Vilja rannsaka meint samráð með OPEC Samúel Karl Ólason skrifar 30. maí 2024 16:39 Chuck Schumer og 22 aðrir öldungadeildarþingmenn Demókrataflokksins vilja rannsókn á því hvort forsvarsmenn olíufélaga Bandaríkjanna hafi átt í samráði með OPEC um olíuverð. AP/J. Scott Applewhite Chuck Schumer og 22 aðrir öldungadeildarþingmenn Demókrataflokksins, hafa kallað eftir því að dómsmálaráðuneyti Bandaríkjanna beiti öllum ráðum til að koma í veg fyrir verðsamráð í olíuiðnaði Bandaríkjanna. Þingmennirnir vilja að meint samráð verði rannsakað og forsvarsmenn fyrirtækja ákærðir, þyki tilefni til. Forsvarsmenn Fjármálaeftirlits Bandaríkjanna (FTC) sögðu fyrr í mánuðinum að rannsókn á samruna tveggja fyrirtækja hefði leitt í ljós samráð sem hefði aukið kostnað bandarískra fjölskylda og fyrirtækja. AP fréttaveitan segir fyrrverandi framkvæmdastjóra Pioneer Natural Resources grunaðan um að hafa átt í samráði við OPEC og OPEC+ með því markmiði að hækka verð hráolíu. Fjármálaeftirlitið samþykkti fyrr í mánuðinum yfirtöku félagsins Exxon Mobil á PNR. Áðurnefndum fyrrverandi framkvæmdastjóra var þó meinað að ganga til liðs við stjórn Exxon Mobil. OPEC-ríkin eru Alsír, Angóla, Austur-Kongó, Ekvador, Gabon, Írak, Íran, Katar, Kúveit, Líbía, Miðbaugs-Gínea, Nígería, Sameinuðu arabísku furstadæmin, Sádi-Arabía og Venesúela. Bætist Rússland við og önnur ríki þar sem olía er framleidd en tilheyra ekki OPEC kallast hópurinn OPEC+. Skýrsla eftirlitsins segir samráðið mögulega hafa kostað hefðbundna fjölskyldu um fimm hundruð dali í eldsneytiskostnað á ári. Það samsvarar tæpum sjötíu þúsund krónum. Sjá einnig: Ofsagróði hjá olíurisunum eftir innrás Rússa í Úkraínu Demókratar segja að á undanförnum tveimur árum hafi Exxon Mobil og önnur olíufélög Bandaríkjanna hagnast um rúmlega þrjú hundruð milljarða dala. Það samsvarar rúmum 41 billjón króna (41.000.000.000.000). Vilja allsherjarrannsókn Þingmennirnir vilja að starfsmenn FTC hefji allsherjar rannsókn á olíugeiranum og því hvort forsvarsmenn Bandaríkjanna hafi átt í samráði við OPEC. Þeir segja það mögulega varða þjóðaröryggi, þar sem ríki innan OPEC, eins og Rússland og Íran, reyni að grafa undan Bandaríkjunum. Demókratar hófu sjálfir í síðustu viku rannsókn á því hvort forsvarsmenn olíufyrirtækja hafi lofað Donald Trump, fyrrverandi forseta Bandaríkjanna, einhverju og þá hverju á kvöldverði í apríl. Trump er sagður hafa beðið mennina um milljarð dala til forsetaframboðs síns í skiptum fyrir að draga úr reglum sem eiga að vernda umhverfið og binda enda á tímabundið bann við útflutning jarðgass. Því hefur einnig verið haldið fram að Trump hafi heitið því að halda eða bæta skattaafsláttum fyrirtækjanna. Talskona stærstu hagsmunasamtaka olíufyrirtækja í Bandaríkjunum sagði blaðamanni AP fréttaveitunnar að bandarísk olíufyrirtæki hefðu staðið við bakið á neytendum í Bandaríkjunum og um allan heim, gegn samdrætti á framleiðslu hjá OPEC. Hún sagði bréf Demókrata vera enn eina tilraun Demókrata til að grafa undan olíuiðnaðinum. Bandaríkin Bensín og olía Mest lesið Horfðu á hallærislegt sjónvarpsefni og úðuðu í sig bragðaref Atvinnulíf Þrotabú Wok on vill tugmilljóna endurgreiðslu frá Kristjáni Viðskipti innlent Salzburg úr sögunni hjá Play Viðskipti innlent Ellefu milljarða lán til að byggja upp veitukerfi og verjast loftslagsvá Viðskipti innlent Samherji hvetur Odd Eystein til frekari verka Viðskipti innlent Frá RÚV til