Einangraður einræðisherra sjötugur í dag Heimir Már Pétursson skrifar 7. október 2022 19:33 Það horfir ekki vel fyrir Vladimir Putin Rússlandsforseta sjötugum og Sergei Shoigu varnarmálaráðherra hans í Úkraínu. Hermenn þeirr hafa skilið eftir sig dauða og eyðileggingu alls staðar sem þeir hafa verið. AP/Sergei Savostyanov Lík fimm hundruð þrjátíu og fjögurra, þar af nítján barna, hafa fundist í fjöldagröf á nýfrelsuðum svæðum í Kharkiv héraði í Úkraínu. Einnig hafa fundist rúmlega tuttugu staðir þar sem greinilegt er að rússneska hernámsliðið hafði stundað pyndingar á fólki. Leiðtogar Evrópusambandsins ræddu orkukreppu Evrópu vegna stríðsins í dag. Hópur rússneskra ríkisborgara, búsettur á Íslandi, stóð fyrir mótmælagjörningi í tilefni sjötugsafmælis Pútins Rússlandsforseta fyrir utan sendiráð Rússlands við Túngötu í dag. Hluti rússnesku ríkisborgaranna sem búa hér á landi og skipulögðu mótmælagjörninginn við sendiráð Rússlands í dag.Sveinn Rúnar Sigurðsson Átta Rússar lögðust í líkpokum á stéttina fyrir framan sendiráðið til að minna afmælisbarnið á afleiðingar ólöglegrar innrásar herja hans í Úkraínu. Við líkpokana var lagður stærðarinnar táknrænn flugfarseðill fyrir Pútin aðra leið frá Moskvu til Haag þar sem Alþjóðaglæpadómstóllinn er til húsa. Hér fyrir neðan má sjá myndir frá mótmælunum. Vladimir Putin sem er sjötugur í dag hefur verið við völd í Rússlandi í tuttugu og tvö ár. Fyrst sem forseti í tvö kjörtímabil frá 2000 til 2008, forsætisráðherra frá 2008 til 2012 þegar hann tók á ný við forsetaembættinu eftir víðtækt kosningasvindl að margra mati. Innrás Putins í Úkraínu má rekja til heimsmyndar hans og það áfall sem hann varð fyrir sem KGB njósnari í Dresden í Þýskalandi þegar Sovétríkin féllu 1991. Þetta sagði hann í ávarpi til rússneska þingsins hinn 25. Apríl árið 2005. „Í fyrsta lagi verðum við að viðurkenna að hrun Sovétríkjanna var mesta landfræðipólitíska stórslys aldarinnar. Og fyrir rússnesku þjóðina var þetta raunverulegur harmleikur.“ Aðalafsökun Putins fyrir ólöglegri innrás í Úkraínu er ekki lengur að afnasistavæða Úkraínu og frelsa ofsótta rússneskumælandi íbúa landsins. Nú er hann nánast kominn í heilagt stríð gegn Bandaríkjunum og NATO sem hann segir vilja sundra rússneska sambandsríkinu.AP/Mikhail Klimentyev Putin hefur lýst árunum eftir hrun Sovétríkjanna þegar Boris Yeltsin og stjórn hans reyndu að koma á lýðræði í Rússlandi sem algjöru niðurlægingartímabili þar sem Vesturlönd hafi haft Rússland að leiksoppi. Fyrst í stað reyndi Putin að halda uppi jákvæðum samskiptum við Vesturlönd en harðlínustefna hans og ofsóknir gegn andstæðingum hans ásamt vaxandi stórveldisdraumum spilltu því sambandi fljótlega og algerlega eftir forsetakosningarnar 2012. Eftir þær kosningar brutust út fjölmennustu mótmæli í Rússlandi frá valdaránstilraun harðlínukommúnista árið 1991, sem Putin lét að lokum berja niður. Síðan þá hefur hann enn hert tökin á pólitískum andstæðingum og ýmist látið handtaka þá eða koma þeim fyrir kattarnef og lokað á alla frjálsa fjölmiðlun í Rússlandi. Nú eru hersveitir afmælisbarnsins á undanhaldi víðast hvar í Úkraínu eftir mikið mannfall sem Putin reynir að fylla upp í með herkvaðningu 300 þúsund manna. Hann segir