Innlit á fallegt heimili Vanessu Hudgens

Stjarnan leitaði í meira en fimm ár að rétta húsinu áður en draumahúsið fannst. Eignin er staðsett í Los Feliz í Los Angeles í Bandaríkjunum. Architectural Digest heimsótti hana og fékk að sjá húsið sem er einstaklega fallegt. 

Vanessa segir frá því í myndbandinu að húsið hafi verið byggt fyrir viðhald leikstjórans Cecil B. DeMille. Það var hönnuðurinn Jake Arnold sem aðstoðaði hana með allar breytingarnar sem hún gerði á húsinu til að gera það meira að sínu eiginn. Stíllinn er einstaklega fallegur og róandi.  

Hudgens er auðvitað með flygil í húsinu til þess að æfa sig en í viðtali við Architectural Digest talar hún sérstaklega um það hvað það sé gott að geta komið heim og lagst í bað. Innlit Architectural Digest má sjá í spilaranum hér fyrir neðan.