Óttast að tapa bestu flúðum landsins í virkjun Oddur Ævar Gunnarsson skrifar 16. ágúst 2024 07:00 Kajakræðari tekst á við flúðirnar í Tungufljóti. Arctic Rafting Björgunarsveitarfólk auk kajak samfélagsins á Íslandi óttast áform um virkjun Tungufljóts í Bláskógabyggð. Fljótið er nýtt undir æfingar í straumvatnsbjörgun af björgunarsveitum og þykir einstakt hér á landi. Eigandi Arctic Rafting óttast að árlegt kajakmót sem þar fer fram nú um helgina verði það síðasta. „Þarna hefur verið haldið kajakmót síðan árið 2004 og Tungufljótið sinnir gríðarlega mikilvægu hlutverki í þjálfun í flúðasiglingum fyrir björgunarsveitarmenn og aðra,“ segir Tinna Sigurðardóttir í samtali við Vísi, eigandi Arctic Rafting og skipuleggjandi Túrbó Kayak festival sem fram fer í Tungufljóti nú um helgina, laugardaginn 17. ágúst. Markmiðið að nýta tækifærin á jörðinni Áformin lúta að tillögu landeigenda um aðalskipulagsbreytingu á Bryggju spildu í Bláskógabyggð. Í breytingunni felast skilgreiningar á frístundasvæði, verslunar- og þjónustusvæði og iðnaðarsvæði fyrir allt að 4,5 megawatta virkjun. Sveitarstjórn hefur samþykkt tillöguna til kynningar og stendur til að haldinn verði íbúafundur um málið. Horft yfir hluta skipulagssvæðisins í Bryggju. Sér í Haukadalsskóg ofan við miðja mynd. Segir í skipulagsgátt að markmið landeigenda sé að nýta þau tækifæri sem til staðar séu á jörðinni. Svæðið sé áhugavert fyrir frístundabyggð, bæði vegna nálægðar við Geysissvæðið og útivistarmöguleika á stígum í Haukadalsskógi. Þá sé talsverð umferð um Biskupstungnabraut sem liggi sunnan svæðisins og vilja landeigendur geta boðið upp á þjónustu fyrir þá. Vilja landeigendur fá heimild til að vera með allt að 35 frístundalóðir, þar sem tvö hús verði byggð á hverri lóð. Þeir vilja að heimilt verði að vera með veitingar og gistingu fyrir allt að fjörutíu gesti og þjónustu við ferðamenn og frístundabyggðina. Gerð verði um fjögurra metra há stífla í vesturhluta farvegar Tungufljóts þannig myndist um eins hektara miðlunarlón. Skipi afgerandi hlutverk í þjálfun björgunarsveita Í umsögnum vegna málsins lýsa kajakræðarar yfir miklum áhyggjum vegna áformanna. Tungufljótið sinni gríðarlega mikilvægu hlutverki í þjálfun leiðsögumanna í flúðasiglingum. Þá kemur fram í umsögn Kayakklúbbsins á Íslandi að framkvæmdirnar yrðu þungt högg fyrir klúbbinn. Bent er á að árlega séu haldin námskeið fyrir almenning í flúðasiglingum þar sem alþjóðlegir kennarar mæti. Flúðirnar í Tungufljóti séu ekki bara fallegar, heldur skipi þær mikilvægan sess í vatnasports menningunni á Íslandi. Kajakróður hafi verið stundaður í þeim hluta Tungufljóts sem virkjunin muni hafa mest áhrif á síðan árið 1995, í 22 ár. Bryggja er innan rauða hringsins og liggur að Tungufljóti, Biskupstungnabraut, Almenningsá (merkt Stekkjartúnsá á mynd) og Haukadalsskógi. Þá leggja ýmsar björgunarsveitir og deildir innan Landsbjargar fram umsögn vegna málsins. Þar á meðal eru Björgunarskóli Slysavarnafélagsins Landsbjargar, straumvatnsflokkur Hjálparsveita Skáta í Kópavogi, Hjálparsveit Skáta í Reykjavík, Flugbjörgunarsveitin í Reykjavík og Björgunarfélag Árborgar svo nokkur séu nefnd. Þar kemur meðal annars fram að 500 manns hafi síðasta áratug fengið þjálfun á svæðinu við