Hverfið mitt 2.0 Dóra Björt Guðjónsdóttir skrifar 3. október 2021 09:01 Hverfið mitt kosningin er hafin! Öll sem eru fædd árið 2006 eða fyrr og eiga lögheimili í Reykjavík, óháð ríkisborgararétti, tekið þátt í kosningunni. Kosningin er rafræn á hverfidmitt.is og stendur yfir í tvær vikur eða til hádegis 14. október. Til að auðvelda þátttöku íbúa sem ekki hafa íslensku sem fyrsta mál er vefurinn einnig á pólsku og ensku. Það er hægt að fá aðstoð við að kjósa í þjónustuveri Reykjavíkurborgar að Borgartúni 12-14 og á öllum fimm þjónustumiðstöðvum Reykjavíkurborgar á meðan kosningin stendur yfir. Þannig er reynt að tryggja sem best aðgengi allra að kosningunni. Það tekur bara örskamma stund að kjósa! Taktu endilega þátt og gerðu þitt hverfi enn betra. Hvers vegna Hverfið mitt? Við viljum öll að sem mest gott sé gert sem fyrst. Við viljum líklega flest ærslaberg í alla hverfiskjarna, leikvelli með óteljandi leiktækjum, fullkomna lýsingu sem allra víðast, frábært umhverfi fyrir hjólreiðar og svo framvegis. Ekki bara það, við viljum það núna strax! Og okkur finnst ekkert sjálfsagðara. Að bæta umhverfið að þessu leyti er vissulega stefnan! En allt tekur tíma og staðan er sú að peningar eru af skornum skammti og það þarf að forgangsraða. Hverfið mitt snýst um að hleypa íbúanum inn í það ferli frekar en að það eigi sér stað í litlum hópi innan fjögurra veggja. Hugmyndirnar eru lýðsprottnar, þær eru útfærðar í samráði við íbúa, þeim er forgangsraðað af íbúum á kjörseðla og svo eru þær endanlega kosnar af íbúum hverfanna. Þið vitið nefnilega best hvað vantar innan ykkar hverfis. Önnur leið væri að leyfa starfsfólki eða kjörnum fulltrúum í borgarstjórn bara að ráða hvað gert er við þessa peninga. Hvað er bætt fyrst og hvernig planið lítur út. En við höfum valið aðra leið: Að leyfa þér að ákveða. Nýtt Hverfið mitt 2.0! Hugmyndir og athugasemdir íbúa á íbúafundum og í almennri umfjöllun hafa leitt til breytinga á lýðræðisverkefninu Hverfið mitt á vettvangi mannréttinda-, nýsköpunar- og lýðræðisráðs Reykjavíkur. Breytingarnar kristallast í ákveðnum nýjungum í þessari kosningu. Við vonum að með þeim aukist ánægja með Hverfið mitt og þær framkvæmdir sem af því leiðir. En hvaða breytingar hafa orðið? Viðhalds- og öryggisverkefni tekin út Á sínum tíma var það töluvert gagnrýnt að Hverfið mitt kosning stæði stundum milli hugmynda um betrumbætur í hverfunum eins og nýjan ærslabelg eða rólur fyrir alla aldurshópa og svo hugmynda um öryggis- og viðhaldsráðstafanir sem fólki þótti sjálfsagðar. Þó upprunaleg röksemd fyrir þáverandi fyrirkomulagi hafi verið að í kerfi takmarkaðs fjárhags þar sem forgangsröðun er nauðsynleg eigi íbúar að hafa rödd við forgangsröðun, þá var ákveðið eftir mikla hvatningu íbúa í þá veru að breyta þessu. Við höfum því fjarlægt hugmyndir sem tengjast reglulegum viðhalds- og öryggisverkefnum. Þær tillögur verða hér eftir sendar á annan vettvang innan borgarinnar þar sem viðhalds- og öryggisaðgerðum er