Musk segist ætla í stríð við Apple Kjartan Kjartansson skrifar 29. nóvember 2022 09:12 Twitter í snjallforritaverslun Apple. Samfélagsmiðillinn gæti verið fjarlægður þaðan ef Apple telur hann brjóta notendaskilmála sína, þar á meðal um ofbeldi og hatursorðræðu. Vísir/Getty Elon Musk, eigandi samfélagsmiðilsins Twitter, bölsótaðist út í tæknirisann Apple og sakaði fyrirtækið óbeint um að hata tjáningarfrelsi í gær. Ef eitthvað er að marka yfirlýsingar Musk er Apple að íhuga að henda Twitter út úr snjallforritaverslun sinni. Fjöldi stórra auglýsenda hefur flúið Twitter eftir að Musk tók yfir fyrirtækið og ákvað að hleypa notendum sem höfðu verið bannaðir af alls kyns ástæðum aftur á miðilinn. Musk hleypti meðal annars Donald Trump, fyrrverandi Bandaríkjaforseta, og ýmis konar hægrijaðarfígúrum og samtökum eins og Jordan Peterson, Marjorie Taylor Greene og Project Veritas aftur á Twitter. Orðrómar hafa verið á kreiki um að Apple og Google gætu gripið til aðgerða og jafnvel úthýst Twitter úr forritaverslunum sínum ef hatursorðræða og annað vafasamt efni fær að vaða uppi þar. Musk gaf þeim orðrómum byr undir báða vængi þegar hann tísti í gær um að Apple hefði hótað því að fjarlægja Twitter úr forritaverslun sinni, App store, án skýringa. „Apple er að mestu hætt að auglýsa á Twitter. Hata þeir tjáningarfrelsi í Bandaríkjunum,“ tíst Musk. Síðar tísti Musk mynd sem benti til þess að hann ætlaði í stríð við Apple. Ef Twitter yrði fjarlægt úr verslun Apple gætu nýir notendur ekki náð í snjallforritið fyrir síma sína og spjaldtölvur og notendur sem eru þegar með það gætu ekki uppfært það. Eigendur Apple-tækja gætu þó farið inn á Twitter í gegnum vefvafra. Washington Post segir að Apple hafi verið stærsti auglýsandinn á Twitter á fyrsta fjórðungi þessa árs. Twitter hafði meira en fjögur prósent af tekjum sínum frá Apple. Fordæmi eru fyrir því að Apple og Google banni samfélagsmiðlaforrit úr verslunum sínum. Þannig var Parler, samfélagsmiðli sem var vinsæll á meðal stuðningsmanna Trump, úthýst þaðan í fyrra. Töldu fyrirtækin að Parler hefði brotið notendaskilmála verslananna ítrekað með því að leyfa ofbeldishótanir að líðast á miðlinum. Apple Twitter Bandaríkin Samfélagsmiðlar Mest lesið Selja fyrsta bjórinn ekki fyrr en í ágúst Viðskipti innlent Helmingaði kostnaðinn við matarinnkaup Neytendur Stærsti Hiab krani í heimi á sumarsýningu Veltis Samstarf Tekur við fjármálunum hjá Securitas Viðskipti innlent Í áfalli yfir dýrari dekkjum og Hlöllabát Neytendur Karen Ýr ráðin gæðastjóri Viðskipti innlent Biðin eftir vaxtalækkun gæti lengst enn frekar Viðskipti innlent Ómar fær fyrir ferðina Neytendur Sex fyrirtæki sektuð vegna nikotínauglýsinga Neytendur Betra en ekki að viðurkenna mistökin Atvinnulíf Fleiri fréttir Kjarnorkubréf Einsteins til sölu Nvidia verðmætasta skráða fyrirtæki heims Ekki lengur hægt að sjá hvað aðrir „læka“ Lætur mál gegn OpenAI niður falla Danir höndla ekki kóresku pakkanúðlurnar ChatGPT og endurbætt Siri væntanlegar nýjungar Apple Lækkuðu stýrivexti í Evrópu í fyrsta sinn síðan 2019 Írskur matsölustaður hafði betur í vörumerkjadeilum við McDonalds Bein útsending: Fjórða flugferð Starship Prufa að neyða notendur til að horfa á auglýsingar Vangaveltur um að vinkona Ásdísar hafi verið myrt og hent í sjóinn Sjá meira
