Krefst tæplega ellefu milljóna króna fyrir sölu sem ekkert varð úr Árni Sæberg skrifar 28. nóvember 2022 23:06 Laugar í Sælingsdal voru á sölu í heil sex ár. Vísir/Vilhelm Fasteignasali hefur sent sveitarfélaginu Dalabyggð kröfubréf upp á tæplega ellefu milljónir króna fyrir vinnu við sölu á Laugum í Sælingsdal sem byggðarráð þess hætti við árið 2017. Sveitarstjórn samþykkti nýverið einróma að hafna kröfunni. Finnbogi Kristjánsson, eigandi Frón Fasteignamiðlunar, krefst þess að sveitarfélagið greiði honum alls 10,6 milljónir króna auk vaxta fram að greiðsludegi vegna vangoldinna greiðslna fyrir störf hans og útlagðan kostnað vegna sölumeðferðar á jörðum á Laugum og Sælingsdalstungum. Forsaga málsins er sú að árið 2017 samþykkti sveitarfélagið tilboð í ferðaþjónustuþorpið Laugar í Sælingsdal með fyrirvörum. Árið 2018 kom upp ágreiningur milli sveitarfélagsins og kaupandans sem leiddi á endanum til þess að hætt var við söluna. Gaf út reikning þegar útlit var fyrir að ekkert yrði úr sölunni Í fundargerð byggðarráðs Dalabyggðar frá síðasta fundi þess á föstudag má sjá kröfubréf sem sent var fyrir hönd Finnboga. Ríkisútvarpið greindi fyrst frá. Í kröfubréfinu segir að í desember árið 2018, þegar útlit var fyrir að ekki yrði úr viðskiptunum með Laugar, hafi Finnbogi sent reikning fyrir vinnu hans þágu sveitarfélagsins, fyrir útlögðum kostnaði og hagsmunatengdri söluþóknun hans. Síðastnefndi reikningurinn hafi síðar verið felldur niður þegar viðræður um kaupin slitnuðu endanlega. Reikningar fyrir útlögðum kostnaði, verðmati og vinnu samkvæmt tímaskýrslu námu rétt tæplega sex milljónum króna í heildina. Í maí 2019 hafi sveitarfélagið hafnað því að greiða reikningana með vísan til þess að aldrei hafi verið samið um þóknun fasteignasalans ef eignirnar seldust ekki og þess að engir reikningar stæðu að baki kröfu hans. Lögmaður Finnboga segir í kröfubréfinu að höfnunin hafi verið með öllu óskiljanleg enda liggi öll gögn um samning og reikningar fyrir. Ómögulegt að selja eignir sem teknar hafa verið úr sölu Í kröfubréfinu segir að í samningi Finnboga og Dalabyggðar hafi sagt að hann væri í gildi þar til eignin yrði seld og gengið hafi verið frá afsali en að hann sé uppsegjanlegur af beggja hálfu. Við uppsögn samningsins beri að greiða umsaminn og útlagðan kostnað. Fyrir liggi að sveitarfélagið hafi hætt við sölu eignanna eftir að kauptilboð kaupanda gekk ekki eftir. „Með þeirri háttsemi sinni sagði sveitarfélagið upp sölusamningnum við umbjóðanda minn, enda ómögulegt fyrir hann að selja eignir sem seljandi hefur tekið úr sölumeðferð,“ segir í kröfubréfinu. Hafi setið langa fundi að beiðni sveitarfélagsins Í kröfubréfinu segir að sölusamningur hafi náð til þess að leita eftir tilboðum í eignina, semja kaupsamning, skuldabréf, afsal og alla þá löggerninga sem tengjast sölu eignarinnar. „Öll vinna umbjóðanda míns var að beiðni sveitarfélagsins og það sama gildir um þau verðmöt sem hann vann. Var vinnan hans liður í sölumeðferð eignanna og sat hann jafnframt langa fundi að beiðni sveitarfélagsins, átti ótal samskipti og innti af hendi hin ýmsu störf allt þar til störfum hans lauk með einhliða ákvörðun sveitarfélagsins að hætta við sölu eignanna. Með vísan til framangreinds telur Finnbogi kröfur hans séu réttmætar og að sveitarfélaginu beri að greiða þær. Sem áður segir hefur byggðarráð Dalabyggðar þegar samþykkt einhljóða að hafna öllum kröfum hans. Þá var einnig samþykkt að leita þjónustu lögfræðings við úrlausn málsins. Laugar voru