Dæmdur fyrir að hafa káfað á ólögráða kærustu frænda síns Viktor Örn Ásgeirsson skrifar 4. apríl 2023 18:57 Héraðsdómur Austurlands kvað upp dóm í málinu. VÍSIR/JÓHANNK Karlmaður hefur verið dæmdur í tveggja mánaða skilorðsbundið fangelsi fyrir kynferðislega áreitni, með því að hafa káfað á þáverandi kærustu frænda síns. Manninum ber að greiða 500 þúsund í miskabætur og rúmar 2,2 milljónir í sakarkostnað. Málavextir voru þeir að gleðskapur var meðal nokkurra ungmenna, auk skyldmenna þeirra, í húsi eins. Þegar heltist úr lestinni urðu nokkur eftir, þar á meðal ákærði, frændi hans og brotaþoli, sem var þáverandi kærasta frænda ákærða. „Er ekki hægt að sættast?“ Í héraðsdómi kemur fram að þau, ásamt ónafngreindu vitni, hafi verið að spila tölvuleik inni í herbergi íbúðarinnar þar sem gleðskapurinn hafði áður farið fram. Brotaþoli hafi legið uppi í rúmi og ákærði setið á rúmstokknum. Fyrst hafi ákærði strokið brotaþola um rass og fyrir dómi kvaðst hún hafa frosið við áreitnina. Því næst hafi hann strokið henni, þrýst á kynfæri hennar og brotaþoli þá snúið sér undan. Í málsatvikalýsingu kemur fram að brotaþoli hafa verið miður sín. Hún hafi greint kærasta sínum og öðrum nærstöddum mjög fljótlega frá broti ákærða. Meðal sönnunargagna voru samskipti brotaþola og ákærða, degi eftir brotið, þar sem ákærði spurði hvort það væri „ekki hægt að sættast?/tala.“ Brotaþoli neitaði því og sagði meðal annars: „Þú káfaðir a mer. Þu kafaðir a mer af þvi þu helst að þu myndir komast upp með það af þvi eg virtist vera sofandi. Það er virkilega ogeðslegt.“ Þessu neitaði brotaþoli í skeytasendingunum, en ítrekaði að hann vildi tala við brotaþola. Vitni studdu framburð brotaþola Ákærði sagði við skýrslutöku hjá lögreglu að hann myndi lítið eftir ætluðum brotum. Hann sagði þó að brotaþoli væri væntanlega ekki að kæra sig, hefði hann ekki gert neitt rangt. Miðað við eðli ætlaðra brota væri þó vænlegast að ræða málin, frekar en að kæra athæfið til lögreglu. Hann kannaðist við að hafa strokið brotaþola um rassinn en neitaði því að hafa annað gert. Brotaþoli lýsti því að í skýrslutökum hjá lögreglu að hún hafi vegna þreytu legið fyrir í rúminu, fullklædd en vakandi. Þegar þáverandi kærasti hennar og ónafngreint vitni hafi verið að horfa á tölvuskjá, hafi ákærði brotið á henni. Mjög skömmu eftir að ákærði hafi farið brott hafi hún greint frá því sem gerst hafði. Ónafngreinda vitnið sagðist ekki hafa séð kynferðislegu áreitnina, enda hafi hann snúið baki í ákærða og brotaþola. Hann hafi hins vegar séð brotaþola koma grátandi út af baðherbergi í íbúðinni, skömmu eftir að ákærði fór. Önnur vitni, þar á meðal þáverandi kærasti brotaþola, báru á sömu leið og staðfestu að brotaþoli hafi mjög skömmu eftir brotið tilkynnt háttsemina og liðið illa. Hafi ranglega viðurkennt brotið Fyrir dómi neitaði ákærði sök. Hann kvaðst hafa hrist brotaþola aðeins til, í því skyni að kanna hvort það væri í lagi með hana. Hann sagði snertinguna hafa varað í um fimm sekúndur og sagðist hvorki hafa snert rass brotaþola né káfað á kynfærum hennar. Hann sagðist síðar hafa frétt af því að brotaþoli hafi farið að gráta og þess vegna haft samband við hana vegna málsins, sem hann væri mjög leiður yfir. Hann áttaði sig á því að brotaþola hefði liðið illa og því ranglega viðurkennt að hafa strokið yfir rass hennar í yfirheyrslu hjá lögreglu. Brotaþoli ítrekaði fyrir dómi að ákærði hafi brotið á sér, eins og hún hafði gert í skýrslutöku hjá lögreglu. Hún hafi frosið og liðið mjög illa. Eftir brotið hafi hún meðal annars fundið fyrir reiði og þunglyndi og þegið viðeigandi lyf vegna þessa. Fimm hundruð þúsund í miskabætur Héraðsdómari rakti málsatvik ítarlega og nefndi að frásögn ákærða hafi verið í nokkru ósamræmi við fyrri lögregluskýrslu. Framburður brotaþola hafi hins vegar verið trúverðugur, í fullu samræmi við aðstæður og einnig trúverðugan framburð annarra vitna. Brotaþoli hafi fylgt málinu eftir strax næsta dag, meðal annars með kæru til lögreglu. Þar af leiðandi teldist rétt að leggja framburð brotaþola til grundvallar, þrátt fyrir neitun ákærða um að hann hafi áreitt hana kynferðislega. Ákærða ber því að sæta fangelsi skilorðsbundið í tvo mánuði og greiða brotaþola 500 þúsund krónur í miskabætur. Þá ber honum einnig að greiða rúmar 2,2 milljónir í sakarkostnað vegna málsins. Dómsmál Kynferðisofbeldi Mest lesið Ekkert ólöglegt né óalgengt við uppsafnað orlof Innlent Rússar sækja fram og ná Niu-York undir sitt vald Erlent Ekki allir sammála því að ekki eigi að lækka vexti Innlent Lést af völdum voðaskots á gæsaveiðum Innlent Íbúð í Grafarvogi á floti í sjóðandi vatni Innlent Komu í veg fyrir stórtjón þegar eldur kviknaði á Siglufirði Innlent Skaftárhlaup líklega að hefjast Innlent Íslendingar eyða og eyða þrátt fyrir verðbólgu og háa vexti Innlent Fengu ábendingu um Guðlaug, Halldór og Svedda Tönn Innlent Ekki ráðlegt að drekka orku eða neyta einnar fæðutegundar Innlent Fleiri fréttir Ekkert ólöglegt né óalgengt við uppsafnað orlof Ekki allir sammála því að ekki eigi að lækka vexti Komu í veg fyrir stórtjón þegar eldur kviknaði á Siglufirði Áætlað að vinnu ljúki við Suðuræð á miðnætti Skaftárhlaup líklega að hefjast Mikilvægt að bílastæðagjöld skili sér í þjónustu Íslendingar eyða og eyða þrátt fyrir verðbólgu og háa vexti Heitavatnsleysið: Flykktust í sund og sluppu við uppvaskið með grillveislu Íbúð í Grafarvogi á floti í sjóðandi vatni Heitt vatn komið á á Hólmsheiði og vinnu miðar vel SA og ASÍ hnýta í Seðlabankann Sögulegt heitavatnsleysi og brjáluð umferð Ökumaður stöðvaður á nagladekkjum og fékk engan afslátt Gul viðvörun á Suðausturlandi Ólafur Ragnar skákar Vigdísi og Guðna Geirsgata opnuð í báðar áttir á morgun Nýtir gervigreind í stað sérfræðinga Lést af völdum voðaskots á gæsaveiðum Hnífi beitt í árás í Skeifunni Hellisheiði lokuð að hluta á fimmtudag til föstudags Skemmdi rúður í lögreglubílum dag eftir dag Samgöngusáttmálinn taki á mikilli innviðaskuld við höfuðborgarsvæðið Helgi Magnús situr heima meðan Guðrún leitar sér ráðgjafar Framhaldsskólanemar fagna gjaldfrjálsum námsgögnum Lögregla leitar manna vegna ráns í Skeifunni Áfengisdrykkja ekki áberandi vandamál á Alþingi Lést í slysi við Hálslón Unnið í alla nótt og allt samkvæmt áætlun Ekki ráðlegt að drekka orku eða neyta einnar fæðutegundar Samgöngusáttmáli, Menningarnótt og ókeypis skólabækur Sjá meira
Málavextir voru þeir að gleðskapur var meðal nokkurra ungmenna, auk skyldmenna þeirra, í húsi eins. Þegar heltist úr lestinni urðu nokkur eftir, þar á meðal ákærði, frændi hans og brotaþoli, sem var þáverandi kærasta frænda ákærða. „Er ekki hægt að sættast?“ Í héraðsdómi kemur fram að þau, ásamt ónafngreindu vitni, hafi verið að spila tölvuleik inni í herbergi íbúðarinnar þar sem gleðskapurinn hafði áður farið fram. Brotaþoli hafi legið uppi í rúmi og ákærði setið á rúmstokknum. Fyrst hafi ákærði strokið brotaþola um rass og fyrir dómi kvaðst hún hafa frosið við áreitnina. Því næst hafi hann strokið henni, þrýst á kynfæri hennar og brotaþoli þá snúið sér undan. Í málsatvikalýsingu kemur fram að brotaþoli hafa verið miður sín. Hún hafi greint kærasta sínum og öðrum nærstöddum mjög fljótlega frá broti ákærða. Meðal sönnunargagna voru samskipti brotaþola og ákærða, degi eftir brotið, þar sem ákærði spurði hvort það væri „ekki hægt að sættast?/tala.“ Brotaþoli neitaði því og sagði meðal annars: „Þú káfaðir a mer. Þu kafaðir a mer af þvi þu helst að þu myndir komast upp með það af þvi eg virtist vera sofandi. Það er virkilega ogeðslegt.“ Þessu neitaði brotaþoli í skeytasendingunum, en ítrekaði að hann vildi tala við brotaþola. Vitni studdu framburð brotaþola Ákærði sagði við skýrslutöku hjá lögreglu að hann myndi lítið eftir ætluðum brotum. Hann sagði þó að brotaþoli væri væntanlega ekki að kæra sig, hefði hann ekki gert neitt rangt. Miðað við eðli ætlaðra brota væri þó vænlegast að ræða málin, frekar en að kæra athæfið til lögreglu. Hann kannaðist við að hafa strokið brotaþola um rassinn en neitaði því að hafa annað gert. Brotaþoli lýsti því að í skýrslutökum hjá lögreglu að hún hafi vegna þreytu legið fyrir í rúminu, fullklædd en vakandi. Þegar þáverandi kærasti hennar og ónafngreint vitni hafi verið að horfa á tölvuskjá, hafi ákærði brotið á henni. Mjög skömmu eftir að ákærði hafi farið brott hafi hún greint frá því sem gerst hafði. Ónafngreinda vitnið sagðist ekki hafa séð kynferðislegu áreitnina, enda hafi hann snúið baki í ákærða og brotaþola. Hann hafi hins vegar séð brotaþola koma grátandi út af baðherbergi í íbúðinni, skömmu eftir að ákærði fór. Önnur vitni, þar á meðal þáverandi kærasti brotaþola, báru á sömu leið og staðfestu að brotaþoli hafi mjög skömmu eftir brotið tilkynnt háttsemina og liðið illa. Hafi ranglega viðurkennt brotið Fyrir dómi neitaði ákærði sök. Hann kvaðst hafa hrist brotaþola aðeins til, í því skyni að kanna hvort það væri í lagi með hana. Hann sagði snertinguna hafa varað í um fimm sekúndur og sagðist hvorki hafa snert rass brotaþola né káfað á kynfærum hennar. Hann sagðist síðar hafa frétt af því að brotaþoli hafi farið að gráta og þess vegna haft samband við hana vegna málsins, sem hann væri mjög leiður yfir. Hann áttaði sig á því að brotaþola hefði liðið illa og því ranglega viðurkennt að hafa strokið yfir rass hennar í yfirheyrslu hjá lögreglu. Brotaþoli ítrekaði fyrir dómi að ákærði hafi brotið á sér, eins og hún hafði gert í skýrslutöku hjá lögreglu. Hún hafi frosið og liðið mjög illa. Eftir brotið hafi hún meðal annars fundið fyrir reiði og þunglyndi og þegið viðeigandi lyf vegna þessa. Fimm hundruð þúsund í miskabætur Héraðsdómari rakti málsatvik ítarlega og nefndi að frásögn ákærða hafi verið í nokkru ósamræmi við fyrri lögregluskýrslu. Framburður brotaþola hafi hins vegar verið trúverðugur, í fullu samræmi við aðstæður og einnig trúverðugan framburð annarra vitna. Brotaþoli hafi fylgt málinu eftir strax næsta dag, meðal annars með kæru til lögreglu. Þar af leiðandi teldist rétt að leggja framburð brotaþola til grundvallar, þrátt fyrir neitun ákærða um að hann hafi áreitt hana kynferðislega. Ákærða ber því að sæta fangelsi skilorðsbundið í tvo mánuði og greiða brotaþola 500 þúsund krónur í miskabætur. Þá ber honum einnig að greiða rúmar 2,2 milljónir í sakarkostnað vegna málsins.
Dómsmál Kynferðisofbeldi Mest lesið Ekkert ólöglegt né óalgengt við uppsafnað orlof Innlent Rússar sækja fram og ná Niu-York undir sitt vald Erlent Ekki allir sammála því að ekki eigi að lækka vexti Innlent Lést af völdum voðaskots á gæsaveiðum Innlent Íbúð í Grafarvogi á floti í sjóðandi vatni Innlent Komu í veg fyrir stórtjón þegar eldur kviknaði á Siglufirði Innlent Skaftárhlaup líklega að hefjast Innlent Íslendingar eyða og eyða þrátt fyrir verðbólgu og háa vexti Innlent Fengu ábendingu um Guðlaug, Halldór og Svedda Tönn Innlent Ekki ráðlegt að drekka orku eða neyta einnar fæðutegundar Innlent Fleiri fréttir Ekkert ólöglegt né óalgengt við uppsafnað orlof Ekki allir sammála því að ekki eigi að lækka vexti Komu í veg fyrir stórtjón þegar eldur kviknaði á Siglufirði Áætlað að vinnu ljúki við Suðuræð á miðnætti Skaftárhlaup líklega að hefjast Mikilvægt að bílastæðagjöld skili sér í þjónustu Íslendingar eyða og eyða þrátt fyrir verðbólgu og háa vexti Heitavatnsleysið: Flykktust í sund og sluppu við uppvaskið með grillveislu Íbúð í Grafarvogi á floti í sjóðandi vatni Heitt vatn komið á á Hólmsheiði og vinnu miðar vel SA og ASÍ hnýta í Seðlabankann Sögulegt heitavatnsleysi og brjáluð umferð Ökumaður stöðvaður á nagladekkjum og fékk engan afslátt Gul viðvörun á Suðausturlandi Ólafur Ragnar skákar Vigdísi og Guðna Geirsgata opnuð í báðar áttir á morgun Nýtir gervigreind í stað sérfræðinga Lést af völdum voðaskots á gæsaveiðum Hnífi beitt í árás í Skeifunni Hellisheiði lokuð að hluta á fimmtudag til föstudags Skemmdi rúður í lögreglubílum dag eftir dag Samgöngusáttmálinn taki á mikilli innviðaskuld við höfuðborgarsvæðið Helgi Magnús situr heima meðan Guðrún leitar sér ráðgjafar Framhaldsskólanemar fagna gjaldfrjálsum námsgögnum Lögregla leitar manna vegna ráns í Skeifunni Áfengisdrykkja ekki áberandi vandamál á Alþingi Lést í slysi við Hálslón Unnið í alla nótt og allt samkvæmt áætlun Ekki ráðlegt að drekka orku eða neyta einnar fæðutegundar Samgöngusáttmáli, Menningarnótt og ókeypis skólabækur Sjá meira