OPEC líklegt til að draga verulega úr framleiðslu Samúel Karl Ólason skrifar 5. október 2022 10:36 Olíuframleiðendur eru sagðir óttast að versanandi efnahagsástand muni leiða til minni eftirspurnar og lægra verðs. EPA/HENRY CHIRINOS Fulltrúar OPEC-ríkjanna svokölluðu og Rússlands, munu funda í Vínarborg í dag og ræða olíuframleiðslu. Fastlega er búist við því að tekin verði ákvörðun um umfangsmikla framleiðsluskerðingu með því markmiði að hækka olíuverð. Sérfræðingar segja líklegt að framleiðsluskerðingin verði minnst ein milljón tunna á dag eða allt að tvær milljónir, sem samsvarar um tveimur prósentum af heimsframleiðslu á olíu, samkvæmt frétt New York Times. OPEC-ríkin eru Alsír, Angóla, Austur-Kongó, Ekvador, Gabon, Írak, Íran, Katar, Kúveit, Líbía, Miðbaugs-Gínea, Nígería, Sameinuðu arabísku furstadæmin, Sádi-Arabía og Venesúela. Með Rússlandi og fulltrúum annarra ríkja þar sem olía er framleidd en tilheyra ekki OPEC er 24 ríkja hópurinn kallaður OPEC+. Erindrekar Bandaríkjanna eru sagðir vinna hörðum höndum að því að reyna að koma í veg fyrir mikla framleiðsluskerðingu. Þessi viðleitni hefur, samkvæmt frétt CNN, að mestu beinst að Kúveit, Sameinuðu arabísku furstadæmunum og Sádi-Arabíu, sem er í raun talinn leiða ríkjabandalagið. Þar á bæ vilja menn þó halda nánum samskiptum við Rússland og hafa lýst yfir áhyggjum af því versnandi efnahagsástand á heimsvísu muni leiða til verðlækkunar. Leiðtogar Evrópusambandsins samþykktu í morgun að beta Rússa hertum refsiaðgerðum og þar á meðal að setja hámarksverð á olíukaup frá Rússlandi. Ekki liggur enn fyrir í hverju refsiaðgerðirnar felast og stendur til að kynna þær seinna í vikunni. Fyrir var búið að taka ákvörðun um að banna kaup á flestum olíuvörum Rússa og þannig þvinga þá til að selja olíu ódýrar til annarra ríkja. Bandaríkjamenn beita þrýstingi Sérfræðingar sem ræddu við NYT segja líklegt að ráðamenn í Moskvu vilji nota tengsl sín við Sádi-Arabíu til að draga úr olíuframleiðslu með því markmiði að ná höggi á Vesturlönd og gera þeim erfiðara að refsa Rússum fyrir innrás þeirra í Úkraínu. Bandaríkjamenn vilja hins vegar að olíuverð hækki. Það muni leiða til aukins hagvaxtar og lægra verðs fyrir neytendur um heiminn allan. Hækkandi olíuverð myndi koma Joe Biden, forseta Bandaríkjanna og Demókrötum sérstaklega illa svo stuttu fyrir þingkosningar, sem fara fram í nóvember. Ríkisstjórn hans varði miklu púðri í að draga úr olíuverði eftir innrás Rússa í Úkraínu og hefur það skilað árangri í Bandaríkjunum. Verð hefur þó byrjað að hækka á nýjan leik. Bensín og olía Mest lesið Einn stærsti vinnustaður Akraness gjaldþrota Viðskipti innlent Gera margvíslegar athugasemdir við starfshætti Kviku Viðskipti innlent Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Gjaldþrot Jötunn véla upp á 1,7 milljarða Viðskipti innlent Mikið áfall fyrir íslenskan sjávarútveg Viðskipti innlent Ósáttur með sætin og fær milljón endurgreidda Neytendur Gefa út afkomuspá eftir allt saman Viðskipti innlent Reitir hrista upp í skipuritinu Viðskipti innlent Matvöruverslun rís á nýjum reit við Keflavíkurflugvöll Viðskipti innlent Stærsti Hiab krani í heimi á sumarsýningu Veltis Samstarf Fleiri fréttir Kjarnorkubréf Einsteins til sölu Nvidia verðmætasta skráða fyrirtæki heims Ekki lengur hægt að sjá hvað aðrir „læka“ Lætur mál gegn OpenAI niður falla Danir höndla ekki kóresku pakkanúðlurnar ChatGPT og endurbætt Siri væntanlegar nýjungar Apple Lækkuðu stýrivexti í Evrópu í fyrsta sinn síðan 2019 Írskur matsölustaður hafði betur í vörumerkjadeilum við McDonalds Bein útsending: Fjórða flugferð Starship Prufa að neyða notendur til að horfa á auglýsingar Vangaveltur um að vinkona Ásdísar hafi verið myrt og hent í sjóinn Sjá meira