stríðið ekki lengur snúast um frelsun Úkraínu undan nasisma. Rússar væru að verjast innrás Bandaríkjamanna og NATO sem vildu sundra rússneska sambandsríkinu. Talið er að um 200 þúsund ungir menn hafi flúið Rússland eftir herkvaðninguna. Leiðtogar Evrópusambandsins funduðu í Prag í Tékklandi í dag þar sem þeir hétu Úkraínu auknum hernaðar- og fjárstuðningi. Þeir náðu hins vegar ekki saman um tillögu að því að hámarksverð verði sett á jarðgas.AP/Petr David Josek Gríðarlegur stuðningur Vesturlanda við Úkraínu kom Putin á óvart sem og mikið baráttuþrek Úkraínumanna. Rússneski herinn hefur reynst illa skipulagður og hergögn hans úrelt og oft í slæmu ástandi og baráttuþrekið virðist lítið. Bandaríkin, Bretland og margar aðrar þjóðir hafa dælt hergögnum og fjármunum til Úkraínu. Leiðtogar Evrópusambandsins samþykktu aukin stuðning og hertari refsiaðgerðir í dag. Þeir funduðu einnig um aðgerðir til að bregðast við tilraunum Putins til að ráðskast með og kúga Evrópu til að láta af refsiaðgerðum gegn Rússlandi með því að skrúfa fyrir gasflutninga sem hefur leitt til mikillar hækkunar á orkuverði. Ursula von der Leyen forseti framkvæmdastjórnar Evrópusambandsins segir mikilvægt að ná saman um aðgerðir til að frelsa Evrópu undan kúgun Putins í orkumálum.AP/Petr David Josek Ursula von der Leyen forseti framkvæmdastjórnar Evrópusambandsins segir Evrópu hafa náð að birgja sig upp af gasi og þannig komið upp fyrstu varnarlínunni gagnvart kúgun Putins fyrir veturinn. Samningar hefðu verið gerðir um gaskaup af Norðmönnum og Bandaríkjunum. „Nú er kominn tími til að ræða hvernig við getum dregið úr hækkunum á orkuverði og stjórnun Pútíns á orkuverðinu,“ sagði von der Leyen. Leiðtogarnir komust ekki að niðurstöðu í dag en þeir funda áfram á morgun. Fimmtán ríki sambandsins vilja setja þak verðið á gasi en Þjóðverjar og Danir leggjast gegn því af ótta við að erfiðlega geti þá gengið að útvega gas. Innrás Rússa í Úkraínu Rússland Vladimír Pútín Úkraína Evrópusambandið NATO Tengdar fréttir Lausir úr skotgröfunum og vilja ekki leyfa Rússum að ná áttum Eftir að hafa að mestu setið fastir í skotgröfum um mánaða skeið meðan Rússar létu sprengjum rigna yfir þá, keppast úkraínskir hermenn nú við að gera gagnárásir á Rússa. Þeim hefur nokkrum sinnum tekist að stökkva Rússum á flótta sem á undanhaldinu hafa skilið eftir sig mikið magn þungavopna og annarra hergagna sem Úkraínumenn hafa notað í átökunum. 7. október 2022 16:50 Evrópuleiðtogar reyna að ná samkomulagi um hámarksverð á gasi Leiðtogar Evrópusambandsins reyna nú á 70 ára afmælisdegi Rússlandsforseta að ná samkomulagi um hámarksverð á gasi til heimila og fyrirtækja. Úkraínskar hersveitir halda áfram að endurheimta landsvæði í gagnsókn sinni gegn Rússum og Úkraínuforseti heitir því að endurheimta öll hertekin svæði, þeirra á meðal Krímskaga. 