lengi á sölu Laugar í Sælingsdal voru settar á sölu árið 2016 og var uppsett verð 530 milljónir króna. Um er að ræða fornfrægan sögustað þar sem áður var skóli sem síðar var breytt í hótel og skólabúðir. Tíu hús eru í þorpinu með alls 42 herbergjum. Þá er íþróttahús á svæðinu ásamt sundlaug og náttúrulauginni Guðrúnarlaug. Illa gekk að selja þorpið en árið 2018 hafnaði Dalabyggð 460 milljóna króna kauptilboði vegna óánægju íbúa með skilyrði um forgangsröðun veðréttinda í þorpinu. Þá var fallið frá kauptilboðinu sem hér um ræðir vegna þess að kaupendur gátu ekki fjármagnað umsamið kaupverð, 320 milljónir króna. Í júlí þessa árs barst Dalabyggð tilboð sem ekki var samþykkt. Í samtali við Vísi á sínum tíma sagðist Eyjólfur Ingvi Bjarnason, oddviti Dalabyggðar, ekkert geta tjáð sig um tilboðið, enda hafi það verið undirorpið trúnaði. Loks fengust lyktir í málið í byrjun águst þessa árs þegar hjónin Karl B. Örvarsson og Halldóra Árnadóttir, sem lengi ráku geysivinsælar skólabúðir að Reykjum í Hrútafirði, sömdu við Dalabyggð um að taka Laugar á leigu. Dalabyggð Fasteignamarkaður Tengdar fréttir Tilboð hefur borist í Laugar í Sælingsdal Sveitarstjórn Dalabyggðar hefur borist tilboð í ferðaþjónustuþorpið Laugar í Sælingsdal. Þorpið hefur verið til sölu frá árinu 2016 og illa hefur gengið að selja það. 8. júlí 2022 10:41 Meta tilboð í ferðaþjónustuþorpið Laugar í Sælingsdal Sveitarstjórn Dalabyggðar hefur borist tilboð í ferðaþjónustuþorpið Laugar í Sælingsdal. Tilboðsgjafinn hefur óskað eftir trúnaði en sveitarstjórinn segir kauptilboðið vel undir 530 milljóna króna verðmiða sveitarfélagsins. 17. nóvember 2017 07:00 Mest lesið Latabæjarnammið vel þekkt um allan heim Viðskipti Heimsskortur á pistasíum vegna Dúbaí-súkkulaðis Viðskipti erlent Hvar er opið um páskana? Neytendur Plastkubbahús sem eru íslensk hönnun og framleiðsla Samstarf Elskar kaffi að ítölskum sið og línulega dagskrá Atvinnulíf Hætta við flug til Madeira, Pula, Düsseldorf og Hamborgar Viðskipti innlent Systkinin öll verið forsetar: „Tvö félög, tvöfalt stuð!“ Atvinnulíf Fyrsta íslenska grænkera ostagerðin í hættu Viðskipti innlent Boða alvöru breytingar í jafnréttismálum efnahags- og atvinnulífs Atvinnulíf Allri stjórn Landsvirkjunar skipt út Viðskipti innlent Fleiri fréttir Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Bein útsending: Ársfundur Seðlabankans Sýknaður í Ímon-málinu tíu árum seinna Bein útsending: Vorfundur RARIK - Hreyfum samfélagið til framtíðar Milljarðaafgangur og besta niðurstaðan í sautján ár Enginn sjái eftir því á dánarbeðinum að hafa ekki unnið meira Mögulega leikflétta og eða viðbrögð við lækkunum Miðlunarlónin standa öll mun betur en á horfðist Bein útsending: Hlýtur Carbfix Nýsköpunarverðlaun Norðurlandanna? Penninn leggst í miklar breytingar Ríflega tveggja milljarða afgangur á Akureyri Sjá meira
Finnbogi Kristjánsson, eigandi Frón Fasteignamiðlunar, krefst þess að sveitarfélagið greiði honum alls 10,6 milljónir króna auk vaxta fram að greiðsludegi vegna vangoldinna greiðslna fyrir störf hans og útlagðan kostnað vegna sölumeðferðar á jörðum á Laugum og Sælingsdalstungum. Forsaga málsins er sú að árið 2017 samþykkti sveitarfélagið tilboð í ferðaþjónustuþorpið Laugar í Sælingsdal með fyrirvörum. Árið 2018 kom upp ágreiningur milli sveitarfélagsins og kaupandans sem leiddi á endanum til þess að hætt var við söluna. Gaf út reikning þegar útlit var fyrir að ekkert yrði úr sölunni Í fundargerð byggðarráðs Dalabyggðar frá síðasta fundi