Reyes vill mæta Arsenal í Meistaradeildinni

Spænski landsliðsmaðurinn Jose Antonio Reyes hjá Arsenal, sem nú leikur sem lánsmaður hjá Real Madrid, segist óska þess að liðin lendi saman í 16-liða úrslitum Meistaradeildarinnar.

"Það yrði frábært ef þessi lið lentu á móti hvort öðru því allir vilja spila við Arsenal á heimavelli þeirra," sagði Reyes, sem þegar hefur lýst því yfir að hann muni aldrei aftur spila á Englandi því hann hafi aldrei náð að festa sig í sessi í menningunni eða knattspyrnunni.