Sakar ríkisstjórnina um vanfjármögnun lögreglunnar Jón Ísak Ragnarsson skrifar 3. júní 2024 22:17 Kristrún Frostadóttir segir stöðu löggæslunnar, dómstóla og Landhelgisgæslunnar fara versnandi ár eftir ár Vísir/Vilhelm Kristrún Frostadóttir formaður Samfylkingarinnar sagði á Alþingi í dag að löggæsla ríkisins væri farin að líða verulega fyrir stjórnarstefnu forsætisráðherra. Hún vísaði í umsögn félags yfirlögregluþjóna sem segir að um stöðu lögreglunnar megi segja að þar brenni allir endar. Bjarni Benediktsson forsætisráðherra sagði að ríkisstjórnin hefði lagt mikla áherslu á styrk lögreglunnar, en hafi glímt við áskoranir eins og styttingu vakta og hækkun launa. Í óundirbúnum fyrirspurnatíma á Alþingi í dag hóf Kristrún mál sitt á því að saka ríkisstjórnina um óstjórn í efnahagsmálum, sem hún sagði blasa við í heimilisbókhaldinu hjá stórum hluta landsmanna. Svo vék hún að erindi fyrirspurnarinnar, sem var til Bjarna Benediktssonar forsætisráðherra um fjármögnun lögreglunnar. „Ár eftir ár horfum við á versnandi stöðu löggæslu, dómstóla og landhelgisgæslunnar. Þetta er staðan eftir tíu ár af fjármála- og dómsmálaráðuneytum Sjálfstæðisflokksins,“ sagði Kristrún. „Hver er málsvörn hæstvirts forsætisráðherra? Hvernig stendur á því að fjármálaáætlun ríkisstjórnarinnar felur ekki í sér neina stefnubreytingu á þessu sviði, heldur þvert á móti fari í frekari niðurskurð og áfram sé aðhaldskrafa á lögregluna?“ Þá vísaði hún í umsögn félags yfirlögregluþjóna við fjármálaáætlunina þar sem fram kemur að fjöldi lögregluþjóna á landinu sé svipaður og árið 1990 fyrir meira en 30 árum síðan, þrátt fyrir um 60 prósent fólksfjölgun og gríðarlega fjölgun ferðamanna. Fjöldi lögreglumanna hér á landi er svipaður og fyrir þrjátíu árum síðan, þrátt fyrir um 60 prósent fólksfjölgunVísir/Vilhelm „Er það meðvituð stefna ríkisstjórnarinnar að það séu færri og færri lögreglumenn á Íslandi miðað við fólksfjölda, og þar með minna sýnileg lögregla, sem getur aðeins sinnt allra erfiðustu og hörðustu málunum? Því þetta er sú stefna sem hefur verið rekin í málinu síðustu 10 ár. Var það viljandi, eða eru það mistök?“ spurði Kristrún. Bjarni tók þá til máls, og svaraði ásökunum Kristrúnar um óstjórn efnahagsmála áður en talið barst að löggæslumálum. Þá sagði hann Íslendinga standa flestum þjóðum framar í efnahagsmálum, hér væri meiri hagvöxtur, meira atvinnustig og hér væru hæstu meðallaun í heimi. Staða efnahagsmála hér sé um margt öfundsverð, skuldastaða ríkisins sé hófleg og svo framvegis, sagði Bjarni. „En við glímum vissulega við verðbólgu, og það er alvöru mál sem að þessi ríkisstjórn hefur í forgrunni hjá sér. Ég trúi því að við munum ná árangri og vextir taki að lækka, enda eru vísbendingar um að í peningastefnunefnd Seðlabankans sé sterk rödd fyrir lækkun vaxta.“ Launahækkanir og stytting vakta meðal áskorana Hvað lögregluna varðar sagði Bjarni að þessi ríkisstjórn hefði, eins og forverar hennar, haft mikla áherslu á styrk lögreglunnar í landinu. Á undanförnum árum hafi gríðarlega miklar breytingar átt sér stað á mörgum sviðum. „Við getum tekið kynferðisbrotamálin sem sérstakt dæmi, þar sem við fjármögnuðum betur heldur en fram til þess tíma, aðgerðir í kynferðisbrotamálum, sem hefur stytt málsmeðferðartíma í málaflokknum verulega, eða um helming.