þess á föstudag má sjá kröfubréf sem sent var fyrir hönd Finnboga. Ríkisútvarpið greindi fyrst frá. Í kröfubréfinu segir að í desember árið 2018, þegar útlit var fyrir að ekki yrði úr viðskiptunum með Laugar, hafi Finnbogi sent reikning fyrir vinnu hans þágu sveitarfélagsins, fyrir útlögðum kostnaði og hagsmunatengdri söluþóknun hans. Síðastnefndi reikningurinn hafi síðar verið felldur niður þegar viðræður um kaupin slitnuðu endanlega. Reikningar fyrir útlögðum kostnaði, verðmati og vinnu samkvæmt tímaskýrslu námu rétt tæplega sex milljónum króna í heildina. Í maí 2019 hafi sveitarfélagið hafnað því að greiða reikningana með vísan til þess að aldrei hafi verið samið um þóknun fasteignasalans ef eignirnar seldust ekki og þess að engir reikningar stæðu að baki kröfu hans. Lögmaður Finnboga segir í kröfubréfinu að höfnunin hafi verið með öllu óskiljanleg enda liggi öll gögn um samning og reikningar fyrir. Ómögulegt að selja eignir sem teknar hafa verið úr sölu Í kröfubréfinu segir að í samningi Finnboga og Dalabyggðar hafi sagt að hann væri í gildi þar til eignin yrði seld og gengið hafi verið frá afsali en að hann sé uppsegjanlegur af beggja hálfu. Við uppsögn samningsins beri að greiða umsaminn og útlagðan kostnað. Fyrir liggi að sveitarfélagið hafi hætt við sölu eignanna eftir að kauptilboð kaupanda gekk ekki eftir. „Með þeirri háttsemi sinni sagði sveitarfélagið upp sölusamningnum við umbjóðanda minn, enda ómögulegt fyrir hann að selja eignir sem seljandi hefur tekið úr sölumeðferð,“ segir í kröfubréfinu. Hafi setið langa fundi að beiðni sveitarfélagsins Í kröfubréfinu segir að sölusamningur hafi náð til þess að leita eftir tilboðum í eignina, semja kaupsamning, skuldabréf, afsal og alla þá löggerninga sem tengjast sölu eignarinnar. „Öll vinna umbjóðanda míns var að beiðni sveitarfélagsins og það sama gildir um þau verðmöt sem hann vann. Var vinnan hans liður í sölumeðferð eignanna og sat hann jafnframt langa fundi að beiðni sveitarfélagsins, átti ótal samskipti og innti af hendi hin ýmsu störf allt þar til störfum hans lauk með einhliða ákvörðun sveitarfélagsins að hætta við sölu eignanna. Með vísan til framangreinds telur Finnbogi kröfur hans séu réttmætar og að sveitarfélaginu beri að greiða þær. Sem áður segir hefur byggðarráð Dalabyggðar þegar samþykkt einhljóða að hafna öllum kröfum hans. Þá var einnig samþykkt að leita þjónustu lögfræðings við úrlausn málsins. Laugar voru lengi á sölu Laugar í Sælingsdal voru settar á sölu árið 2016 og var uppsett verð 530 milljónir króna. Um er að ræða fornfrægan sögustað þar sem áður var skóli sem síðar var breytt í hótel og skólabúðir. Tíu hús eru í þorpinu með alls 42 herbergjum. Þá er íþróttahús á svæðinu ásamt sundlaug og náttúrulauginni Guðrúnarlaug. Illa gekk að selja þorpið en árið 2018 hafnaði Dalabyggð 460 milljóna króna kauptilboði vegna óánægju íbúa með skilyrði um forgangsröðun veðréttinda í þorpinu. Þá var fallið frá kauptilboðinu sem hér um ræðir vegna þess að kaupendur gátu ekki fjármagnað umsamið kaupverð, 320 milljónir króna. Í júlí þessa árs barst Dalabyggð tilboð sem ekki var samþykkt. Í samtali við Vísi á sínum tíma sagðist Eyjólfur Ingvi Bjarnason, oddviti Dalabyggðar, ekkert geta tjáð sig um tilboðið, enda hafi það verið undirorpið trúnaði. Loks fengust lyktir í málið í byrjun águst þessa árs þegar hjónin Karl B. Örvarsson og Halldóra Árnadóttir, sem lengi ráku geysivinsælar skólabúðir að Reykjum í Hrútafirði, sömdu við Dalabyggð um að taka Laugar á leigu.
Dalabyggð Fasteignamarkaður Tengdar fréttir Tilboð hefur borist í Laugar í Sælingsdal Sveitarstjórn Dalabyggðar hefur borist tilboð í ferðaþjónustuþorpið Laugar í Sælingsdal. Þorpið hefur verið til sölu frá árinu 2016 og illa hefur gengið að selja það. 8. júlí 2022 10:41 Meta tilboð í ferðaþjónustuþorpið Laugar í Sælingsdal Sveitarstjórn Dalabyggðar hefur borist tilboð í ferðaþjónustuþorpið Laugar í Sælingsdal. Tilboðsgjafinn hefur óskað eftir trúnaði en sveitarstjórinn segir kauptilboðið vel undir 530 milljóna króna verðmiða sveitarfélagsins. 17. nóvember 2017 07:00 Mest lesið Latabæjarnammið vel þekkt um allan heim Viðskipti Heimsskortur á pistasíum vegna Dúbaí-súkkulaðis Viðskipti erlent Hvar er opið um páskana? Neytendur Plastkubbahús sem eru íslensk hönnun og framleiðsla Samstarf Elskar kaffi að ítölskum sið og línulega dagskrá Atvinnulíf Hætta við flug til Madeira, Pula, Düsseldorf og Hamborgar Viðskipti innlent Systkinin öll verið forsetar: „Tvö félög, tvöfalt stuð!“ Atvinnulíf Fyrsta íslenska grænkera ostagerðin í hættu Viðskipti innlent Boða alvöru breytingar í jafnréttismálum efnahags- og atvinnulífs Atvinnulíf Allri stjórn Landsvirkjunar skipt út Viðskipti innlent Fleiri fréttir Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Bein útsending: Ársfundur Seðlabankans Sýknaður í Ímon-málinu tíu árum seinna Bein útsending: Vorfundur RARIK - Hreyfum samfélagið til framtíðar Milljarðaafgangur og besta niðurstaðan í sautján ár Enginn sjái eftir því á dánarbeðinum að hafa ekki unnið meira Mögulega leikflétta og eða viðbrögð við lækkunum Miðlunarlónin standa öll mun betur en á horfðist Bein útsending: Hlýtur Carbfix Nýsköpunarverðlaun Norðurlandanna? Penninn leggst í miklar breytingar Ríflega tveggja milljarða afgangur á Akureyri Sjá meira
Tilboð hefur borist í Laugar í Sælingsdal Sveitarstjórn Dalabyggðar hefur borist tilboð í ferðaþjónustuþorpið Laugar í Sælingsdal. Þorpið hefur verið til sölu frá árinu 2016 og illa hefur gengið að selja það. 8. júlí 2022 10:41
Meta tilboð í ferðaþjónustuþorpið Laugar í Sælingsdal Sveitarstjórn Dalabyggðar hefur borist tilboð í ferðaþjónustuþorpið Laugar í Sælingsdal. Tilboðsgjafinn hefur óskað eftir trúnaði en sveitarstjórinn segir kauptilboðið vel undir 530 milljóna króna verðmiða sveitarfélagsins. 17. nóvember 2017 07:00