7. október 2022 11:49 Hljóta friðarverðlaunin fyrir mannréttindabaráttu í Rússlandi, Úkraínu og Hvíta-Rússlandi Hvítrússneski baráttumaðurinn Ales Bialiatski, rússnesku mannréttindasamtökin Memorial og úkraínsku mannréttindasamtökin Miðstöð um borgararéttindi hljóta í sameiningu friðarverðlaun Nóbels í ár. 7. október 2022 09:06 Mest lesið „Ef þessi maður kemst út úr fangelsi mun hann drepa barnið mitt“ Innlent „Ef þið haldið mér áfram í fangelsi þá verður vandamál“ Innlent Ein leið í og úr hverfinu dragi úr öryggi íbúa Innlent Kourani sjái ekki eftir neinu og eigi skilið sex til átta ár í fangelsi Innlent Þrír af hverjum fjórum sitja eftir með sárt ennið Innlent Vaknaði með tíu ósvöruð símtöl og frétti svo af uppsögninni Innlent Segja Ásgeir Helga hafa verið 20 mínútur í stæðinu Innlent „Að láta taka sig ósmurt? Takk, en nei takk“ Innlent Gámur fluttur án leyfis eiganda og öllu stolið úr honum Innlent Hlaut of þunga refsingu fyrir mistök Innlent Fleiri fréttir Kæmi mjög á óvart sigri annar flokkur en Verkamannaflokkurinn Verkamannaflokkurinn með stórsigur samkvæmt útgönguspám Baktalaði Biden í golfi: „Gamla niðurbrotna skítahrúga“ Kristrún og félagar sækja atkvæði fyrir Verkamannaflokkinn Enn má pissa í sjóinn á Costa del Sol Uppsagnir á Skaganum og Bretar kjósa nýja valdhafa Hryðjuverkamaðurinn í Ósló fær þyngsta dóm sögunnar Bretar ganga að kjörborðinu Neil Gaiman sakaður um kynferðisofbeldi Trump eykur forskotið og Biden ekki á förum Þvertaka fyrir að Biden sé efins um framboð Ákærður fyrir árásina á Mette Frederiksen Ákærðir fyrir að hafa fellt tré með banvænum afleiðingum Maður á þrítugsaldri stunginn til bana í Kaupmannahöfn Gert að eyða gjafasæði vegna mistaka við merkingu Beryl við það að skella á Jamaíku Sá fyrsti sem kallar eftir því að Biden stígi til hliðar Friðhelgin stórauki vald forsetans Ákvörðun um refsingu Trump frestað 87 talin af vegna troðnings Einn látinn og þúsundir án vatns og rafmagns Enn slasast tugir í ókyrrð Orbán hyggst óvænt heimsækja Úkraínu Í höndum Macron að koma í veg fyrir stórsigur Le Pen Hæstiréttur segir Trump njóta friðhelgi að hluta Einn helsti rithöfundur Albaníu er allur Strangrúaðir mótmæltu herskyldu Varað við fellibylnum Beryl sem er á leið yfir Karíbahafið Kínversk geimflaug hrapaði til jarðar Flestir á því að Biden valdi ekki starfinu Sjá meira
Hópur rússneskra ríkisborgara, búsettur á Íslandi, stóð fyrir mótmælagjörningi í tilefni sjötugsafmælis Pútins Rússlandsforseta fyrir utan sendiráð Rússlands við Túngötu í dag. Hluti rússnesku ríkisborgaranna sem búa hér á landi og skipulögðu mótmælagjörninginn við sendiráð Rússlands í dag.Sveinn Rúnar Sigurðsson Átta Rússar lögðust í líkpokum á stéttina fyrir framan sendiráðið til að minna afmælisbarnið á afleiðingar ólöglegrar innrásar herja hans í Úkraínu. Við líkpokana var lagður stærðarinnar táknrænn flugfarseðill fyrir Pútin aðra leið frá Moskvu til Haag þar sem Alþjóðaglæpadómstóllinn er til húsa. Hér fyrir neðan má sjá myndir frá mótmælunum. Vladimir Putin sem er sjötugur í dag hefur verið við völd í Rússlandi í tuttugu og tvö ár. Fyrst sem forseti í tvö kjörtímabil frá 2000 til 2008, forsætisráðherra frá 2008 til 2012 þegar hann tók á ný við forsetaembættinu eftir víðtækt kosningasvindl að margra mati. Innrás Putins í Úkraínu má rekja til heimsmyndar hans og það áfall sem hann varð fyrir sem KGB njósnari í Dresden í Þýskalandi þegar Sovétríkin féllu 1991. Þetta sagði hann í ávarpi til rússneska þingsins hinn 25. Apríl árið 2005. „Í fyrsta lagi verðum við að viðurkenna að hrun Sovétríkjanna var mesta landfræðipólitíska stórslys aldarinnar. Og fyrir rússnesku þjóðina var þetta raunverulegur harmleikur.