forgangsraðað út frá heildstæðri nálgun og mati. Það sem ratað hefur inn eru umfangsmeiri breytingar en hefði ellegar verið ráðist í sem hluti af reglulegu viðhaldi og öryggisumbótaferli sem bæta gæði umhverfis umfram þær lágmarkskröfur sem gerðar eru. Þannig er íbúanum réttur lykillinn að því að forgangsraða hvaða breytingum óskað er eftir öðrum framar á þessum tímapunkti. Stundum eru verkefni jú á löngum lista sem mun taka mörg ár að klára og þá getur Hverfið mitt komið að gagni við að breyta forgangsröðun þess lista. Þó endurnýjun og viðhald leikvalla sé á reglulegri viðhaldsáætlun þá er ekki endilega hluti af því að fá þar inn splunkunýja aparólu eða ærslabelg, sem getur vel verið eitthvað sem skiptir íbúa hverfisins máli. Meira samráð og stærri peningapottur Annað sem okkur var bent á af íbúum varðandi Hverfið mitt var að stundum voru verkefnin sem voru framkvæmd eftir kosningu ekki nægilega vel í takt við upprunalega hugmynd hugmyndahöfunda. Stundum bárust kvartanir úr hverfunum vegna þess að verkefnin voru ekki staðsett á heppilegum stað. Mörgum fannst ruglandi að hugmyndasöfnun eitt árið var farin af stað áður en verkefni síðasta árs voru framkvæmd, þess vegna rötuðu stundum verkefni sem höfðu verið kjörin til framkvæmda eitt árið inn í hugmyndasöfnun næsta árs. Vegna allra þessara þátta var ráðist í breytingar á tímalínu Hverfið mitt hringrásarinnar þannig að tímalínan nær nú yfir tvö ár frekar en eitt ár. Hugmyndasöfnun fer þannig ekki lengur af stað áður en hugmyndir komast til framkvæmda sem minnkar rugling. Með þessu móti er meiri tími til samráðs við hugmyndahöfunda um hugmyndir og verkefni til að auka ánægju með endanlegar niðurstöður framkvæmda og svo gefst með þessu betri tími til að íbúaráðin og íbúar í hverfunum hafi aukna aðkomu að staðsetningu verkefna. Rúsínan í pylsuendanum er mun stærri peningapottur í hvert skipti þannig að stærri og fleiri verkefni komist til framkvæmda. Verkefni sem hefðu áður kannski ekki náð kosningu eru orðin líklegri í dag, þannig eykst einnig fjölbreytni þeirra verkefna sem ná kosningu. Ég tel að þessar breytingar séu af hinu góða. Hverfið mitt er þekkt á heimsvísu sem framsækið lýðræðisverkefni og við erum fyrirmynd margra annarra borga og bæja hvað þetta varðar. Mikil ánægja er með Hverfið mitt en ég vona að þessar breytingar sem sníða af ákveðna vankanta auki ánægju enn frekar svo við öll megum sem best við una. Höfundur er formaður mannréttinda-, nýsköpunar- og lýðræðisráðs Reykjavíkur og borgarfulltrúi Pírata. Viltu birta grein á Vísi? Sendu okkur póst. Senda grein Reykjavík Píratar Dóra Björt Guðjónsdóttir Mest lesið Nýir vendir sópa best Arnar Þór Jónsson,Kári Allansson,Sveinn Hjörtur Guðfinnsson Skoðun Þreytt dæmi Fjóla Blandon Skoðun Áfengisstefnu breytt með lögbrotum Einar Ólafsson Skoðun Staða evrunnar í Evrópusambandinu árið 2024 Jón Frímann Jónsson Skoðun Hvað með heyrnarskert börn, heyrnarskerta fullorðna og börn með skarð? Eva Albrechtsen,Ösp