Næturferð til Syðri-Straumfjarðar 14. júlí 2004 00:01 Fyrir marga er Grænland afar spennandi og framandi land sem vel þess virði er að heimsækja. Landið er aðeins í seilingarfjarlægð frá Íslandi og því tilvalið fyrir þá sem þangað vilja komast í sumar að skella sér og njóta bjartra sumarnótta og miðnætursólar. Ferðaskrifstofan Iceland Excursions og Allrahanda býður í sumar upp á vikulegar ferðir til Grænlands og er flogið öll fimmtudagskvöld til 12. ágúst. "Við seljum í leiguflug hjá þýsku fyrirtæki sem er með fastar ferðir frá Þýskalandi um Ísland og þaðan til Grænlands og buðu þeir okkur að vera með til að fullnýta vélina. Þar sáum við gott tækifæri til að bjóða Íslendingum sem erlendum ferðamönnum sem hér eru staddir, að heimsækja Grænland. Þetta er stutt ferð, aðeins nokkrir klukkutímar en oft er þetta þó upphafið að annarri og lengri ferð sem farþegar fara þá í seinna meir. Fyrir þá sem vilja dvelja lengur bjóðum við einnig upp á vikudvöl á þessum sömu slóðum og þá er um að ræða sérsniðna dagskrá af öllu því besta sem Vestur-Grænland hefur upp á að bjóða," segir Þórir Garðarson, markaðsstjóri Iceland Excursions og Allrahanda. Í síðustu viku fóru blaðamaður og ljósmyndari Fréttablaðsins ásamt fleiri farþegum til Kangerlussuaq í Syðri-Straumsfirði sem er á vesturströnd Grænlands. Flogið var frá Keflavík kl. 23 um kvöldið og komið aftur kl. 5 að morgni næsta dags. Þegar vélin tók á loft í Keflavík blasti Snæfellsjökullinn við í allri sinni dýrð með miðnætursólina í bakið. Flugið var hið þægilegasta og biðu sjálfsagt flestir um borð í ofvæni eftir að fljúga yfir sjálfan Grænlandsjökulinn. Því miður var skyggnið ekki sem best því það var bæði skýjað og mistur í lofti. Engu að síður var magnað að fljúga yfir jökulinn og horfa niður á ískalda og hrikalega jökulbreiðuna sem var óendanlega löng að sjá. Þegar nær dró lendingarstað endaði jökullinn og við tók nakið landslag, túndra með berum klöppum og steinum. Í Syðri-Straumsfirði var gola, skýjað og tíu stiga hiti en því miður sást engin miðnætursól. Farþegum var ekið um svæðið í rútu ásamt leiðsögumanninum Hans, sem fræddi farþegana um svæðið. Keyrt var upp í hlíðina fyrir ofan byggðina þar sem nokkur sauðnaut sáust í fjarska en þau eru algeng á þessum slóðum. Útsýnið var fallegt og sérstaklega út fjörðinn sem er sá næst lengsti á Grænlandi, um 170 kílómetrar. Eftir þessa stuttu dvöl var síðan haldið aftur af stað heim og lent í Keflavík um fimmleytið um morguninn. Þótt stoppið á Grænlandi hafi verið stutt í þetta skiptið var ferðin hin ánægjulegasta og óhætt að segja að flestir farþeganna hafi skemmt sér vel. Ferðalög Mest lesið Sjóðheitir og einhleypir inn í haustið Lífið „Þetta er móðgun gegn Íslandi“ Menning Halla í rándýrum kjól með Maríu og Friðriki Lífið Heyrði varla í bónorðinu fyrir látum Lífið Geymdi lík sonar síns í tvo mánuði Lífið Vörpuðu sprengju á arkitektana á Ítalíu Lífið Sjóðheitar og einhleypar inn í haustið Lífið Sturlað augnablik þegar afmælisbarnið endaði uppi á borði Lífið Arnar og Sara Björk eiga von á sínu öðru barni Lífið Fyrsta sms sögunnar kom keppendum á óvart Lífið Fleiri fréttir „Þetta er móðgun gegn Íslandi“ Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Fyrir