“ Aðalafsökun Putins fyrir ólöglegri innrás í Úkraínu er ekki lengur að afnasistavæða Úkraínu og frelsa ofsótta rússneskumælandi íbúa landsins. Nú er hann nánast kominn í heilagt stríð gegn Bandaríkjunum og NATO sem hann segir vilja sundra rússneska sambandsríkinu.AP/Mikhail Klimentyev Putin hefur lýst árunum eftir hrun Sovétríkjanna þegar Boris Yeltsin og stjórn hans reyndu að koma á lýðræði í Rússlandi sem algjöru niðurlægingartímabili þar sem Vesturlönd hafi haft Rússland að leiksoppi. Fyrst í stað reyndi Putin að halda uppi jákvæðum samskiptum við Vesturlönd en harðlínustefna hans og ofsóknir gegn andstæðingum hans ásamt vaxandi stórveldisdraumum spilltu því sambandi fljótlega og algerlega eftir forsetakosningarnar 2012. Eftir þær kosningar brutust út fjölmennustu mótmæli í Rússlandi frá valdaránstilraun harðlínukommúnista árið 1991, sem Putin lét að lokum berja niður. Síðan þá hefur hann enn hert tökin á pólitískum andstæðingum og ýmist látið handtaka þá eða koma þeim fyrir kattarnef og lokað á alla frjálsa fjölmiðlun í Rússlandi. Nú eru hersveitir afmælisbarnsins á undanhaldi víðast hvar í Úkraínu eftir mikið mannfall sem Putin reynir að fylla upp í með herkvaðningu 300 þúsund manna. Hann segir stríðið ekki lengur snúast um frelsun Úkraínu undan nasisma. Rússar væru að verjast innrás Bandaríkjamanna og NATO sem vildu sundra rússneska sambandsríkinu. Talið er að um 200 þúsund ungir menn hafi flúið Rússland eftir herkvaðninguna. Leiðtogar Evrópusambandsins funduðu í Prag í Tékklandi í dag þar sem þeir hétu Úkraínu auknum hernaðar- og fjárstuðningi. Þeir náðu hins vegar ekki saman um tillögu að því að hámarksverð verði sett á jarðgas.AP/Petr David Josek Gríðarlegur stuðningur Vesturlanda við Úkraínu kom Putin á óvart sem og mikið baráttuþrek Úkraínumanna. Rússneski herinn hefur reynst illa skipulagður og hergögn hans úrelt og oft í slæmu ástandi og baráttuþrekið virðist lítið. Bandaríkin, Bretland og margar aðrar þjóðir hafa dælt hergögnum og fjármunum til Úkraínu. Leiðtogar Evrópusambandsins samþykktu aukin stuðning og hertari refsiaðgerðir í dag. Þeir funduðu einnig um aðgerðir til að bregðast við tilraunum Putins til að ráðskast með og kúga Evrópu til að láta af refsiaðgerðum gegn Rússlandi með því að skrúfa fyrir gasflutninga sem hefur leitt til mikillar hækkunar á orkuverði. Ursula von der Leyen forseti framkvæmdastjórnar Evrópusambandsins segir mikilvægt að ná saman um aðgerðir til að frelsa Evrópu undan kúgun Putins í orkumálum.AP/Petr David Josek Ursula von der Leyen forseti framkvæmdastjórnar Evrópusambandsins segir Evrópu hafa náð að birgja sig upp af gasi og þannig komið upp fyrstu varnarlínunni gagnvart kúgun Putins fyrir veturinn. Samningar hefðu verið gerðir um gaskaup af Norðmönnum og Bandaríkjunum. „Nú er kominn tími til að ræða hvernig við getum dregið úr hækkunum á orkuverði og stjórnun Pútíns á orkuverðinu,“ sagði von der Leyen. Leiðtogarnir komust ekki að niðurstöðu í dag en þeir funda áfram á morgun. Fimmtán ríki sambandsins vilja setja þak verðið á gasi en Þjóðverjar og Danir leggjast gegn því af ótta við að erfiðlega geti þá gengið að útvega gas.
