Spænska úrvalsdeildin fer aftur af stað 13. júní

Fréttir þess efnis að stefnt sé að hefja leik að nýju í spænsku úrvalsdeildinni þann 13. júní bárust í kvöld, sunnudag.

Þýska úrvalsdeildin er nú þegar farin af stað og þá er stefnt að því að enska úrvalsdeildin fari aftur af stað á Þjóðhátíðardag okkar Íslendinga þann17. júní. 

Topplið Barcelona mætir Mallorca þann 13. júní, sama dag og Pepsi Max deild karla fer af stað hér á landi. Degi síðar mætast Real Madrid og Eibar en fyrrnefnda liðið er aðeins tveimur stigum á eftir Börsungum.

Líkt og í Þýskalandi verður leikið fyrir luktum dyrum á Spáni.