“ Bjarni sagðist fagna því að heyra undirtektir stjórnarandstöðunnar um mikilvægi þess að efla löggæsluVísir/Vilhelm Bjarni sagði jafnframt að í síðustu fjárlögum hefði ríkisstjórnin verið að fjármagna rannsóknir á alvarlegum glæpum. Ný stöðugildi hefðu orðið til í réttarvörslukerfinu til að við næðum ríkari árangri í að uppræta alþjóðlega glæpastarfsemi og önnur afbrot. Almenna löggæslan hafi svo verið áskorun, meðal annars af því að þau vaktatíminn hafi verið styttur. Það kalli á viðbótarfjármagn. Ofan á það fjármagn hafi þurft að bæta við fólki. Ríkisstjórnin hafi verið að gera það. Hann segir áskoranirnar felast í því að verið sé að hækka laun, stytta vaktir, og á sama tíma þurfi að bæta við fólki. Þetta sé krefjandi fyrir þingið. „En ég tek undir með háttvirtum þingmanni, ég fagna reyndar því, að heyra loksins héðan frá stjórnarandstöðunni, alvöru undirtektir með mikilvægi þess að lögreglan sé í færum til að sinna sínum störfum vel, ég fagna þeirri umræðu því að það er nákvæmlega það sem þessi ríkisstjórn stendur fyrir,“ sagði Bjarni. Hælisleitendur og ferðamenn leggi miklar kröfur á lögregluna og aðeins tuttugu á vakt Kristrún tók þá aftur til máls og spurði Bjarna hver hafi tekið þessar ákvarðanir um að stytta vaktir og hækka laun. Nú sé það svo að aðeins tuttugu lögreglumenn eru á vakt á öllu höfuðborgarsvæðinu. Hún sagði að árið 2007 hefðu tuttugu verið á vakt bara í Reykjavík, og spurði hvað Bjarni ætlaði að gera í þessum málum. Kristrún sagði að aðeins tuttugu lögreglumenn væru á vakt í einu á höfuðborgarsvæðinu. Fyrir fimmtán árum síðan voru þeir tuttugu aðeins í Reykjavík.Vísir/Vilhelm „Ætlar hann að afnema aðhaldskröfuna sem mun falla til á tímabili fjármálaáætlunarinnar sem að hans ríkisstjórn lagði fram, eða ætlar hann að halda áfram að tala um að þurfa gera betur, eins og valdið sé ekki raunverulega í hans höndum?“ Bjarni tók undir það að í almennu löggæslunni hér á höfuðborgarsvæðinu sé gríðarlegt álag. Hann segir ríkisstjórnina hafa tekið frumkvæði að því að fjármagna verkefni innan almennu lögreglunnar og á rannsóknarsviðinu sem hefur þurft sérstaka fjármögnun. Ríkisstjórnin hafi staðið við orð stjórnarsáttmálans um að halda úti öflugri löggæslu. Bjarni sagðist svo hafa áttað sig á því í heimsókn til lögreglunnar í síðustu viku að hælisleitendamálin leggi miklar kröfur á lögregluna sem og aukinn fjöldi ferðamanna. Í mörg horn sé að líta þegar horft sé til þess hvernig lögreglan geti best sinnt sínum störfum. Svo þurfi að forgangsraða fjármunum í samræmi við vilja þingsins. Lögreglan Alþingi Efnahagsmál Ríkisstjórn Bjarna Benediktssonar Rekstur hins opinbera Mest lesið Leiðtogi Hezbollah allur Erlent „Óþekku börnin frá Grindavík“ vakti úlfúð Innlent Drakk beint úr könnunni og svelgdist á Erlent Brotthvarf Katrínar hafði mikil áhrif Innlent Þyrlan kölluð út vegna fjórhjólaslyss Innlent „Ég hitti ungt fjölskyldufólk sem er gjörsamlega að kikna“ Innlent Verkfall á hjúkrunarheimilum ef lausn næst ekki á mánudag Innlent „Verðmæti fólgin í því að halda Reykjanesbraut opinni“ Innlent Neyddist til að aflífa 125 krókódíla í útrýmingarhættu Erlent Draumurinn að fríbúðir skjóti upp kollinum um alla borg Innlent Fleiri fréttir Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Malbika bílastæðin í Reynisfjöru Fluttur með þyrlu eftir bílveltu á Snæfellsnesi Ríkisstjórnin sameini það versta frá bæði vinstri og hægri „Íslenska vegakerfið er líklega hættulegasti ferðamannastaður landsins“ Starfshópur skipaður vegna slysa hjá ferðamönnum Sjá meira