Sérfræðingar segja líklegt að framleiðsluskerðingin verði minnst ein milljón tunna á dag eða allt að tvær milljónir, sem samsvarar um tveimur prósentum af heimsframleiðslu á olíu, samkvæmt frétt New York Times. OPEC-ríkin eru Alsír, Angóla, Austur-Kongó, Ekvador, Gabon, Írak, Íran, Katar, Kúveit, Líbía, Miðbaugs-Gínea, Nígería, Sameinuðu arabísku furstadæmin, Sádi-Arabía og Venesúela. Með Rússlandi og fulltrúum annarra ríkja þar sem olía er framleidd en tilheyra ekki OPEC er 24 ríkja hópurinn kallaður OPEC+. Erindrekar Bandaríkjanna eru sagðir vinna hörðum höndum að því að reyna að koma í veg fyrir mikla framleiðsluskerðingu. Þessi viðleitni hefur, samkvæmt frétt CNN, að mestu beinst að Kúveit, Sameinuðu arabísku furstadæmunum og Sádi-Arabíu, sem er í raun talinn leiða ríkjabandalagið. Þar á bæ vilja menn þó halda nánum samskiptum við Rússland og hafa lýst yfir áhyggjum af því versnandi efnahagsástand á heimsvísu muni leiða til verðlækkunar. Leiðtogar Evrópusambandsins samþykktu í morgun að beta Rússa hertum refsiaðgerðum og þar á meðal að setja hámarksverð á olíukaup frá Rússlandi. Ekki liggur enn fyrir í hverju refsiaðgerðirnar felast og stendur til að kynna þær seinna í vikunni. Fyrir var búið að taka ákvörðun um að banna kaup á flestum olíuvörum Rússa og þannig þvinga þá til að selja olíu ódýrar til annarra ríkja. Bandaríkjamenn beita þrýstingi Sérfræðingar sem ræddu við NYT segja líklegt að ráðamenn í Moskvu vilji nota tengsl sín við Sádi-Arabíu til að draga úr olíuframleiðslu með því markmiði að ná höggi á Vesturlönd og gera þeim erfiðara að refsa Rússum fyrir innrás þeirra í Úkraínu. Bandaríkjamenn vilja hins vegar að olíuverð hækki. Það muni leiða til aukins hagvaxtar og lægra verðs fyrir neytendur um heiminn allan. Hækkandi olíuverð myndi koma Joe Biden, forseta Bandaríkjanna og Demókrötum sérstaklega illa svo stuttu fyrir þingkosningar, sem fara fram í nóvember. Ríkisstjórn hans varði miklu púðri í að draga úr olíuverði eftir innrás Rússa í Úkraínu og hefur það skilað árangri í Bandaríkjunum. Verð hefur þó byrjað að hækka á nýjan leik.
Bensín og olía Mest lesið Einn stærsti vinnustaður Akraness gjaldþrota Viðskipti innlent Gera margvíslegar athugasemdir við starfshætti Kviku Viðskipti innlent Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Gjaldþrot Jötunn véla upp á 1,7 milljarða Viðskipti innlent Mikið áfall fyrir íslenskan sjávarútveg Viðskipti innlent Ósáttur með sætin og fær milljón endurgreidda Neytendur Gefa út afkomuspá eftir allt saman Viðskipti innlent Reitir hrista upp í skipuritinu Viðskipti innlent Matvöruverslun rís á nýjum reit við Keflavíkurflugvöll Viðskipti innlent Stærsti Hiab krani í heimi á sumarsýningu Veltis Samstarf Fleiri fréttir Kjarnorkubréf Einsteins til sölu Nvidia verðmætasta skráða fyrirtæki heims Ekki lengur hægt að sjá hvað aðrir „læka“ Lætur mál gegn OpenAI niður falla Danir höndla ekki kóresku pakkanúðlurnar ChatGPT og endurbætt Siri væntanlegar nýjungar Apple Lækkuðu stýrivexti í Evrópu í fyrsta sinn síðan 2019 Írskur matsölustaður hafði betur í vörumerkjadeilum við McDonalds Bein útsending: Fjórða flugferð Starship Prufa að neyða notendur til að horfa á auglýsingar Vangaveltur um að vinkona Ásdísar hafi verið myrt og hent í sjóinn Sjá meira