KSÍ keyrir upp þjóðhátíðarstemmingu fyrir leikinn frá kl. 15:00

Svæðið verður opið til 18:15 en leikurinn hefst kl. 18:45. Meðal þess sem verður í boði eru hoppukastalar, andlitsmálun og auðvitað candy floss. Það viðrar ágætlega í Reykjavík í dag og má búast við góðri stemmingu í dalnum.

Eins og sjá má á þessu myndskeiði frá KSÍ er allt til reiðu á svæðinu.

Hér að neðan má svo sjá skipulag svæðisins og heildarlista yfir það sem verður í boði. Það ættu allir að finna eitthvað við sitt hæfi.

Margir stuðningsmenn íslenska landsliðsins hafa beðið óþreyjufullir eftir þessu landsliðsverkefni, og mun Tólfan að sjálfsögðu ekki láta sig vanta.

Þeir sem hafa ekki tryggt sér miða á leikinn þurfa ekki að örvænta, enn er eitthvað til af miðum.