Ekið á barn á miðri skólalóð: „Stálheppin að krakkinn sé á lífi“ Árni Sæberg skrifar 6. júní 2023 07:51 Slysið varð á skólalóð Hörðuvallaskóla. VÍsir/Vilhelm/Aðsend Faðir níu ára stúlku vakti athygli á því í gær að ekið hafði verið á dóttur hans á krossara á miðri skólalóð Hörðuvallaskóla í fyrradag. Hann hvetur foreldra til þess að brýna fyrir börnum sínum að fara varlega á ökutækjum og vera ekki á ökutækjum, sem ætluð eru utanvegaakstri, innanbæjar. „Vinsamlega lesið! Ég hef oft sagt að allar þessar vespur og rafhjól myndu valda slysi. Aldrei grunaði mig að dóttir okkar ætti eftir að lenda í því, hvað þá inni á skólalóðinni. Löng saga stutt þá hefði þetta getað verið verra, en nóg er það samt,“ segir í færslu Atla Þórs Albertssonar, þriggja barna föður í Kórahverfinu í Kópavogi, í hóp á Facebook fyrir íbúa hverfisins. Í samtali við Vísi lýsir Atli Þór slysinu, sem varð á sunnudag, með þeim hætti að dóttir hans hafi verið að leika sér á skólalóðinni þegar hún lenti saman við ungan dreng á mótorhjóli, með þeim afleiðingum að hún skaust upp í loft og lenti á höfðinu. „Þetta skeður bara eins og þetta skeður, við erum stálheppin að krakkinn sé á lífi. Hún er óbrotin en það stórsér á henni, það er risakúla á enninu og hnén eru illa farin,“ segir hann. Dóttir Atla Þórs undirgekkst rannsóknir á spítala sem bentu til þess að hún væri ekki alvarlega eða varanlega slösuð en hann segist samt sem áður óttast að afleiðingar slyssins komi í ljós síðar. Þá segir hann að dóttur hans sé skiljanlega mjög brugðið og að vinkonum hennar, sem voru að leik með henni, sé það líka. „En þær eru allar búnar að vera í sambandi í dag, allar búnar að koma í heimsókn og það var smá pitsapartý hérna áðan. Þannig að þetta er búið að þjappa hópnum saman frekar en hitt, sem betur fer.“ Ófremdarástand á skólalóðinni Atli Þór segir að hann hafi lengi varað við hættu af akstri barna og unglinga í hverfinu. „Ég er búinn að segja þetta í mörg ár, maður horfir á krakkana hérna á vespunum alveg á fullri ferð á gangstéttunum, það á eitthvað eftir að ske. Ég sagði það í póstinum að mig grunaði aldrei að það yrði dóttir mín en það gerðist í gær. Ég held að þetta sé versta slysið sem ég veit af allavega í þessu hverfi, svo ég vona að þetta verði einhverjum til varnaðar,“ segir hann. Þá segir hann að það sé oft mikið „fjör“ og mikið vesen á skólalóð Hörðuvallaskóla. „Einmitt svona vespur og alls konar dót sem er þarna inni á, sem eiga ekkert að vera þar. Ég var með henni í fótbolta þarna í fyrradag, deginum áður en þetta skeður, og þetta var eins og smá dýragarður.“ Vill vekja foreldra til umhugsunar Atli Þór ítrekar að hann sé ekki að leita að sökudólgum í málinu heldur vilji hann eingöngu vekja foreldra til umhugunar og hvetja þá til þess að ræða við börnin sín um umgengni við farartæki. Þannig sé hann þegar búinn að ræða við foreldra drengsins, sem dóttir hans kannaðist við, og það samtal hafi verið gott. „Það eru allir vinir í þessu. Ég vil ekki að það sé neinn tekinn af lífi í þessu, krakkinn eða foreldrarnir.“ Þá segir hann að uppeldið í þessum efnum sé alfarið á ábyrgð foreldra. „Ég segi það alltaf að þetta er foreldranna númer eitt, tvö og þrjú. Það er nóg annað að gera hjá kennurum og þeim í skólanum, að halda sínu starfi gangandi. Þetta er bara það sem kemur frá heimilinum, bara til dæmis það að börn fái svona hjól, það er frá foreldrum. Skólinn á ekki að þurfa að segja að þetta sé bannað,“ segir hann. Grunnskólar Kópavogur Skóla - og menntamál Börn og uppeldi Mest lesið „Hreint og klárt vistmorð sem hér á sér stað“ Innlent Ölvaður ökumaður keyrði á umferðareyju