marga er Grænland afar spennandi og framandi land sem vel þess virði er að heimsækja. Landið er aðeins í seilingarfjarlægð frá Íslandi og því tilvalið fyrir þá sem þangað vilja komast í sumar að skella sér og njóta bjartra sumarnótta og miðnætursólar. Ferðaskrifstofan Iceland Excursions og Allrahanda býður í sumar upp á vikulegar ferðir til Grænlands og er flogið öll fimmtudagskvöld til 12. ágúst. "Við seljum í leiguflug hjá þýsku fyrirtæki sem er með fastar ferðir frá Þýskalandi um Ísland og þaðan til Grænlands og buðu þeir okkur að vera með til að fullnýta vélina. Þar sáum við gott tækifæri til að bjóða Íslendingum sem erlendum ferðamönnum sem hér eru staddir, að heimsækja Grænland. Þetta er stutt ferð, aðeins nokkrir klukkutímar en oft er þetta þó upphafið að annarri og lengri ferð sem farþegar fara þá í seinna meir. Fyrir þá sem vilja dvelja lengur bjóðum við einnig upp á vikudvöl á þessum sömu slóðum og þá er um að ræða sérsniðna dagskrá af öllu því besta sem Vestur-Grænland hefur upp á að bjóða," segir Þórir Garðarson, markaðsstjóri Iceland Excursions og Allrahanda. Í síðustu viku fóru blaðamaður og ljósmyndari Fréttablaðsins ásamt fleiri farþegum til Kangerlussuaq í Syðri-Straumsfirði sem er á vesturströnd Grænlands. Flogið var frá Keflavík kl. 23 um kvöldið og komið aftur kl. 5 að morgni næsta dags. Þegar vélin tók á loft í Keflavík blasti Snæfellsjökullinn við í allri sinni dýrð með miðnætursólina í bakið. Flugið var hið þægilegasta og biðu sjálfsagt flestir um borð í ofvæni eftir að fljúga yfir sjálfan Grænlandsjökulinn. Því miður var skyggnið ekki sem best því það var bæði skýjað og mistur í lofti. Engu að síður var magnað að fljúga yfir jökulinn og horfa niður á ískalda og hrikalega jökulbreiðuna sem var óendanlega löng að sjá. Þegar nær dró lendingarstað endaði jökullinn og við tók nakið landslag, túndra með berum klöppum og steinum. Í Syðri-Straumsfirði var gola, skýjað og tíu stiga hiti en því miður sást engin miðnætursól. Farþegum var ekið um svæðið í rútu ásamt leiðsögumanninum Hans, sem fræddi farþegana um svæðið. Keyrt var upp í hlíðina fyrir ofan byggðina þar sem nokkur sauðnaut sáust í fjarska en þau eru algeng á þessum slóðum. Útsýnið var fallegt og sérstaklega út fjörðinn sem er sá næst lengsti á Grænlandi, um 170 kílómetrar. Eftir þessa stuttu dvöl var síðan haldið aftur af stað heim og lent í Keflavík um fimmleytið um morguninn. Þótt stoppið á Grænlandi hafi verið stutt í þetta skiptið var ferðin hin ánægjulegasta og óhætt að segja að flestir farþeganna hafi skemmt sér vel.
Ferðalög Mest lesið Sjóðheitir og einhleypir inn í haustið Lífið „Þetta er móðgun gegn Íslandi“ Menning Halla í rándýrum kjól með Maríu og Friðriki Lífið Heyrði varla í bónorðinu fyrir látum Lífið Geymdi lík sonar síns í tvo mánuði Lífið Vörpuðu sprengju á arkitektana á Ítalíu Lífið Sjóðheitar og einhleypar inn í haustið Lífið Sturlað augnablik þegar afmælisbarnið endaði uppi á borði Lífið Arnar og Sara Björk eiga von á sínu öðru barni Lífið Fyrsta sms sögunnar kom keppendum á óvart Lífið Fleiri fréttir „Þetta er móðgun gegn Íslandi“ Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira