Grímsvötn

Skilur loks gamlar sagnir

„Það kom enginn í fyrra þegar við upplifðum nákvæmlega það sama. Nú erum við miðdepill alls hérna,“ segir Soffía Gunnarsdóttir, starfskona á dvalarheimilinu Klausturhólum. Soffía býr á bænum Jórveri 1 í Álftaveri, og er þetta í annað sinn á rúmu ári sem hún verður fyrir fyrir barðinu á öskugosi.

Innlent 24.5.2011 22:55

Lömbin voru nýdáin og vitin full af sandi

Hjónin á Arnardranga í Landbroti hafa upplifað miklar hremmingar á síðustu dögum. Nokkrar kindur á bænum hafa drepist og hrossin þeirra tvö hafa enn ekki skilað sér heim í hús.

Innlent 24.5.2011 22:55

Veiðiár litaðar af ösku

Veiðimálastofnun mælist til þess að þeir hafi samband sem verða varir við dauðan fisk, jafnt seiði sem stærri fisk, í vötnum eða ám þar sem öskufalls gætir frá eldstöðinni í Grímsvötnum. Stofnunin mun fylgjast með framvindu mála og reyna eftir föngum að vera fólki til ráðgjafar og skoða vötn þar sem fiskdauða verður vart.

Innlent 24.5.2011 22:54

Erum bara á degi þrjú

Íbúar á Kirkjubæjarklaustri taka flestir ástandinu í bænum með ró en segjast þó margir hverjir engan veginn geta gert sér grein fyrir því hvernig framhaldið muni verða. Þetta segir Eygló Kristjánsdóttir, sveitarstjóri á Kirkjubæjarklaustri. Staðan sé mun betri en fólk þorði að vona í fyrstu.

Innlent 24.5.2011 22:55

Eldgosið í rénun

Dregið hefur jafnt og þétt úr eldgosinu í Grímsvötnum síðan í gær. Gosmökkurinn stendur nú í um þriggja til fimm kílómetrahæð og er gosefnaframleiðsla umtalsvert minni. Mjög sterk norðanátt er enn á svæðinu sem feykir ösku til suðurs, dregur úr vindi síðar í dag að sögn Veðurstofunnar.

Innlent 24.5.2011 11:30

Búið að aflýsa 252 flugferðum - Ryanair flaug inn í öskuna

Búið er að aflýsa 252 flugum í Evrópu vegna ösku sem hefur borist frá frá Grímsvötnum samkvæmt evrópsku flugumferðastjórninni.

Erlent 24.5.2011 10:45

Gæsluvélin að komast í gagnið

Dash eftirlitsflugvél Landhelgisgæslunnar TF-SIF er að verða flughæf og getur væntanlega flogið með vísindamenn fyrir eldstöðvarnar í dag. Hún var biluð þegar gosið hófst og nauðsynlegur varhlutur komst ekki til landsins fyrr en í gærkvöldi, vegna flugbannsins.

Innlent 24.5.2011 10:19

Hjálpa bændum við smölun á fé og öðrum búpeningi

Um sextíu björgunarsveitamenn eru nú að störfum á öskufallssvæðinu fyrir austan og fjöldi verkefna liggur fyrir og felast þau flest í aðstoð við bændur við smölun á fé og öðrum búpeningi, segir í tilkynningu frá Slysavarnarfélaginu Landsbjörg.

Innlent 24.5.2011 10:15

Iceland Express seinkar flugferðum

Vélum Iceland Express til Kaupmannahafnar og London, sem fara áttu í morgun hefur verið seinkað vegna eldgossins í Grímsvötnum.

Innlent 24.5.2011 09:16

Skyggni batnað til muna á Kirkjubæjarklaustri

Skyggni hefur nú batnað til muna á Kirkjubæjarklaustri en þar fyrir austan er skyggni enn slæmt vegna öskufoks og er hringvegurinn enn lokaður.

Innlent 24.5.2011 08:53

Ófærð víða á Austfjörðum

Vetrarríki og ófærð er víða á fjallvegum á Austfjörðum, en mokstur er víðast hvar hafinn.

Innlent 24.5.2011 08:42

Icelandair frestar flugi - óvissa með Lundúnaflug

Icelandair hefur frestað morgunflugi frá landinu til London, Manchester og Glasgow fram yfir hádegi vegna ösku á háloftunum og Iceland Express mun að líkindum fresta Lundúnafluginu.

Innlent 24.5.2011 07:09

Skepnur hafa hrakist í skurði og drukknað

Dæmi eru um að dýr hafi drepist eftir að hafa hrakist í ógöngur vegna blindu frá gosmekkinum úr Grímsvötnum. Gunnar Þorkelsson, héraðsdýralæknir Vestur-Skaftafellsumdæmis, segir slík dæmi þó ekki mörg og hljóð í bændum á svæðinu ótrúlega gott miðað við aðstæður. Þar hafi hjálpað fyrstu fregnir um að tiltölulega lítið flúor mældist í öskunni, en það getur verið skepnunum hættulegt.

Innlent 23.5.2011 23:07

Hluta af lofthelgi Danmerkur lokað vegna ösku

Dönsk flugmálayfirvöld tilkynntu klukkan sex í morgun að norðausturhluta af lofthelgi Danmerkur hefi verið lokað.

Erlent 24.5.2011 06:59

Íbúar yfirgáfu gossvæðið

Nokkrir íbúar Kirkjubæjarklausturs og þar úr grenndinni yfirgáfu svæðið í fylgd björgunarsveitarmanna í gærkvöldi og ætla að dvelja annarsstaðar fyrst um sinn. Vitað er nokkrar kindur og lömb hafa drepist, einkum í Landbroti, suður af eldstöðinni.

Innlent 24.5.2011 06:56

Náðu að klára prófin fyrir helgi en lokapartíi aflýst

"Sem betur fer vorum við með grímu,“ segir Svava Margrét Sigmarsdóttir, nýorðin sex ára leikskólamær á Kærabæ á Kirkjubæjarklaustri, þegar hún lýsir því hvernig hún fór með móður sinni á milli húsa í bænum til að heimsækja "Laugu frænku“. Hún segist ekkert vera hrædd þó að myrkur sé um miðjan dag og blint í öskufjúkinu, enda hafi hún séð öskufall frá Eyjafjallajökli í fyrra. "En þá var ekki svona mikið myrkur eins og núna.“

Innlent 23.5.2011 23:07

Ísinn er eins og fljótandi grjót

Það var enginn blámi yfir Jökulsárlóni í gær. Ísjakarnir þar eru svartir og það var ekkert að gera, að sögn Einars Björns Einarssonar sem rekur ferðaþjónustuna Glacier Lagoon.

Innlent 23.5.2011 23:07