og reyndi að flýja Innlent Allt að tuttugu stiga hiti í dag Veður N1-mót og Dyrfjallahlaup í skítaveðri Innlent Lögregla vopnaðist og skotvopn haldlagt Innlent Eldur kviknaði inni á veitingastað í Ármúla Innlent Miklar framkvæmdir á Kirkjubæjarklaustri fyrir unga fólkið Innlent Yfirgáfu skarkalann í borginni og gerðust ferðaþjónustubændur Innlent Fannst fyrir botni Birnudals Innlent Tveir í haldi lögreglu vegna meintrar skotárásar Innlent Fleiri fréttir Útilokar ekki kosningu en Jón vill kjósa áður en það verður of seint Íbúum í Árborg fjölgar um 600 til 700 á ári Reikna með að hefja formlegar sameiningarviðræður í haust Annríkt hjá lögreglu á stærsta degi Írskra daga Lögregluaðgerðir í Rangárþingi og sameining Skorradals og Borgarbyggðar Lögregla vopnaðist og skotvopn haldlagt Ölvaður ökumaður keyrði á umferðareyju og reyndi að flýja Miklar framkvæmdir á Kirkjubæjarklaustri fyrir unga fólkið Slökkviliðið kallað út vegna reyks á skemmtistað Sjö gistu fangageymslur á höfuðborgarsvæðinu í nótt Eldur kviknaði inni á veitingastað í Ármúla N1-mót og Dyrfjallahlaup í skítaveðri „Hreint og klárt vistmorð sem hér á sér stað“ Tveir í haldi lögreglu vegna meintrar skotárásar Yfirgáfu skarkalann í borginni og gerðust ferðaþjónustubændur Uppgjöf eftir áratugabaráttu við kerfið og meint skotárás í Þykkvabæ Fannst fyrir botni Birnudals Segir menn hafa skotið á gröfumann við vinnu Fluttu sex á slysadeild eftir harðan árekstur í Breiðholti Umdeild starfsemi hafi ekki áhrif á neysluvatn íbúa Mikil stemning á Goslokahátíð í Vestmannaeyjum Göngumaðurinn fannst látinn „Ótrúlegt hvað er hægt ef maður hefur hugmyndaflugið“ 30 tilvik skráð: „Alltaf einhverjir sem fara út af sporinu“ Nýjar stofnanir hafi aðsetur á landsbyggðinni Maður handtekinn tvisvar í nótt fyrir sama brot Ná að stytta biðlista og kynjaskipta meðferðinni Kristrún segir mál sem skekið hafa Samfylkinguna ekki svarthvít Meira um ofbeldi og hótanir og starfsfólk upplifir óöryggi í vinnunni Glæsilegt gullregn og hlynur í Hveragerði Sjá meira
„Vinsamlega lesið! Ég hef oft sagt að allar þessar vespur og rafhjól myndu valda slysi. Aldrei grunaði mig að dóttir okkar ætti eftir að lenda í því, hvað þá inni á skólalóðinni. Löng saga stutt þá hefði þetta getað verið verra, en nóg er það samt,“ segir í færslu Atla Þórs Albertssonar, þriggja barna föður í Kórahverfinu í Kópavogi, í hóp á Facebook fyrir íbúa hverfisins. Í samtali við Vísi lýsir Atli Þór slysinu, sem varð á sunnudag, með þeim hætti að dóttir hans hafi verið að leika sér á skólalóðinni þegar hún lenti saman við ungan dreng á mótorhjóli, með þeim afleiðingum að hún skaust upp í loft og lenti á höfðinu. „Þetta skeður bara eins og þetta skeður, við erum stálheppin að krakkinn sé á lífi. Hún er óbrotin en það stórsér á henni, það er risakúla á enninu og hnén eru illa farin,“ segir hann. Dóttir Atla Þórs undirgekkst rannsóknir á spítala sem bentu til þess að hún væri ekki alvarlega eða varanlega slösuð en hann segist samt sem áður óttast að afleiðingar slyssins komi í ljós síðar. Þá segir hann að dóttur hans sé skiljanlega mjög brugðið og að vinkonum hennar, sem voru að leik með henni, sé það líka. „En þær eru allar búnar að vera í sambandi í dag, allar búnar að koma í heimsókn og það var smá pitsapartý hérna áðan. Þannig að þetta er búið að þjappa hópnum saman frekar en hitt, sem betur fer.