Fögnum fjöl­breyti­leikanum: Pól­verjar flestir, síðan Lit­háar, síðan Ís­lendingar

„Mikilvægt finnst mér að vinna að innleiðingum á flóknum málaflokkum eins og inngildingu, fjölbreytileika og jafnrétti með því að fá þessi ólíku sjónarmið upp á borðið og mætast,“ Guðfinna og bætir við:

,Við viljum leita leiða til að ná til alls starfsfólks með ýmsum aðferðum því það þarf að huga að ýmsu, til dæmis menningarmun. Eitthvað sem okkur þykir sjálfsagt getur öðrum þótt út í hött en ég brenn fyrir því að finna lausnir sem henta fólki ólíkt uppruna.“

Fyrirséð er að á Íslandi þarf fleira fólk erlendis frá til starfa á íslenskum vinnumarkaði næstu árin. Í gær og í dag fjallar Atvinnulífið um fjölbreytileika á vinnustöðum, með mismunandi þjóðerni í huga.

Svo margt sem skiptir máli

Guðfinna segir útgangspunktinn hjá Dögum vera að fagna fjölbreytileikanum.

Hjá okkur er starfsfólk frá þjóðum sem sumar eiga sér mun lengri sögur og rótgrónari menningu og hefðir en við Íslendingar. 

Við viljum bæði lyfta þeirra hefðum upp og kynna þau fyrir þeim íslensku svo við getum tekið þátt í þeim saman.“

Fjölmennasti hópurinn er frá Póllandi, næst fjölmennasti hópurinn er frá Litháen en Íslendingar eru í þriðja fjölmennasta hópnum.

„Ein stærsta áskorunin í mínu starfi í dag eða að vinna að því að innleiðingar, þjálfun, fræðsla og annað efni sem við erum að búa til, nái til allra og þar erum við vinna með. Því það skiptir ekki máli hvaða bakgrunn fólk er með, það þurfa allir að upplifa að að það sé ekki verið að ætlast til þess að þau breyti sér, heldur að við séum í því verkefni saman að sameinast í eitt samfélag.“

Helsta samskipta og fræðslutólfyrirtækisins er hið svokallaða Daga-app. Þar er að finna helstu upplýsingar, fréttir, fræðsla og þjálfun en líka margt skemmtilegt. Til dæmis tilkynningar um afmælisdaga starfsfólks, spjallform og fleira sem er líklegt til að efla liðsheildina.

Öllum býðst síðan að læra íslensku í gegnum appið Bara tala, sem styðst við gervigreind.

„Allt sem gert er, snýst ekki um að tékka í einhver box. Hlutirnir þurfa að virka. Stundum þýðir það að breytingarnar ganga hægar, en þetta er langtímaverkefni og það að vinna að inngildingu og fjölbreytileika innan vinnustaðar er flókið og krefjandi verkefni.

Guðfinna segir mikilvægt að taka fjölbreytileikanum fagnandi.

„Ég viðurkenni að einfaldlega brenna fyrir málefninu, en þótt þetta sé flókið er þetta líka svo spennandi verkefni. Að vinna að því hvernig hægt er að þjappa hópi saman sem kemur úr svona mörgum ólíkum áttum.“

Guðfinna segir vinnustað sem fagnar fjölbreytileikanum til dæmis ekki aðeins geta unnið út frá því að starfsfólk komi frá mismunandi löndum og menningarheimum.

Miklu fleira týnist til.

Sem dæmi nefnir Guðfinna að Dagar séu í innleiðingu á á Regnbogavottun ’78 samtakanna og EKKO viðbragðsáætlun með Auðnast, en EKKO skammstöfunin stendur fyrir: Einelti, kynferðislegri áreitni, kynbundnu áreiti og ofbeldi. Þá var leitað til fleiri sérfræðinga utanhúss, til að mynda Sóley Tómasdóttur kynja- og fjölbreytileikafræðings.

„Því þetta er eins og aðrar innleiðingar hjá okkur rosalega flókið verkefni að vinna að og þá skiptir miklu máli að fá sérfræðinga að borðinu. Með okkar sérlegu ráðgjöfum og samstarfsaðilum er markmiðið að að finna út úr því, hvernig best er að nálgast starfsfólk þannig að sem flestir upplifi að verið sé að mæta þeim.“

Einn liður í því er að innleiða nafnlausa leið fyrir starfsfólk að koma með ábendingar. Bæði innanhúss en við höfum innleitt slíka leið í gegnum Auðnast.

„Við erum öll með svo margt í pokanum okkar og það geta verið alls kyns mál sem fólk er að takast á við. Sumir eru líka að koma úr erfiðum aðstæðum, jafnvel að flýja stríð. Við leggjum áherslu á að starfsfólk viti um að við höfum ýmiss úrræði og stuðning í boði,“ segir Guðfinna en bætir við:

„Þó þarf að varast að vasast ekki of langt í persónulega líf fólks, það vill það enginn.“

Annar liður er gríðarlega mikilvægur og það er að þjálfa stjórnendur, því ekki er hægt að gera ráð fyrir að þeir séu sérfræðingar í öllum þeim málum sem styðja við jafnrétti, inngildingu og fjölbreytileika frekar en öðrum málaflokkum sem lenda á borði stjórnenda.

„Ég nefni sem dæmi þjónustustjóri hjá okkur sem er með mörg verkefni og ber ábyrgð á 100 starfsfólki með margvíslegan bakgrunn. Það er ekki hægt að gera ráð fyrir því að þau séu sérfræðingar í öllu sem kemur upp án þess að viðkomandi hljóti þjálfun í því“

Það sem Dagar gerði var að þjálfa alla stjórnendur í endurgjöf og innleiddu leiðbeiningar fyrir endurgjafarsamtöl og starfsþróunarsamtöl..

Því rannsóknirsýna að starfsfólk sem er í reglulegum samskiptum við stjórnandann sinn, mælist almennt ánægðara í starfi.“

Miklu skipti að vinnustaðir horfi á verkefnið sem maraþon en ekki spretthlaup.

Þetta snýst bara um að bera virðingu fyrir fólki, með hvaða, bakrunn, reynslu eða sögu sem er. Í því samhengi skiptir miklu máli að traust á milli starfsmanna og stjórnenda sé mjög gott. Því þegar traustið er til staðar, er hægt að flytja fjöll. En þá eru líka engar geðþóttaákvarðanir teknar, heldur er alltaf unnið að því að passa sem flest fyrir heildina. Það er í takti við okkar stefnu og markmið að verða vinnustaður þar sem fólki líður vel og upplifir sig sem hluta af heildinni. Þannig náum við árangri til lengri tíma.“