvæmdastjóri Franklin Covey.



Mest lesið


Fleiri fréttir

Sjá meira


×

Mest lesið