Í óundirbúnum fyrirspurnatíma á Alþingi í dag hóf Kristrún mál sitt á því að saka ríkisstjórnina um óstjórn í efnahagsmálum, sem hún sagði blasa við í heimilisbókhaldinu hjá stórum hluta landsmanna. Svo vék hún að erindi fyrirspurnarinnar, sem var til Bjarna Benediktssonar forsætisráðherra um fjármögnun lögreglunnar. „Ár eftir ár horfum við á versnandi stöðu löggæslu, dómstóla og landhelgisgæslunnar. Þetta er staðan eftir tíu ár af fjármála- og dómsmálaráðuneytum Sjálfstæðisflokksins,“ sagði Kristrún. „Hver er málsvörn hæstvirts forsætisráðherra? Hvernig stendur á því að fjármálaáætlun ríkisstjórnarinnar felur ekki í sér neina stefnubreytingu á þessu sviði, heldur þvert á móti fari í frekari niðurskurð og áfram sé aðhaldskrafa á lögregluna?“ Þá vísaði hún í umsögn félags yfirlögregluþjóna við fjármálaáætlunina þar sem fram kemur að fjöldi lögregluþjóna á landinu sé svipaður og árið 1990 fyrir meira en 30 árum síðan, þrátt fyrir um 60 prósent fólksfjölgun og gríðarlega fjölgun ferðamanna. Fjöldi lögreglumanna hér á landi er svipaður og fyrir þrjátíu árum síðan, þrátt fyrir um 60 prósent fólksfjölgunVísir/Vilhelm „Er það meðvituð stefna ríkisstjórnarinnar að það séu færri og færri lögreglumenn á Íslandi miðað við fólksfjölda, og þar með minna sýnileg lögregla, sem getur aðeins sinnt allra erfiðustu og hörðustu málunum? Því þetta er sú stefna sem hefur verið rekin í málinu síðustu 10 ár. Var það viljandi, eða eru það mistök?“ spurði Kristrún. Bjarni tók þá til máls, og svaraði ásökunum Kristrúnar um óstjórn efnahagsmála áður en talið barst að löggæslumálum. Þá sagði hann Íslendinga standa flestum þjóðum framar í efnahagsmálum, hér væri meiri hagvöxtur, meira atvinnustig og hér væru hæstu meðallaun í heimi. Staða efnahagsmála hér sé um margt öfundsverð, skuldastaða ríkisins sé hófleg og svo framvegis, sagði Bjarni. „En við glímum vissulega við verðbólgu, og það er alvöru mál sem að þessi ríkisstjórn hefur í forgrunni hjá sér. Ég trúi því að við munum ná árangri og vextir taki að lækka, enda eru vísbendingar um að í peningastefnunefnd Seðlabankans sé sterk rödd fyrir lækkun vaxta.“ Launahækkanir og stytting vakta meðal áskorana Hvað lögregluna varðar sagði Bjarni að þessi ríkisstjórn hefði, eins og forverar hennar, haft mikla áherslu á styrk lögreglunnar í landinu. Á undanförnum árum hafi gríðarlega miklar breytingar átt sér stað á mörgum sviðum. „Við getum tekið kynferðisbrotamálin sem sérstakt dæmi, þar sem við fjármögnuðum betur heldur en fram til þess tíma, aðgerðir í kynferðisbrotamálum, sem hefur stytt málsmeðferðartíma í málaflokknum verulega, eða um helming.