Fjöldi stórra auglýsenda hefur flúið Twitter eftir að Musk tók yfir fyrirtækið og ákvað að hleypa notendum sem höfðu verið bannaðir af alls kyns ástæðum aftur á miðilinn. Musk hleypti meðal annars Donald Trump, fyrrverandi Bandaríkjaforseta, og ýmis konar hægrijaðarfígúrum og samtökum eins og Jordan Peterson, Marjorie Taylor Greene og Project Veritas aftur á Twitter. Orðrómar hafa verið á kreiki um að Apple og Google gætu gripið til aðgerða og jafnvel úthýst Twitter úr forritaverslunum sínum ef hatursorðræða og annað vafasamt efni fær að vaða uppi þar. Musk gaf þeim orðrómum byr undir báða vængi þegar hann tísti í gær um að Apple hefði hótað því að fjarlægja Twitter úr forritaverslun sinni, App store, án skýringa. „Apple er að mestu hætt að auglýsa á Twitter. Hata þeir tjáningarfrelsi í Bandaríkjunum,“ tíst Musk. Síðar tísti Musk mynd sem benti til þess að hann ætlaði í stríð við Apple. Ef Twitter yrði fjarlægt úr verslun Apple gætu nýir notendur ekki náð í snjallforritið fyrir síma sína og spjaldtölvur og notendur sem eru þegar með það gætu ekki uppfært það. Eigendur Apple-tækja gætu þó farið inn á Twitter í gegnum vefvafra. Washington Post segir að Apple hafi verið stærsti auglýsandinn á Twitter á fyrsta fjórðungi þessa árs. Twitter hafði meira en fjögur prósent af tekjum sínum frá Apple. Fordæmi eru fyrir því að Apple og Google banni samfélagsmiðlaforrit úr verslunum sínum. Þannig var Parler, samfélagsmiðli sem var vinsæll á meðal stuðningsmanna Trump, úthýst þaðan í fyrra. Töldu fyrirtækin að Parler hefði brotið notendaskilmála verslananna ítrekað með því að leyfa ofbeldishótanir að líðast á miðlinum.
Apple Twitter Bandaríkin Samfélagsmiðlar Mest lesið Selja fyrsta bjórinn ekki fyrr en í ágúst Viðskipti innlent Helmingaði kostnaðinn við matarinnkaup Neytendur Stærsti Hiab krani í heimi á sumarsýningu Veltis Samstarf Tekur við fjármálunum hjá Securitas Viðskipti innlent Í áfalli yfir dýrari dekkjum og Hlöllabát Neytendur Karen Ýr ráðin gæðastjóri Viðskipti innlent Biðin eftir vaxtalækkun gæti lengst enn frekar Viðskipti innlent Ómar fær fyrir ferðina Neytendur Sex fyrirtæki sektuð vegna nikotínauglýsinga Neytendur Betra en ekki að viðurkenna mistökin Atvinnulíf Fleiri fréttir Kjarnorkubréf Einsteins til sölu Nvidia verðmætasta skráða fyrirtæki heims Ekki lengur hægt að sjá hvað aðrir „læka“ Lætur mál gegn OpenAI niður falla Danir höndla ekki kóresku pakkanúðlurnar ChatGPT og endurbætt Siri væntanlegar nýjungar Apple Lækkuðu stýrivexti í Evrópu í fyrsta sinn síðan 2019 Írskur matsölustaður hafði betur í vörumerkjadeilum við McDonalds Bein útsending: Fjórða flugferð Starship Prufa að neyða notendur til að horfa á auglýsingar Vangaveltur um að vinkona Ásdísar hafi verið myrt og hent í sjóinn Sjá meira