„Sagði upp vinnunni og ákvað að gefa þessu séns“ Sindri Sverrisson skrifar 6. júní 2023 09:00 Kolbeinn Höður Gunnarsson hefur verið að gera frábæra hluti í Danmörku og Noregi undanfarna daga. Hann fer svo brátt í æfingabúðir á Tenerife þar sem hann æfði einnig í vor. FRÍ/Marta Siljudóttir „Maður var búinn að safna sér í smásjóð og vildi sjá hvort að maður kæmist ekki eitthvað lengra,“ segir Kolbeinn Höður Gunnarsson sem hætti í vinnunni og hefur síðan þá náð hverjum áfanganum á fætur öðrum á hlaupabrautinni. Kolbeinn Höður hefur lengi verið í fremstu röð frjálsíþróttafólks á Íslandi en þessi 27 ára gamli spretthlaupari hefur aldrei verið betri en einmitt núna. Í vetur bætti hann þrjátíu ára gamalt met í 60 metra hlaupi innanhúss og stórbætti eigið met í 200 metra hlaupi innanhúss. Í Danmörku um þarsíðustu helgi sló hann svo metið sitt í 200 metra hlaupi utanhúss, og hljóp langt undir metinu í 100 metra hlaupi en í aðeins of miklum meðvindi. Hann jafnaði svo metið í 100 metra hlaupi í Noregi á laugardaginn, þegar hann hljóp á 10,51 sekúndum. „Númer eitt, tvö og þrjú er að ég er búinn að ná að halda mér nokkuð meiðslalausum í ágætan tíma. Svo tók ég þá ákvörðun í fyrra að fara „all in“, og einbeita mér alveg að sportinu,“ segir Kolbeinn, aðspurður hvað geri það að verkum að hann sé í þeim metaham sem hann hefur verið í síðustu mánuði. Hann segir það mikinn mun að þurfa ekki að sinna vinnu og námi samhliða æfingum. Allt of mikið álag með vinnu „Maður hefur alltaf verið að vinna 100 prósent vinnu með þessu og því fylgir allt of mikið álag. Fyrir ári síðan sagði ég upp vinnunni og ákvað að gefa þessu séns. Maður var búinn að safna sér í smásjóð og vildi sjá hvort að maður kæmist ekki eitthvað lengra. Þetta er aðalástæðan fyrir því hvernig mér hefur gengið – að maður gat einbeitt sér að þessu en ekki einhverju öðru,“ segir FH-ingurinn og bætir við: „Maður er náttúrulega þreyttur eftir langan vinnudag og nær þá ekki þeim gæðum sem að maður þarf, aftur og aftur. Maður verður að geta einbeitt sér alfarið að þessu.“ View this post on Instagram A post shared by Frjálsíþróttasamband Íslands (@icelandathletics) Kúrfan færst framar og ÓL í París nær Kolbeinn gælir við þá tilhugsun að komast á heimsmeistaramótið í Búdapest í ágúst, og markmið hans er að keppa á Ólympíuleikunum í París 2024. Síðustu mánuðir hafa ekkert annað gert en að efla trúna á að það takist. „Ég get nú ekki sagt að þetta komi mér á óvart en ég var ekki endilega að búast við þessum árangri í ár. Þetta gerist svolítið fljótt. Ég var búinn að búast við að þessi árangur myndi kannski koma á næsta ári. Maður er á undan kúrfunni sem maður bjóst við, og það er bara skemmtilegt og þýðir að vonandi geti maður hlaupið hraðar á næsta ári,“ segir Kolbeinn. Hann þarf annað hvort að ná mjög erfiðum lágmörkum eða vera nógu ofarlega á heimslista, til að komast á allra stærstu mótin. Ólympíulágmarkið í 100 metra hlaupi karla er 10 sekúndur sléttar, og í 200 metra hlaupi er það 20,16 sekúndur. Lágmörkin eru svona ströng til þess að heimslistarnir hafi mikið vægi. „Það er aldrei að vita nema að maður detti inn á HM í ágúst, þó ég sé ekkert að búast við því, en það yrði skemmtileg viðbót við þetta góða ár. Þessi árangur undanfarið er auðvitað mjög jákvæður upp á það að gera [að komast á Ólympíuleikana]. Þetta eru rosalega erfið lágmörk, og okkur Íslendingum er gert erfitt fyrir með því að þurfa að sækja sterk mót erlendis til að safna stigum. En ég hef komist á mót eins og þessi sem ég hef verið á hér í Danmörku og Noregi, og skorað nokkuð hátt með því að ná góðum sætum og hlaupa á góðum tíma. Þetta gefur rosalega góð fyrirheit og vonandi get ég haldið svona áfram, og bætt ennþá við á næsta ári. Þá held ég að þetta sé alveg möguleiki [að komast á Ólympíuleikana].“ Frjálsar íþróttir Mest lesið Uppgjörið: Álftanes - Tindastóll 94-82 | Einvígið jafnt eftir mikinn hasar Körfubolti Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn Körfubolti Átján ára skíðakona lést á æfingu Sport Kostulegt viðtal bræðranna eftir sigurinn Íslenski boltinn Uppgjörið: Afturelding - Víkingur 1-0 | Fyrsti sigur Mosfellinga kominn í hús Íslenski boltinn „Hér verður enginn í hættu, það er loforð“ Íslenski boltinn Sjáðu vélina sem „saumar saman“ Laugardalsvöllinn Íslenski boltinn Sara ætlar að komast á heimsleikana í gegnum Afríku Sport Ósáttur Ólafur á förum Íslenski boltinn Stuðningsmenn Vestra úti í horni vegna kröfu um aðskilnað Íslenski boltinn Fleiri fréttir Grættu dómarann og hættu við blaðamannafund „Hann er tekinn út úr leiknum“ „Ég get ekki lýst þessu, ég á engin orð“ Valur einum sigri frá úrslitum Fyrsta deildartap PSG Ráðgátan leyst: Ólafur Kristjánsson hafði rétt fyrir sér Rúnar staðfestir að Fram þurfti annan markvörð Aldís Ásta og stöllur í úrslitaeinvígið Uppgjörið: Álftanes - Tindastóll 94-82 | Einvígið jafnt eftir mikinn hasar Tók Karólínu Leu stundarfjórðung að komast á blað Gunnar Jarl reif flautuna af hillunni Þýskt Íslendingalið gjaldþrota Cecilía örugg um silfrið eftir sigur í borgarslagnum Ancelotti skammaði Endrick fyrir trúðslæti inn á vellinum Magnús býður sig fram til forseta ÍSÍ Aldrei selst fleiri miðar á heimaleik hjá Álftanesi Treyja Bryants margfaldast í verði og varð sú fjórða dýrasta í sögunni Hópur Snorra fyrir síðustu leikina: Reynir að verða einn af strákunum okkar Læknir Maradona í réttarsalnum: Hann var mjög erfiður sjúklingur Bað kærustunnar áður en hann kláraði hlaupið Fótboltafélagið inn á borð hjá dýraeftilitinu og matvælastofnun Frederik Schram aftur til Vals: „Enginn svekktari en Ömmi sjálfur“ Valdimar verður með í forsetaslagnum Klósettpappír út um allt á vellinum Sjáðu vélina sem „saumar saman“ Laugardalsvöllinn Rikki G mjög forvitinn um dularfullu dolluna hjá Mosfellingum Sara ætlar að komast á heimsleikana í gegnum Afríku „Hér verður enginn í hættu, það er loforð“ Stórstjarnan vildi ekki missa af vitnisburði móður sinnar Mörkin úr Bestu deildinni: Vítið sem felldi Víkinga og markaveisla Eyjamanna Sjá meira
Kolbeinn Höður hefur lengi verið í fremstu röð frjálsíþróttafólks á Íslandi en þessi 27 ára gamli spretthlaupari hefur aldrei verið betri en einmitt núna. Í vetur bætti hann þrjátíu ára gamalt met í 60 metra hlaupi innanhúss og stórbætti eigið met í 200 metra hlaupi innanhúss. Í Danmörku um þarsíðustu helgi sló hann svo metið sitt í 200 metra hlaupi utanhúss, og hljóp langt undir metinu í 100 metra hlaupi en í aðeins of miklum meðvindi. Hann jafnaði svo metið í 100 metra hlaupi í Noregi á laugardaginn, þegar hann hljóp á 10,51 sekúndum. „Númer eitt, tvö og þrjú er að ég er búinn að ná að halda mér nokkuð meiðslalausum í ágætan tíma. Svo tók ég þá ákvörðun í fyrra að fara „all in“, og einbeita mér alveg að sportinu,“ segir Kolbeinn, aðspurður hvað geri það að verkum að hann sé í þeim metaham sem hann hefur verið í síðustu mánuði. Hann segir það mikinn mun að þurfa ekki að sinna vinnu og námi samhliða æfingum. Allt of mikið álag með vinnu „Maður hefur alltaf verið að vinna 100 prósent vinnu með þessu og því fylgir allt of mikið álag. Fyrir ári síðan sagði ég upp vinnunni og ákvað að gefa þessu séns. Maður var búinn að safna sér í smásjóð og vildi sjá hvort að maður kæmist ekki eitthvað lengra. Þetta er aðalástæðan fyrir því hvernig mér hefur gengið – að maður gat einbeitt sér að þessu en ekki einhverju öðru,“ segir FH-ingurinn og bætir við: „Maður er náttúrulega þreyttur eftir langan vinnudag og nær þá ekki þeim gæðum sem að maður þarf, aftur og aftur. Maður verður að geta einbeitt sér alfarið að þessu.“ View this post on Instagram A post shared by Frjálsíþróttasamband Íslands (@icelandathletics) Kúrfan færst framar og ÓL í París nær Kolbeinn gælir við þá tilhugsun að komast á heimsmeistaramótið í Búdapest í ágúst, og markmið hans er að keppa á Ólympíuleikunum í París 2024. Síðustu mánuðir hafa ekkert annað gert en að efla trúna á að það takist. „Ég get nú ekki sagt að þetta komi mér á óvart en ég var ekki endilega að búast við þessum árangri í ár. Þetta gerist svolítið fljótt. Ég var búinn að búast við að þessi árangur myndi kannski koma á næsta ári. Maður er á undan kúrfunni sem maður bjóst við, og það er bara skemmtilegt og þýðir að vonandi geti maður hlaupið hraðar á næsta ári,“ segir Kolbeinn. Hann þarf annað hvort að ná mjög erfiðum lágmörkum eða vera nógu ofarlega á heimslista, til að komast á allra stærstu mótin. Ólympíulágmarkið í 100 metra hlaupi karla er 10 sekúndur sléttar, og í 200 metra hlaupi er það 20,16 sekúndur. Lágmörkin eru svona ströng til þess að heimslistarnir hafi mikið vægi. „Það er aldrei að vita nema að maður detti inn á HM í ágúst, þó ég sé ekkert að búast við því, en það yrði skemmtileg viðbót við þetta góða ár. Þessi árangur undanfarið er auðvitað mjög jákvæður upp á það að gera [að komast á Ólympíuleikana]. Þetta eru rosalega erfið lágmörk, og okkur Íslendingum er gert erfitt fyrir með því að þurfa að sækja sterk mót erlendis til að safna stigum. En ég hef komist á mót eins og þessi sem ég hef verið á hér í Danmörku og Noregi, og skorað nokkuð hátt með því að ná góðum sætum og hlaupa á góðum tíma. Þetta gefur rosalega góð fyrirheit og vonandi get ég haldið svona áfram, og bætt ennþá við á næsta ári. Þá held ég að þetta sé alveg möguleiki [að komast á Ólympíuleikana].“
Frjálsar íþróttir Mest lesið Uppgjörið: Álftanes - Tindastóll 94-82 | Einvígið jafnt eftir mikinn hasar Körfubolti Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn Körfubolti Átján ára skíðakona lést á æfingu Sport Kostulegt viðtal bræðranna eftir sigurinn Íslenski boltinn Uppgjörið: Afturelding - Víkingur 1-0 | Fyrsti sigur Mosfellinga kominn í hús Íslenski boltinn „Hér verður enginn í hættu, það er loforð“ Íslenski boltinn Sjáðu vélina sem „saumar saman“ Laugardalsvöllinn Íslenski boltinn Sara ætlar að komast á heimsleikana í gegnum Afríku Sport Ósáttur Ólafur á förum Íslenski boltinn Stuðningsmenn Vestra úti í horni vegna kröfu um aðskilnað Íslenski boltinn Fleiri fréttir Grættu dómarann og hættu við blaðamannafund „Hann er tekinn út úr leiknum“ „Ég get ekki lýst þessu, ég á engin orð“ Valur einum sigri frá úrslitum Fyrsta deildartap PSG Ráðgátan leyst: Ólafur Kristjánsson hafði rétt fyrir sér Rúnar staðfestir að Fram þurfti annan markvörð Aldís Ásta og stöllur í úrslitaeinvígið Uppgjörið: Álftanes - Tindastóll 94-82 | Einvígið jafnt eftir mikinn hasar Tók Karólínu Leu stundarfjórðung að komast á blað Gunnar Jarl reif flautuna af hillunni Þýskt Íslendingalið gjaldþrota Cecilía örugg um silfrið eftir sigur í borgarslagnum Ancelotti skammaði Endrick fyrir trúðslæti inn á vellinum Magnús býður sig fram til forseta ÍSÍ Aldrei selst fleiri miðar á heimaleik hjá Álftanesi Treyja Bryants margfaldast í verði og varð sú fjórða dýrasta í sögunni Hópur Snorra fyrir síðustu leikina: Reynir að verða einn af strákunum okkar Læknir Maradona í réttarsalnum: Hann var mjög erfiður sjúklingur Bað kærustunnar áður en hann kláraði hlaupið Fótboltafélagið inn á borð hjá dýraeftilitinu og matvælastofnun Frederik Schram aftur til Vals: „Enginn svekktari en Ömmi sjálfur“ Valdimar verður með í forsetaslagnum Klósettpappír út um allt á vellinum Sjáðu vélina sem „saumar saman“ Laugardalsvöllinn Rikki G mjög forvitinn um dularfullu dolluna hjá Mosfellingum Sara ætlar að komast á heimsleikana í gegnum Afríku „Hér verður enginn í hættu, það er loforð“ Stórstjarnan vildi ekki missa af vitnisburði móður sinnar Mörkin úr Bestu deildinni: Vítið sem felldi Víkinga og markaveisla Eyjamanna Sjá meira
Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn Körfubolti
Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn Körfubolti