Vilberg Baldursdóttir Skoðun Lausn húsnæðisvandans Guðjón Sigurbjartsson Skoðun Ríkiseftirlit með öllum börnum Þorlákur Axel Jónsson Skoðun ....og þá var eins og blessuð skepan skildi..... Þorsteinn Sæmundsson Skoðun Það er skortur á orku en ekki orkuskortur Hörður Arnarson Skoðun Geðveiki krónuhagkerfisins: Tók 35 milljón króna lán, búinn að greiða til baka 91 milljón, skuldar samt enn 64 milljónir! Ole Anton Bieltvedt Skoðun Skoðun Skoðun Það er skortur á orku en ekki orkuskortur Hörður Arnarson skrifar Skoðun ....og þá var eins og blessuð skepan skildi..... Þorsteinn Sæmundsson skrifar Skoðun Nýir vendir sópa best Arnar Þór Jónsson,Kári Allansson,Sveinn Hjörtur Guðfinnsson skrifar Skoðun Lausn húsnæðisvandans Guðjón Sigurbjartsson skrifar Skoðun Staða evrunnar í Evrópusambandinu árið 2024 Jón Frímann Jónsson skrifar Skoðun Áfengisstefnu breytt með lögbrotum Einar Ólafsson skrifar Skoðun Hvað með heyrnarskert börn, heyrnarskerta fullorðna og börn með skarð? Eva Albrechtsen,Ösp Vilberg Baldursdóttir skrifar Skoðun Þreytt dæmi Fjóla Blandon skrifar Skoðun Ríkiseftirlit með öllum börnum Þorlákur Axel Jónsson skrifar Skoðun Viðreisn er tilbúin Þorgerður Katrín Gunnarsdóttir skrifar Skoðun „Ert þú að leita að okkur?“ Elías Ýmir Larsen skrifar Skoðun Höfum við efni á þessu Stríðsbrölti? Guðmunda G. Guðmundsdóttir skrifar Skoðun Heilbrigðisstofnun Norðurlands tíu ára í dag Jón Helgi Björnsson skrifar Skoðun Lægsta raforkuverð heimila í Evrópu Haukur Ásberg Hilmarsson skrifar Skoðun Hugsum út fyrir rammann til að leysa húsnæðisvandann Gísli Rafn Ólafsson skrifar Skoðun Bönnum hnefaleika alfarið Adolf Ingi Erlingsson skrifar Skoðun Allt sem þú vilt vita um dánaraðstoð Bjarni Jónsson skrifar Skoðun Ekkert mansal á Íslandi í 15 ár? Dagbjört Hákonardóttir skrifar Skoðun Hljómar kunnuglega ekki satt? Hjörtur J. Guðmundsson skrifar Skoðun Þú breytir öllu Hlíf Steingrímsdóttir skrifar Skoðun Eru sósíaldemokratískir flokkar smátt og smátt að hverfa? Reynir Böðvarsson skrifar Skoðun Styðjum mannréttindi - Lærum af sögunni Hjálmtýr Heiðdal skrifar Skoðun Gömul þekking sem fékk ekki athygli þá, en er komin aftur Matthildur Björnsdóttir skrifar Skoðun Blekkingar og gaslýsingar núverandi forsætisráðherra Ásthildur Lóa Þórsdóttir skrifar Skoðun Carbfix – enn og aftur Ari Trausti Guðmundsson skrifar Skoðun Við erum öll á raforkumarkaði Jónas Hlynur Hallgrímsson skrifar Skoðun Af „tapi“ Landsvirkjunar Snæbjörn Guðmundsson skrifar Skoðun Mennt er máttur Úlfar Darri Lúthersson skrifar Skoðun Vegið að íslenskri kvikmyndagerð Grímur Hákonarson,Hafsteinn Gunnar Sigurðsson,Hrafnhildur Gunnarsdóttir skrifar Skoðun Banaslysin eru víðar en við sjáum Sigmar Guðmundsson skrifar Sjá meira