“ Ófremdarástand á skólalóðinni Atli Þór segir að hann hafi lengi varað við hættu af akstri barna og unglinga í hverfinu. „Ég er búinn að segja þetta í mörg ár, maður horfir á krakkana hérna á vespunum alveg á fullri ferð á gangstéttunum, það á eitthvað eftir að ske. Ég sagði það í póstinum að mig grunaði aldrei að það yrði dóttir mín en það gerðist í gær. Ég held að þetta sé versta slysið sem ég veit af allavega í þessu hverfi, svo ég vona að þetta verði einhverjum til varnaðar,“ segir hann. Þá segir hann að það sé oft mikið „fjör“ og mikið vesen á skólalóð Hörðuvallaskóla. „Einmitt svona vespur og alls konar dót sem er þarna inni á, sem eiga ekkert að vera þar. Ég var með henni í fótbolta þarna í fyrradag, deginum áður en þetta skeður, og þetta var eins og smá dýragarður.“ Vill vekja foreldra til umhugsunar Atli Þór ítrekar að hann sé ekki að leita að sökudólgum í málinu heldur vilji hann eingöngu vekja foreldra til umhugunar og hvetja þá til þess að ræða við börnin sín um umgengni við farartæki. Þannig sé hann þegar búinn að ræða við foreldra drengsins, sem dóttir hans kannaðist við, og það samtal hafi verið gott. „Það eru allir vinir í þessu. Ég vil ekki að það sé neinn tekinn af lífi í þessu, krakkinn eða foreldrarnir.“ Þá segir hann að uppeldið í þessum efnum sé alfarið á ábyrgð foreldra. „Ég segi það alltaf að þetta er foreldranna númer eitt, tvö og þrjú. Það er nóg annað að gera hjá kennurum og þeim í skólanum, að halda sínu starfi gangandi. Þetta er bara það sem kemur frá heimilinum, bara til dæmis það að börn fái svona hjól, það er frá foreldrum. Skólinn á ekki að þurfa að segja að þetta sé bannað,“ segir hann.
Grunnskólar Kópavogur Skóla - og menntamál Börn og uppeldi Mest lesið „Hreint og klárt vistmorð sem hér á sér stað“ Innlent Ölvaður ökumaður keyrði á umferðareyju og reyndi að flýja Innlent Allt að tuttugu stiga hiti í dag Veður N1-mót og Dyrfjallahlaup í skítaveðri Innlent Lögregla vopnaðist og skotvopn haldlagt Innlent Eldur kviknaði inni á veitingastað í Ármúla Innlent Miklar framkvæmdir á Kirkjubæjarklaustri fyrir unga fólkið Innlent Yfirgáfu skarkalann í borginni og gerðust ferðaþjónustubændur Innlent Fannst fyrir botni Birnudals Innlent Tveir í haldi lögreglu vegna meintrar skotárásar Innlent Fleiri fréttir Útilokar ekki kosningu en Jón vill kjósa áður en það verður of seint Íbúum í Árborg fjölgar um 600 til 700 á ári Reikna með að hefja formlegar sameiningarviðræður í haust Annríkt hjá lögreglu á stærsta degi Írskra daga Lögregluaðgerðir í Rangárþingi og sameining Skorradals og Borgarbyggðar Lögregla vopnaðist og skotvopn haldlagt Ölvaður ökumaður keyrði á umferðareyju og reyndi að flýja Miklar framkvæmdir á Kirkjubæjarklaustri fyrir unga fólkið Slökkviliðið kallað út vegna reyks á skemmtistað Sjö gistu fangageymslur á höfuðborgarsvæðinu í nótt Eldur kviknaði inni á veitingastað í Ármúla N1-mót og Dyrfjallahlaup í skítaveðri „Hreint og klárt vistmorð sem hér á sér stað“ Tveir í haldi lögreglu vegna meintrar skotárásar Yfirgáfu skarkalann í borginni og gerðust ferðaþjónustubændur Uppgjöf eftir áratugabaráttu við kerfið og meint skotárás í Þykkvabæ Fannst fyrir botni Birnudals Segir menn hafa skotið á gröfumann við vinnu Fluttu sex á slysadeild eftir harðan árekstur í Breiðholti Umdeild starfsemi hafi ekki áhrif á neysluvatn íbúa Mikil stemning á Goslokahátíð í Vestmannaeyjum Göngumaðurinn fannst látinn „Ótrúlegt hvað er hægt ef maður hefur hugmyndaflugið“ 30 tilvik skráð: „Alltaf einhverjir sem fara út af sporinu“ Nýjar stofnanir hafi aðsetur á landsbyggðinni Maður handtekinn tvisvar í nótt fyrir sama brot Ná að stytta biðlista og kynjaskipta meðferðinni Kristrún segir mál sem skekið hafa Samfylkinguna ekki svarthvít Meira um ofbeldi og hótanir og starfsfólk upplifir óöryggi í vinnunni Glæsilegt gullregn og hlynur í Hveragerði Sjá meira