Mikel Arteta enn lengur frá

Einhver bið verður á því að Mikel Arteta, leikmaður Everton, geti byrjað að spila með liðinu á nýjan leik.

Arteta fór í aðgerð á hné vegna krossbandsslita í febrúar síðastliðnum. Læknar hafa nú fundið sýkingu í hnénu og þarf hann að fara í aðgerð til að hreinsa hnéð.

„Þetta áfall fyrir hann en við vitum ekki hversu lengi þetta seinkar því að hann geti byrjað að spila á ný," sagði David Moyes, stjóri Everton.

Everton mætir Benfica í Evrópudeild UEFA á morgun.