straumvatnsbjörgun. Þar megi nefna björgunarsveitarmenn, starfsfólk ferðaþjónustu, verkfræðistofu, ríkislögreglustjóra og fleiri stofnanna. Svæðið sé það besta á landinu og með þeim betri í Evrópu til slíkra æfinga. Óttast að kajakhátíðin verði sú síðasta „Við höfum kallað þetta Turbo Kayak Festival síðan árið 2021 en þarna hefur verið haldin kajakhátíð árlega síðan árið 2004, enda er þetta langbesta aðstaða landsins fyrir þetta sport,“ segir Tinna Sigurðardóttir eigandi Arctic Rafting. Fyrirtækið hefur boðið upp á flúðasiglingar og kennslu í slíku undanfarin ár. Tinna Sigurðardóttir hefur miklar áhyggjur af fyrirhugaðri virkjun. „Umsagnirnar sýna svart á hvítu hversu stórt þetta mál er. Þetta varðar ekki bara landeigendur þarna heldur miklu fleiri. Þarna á björgunarsveitarfólk dýrmæta æfingaraðstöðu sem er algjörlega einstök hér á landi og þó víðar væri leitað,“ segir Tinna. Hún segist vona að kajakmót ársins í ár verði ekki það síðasta en segist hvetja sem flesta til að láta sjá sig. Á mótinu megi sjá færustu kajakræðara landsins etja kappi sín á milli í einstökum aðstæðum. Þar verður líka tilheyrandi partý með tónlist. „Svo vorum við nýbúin að senda starfsfólk til Slóveníu í kennaraþjálfun og fengum alþjóðlega vottun til að bjóða í fyrsta skiptið upp á námskeið hér heima fyrir tilvonandi flúðaleiðsögumenn. Umsóknir flúðaleiðsögumanna undanfarinna ára hafa einungis verið frá aðilum erlendis frá. Þetta verður ekki lengur hægt ef þessi mikilvæga á fer undir virkjun.“ Bláskógabyggð Björgunarsveitir Ferðamennska á Íslandi Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Tveir reyndust í skotti bíls Innlent Fannst hann þvingaður til að afsala sér hundinum Innlent Vilhjálmur Hjálmarsson kjörinn varaformaður ÖBÍ Innlent Bátarnir frá eldgosinu í Vestmannaeyjum málaðir á vita Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
„Þarna hefur verið haldið kajakmót síðan árið 2004 og Tungufljótið sinnir gríðarlega mikilvægu hlutverki í þjálfun í flúðasiglingum fyrir björgunarsveitarmenn og aðra,“ segir Tinna Sigurðardóttir í samtali við Vísi, eigandi Arctic Rafting og skipuleggjandi Túrbó Kayak festival sem fram fer í Tungufljóti nú um helgina, laugardaginn 17. ágúst. Markmiðið að nýta tækifærin á jörðinni Áformin lúta að tillögu landeigenda um aðalskipulagsbreytingu á Bryggju spildu í Bláskógabyggð. Í breytingunni felast skilgreiningar á frístundasvæði, verslunar- og þjónustusvæði og iðnaðarsvæði fyrir allt að 4,5 megawatta virkjun. Sveitarstjórn hefur samþykkt tillöguna til kynningar og stendur til að haldinn verði íbúafundur um málið. Horft yfir hluta skipulagssvæðisins í Bryggju. Sér í Haukadalsskóg ofan við miðja mynd. Segir í skipulagsgátt að markmið landeigenda sé að nýta þau tækifæri sem til staðar séu á jörðinni. Svæðið sé áhugavert fyrir frístundabyggð, bæði vegna nálægðar við Geysissvæðið og útivistarmöguleika á stígum í Haukadalsskógi. Þá sé talsverð umferð um Biskupstungnabraut sem liggi sunnan svæðisins og vilja landeigendur geta boðið upp á þjónustu fyrir þá. Vilja landeigendur fá heimild til að vera með allt að 35 frístundalóðir, þar sem tvö hús verði byggð á hverri lóð. Þeir vilja að heimilt verði að vera með veitingar og gistingu fyrir allt að fjörutíu gesti og þjónustu