Innrás Rússa í Úkraínu Rússland Vladimír Pútín Úkraína Evrópusambandið NATO Tengdar fréttir Lausir úr skotgröfunum og vilja ekki leyfa Rússum að ná áttum Eftir að hafa að mestu setið fastir í skotgröfum um mánaða skeið meðan Rússar létu sprengjum rigna yfir þá, keppast úkraínskir hermenn nú við að gera gagnárásir á Rússa. Þeim hefur nokkrum sinnum tekist að stökkva Rússum á flótta sem á undanhaldinu hafa skilið eftir sig mikið magn þungavopna og annarra hergagna sem Úkraínumenn hafa notað í átökunum. 7. október 2022 16:50 Evrópuleiðtogar reyna að ná samkomulagi um hámarksverð á gasi Leiðtogar Evrópusambandsins reyna nú á 70 ára afmælisdegi Rússlandsforseta að ná samkomulagi um hámarksverð á gasi til heimila og fyrirtækja. Úkraínskar hersveitir halda áfram að endurheimta landsvæði í gagnsókn sinni gegn Rússum og Úkraínuforseti heitir því að endurheimta öll hertekin svæði, þeirra á meðal Krímskaga. 7. október 2022 11:49 Hljóta friðarverðlaunin fyrir mannréttindabaráttu í Rússlandi, Úkraínu og Hvíta-Rússlandi Hvítrússneski baráttumaðurinn Ales Bialiatski, rússnesku mannréttindasamtökin Memorial og úkraínsku mannréttindasamtökin Miðstöð um borgararéttindi hljóta í sameiningu friðarverðlaun Nóbels í ár. 7. október 2022 09:06 Mest lesið „Ef þessi maður kemst út úr fangelsi mun hann drepa barnið mitt“ Innlent „Ef þið haldið mér áfram í fangelsi þá verður vandamál“ Innlent Ein leið í og úr hverfinu dragi úr öryggi íbúa Innlent Kourani sjái ekki eftir neinu og eigi skilið sex til átta ár í fangelsi Innlent Þrír af hverjum fjórum sitja eftir með sárt ennið Innlent Vaknaði með tíu ósvöruð símtöl og frétti svo af uppsögninni Innlent Segja Ásgeir Helga hafa verið 20 mínútur í stæðinu Innlent „Að láta taka sig ósmurt? Takk, en nei takk“ Innlent Gámur fluttur án leyfis eiganda og öllu stolið úr honum Innlent Hlaut of þunga refsingu fyrir mistök Innlent Fleiri fréttir Kæmi mjög á óvart sigri annar flokkur en Verkamannaflokkurinn Verkamannaflokkurinn með stórsigur samkvæmt útgönguspám Baktalaði Biden í golfi: „Gamla niðurbrotna skítahrúga“ Kristrún og félagar sækja atkvæði fyrir Verkamannaflokkinn Enn má pissa í sjóinn á Costa del Sol Uppsagnir á Skaganum og Bretar kjósa nýja valdhafa Hryðjuverkamaðurinn í Ósló fær þyngsta dóm sögunnar Bretar ganga að kjörborðinu Neil Gaiman sakaður um kynferðisofbeldi Trump eykur forskotið og Biden ekki á förum Þvertaka fyrir að Biden sé efins um framboð Ákærður fyrir árásina á Mette Frederiksen Ákærðir fyrir að hafa fellt tré með banvænum afleiðingum Maður á þrítugsaldri stunginn til bana í Kaupmannahöfn Gert að eyða gjafasæði vegna mistaka við merkingu Beryl við það að skella á Jamaíku Sá fyrsti sem kallar eftir því að Biden stígi til hliðar Friðhelgin stórauki vald forsetans Ákvörðun um refsingu Trump frestað 87 talin af vegna troðnings Einn látinn og þúsundir án vatns og rafmagns Enn slasast tugir í ókyrrð Orbán hyggst óvænt heimsækja Úkraínu Í höndum Macron að koma í veg fyrir stórsigur Le Pen Hæstiréttur segir Trump njóta friðhelgi að hluta Einn helsti rithöfundur Albaníu er allur Strangrúaðir mótmæltu herskyldu Varað við fellibylnum Beryl sem er á leið yfir Karíbahafið Kínversk geimflaug hrapaði til jarðar Flestir á því að Biden valdi ekki starfinu Sjá meira
Lausir úr skotgröfunum og vilja ekki leyfa Rússum að ná áttum Eftir að hafa að mestu setið fastir í skotgröfum um mánaða skeið meðan Rússar létu sprengjum rigna yfir þá, keppast úkraínskir hermenn nú við að gera gagnárásir á Rússa. Þeim hefur nokkrum sinnum tekist að stökkva Rússum á flótta sem á undanhaldinu hafa skilið eftir sig mikið magn þungavopna og annarra hergagna sem Úkraínumenn hafa notað í átökunum. 7. október 2022 16:50
Evrópuleiðtogar reyna að ná samkomulagi um hámarksverð á gasi Leiðtogar Evrópusambandsins reyna nú á 70 ára afmælisdegi Rússlandsforseta að ná samkomulagi um hámarksverð á gasi til heimila og fyrirtækja. Úkraínskar hersveitir halda áfram að endurheimta landsvæði í gagnsókn sinni gegn Rússum og Úkraínuforseti heitir því að endurheimta öll hertekin svæði, þeirra á meðal Krímskaga. 7. október 2022 11:49
Hljóta friðarverðlaunin fyrir mannréttindabaráttu í Rússlandi, Úkraínu og Hvíta-Rússlandi Hvítrússneski baráttumaðurinn Ales Bialiatski, rússnesku mannréttindasamtökin Memorial og úkraínsku mannréttindasamtökin Miðstöð um borgararéttindi hljóta í sameiningu friðarverðlaun Nóbels í ár. 7. október 2022 09:06