Böðvar spilaði allan leikinn í sigri

Böðvar Böðvarsson spilaði allan leikinn í vinstri bakverðinum þegar Jagiellonia Bialystok vann góðan sigur á Lech Poznan í pólsku úrvalsdeildinni í fótbolta.

Taras Romanczuk kom Jagiellonia yfir strax á 2. mínútu leiksins og Maciej Makuszewski tvöfaldaði forskotið á 68. mínútu. Jakub Moder minnkaði muninn fyrir Poznan úr vítaspyrnu á 81. mínútu og þar við sat, 2-1 sigur Jagiellonia staðreynd.

Böðvar og félagar eru núna í 4. sæti með ellefu stig úr sex leikjum á meðan Lech Poznan er í 7. sæti með átta stig.