Hverfið mitt kosningin er hafin! Öll sem eru fædd árið 2006 eða fyrr og eiga lögheimili í Reykjavík, óháð ríkisborgararétti, tekið þátt í kosningunni. Kosningin er rafræn á hverfidmitt.is og stendur yfir í tvær vikur eða til hádegis 14. október. Til að auðvelda þátttöku íbúa sem ekki hafa íslensku sem fyrsta mál er vefurinn einnig á pólsku og ensku. Það er hægt að fá aðstoð við að kjósa í þjónustuveri Reykjavíkurborgar að Borgartúni 12-14 og á öllum fimm þjónustumiðstöðvum Reykjavíkurborgar á meðan kosningin stendur yfir. Þannig er reynt að tryggja sem best aðgengi allra að kosningunni. Það tekur bara örskamma stund að kjósa! Taktu endilega þátt og gerðu þitt hverfi enn betra. Hvers vegna Hverfið mitt? Við viljum öll að sem mest gott sé gert sem fyrst. Við viljum líklega flest ærslaberg í alla hverfiskjarna, leikvelli með óteljandi leiktækjum, fullkomna lýsingu sem allra víðast, frábært umhverfi fyrir hjólreiðar og svo framvegis. Ekki bara það, við viljum það núna strax! Og okkur finnst ekkert sjálfsagðara. Að bæta umhverfið að þessu leyti er vissulega stefnan! En allt tekur tíma og staðan er sú að peningar eru af skornum skammti og það þarf að forgangsraða. Hverfið mitt snýst um að hleypa íbúanum inn í það ferli frekar en að það eigi sér stað í litlum hópi innan fjögurra veggja. Hugmyndirnar eru lýðsprottnar, þær eru útfærðar í samráði við íbúa, þeim er forgangsraðað af íbúum á kjörseðla og svo eru þær endanlega kosnar af íbúum hverfanna. Þið vitið nefnilega best hvað vantar innan ykkar hverfis. Önnur leið væri að leyfa starfsfólki eða kjörnum fulltrúum í borgarstjórn bara að ráða hvað gert er við þessa peninga. Hvað er bætt fyrst og hvernig planið lítur út. En við höfum valið aðra leið: Að leyfa þér að ákveða. Nýtt Hverfið mitt 2.0! Hugmyndir og athugasemdir íbúa á íbúafundum og í almennri umfjöllun hafa leitt til breytinga á lýðræðisverkefninu Hverfið mitt á vettvangi mannréttinda-, nýsköpunar- og lýðræðisráðs Reykjavíkur. Breytingarnar kristallast í ákveðnum nýjungum í þessari kosningu. Við vonum að með þeim aukist ánægja með Hverfið mitt og þær framkvæmdir sem af því leiðir. En hvaða breytingar hafa orðið? Viðhalds- og öryggisverkefni tekin út Á sínum tíma var það töluvert gagnrýnt að Hverfið mitt kosning stæði stundum milli hugmynda um betrumbætur í hverfunum eins og nýjan ærslabelg eða rólur fyrir alla aldurshópa og svo hugmynda um öryggis- og viðhaldsráðstafanir sem fólki þótti sjálfsagðar. Þó upprunaleg röksemd fyrir þáverandi fyrirkomulagi hafi verið að í kerfi takmarkaðs fjárhags þar sem forgangsröðun er nauðsynleg eigi íbúar að hafa rödd við forgangsröðun, þá var ákveðið eftir mikla hvatningu íbúa í þá veru að breyta þessu. Við höfum því fjarlægt hugmyndir sem tengjast reglulegum viðhalds- og öryggisverkefnum. Þær tillögur verða hér eftir sendar á annan vettvang innan borgarinnar þar sem viðhalds- og öryggisaðgerðum er forgangsraðað út frá heildstæðri nálgun og mati. Það sem ratað hefur inn eru umfangsmeiri breytingar en hefði ellegar verið ráðist í sem hluti af reglulegu viðhaldi og öryggisumbótaferli sem bæta gæði umhverfis umfram þær lágmarkskröfur sem gerðar eru. Þannig er íbúanum réttur lykillinn að því að forgangsraða hvaða breytingum óskað