“ Bjarni sagðist fagna því að heyra undirtektir stjórnarandstöðunnar um mikilvægi þess að efla löggæsluVísir/Vilhelm Bjarni sagði jafnframt að í síðustu fjárlögum hefði ríkisstjórnin verið að fjármagna rannsóknir á alvarlegum glæpum. Ný stöðugildi hefðu orðið til í réttarvörslukerfinu til að við næðum ríkari árangri í að uppræta alþjóðlega glæpastarfsemi og önnur afbrot. Almenna löggæslan hafi svo verið áskorun, meðal annars af því að þau vaktatíminn hafi verið styttur. Það kalli á viðbótarfjármagn. Ofan á það fjármagn hafi þurft að bæta við fólki. Ríkisstjórnin hafi verið að gera það. Hann segir áskoranirnar felast í því að verið sé að hækka laun, stytta vaktir, og á sama tíma þurfi að bæta við fólki. Þetta sé krefjandi fyrir þingið. „En ég tek undir með háttvirtum þingmanni, ég fagna reyndar því, að heyra loksins héðan frá stjórnarandstöðunni, alvöru undirtektir með mikilvægi þess að lögreglan sé í færum til að sinna sínum störfum vel, ég fagna þeirri umræðu því að það er nákvæmlega það sem þessi ríkisstjórn stendur fyrir,“ sagði Bjarni. Hælisleitendur og ferðamenn leggi miklar kröfur á lögregluna og aðeins tuttugu á vakt Kristrún tók þá aftur til máls og spurði Bjarna hver hafi tekið þessar ákvarðanir um að stytta vaktir og hækka laun. Nú sé það svo að aðeins tuttugu lögreglumenn eru á vakt á öllu höfuðborgarsvæðinu. Hún sagði að árið 2007 hefðu tuttugu verið á vakt bara í Reykjavík, og spurði hvað Bjarni ætlaði að gera í þessum málum. Kristrún sagði að aðeins tuttugu lögreglumenn væru á vakt í einu á höfuðborgarsvæðinu. Fyrir fimmtán árum síðan voru þeir tuttugu aðeins í Reykjavík.Vísir/Vilhelm „Ætlar hann að afnema aðhaldskröfuna sem mun falla til á tímabili fjármálaáætlunarinnar sem að hans ríkisstjórn lagði fram, eða ætlar hann að halda áfram að tala um að þurfa gera betur, eins og valdið sé ekki raunverulega í hans höndum?“ Bjarni tók undir það að í almennu löggæslunni hér á höfuðborgarsvæðinu sé gríðarlegt álag. Hann segir ríkisstjórnina hafa tekið frumkvæði að því að fjármagna verkefni innan almennu lögreglunnar og á rannsóknarsviðinu sem hefur þurft sérstaka fjármögnun. Ríkisstjórnin hafi staðið við orð stjórnarsáttmálans um að halda úti öflugri löggæslu. Bjarni sagðist svo hafa áttað sig á því í heimsókn til lögreglunnar í síðustu viku að hælisleitendamálin leggi miklar kröfur á lögregluna sem og aukinn fjöldi ferðamanna. Í mörg horn sé að líta þegar horft sé til þess hvernig lögreglan geti best sinnt sínum störfum. Svo þurfi að forgangsraða fjármunum í samræmi við vilja þingsins.
Lögreglan Alþingi Efnahagsmál Ríkisstjórn Bjarna Benediktssonar Rekstur hins opinbera Mest lesið Leiðtogi Hezbollah allur Erlent „Óþekku börnin frá Grindavík“ vakti úlfúð Innlent Drakk beint úr könnunni og svelgdist á Erlent Brotthvarf Katrínar hafði mikil áhrif Innlent Þyrlan kölluð út vegna fjórhjólaslyss Innlent „Ég hitti ungt fjölskyldufólk sem er gjörsamlega að kikna“ Innlent Verkfall á hjúkrunarheimilum ef lausn næst ekki á mánudag Innlent „Verðmæti fólgin í því að halda Reykjanesbraut opinni“ Innlent Neyddist til að aflífa 125 krókódíla í útrýmingarhættu Erlent Draumurinn að fríbúðir skjóti upp kollinum um alla borg Innlent Fleiri fréttir Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Malbika bílastæðin í Reynisfjöru Fluttur með þyrlu eftir bílveltu á Snæfellsnesi Ríkisstjórnin sameini það versta frá bæði vinstri og hægri „Íslenska vegakerfið er líklega hættulegasti ferðamannastaður landsins“ Starfshópur skipaður vegna slysa hjá ferðamönnum Sjá meira