Coca-Cola Viðskipti innlent „Myndi alveg segja að hjartað í mér hafi verið í buxunum“ Atvinnulíf Fríar skólamáltíðir séu skammgóður vermir Viðskipti innlent Að hætta að vera vandræðaleg í nýrri vinnu Atvinnulíf Spá sömuleiðis óbreyttum stýrivöxtum Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Forsvarsmenn Fjármálaeftirlits Bandaríkjanna (FTC) sögðu fyrr í mánuðinum að rannsókn á samruna tveggja fyrirtækja hefði leitt í ljós samráð sem hefði aukið kostnað bandarískra fjölskylda og fyrirtækja. AP fréttaveitan segir fyrrverandi framkvæmdastjóra Pioneer Natural Resources grunaðan um að hafa átt í samráði við OPEC og OPEC+ með því markmiði að hækka verð hráolíu. Fjármálaeftirlitið samþykkti fyrr í mánuðinum yfirtöku félagsins Exxon Mobil á PNR. Áðurnefndum fyrrverandi framkvæmdastjóra var þó meinað að ganga til liðs við stjórn Exxon Mobil. OPEC-ríkin eru Alsír, Angóla, Austur-Kongó, Ekvador, Gabon, Írak, Íran, Katar, Kúveit, Líbía, Miðbaugs-Gínea, Nígería, Sameinuðu arabísku furstadæmin, Sádi-Arabía og Venesúela. Bætist Rússland við og önnur ríki þar sem olía er framleidd en tilheyra ekki OPEC kallast hópurinn OPEC+. Skýrsla eftirlitsins segir samráðið mögulega hafa kostað hefðbundna fjölskyldu um fimm hundruð dali í eldsneytiskostnað á ári. Það samsvarar tæpum sjötíu þúsund krónum. Sjá einnig: Ofsagróði hjá olíurisunum eftir innrás Rússa í Úkraínu Demókratar segja að á undanförnum tveimur árum hafi Exxon Mobil og önnur olíufélög Bandaríkjanna hagnast um rúmlega þrjú hundruð milljarða dala. Það samsvarar rúmum 41 billjón króna (41.000.000.000.000). Vilja allsherjarrannsókn Þingmennirnir vilja að starfsmenn FTC hefji allsherjar rannsókn á olíugeiranum og því hvort forsvarsmenn Bandaríkjanna hafi átt í samráði við OPEC. Þeir segja það mögulega varða þjóðaröryggi, þar sem ríki innan OPEC, eins og Rússland og Íran, reyni að grafa undan Bandaríkjunum. Demókratar hófu sjálfir í síðustu viku rannsókn á því hvort forsvarsmenn olíufyrirtækja hafi lofað Donald Trump, fyrrverandi forseta Bandaríkjanna, einhverju og þá hverju á kvöldverði í apríl. Trump er sagður hafa beðið mennina um milljarð dala til forsetaframboðs síns í skiptum fyrir að draga úr reglum sem eiga að vernda umhverfið og binda enda á tímabundið bann við útflutning jarðgass. Því hefur einnig verið haldið fram að Trump hafi heitið því að halda eða bæta skattaafsláttum fyrirtækjanna. Talskona stærstu hagsmunasamtaka olíufyrirtækja í Bandaríkjunum sagði blaðamanni AP fréttaveitunnar að bandarísk olíufyrirtæki hefðu staðið við bakið á neytendum í Bandaríkjunum og um allan heim, gegn samdrætti á framleiðslu hjá OPEC. Hún sagði bréf Demókrata vera enn eina tilraun Demókrata til að grafa undan olíuiðnaðinum.
Bandaríkin Bensín og olía Mest lesið Horfðu á hallærislegt sjónvarpsefni og úðuðu í sig bragðaref Atvinnulíf Þrotabú Wok on vill tugmilljóna endurgreiðslu frá Kristjáni Viðskipti innlent Salzburg úr sögunni hjá Play Viðskipti innlent Ellefu milljarða lán til að byggja upp veitukerfi og verjast loftslagsvá Viðskipti innlent Samherji hvetur Odd Eystein til frekari verka Viðskipti innlent Frá RÚV til Coca-Cola Viðskipti innlent „Myndi alveg segja að hjartað í mér hafi verið í buxunum“ Atvinnulíf Fríar skólamáltíðir séu skammgóður vermir Viðskipti innlent Að hætta að vera vandræðaleg í nýrri vinnu Atvinnulíf Spá sömuleiðis óbreyttum stýrivöxtum Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira