Meistaradeildin

Naumur sigur Real á Bayern

Real Madrid vann 3-2 sigur á Bayern Munchen í fyrri leik liðanna í 16-liða úrslitum Meistaradeildarinnar í kvöld. Real Madrid komst í 3-1 fyrir hlé, en þýska liðið sýndi fræga seiglu sína í síðari hálfleik og minnkaði muninn í 3-2. Bayern er því í ákjósanlegri stöðu fyrir síðari leikinn á heimavelli sínum.

Fótbolti 20.2.2007 21:53

Umdeilt mark Giggs tryggði United sigurinn

Manchester United tryggði sér í kvöld mikilvægan 1-0 útisigur á franska liðinu Lille á útivelli í kvöld. Það var gamli refurinn Ryan Giggs sem skoraði mark enska liðsins beint úr umdeildri aukaspyrnu á 83. mínútu þegar hann vippaði boltanum í hornið á meðan leikmenn Lille voru enn að stilla upp í vörninni.

Fótbolti 20.2.2007 21:46

Tveir stuðningsmenn United krömdust

Örvænting greip um sig á Stade Felix-Bollaert í Lens í kvöld þegar stuðningsmenn Manchester United krömdust upp við stálhlið á vellinum. Nokkuð hitnaði í kolunum í kjölfarið og þurfti lögregla að grípa til þess að nota táragas til að skakka leikinn. Tveir stuðningsmenn enska liðsins fóru verst út úr uppákomunni en eru ekki alvarlega slasaðir.

Fótbolti 20.2.2007 21:34

Fjörið er á Bernabeu

Nú er kominn hálfleikur í viðureignunum fjórum sem standa yfir í 16-liða úrslitum Meistaradeildar Evrópu. Skemmst er frá því að segja að mesta fjörið er á Santiago Bernabeu, heimavelli Real Madrid, en þar hefur liðið 3-1 forystu gegn Bayern Munchen.

Fótbolti 20.2.2007 20:33

Mourinho: Wenger hefur aldrei orðið Evrópumeistari

Jose Mourinho skaut léttu skoti á kollega sinn Arsene Wenger á blaðamannafundi í dag og gaf þar með tóninn fyrir úrslitaleikinn í enska deildarbikarnum sem fram fer á sunnudaginn. Þar mætast Chelsea og Arsenal.

Fótbolti 20.2.2007 19:42

Beckham í byrjunarliði Real Madrid

David Beckham er í byrjunarliði Real Madrid sem tekur á móti Bayern Munchen í Meistaradeildinni nú klukkan 19:45 en sá leikur er sýndur á Sýn Extra. Real er án Sergio Ramos og Mahamadou Diarra, en þeir Gonzalo Higuain og Ruud van Nistelrooy eru í framlínu spænska liðsins.

Fótbolti 20.2.2007 19:33

Rooney og Larsson í framlínu United

Nú klukkan 19:45 verður flautað til leiks í viðureign Lille og Manchester United á Sýn. Byrjunarliðin eru klár og þeir Wayne Rooney og Henrik Larsson verða í framlínu enska liðsins. Þá kemur markvörðurinn Edwin van der Sar inn á ný eftir nefbrot.

Fótbolti 20.2.2007 19:25

Upphitun fyrir Real Madrid - Bayern Munchen

Leikur Real Madrid og Bayern Munchen á Bernabeu í kvöld verður sýndur beint á Sýn Extra klukkan 19:30 í kvöld. Þetta verður 17 leikur liðanna í Evrópukeppni og þegar sagan er skoðuð er ljóst að þýska liðið hefur nokkuð tak á því spænska.

Fótbolti 20.2.2007 16:33

Upphitun fyrir Lille - Man Utd

Franska liðið Lille tekur á móti Manchester United í fyrri leik liðanna í 16-liða úrslitum Meistaradeildarinnar í kvöld. Þetta verður fimmti leikur liðanna í Meistaradeildinni og hér fyrir neðan gefur að líta nokkra fróðleiksmola fyrir leik kvöldsins sem sýndur er beint á Sýn klukkan 19:30.

Fótbolti 20.2.2007 16:11

Dudek: Ég hótaði ekki að berja lögreglumann

Pólski markvörðurinn Jerzy Dudek hjá Liverpool segir sögur af agabrotum leikmanna liðsins í Portúgal hafa verið ýktar upp í fjölmiðlum. Hann segir að þó málið hafi verið blásið upp í fjölmiðlum, eigi hann og aðrir leikmenn sem brutu reglur liðsins skilið að fá refsingu.

Fótbolti 20.2.2007 15:58

Veislan hefst í kvöld

Í kvöld hefjast 16-liða úrslitin í Meistaradeild Evrópu með látum og sem fyrr verða sjónvarpsstöðvar Sýnar með puttana á púlsinum. Aðalleikurinn á Sýn verður leikur Lille og Manchester United í Frakklandi, Sýn Extra verður með leik Real og Bayern og þá verður leikur PSV og Arsenal á Sýn Extra 2. Útsendingar hefjast klukkan 19:30 en þar að auki verða upphitun og markaþættir á Sýn.

Fótbolti 20.2.2007 14:16

100. leikur Maldini í kvöld

Gamla brýnið Paolo Maldini spilar í kvöld sinn 100. leik á ferlinum í Meistaradeildinni þegar Milan tekur á móti Celtic. Maldini segir þetta vissulega merkilegan áfanga, en bendir á að hann segi ekki nálægt því alla söguna.

Fótbolti 20.2.2007 13:56

Benitez á eftir fjórum framherjum

Rafa Benitez hefur lýst því yfir að hann sé með fjóra framherja í sigtinu til að styrkja hóp sinn í sumar. Allir þessir framherjar spila á Ítalíu en fastlega er reiknað með bílskúrssölu á framherjum Liverpool fljótlega þar sem þeir Robbie Fowler og Craig Bellamy muni vera á leið út.

Enski boltinn 20.2.2007 12:51

Barcelona með fullskipað lið gegn Liverpool

Evrópumeistarar Barcelona verða í fyrsta skipti í nokkra mánuði með fullskipað lið þegar liðið tekur á móti Liverpool á Nou Camp á miðvikudagskvöld. Franski varnarmaðurinn Lilian Thuram er nú byrjaður að æfa á ný eftir mánaðar fjarveru og því hefur Frank Rijkaard loksins endurheimt alla sína leikmenn úr meiðslum.

Fótbolti 19.2.2007 18:57

Forseti Barca: Ég elska Steven Gerrard

Joan Laporta, forseti Barcelona, segist elska Steven Gerrard fyrirliða Liverpool og segir hann táknmynd félagsins. Barcelona tekur á móti Liverpool á Nou Camp á miðvikudaginn í fyrri leik liðanna í 16-liða úrslitum Meistaradeildarinnar. Leikurinn verður að sjálfssögðu sýndur beint á Sýn.

Fótbolti 19.2.2007 15:08

Cruyff: Framherjar Liverpool lykillinn gegn Barca

Hollenska knattspyrnugoðið Johann Cryuff sem stýrði liði Barcelona til sigurs í Evrópukeppninni árið 1992 segir að þó lið Barcelona sé sigurstranglegra á pappírunum, geti framherjar Liverpool gert Börsungum lífið leitt þegar liðin mætast í 16-liða úrslitum Meistaradeildarinnar í næstu viku.

Fótbolti 17.2.2007 22:03

Framherjakrísa hjá AC Milan

Carlo Ancelotti, þjálfari AC Milan, á erfitt verkefni fyrir höndum þegar lið hans mætir Celtic í fyrri leik liðanna í Meistaradeildinni í næstu viku. Brasilíumaðurinn Ronaldo skoraði tvö mörk fyrir liðið í 4-3 sigri á Siena, en er ekki leikfær með liðinu í Meistaradeildinni.

Fótbolti 17.2.2007 21:13

AC Milan stefnir á úrslit Meistaradeildarinnar

Georgíski varnarmaðurinn Kakha Kaladze hjá AC Milan telur að ítalska liðið hafi alla möguleika á að komast í úrslitaleik Meistaradeildarinnar í Aþenu í maí. AC Milan hefur ekki vegnað sem skyldi í deildarkeppninni á Ítalíu og segir Kaladze að fyrir vikið sé allt kapp sé lagt á að ná árangri í Meistaradeildinni.

Fótbolti 16.2.2007 14:03

Ársmiðahafar komast á leik Milan og Celtic

Evrópska knattspyrnusambandið hefur ákvaðið að leyfa 37.000 handhöfum ársmiða hjá AC Milan að mæta á leik liðsins gegn Celtic í Meistaradeildinni þann 7. mars. Stuðningsmenn Celtic fá um 4.500 miða á leikinn. Þá hefur Inter fengið grænt ljós á að hleypa 36.000 áhofendum á viðureign sína gegn Valencia í næstu viku þar sem gestirnir fá um 1.800 miða. San Siro völlurinn tekur 85.000 manns í sæti.

Fótbolti 15.2.2007 15:06

Gerrard: Hræðumst ekki Barcelona

Steven Gerrard, fyrirliði Liverpool, segir sína menn ekki óttast að mæta Barcelona í 16-liða úrslitum Meistaradeildarinnar í næstu viku. Hann segir reynslu leikmanna og þjálfara Liverpool koma liðinu til góða í einvíginu.

Fótbolti 14.2.2007 15:36

Celtic mætir Milan á tómum San Siro

Ítalska knattspyrnusambandið mun í dag tilkynna úrskurð sinn í öryggismálum eftir óeirðirnar þar í landi sem kostuðu enn eitt mannslífið um daginn, en þegar hefur verið tilkynnt að 11 heimavellir í A-deildinni standist ekk nýja og stranga öryggisstaðla. fyrir luktum dyrum.

Fótbolti 7.2.2007 16:03

Eggert Magnússon: Áform Platini eru óraunhæf

Eggert Magnússon, fyrrum meðlimur í framkvæmdastjórn UEFA, segir að áform Michael Platini um að fækka liðum frá stærstu deildum Evrópu sem eiga gjaldgengt í Meistaradeild Evrópu vera óraunhæf. Platini var í síðustu viku kosinn nýr forseti UEFA og hafði hann boðað róttækar breytingar á fyrirkomulagi Meistaradeildarinnar.

Fótbolti 29.1.2007 14:36

Líkir Platini við leyniskyttu

Það stefnir í harða kosningabaráttu milli Lennarts Johansson og Michels Platini sem báðir sækjast eftir forsetastóli UEFA. Sitjandi forseti sambandins, Lennart Johansson, hefur líkt vinnuaðferðum Michels Platini við þeirra sem vinna sem leyniskyttur.

Fótbolti 15.1.2007 19:32

Sér ekki eftir að hafa farið frá Barca

Luis Garcia hjá Liverpool segist alls ekki sjá eftir því að hafa yfirgefið herbúðir Barcelona á sínum tíma til að ganga til liðs við þá rauðklæddu. Það eina sem angri hann í Bítlaborginni sé veðrið. Liverpool og Barcelona, Evrópumeistarar síðustu tveggja ára, mætast í 16-liða úrslitum Meistaradeildarinnar í febrúar.

Fótbolti 29.12.2006 23:59

Platini vill breytingar í Meistaradeildinni

Michael Platini, fyrrum landsliðsfyrirliði Frakka og núverandi stjórnarmaður UEFA, hefur gefið í skyn að hann muni breyta fyrirkomulaginu í Meistaradeild Evrópu fari svo að hann vinni forsetakosningar UEFA í næsta mánuði. Þar etur Platini kappi gegn Lennart Johansson, núverandi formanni.

Fótbolti 28.12.2006 14:54

Mourinho býst við konunlegum móttökum

Jose Mourinho skortir ekki sjálfstraustið frekar en fyrri daginn. Nú hefur hann lýst því yfir að hann búist við konunglegum móttökum þegar hann heimsækir Porto í 16-liða úrslitum Meistaradeildarinnar í febrúar. Mourinho gerði Porto að Evrópumeisturum fyrir rúmum tveimur árum.

Fótbolti 27.12.2006 21:12

Strachan mjög ánægður með að mæta Milan

Gordon Strachan, þjálfari skoska liðsins Glasgow Celtic, segist mjög ánægður með þá miklu prófraun sem leikmenn hans fá í febrúar eftir að liðið lenti á móti ítalska liðinu AC Milan í 16-liða úrslitum Meistaradeildarinnar.

Fótbolti 15.12.2006 16:38

Laporta hlakkar til að heimsækja Bítlaborgina

Joan Laporta, forseti Barcelona, segir að enska liðið Liverpool sé sannkallaður óskamótherji í næstu umferð Meistaradeildarinnar og segist ekki geta beðið eftir að heimsækja Bítlaborgina þegar Evrópumeistarar síðustu tveggja ára reyna með sér í 16-liða úrslitunum.

Fótbolti 15.12.2006 16:32

Ferguson ætlar að snúa við blaðinu

Sir Alex Ferguson, stjóri Manchester United, segir að ekki komi til greina að endurtaka klúðrið frá því í fyrra þegar liðið náði aðeins einu stigi gegn franska liðinu Lille í Meistaradeildinni en það varð öðru fremur til þess að enska liðið féll úr keppni. Liðin mætast nú í 16-liða úrslitum keppninnar og er Lille talið eitt veikasta liðið í þeim hópi.

Fótbolti 15.12.2006 16:09

Við höfum engu að tapa

Rafa Benitez, stjóri Liverpool, segir að sínir menn hafi engu að tapa í 16-liða úrslitum meistaradeildarinnar eftir að ljóst var að liðið myndi mæta Eiði Smára og félögum í Barcelona í næstu umferð.

Fótbolti 15.12.2006 16:01