við ferðamenn og frístundabyggðina. Gerð verði um fjögurra metra há stífla í vesturhluta farvegar Tungufljóts þannig myndist um eins hektara miðlunarlón. Skipi afgerandi hlutverk í þjálfun björgunarsveita Í umsögnum vegna málsins lýsa kajakræðarar yfir miklum áhyggjum vegna áformanna. Tungufljótið sinni gríðarlega mikilvægu hlutverki í þjálfun leiðsögumanna í flúðasiglingum. Þá kemur fram í umsögn Kayakklúbbsins á Íslandi að framkvæmdirnar yrðu þungt högg fyrir klúbbinn. Bent er á að árlega séu haldin námskeið fyrir almenning í flúðasiglingum þar sem alþjóðlegir kennarar mæti. Flúðirnar í Tungufljóti séu ekki bara fallegar, heldur skipi þær mikilvægan sess í vatnasports menningunni á Íslandi. Kajakróður hafi verið stundaður í þeim hluta Tungufljóts sem virkjunin muni hafa mest áhrif á síðan árið 1995, í 22 ár. Bryggja er innan rauða hringsins og liggur að Tungufljóti, Biskupstungnabraut, Almenningsá (merkt Stekkjartúnsá á mynd) og Haukadalsskógi. Þá leggja ýmsar björgunarsveitir og deildir innan Landsbjargar fram umsögn vegna málsins. Þar á meðal eru Björgunarskóli Slysavarnafélagsins Landsbjargar, straumvatnsflokkur Hjálparsveita Skáta í Kópavogi, Hjálparsveit Skáta í Reykjavík, Flugbjörgunarsveitin í Reykjavík og Björgunarfélag Árborgar svo nokkur séu nefnd. Þar kemur meðal annars fram að 500 manns hafi síðasta áratug fengið þjálfun á svæðinu við straumvatnsbjörgun. Þar megi nefna björgunarsveitarmenn, starfsfólk ferðaþjónustu, verkfræðistofu, ríkislögreglustjóra og fleiri stofnanna. Svæðið sé það besta á landinu og með þeim betri í Evrópu til slíkra æfinga. Óttast að kajakhátíðin verði sú síðasta „Við höfum kallað þetta Turbo Kayak Festival síðan árið 2021 en þarna hefur verið haldin kajakhátíð árlega síðan árið 2004, enda er þetta langbesta aðstaða landsins fyrir þetta sport,“ segir Tinna Sigurðardóttir eigandi Arctic Rafting. Fyrirtækið hefur boðið upp á flúðasiglingar og kennslu í slíku undanfarin ár. Tinna Sigurðardóttir hefur miklar áhyggjur af fyrirhugaðri virkjun. „Umsagnirnar sýna svart á hvítu hversu stórt þetta mál er. Þetta varðar ekki bara landeigendur þarna heldur miklu fleiri. Þarna á björgunarsveitarfólk dýrmæta æfingaraðstöðu sem er algjörlega einstök hér á landi og þó víðar væri leitað,“ segir Tinna. Hún segist vona að kajakmót ársins í ár verði ekki það síðasta en segist hvetja sem flesta til að láta sjá sig. Á mótinu megi sjá færustu kajakræðara landsins etja kappi sín á milli í einstökum aðstæðum. Þar verður líka tilheyrandi partý með tónlist. „Svo vorum við nýbúin að senda starfsfólk til Slóveníu í kennaraþjálfun og fengum alþjóðlega vottun til að bjóða í fyrsta skiptið upp á námskeið hér heima fyrir tilvonandi flúðaleiðsögumenn. Umsóknir flúðaleiðsögumanna undanfarinna ára hafa einungis verið frá aðilum erlendis frá. Þetta verður ekki lengur hægt ef þessi mikilvæga á fer undir virkjun.“
Bláskógabyggð Björgunarsveitir Ferðamennska á Íslandi Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Tveir reyndust í skotti bíls Innlent Fannst hann þvingaður til að afsala sér hundinum Innlent Vilhjálmur Hjálmarsson kjörinn varaformaður ÖBÍ Innlent Bátarnir frá eldgosinu í Vestmannaeyjum málaðir á vita Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira