Lítið úrval af leikmönnum Henry Birgir Gunnarsson skrifar 26. október 2015 06:30 Patrekur fagnar góðum sigri með sínum mönnum. vísir/getty „Þetta er miklu meiri viðvera en áður og ég er á ferð og flugi milli Íslands og Austurríkis,“ segir Patrekur Jóhannesson, landsliðsþjálfari Austurríkis, en hann er hættur að vera landsliðsþjálfari í aukastarfi og er í fullri vinnu hjá Austurríkismönnum. Undir stjórn Patreks hafa Austurríkismenn verið að ná eftirtektarverðum árangri en hann tók við liðinu árið 2011. Patrekur kom liðinu á EM 2014 og svo aftur á HM ári síðar. Austurríki komst þó ekki inn á EM sem fer fram í Póllandi í janúar næstkomandi. Í kjölfarið taka við kynslóðaskipti hjá austurríska liðinu en Patrekur hefur verið að leggja grunninn að þessum tímamótum í nokkurn tíma.Reynsluboltar hætta „Það eru fimm til sex leikmenn sem voru með okkur á HM í Katar sem eru að detta út. Þetta eru menn eins og Roland Schlinger og fleiri. Þeir eru bara orðnir of gamlir,“ segir Patrekur en hann vonast eftir því að Victor Szilagyi haldi áfram með liðinu eins lengi og hann getur. „Árið 2011 byrjaði ég að taka inn unga stráka sem eru að bera liðið uppi núna. Til að mynda tvíburarnir Alex og Max Hermann. Þeir eiga að vera hjartað í þessu sem og Nikola Bilyk en hann er líklega á leið til Kiel eftir þennan vetur. Svo er ég með hornamennina Robert Weber og Raul Santos. Þetta verða mínir lykilmenn,“ segir Patrekur en Bilyk er að verða 19 ára og framtíðarstjarna enda tryggði Alfreð Gíslason sér þjónustu hans fyrir þó nokkru. „Ég viðurkenni vel að það er ekkert allt of mikið af leikmönnum til þess að velja úr en ég reyni að búa til gott lið úr því sem við höfum í höndunum. Það er framar björtustu vonum að hafa komist á HM og EM. Það er ótrúlega gott hjá okkur og gaman að við erum tilnefndir sem eitt af liðum ársins í Austurríki. Fótboltinn mun þó væntanlega rúlla því kjöri upp.“ Patrekur skrifað síðast undir samning við Austurríkismenn til ársins 2020 og því ljóst að menn þar á bæ hafa trú á verkum hans.Horft fimm ár fram í tímann „Við erum að reyna að búa til lið fyrir EM 2020 sem verður meðal annars haldið í Austurríki. Mín vinna snýst mest um að búa til lið sem á að toppa þar. Við ætluðum að vera með B-landslið en það gekk ekki upp þar sem það er ekki nægur mannskapur til staðar,“ segir Patrekur. Austurríki hélt EM árið 2010 en Patrekur segir erfitt að festa fingur á hvort það hafi skilað íþróttinni miklu heima fyrir. „Maður finnur alveg fyrir áhuga eins og eftir HM í Katar en handboltinn er í ákveðinni krísu þarna út af aðstöðuleysi. Ef við tökum til að mynda lið eins og West Wien, sem Hannes Jón Jónsson þjálfar, þá held ég að þeir æfi í þrem mismunandi höllum. Handboltinn er í erfiðri samkeppni því í Austurríki snýst þetta mikið um fótbolta og skíðaíþróttir.“Patti er venjulega líflegur á línunni.vísir/gettyFín umgjörð Handknattleikssambandið í Austurríki er með um tíu starfsmenn eða helmingi fleiri en HSÍ til að mynda. Það eru til peningar í handboltanum og mikil starfsemi hjá sambandinu. „Umgjörðin í kringum landsliðið er mjög góð. Það er nánast hægt að gera allt sem ég fer fram á og ég get ekki kvartað yfir neinu.“ Í næsta mánuði er Austurríki að fara að spila í undanriðli fyrir HM en góður árangur þar tryggir liðinu sæti í umspili næsta sumar um laust sæti á HM. Austurríki er í riðli með Rúmeníu, Finnlandi og Ítalíu í riðli. „Við verðum væntanlega helst í keppni við Rúmena og eðlilega langar okkur á HM þó svo við séum að byrja með nýtt lið. Aðalmarkmiðið núna er að komast á EM 2018 og vera svo með topplið árið 2020,“ segir Patrekur en sér hann fram á að klára samninginn og vera enn með liðið eftir fimm ár?Skemmtilegt starf „Ég er með samning og stefni því ekki á neitt annað. Auðvitað veit maður aldrei í þessu starfi þar sem brugðið getur til beggja vona. Það er samt ákveðið traust eftir fjögur ár í starfi. Ég er búinn að semja við þá þrisvar og við vitum hvar við höfum hvorir aðra.“ Þegar samningstímanum lýkur verður Patrekur búinn að vera með liðið í níu ár. Hann hlýtur að vera ánægður fyrst hann er til í að vera svona lengi. „Það hefur gengið vel og þetta hefur verið skemmtilegt. Núna er ný og skemmtileg áskorun fram undan hjá mér sem verður gaman að takast á við. Það er gaman að byggja upp lið frá grunni. Þetta er starfið sem ég valdi mér. Mér finnst það skemmtilegt og ég tel mig vera góðan í þessu starfi.“ EM 2016 karla í handbolta Handbolti Mest lesið Húbba Búbba kippt af dagskrá: „Það eina sem ég spila í Víkinni er fótbolti“ Íslenski boltinn Raya hetjan er Skytturnar lögðu rútunni í Bergamo Fótbolti „Ég á Íslandi líf mitt að þakka“ Íslenski boltinn Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Handbolti Framarar flæktir í óskýrum reglum HSÍ: „Þetta er alveg galið dæmi“ Handbolti Hafi snúist hugur og vilji nú fara til Liverpool Enski boltinn Trompaðist eftir misheppnaða hælsendingu í dauðafæri: „Nei! Nei! Nei!“ Fótbolti Eftirsjá Gary Martin: „Mín skoðun, fólk mun ekki vera sammála henni“ Íslenski boltinn „Djúpir dalir en þú kemst upp úr þeim“ Sport Arteta með vondar fréttir af meiðslum Ødegaards Enski boltinn Fleiri fréttir Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Uppgjörið: Valur - Afturelding 31-34 | Frábær sigur gestanna „Í versta falli fer allt til fjandans, svo kemur nýr dagur“ „Alltaf gaman að spila í KA heimilinu” HK lagði Íslandsmeistarana og Grótta vann í Breiðholti Sjá meira
„Þetta er miklu meiri viðvera en áður og ég er á ferð og flugi milli Íslands og Austurríkis,“ segir Patrekur Jóhannesson, landsliðsþjálfari Austurríkis, en hann er hættur að vera landsliðsþjálfari í aukastarfi og er í fullri vinnu hjá Austurríkismönnum. Undir stjórn Patreks hafa Austurríkismenn verið að ná eftirtektarverðum árangri en hann tók við liðinu árið 2011. Patrekur kom liðinu á EM 2014 og svo aftur á HM ári síðar. Austurríki komst þó ekki inn á EM sem fer fram í Póllandi í janúar næstkomandi. Í kjölfarið taka við kynslóðaskipti hjá austurríska liðinu en Patrekur hefur verið að leggja grunninn að þessum tímamótum í nokkurn tíma.Reynsluboltar hætta „Það eru fimm til sex leikmenn sem voru með okkur á HM í Katar sem eru að detta út. Þetta eru menn eins og Roland Schlinger og fleiri. Þeir eru bara orðnir of gamlir,“ segir Patrekur en hann vonast eftir því að Victor Szilagyi haldi áfram með liðinu eins lengi og hann getur. „Árið 2011 byrjaði ég að taka inn unga stráka sem eru að bera liðið uppi núna. Til að mynda tvíburarnir Alex og Max Hermann. Þeir eiga að vera hjartað í þessu sem og Nikola Bilyk en hann er líklega á leið til Kiel eftir þennan vetur. Svo er ég með hornamennina Robert Weber og Raul Santos. Þetta verða mínir lykilmenn,“ segir Patrekur en Bilyk er að verða 19 ára og framtíðarstjarna enda tryggði Alfreð Gíslason sér þjónustu hans fyrir þó nokkru. „Ég viðurkenni vel að það er ekkert allt of mikið af leikmönnum til þess að velja úr en ég reyni að búa til gott lið úr því sem við höfum í höndunum. Það er framar björtustu vonum að hafa komist á HM og EM. Það er ótrúlega gott hjá okkur og gaman að við erum tilnefndir sem eitt af liðum ársins í Austurríki. Fótboltinn mun þó væntanlega rúlla því kjöri upp.“ Patrekur skrifað síðast undir samning við Austurríkismenn til ársins 2020 og því ljóst að menn þar á bæ hafa trú á verkum hans.Horft fimm ár fram í tímann „Við erum að reyna að búa til lið fyrir EM 2020 sem verður meðal annars haldið í Austurríki. Mín vinna snýst mest um að búa til lið sem á að toppa þar. Við ætluðum að vera með B-landslið en það gekk ekki upp þar sem það er ekki nægur mannskapur til staðar,“ segir Patrekur. Austurríki hélt EM árið 2010 en Patrekur segir erfitt að festa fingur á hvort það hafi skilað íþróttinni miklu heima fyrir. „Maður finnur alveg fyrir áhuga eins og eftir HM í Katar en handboltinn er í ákveðinni krísu þarna út af aðstöðuleysi. Ef við tökum til að mynda lið eins og West Wien, sem Hannes Jón Jónsson þjálfar, þá held ég að þeir æfi í þrem mismunandi höllum. Handboltinn er í erfiðri samkeppni því í Austurríki snýst þetta mikið um fótbolta og skíðaíþróttir.“Patti er venjulega líflegur á línunni.vísir/gettyFín umgjörð Handknattleikssambandið í Austurríki er með um tíu starfsmenn eða helmingi fleiri en HSÍ til að mynda. Það eru til peningar í handboltanum og mikil starfsemi hjá sambandinu. „Umgjörðin í kringum landsliðið er mjög góð. Það er nánast hægt að gera allt sem ég fer fram á og ég get ekki kvartað yfir neinu.“ Í næsta mánuði er Austurríki að fara að spila í undanriðli fyrir HM en góður árangur þar tryggir liðinu sæti í umspili næsta sumar um laust sæti á HM. Austurríki er í riðli með Rúmeníu, Finnlandi og Ítalíu í riðli. „Við verðum væntanlega helst í keppni við Rúmena og eðlilega langar okkur á HM þó svo við séum að byrja með nýtt lið. Aðalmarkmiðið núna er að komast á EM 2018 og vera svo með topplið árið 2020,“ segir Patrekur en sér hann fram á að klára samninginn og vera enn með liðið eftir fimm ár?Skemmtilegt starf „Ég er með samning og stefni því ekki á neitt annað. Auðvitað veit maður aldrei í þessu starfi þar sem brugðið getur til beggja vona. Það er samt ákveðið traust eftir fjögur ár í starfi. Ég er búinn að semja við þá þrisvar og við vitum hvar við höfum hvorir aðra.“ Þegar samningstímanum lýkur verður Patrekur búinn að vera með liðið í níu ár. Hann hlýtur að vera ánægður fyrst hann er til í að vera svona lengi. „Það hefur gengið vel og þetta hefur verið skemmtilegt. Núna er ný og skemmtileg áskorun fram undan hjá mér sem verður gaman að takast á við. Það er gaman að byggja upp lið frá grunni. Þetta er starfið sem ég valdi mér. Mér finnst það skemmtilegt og ég tel mig vera góðan í þessu starfi.“
EM 2016 karla í handbolta Handbolti Mest lesið Húbba Búbba kippt af dagskrá: „Það eina sem ég spila í Víkinni er fótbolti“ Íslenski boltinn Raya hetjan er Skytturnar lögðu rútunni í Bergamo Fótbolti „Ég á Íslandi líf mitt að þakka“ Íslenski boltinn Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Handbolti Framarar flæktir í óskýrum reglum HSÍ: „Þetta er alveg galið dæmi“ Handbolti Hafi snúist hugur og vilji nú fara til Liverpool Enski boltinn Trompaðist eftir misheppnaða hælsendingu í dauðafæri: „Nei! Nei! Nei!“ Fótbolti Eftirsjá Gary Martin: „Mín skoðun, fólk mun ekki vera sammála henni“ Íslenski boltinn „Djúpir dalir en þú kemst upp úr þeim“ Sport Arteta með vondar fréttir af meiðslum Ødegaards Enski boltinn Fleiri fréttir Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Uppgjörið: Valur - Afturelding 31-34 | Frábær sigur gestanna „Í versta falli fer allt til fjandans, svo kemur nýr dagur“ „Alltaf gaman að spila í KA heimilinu” HK lagði Íslandsmeistarana og Grótta vann í Breiðholti Sjá meira