er eftir öðrum framar á þessum tímapunkti. Stundum eru verkefni jú á löngum lista sem mun taka mörg ár að klára og þá getur Hverfið mitt komið að gagni við að breyta forgangsröðun þess lista. Þó endurnýjun og viðhald leikvalla sé á reglulegri viðhaldsáætlun þá er ekki endilega hluti af því að fá þar inn splunkunýja aparólu eða ærslabelg, sem getur vel verið eitthvað sem skiptir íbúa hverfisins máli. Meira samráð og stærri peningapottur Annað sem okkur var bent á af íbúum varðandi Hverfið mitt var að stundum voru verkefnin sem voru framkvæmd eftir kosningu ekki nægilega vel í takt við upprunalega hugmynd hugmyndahöfunda. Stundum bárust kvartanir úr hverfunum vegna þess að verkefnin voru ekki staðsett á heppilegum stað. Mörgum fannst ruglandi að hugmyndasöfnun eitt árið var farin af stað áður en verkefni síðasta árs voru framkvæmd, þess vegna rötuðu stundum verkefni sem höfðu verið kjörin til framkvæmda eitt árið inn í hugmyndasöfnun næsta árs. Vegna allra þessara þátta var ráðist í breytingar á tímalínu Hverfið mitt hringrásarinnar þannig að tímalínan nær nú yfir tvö ár frekar en eitt ár. Hugmyndasöfnun fer þannig ekki lengur af stað áður en hugmyndir komast til framkvæmda sem minnkar rugling. Með þessu móti er meiri tími til samráðs við hugmyndahöfunda um hugmyndir og verkefni til að auka ánægju með endanlegar niðurstöður framkvæmda og svo gefst með þessu betri tími til að íbúaráðin og íbúar í hverfunum hafi aukna aðkomu að staðsetningu verkefna. Rúsínan í pylsuendanum er mun stærri peningapottur í hvert skipti þannig að stærri og fleiri verkefni komist til framkvæmda. Verkefni sem hefðu áður kannski ekki náð kosningu eru orðin líklegri í dag, þannig eykst einnig fjölbreytni þeirra verkefna sem ná kosningu. Ég tel að þessar breytingar séu af hinu góða. Hverfið mitt er þekkt á heimsvísu sem framsækið lýðræðisverkefni og við erum fyrirmynd margra annarra borga og bæja hvað þetta varðar. Mikil ánægja er með Hverfið mitt en ég vona að þessar breytingar sem sníða af ákveðna vankanta auki ánægju enn frekar svo við öll megum sem best við una. Höfundur er formaður mannréttinda-, nýsköpunar- og lýðræðisráðs Reykjavíkur og borgarfulltrúi Pírata.
Hvað með heyrnarskert börn, heyrnarskerta fullorðna og börn með skarð? Eva Albrechtsen,Ösp Vilberg Baldursdóttir Skoðun
Geðveiki krónuhagkerfisins: Tók 35 milljón króna lán, búinn að greiða til baka 91 milljón, skuldar samt enn 64 milljónir! Ole Anton Bieltvedt Skoðun
Skoðun Hvað með heyrnarskert börn, heyrnarskerta fullorðna og börn með skarð? Eva Albrechtsen,Ösp Vilberg Baldursdóttir skrifar
Skoðun Vegið að íslenskri kvikmyndagerð Grímur Hákonarson,Hafsteinn Gunnar Sigurðsson,Hrafnhildur Gunnarsdóttir skrifar
Hvað með heyrnarskert börn, heyrnarskerta fullorðna og börn með skarð? Eva Albrechtsen,Ösp Vilberg Baldursdóttir Skoðun
Geðveiki krónuhagkerfisins: Tók 35 milljón króna lán, búinn að greiða til baka 91 milljón, skuldar samt enn 64 milljónir! Ole Anton Bieltvedt Skoðun