Skýrslan um söluna á Íslandsbanka á lokametrunum Jakob Bjarnar skrifar 5. september 2022 10:42 Bjarni Benediktsson fjármálaráðherra ásamt Katrínu Jakobsdóttur forsætisráðherra. Þingið er nú í sumarfríi en búast má því að veturinn hefjist með látum; umræðu um skýrslu ríkisendurskoðunar þar sem fjallað er um umdeilda sölu á hlut ríkisins í Íslandsbanka. vísir/vilhelm Skýrsla ríkisendurskoðunar um afar umdeilda sölu ríkisins á hluta sínum í Íslandsbanka, er væntanleg innan tíðar. Mikil eftirvænting ríkir innan sem utan þings vegna skýrslunnar. Guðmundur Björgvin Helgason ríkisendurskoðandi greindi frá því fyrir mánuði í samtali við Vísi að hann reiknaði með því að skýrslan yrði lögð fram í þeim mánuði. Útkoma hennar hafði þá frestast von úr viti en Guðmundur Björgvin sagði frá því að eitt og annað hefði sett strik í reikninginn svo sem Covid og sumarfrí starfsfólks. Skýrslan væntanleg á næstu dögum „Það er rétt að mánuðurinn sé á lokametrunum; við teljum skýrslugerðina reyndar vera það líka,“ segir Guðmundur Björgvin í samtali við Vísi í síðustu viku, þegar hann var rukkaður um skýrsluna. „Við reiknum með að senda forseta Alþingis skýrsluna fljótlega, en ég er ekki reiðubúinn til að binda mig við einhvern tiltekinn dag í því sambandi. Ég geri ráð fyrir að skýrslan verði tekin fyrir af stjórnskipunar- og eftirlitsnefnd um leið og hún liggur fyrir. Eins og gildir um allar okkar skýrslur til þingsins munum við birta skýrsluna á heimasíðu okkar sama dag og við kynnum efni hennar fyrir nefndinni,“ segir Guðmundur Björgvin. Vart ætti að þurfa að rifja upp heita umræðu sem varð á Alþingi vegna þessa gjörnings, en meðal þess sem þótti orka tvímælis við framkvæmdina var hverjir fengu að kaupa hlut á vildarkjörum og svo hverjir ekki. Hver á fætur öðrum fóru þingmenn stjórnarandstöðunnar í pontu og kröfðust þess að á fót yrði sett sérstök rannsóknarnefnd Alþingis sem færi í saumana á sölunni. Þeir héldu því fram að ríkisendurskoðandi, sem væri undir fjármálaráðherra í stjórnsýslulegum skilningi, gæti vart af þeim sökum talist hæfur til að skila hlutlægri skýrslu um málið. „Sérkennilegasta smjörklípa stjórnmálasögunnar“ Ragnar Þór Ingólfsson formaður VR er meðal fjölmargra sem gagnrýndi söluna harðlega, að hlutur ríkisins væri ekki seldur á markaðsvirði. Hann taldi málið þannig vaxið að Bjarna Benediktssyni fjármálaráðherra bæri að segja af sér vegna málsins, þarna væri verið að úthluta gæðum almennings í valda vasa. Viðbrögð ríkisstjórnarinnar voru þau að leggja bankasýsluna, sem hafði framkvæmd sölunnar á sinni könnu, niður. Stjórnarandstæðingar töldu blasa við að með því væri verið að slá ryki í augu almennings, fjármálaráðherra hlyti að bera ábyrgð á hinni undeildu sölu. Ódýrt væri að gera bankasýsluna að blóraböggli í málinu. Sigmar Guðmundsson, þingmaður Viðreisnar, er þeirrar skoðunar: „... spratt upp einhver hugmyndabastarður sem fer í sögubækurnar sem sérkennilegasta smjörklípa stjórnmálasögunnar. Einni ríkisstofnun var útrýmt til að komast undan pólitískri ábyrgð,“ sagði Sigmar í grein undir yfirskriftinni „Bankasýslan krossfest“. Salan á Íslandsbanka Stjórnsýsla Ríkisstjórn Katrínar Jakobsdóttur Íslenskir bankar Alþingi Íslandsbanki Tengdar fréttir Skýrslunni skilað um næstu mánaðamót Búist er við að Ríkisendurskoðun skili skýrslu sinni um sölu á rúmlega 22 prósenta hlut ríkisins í Íslandsbanka um næstu mánaðamót. 15. ágúst 2022 10:16 Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent Bankarnir verði að lækka vexti jafnhratt og þeir hækkuðu Viðskipti innlent „En það hefur líka margt fallegt komið út úr þessu“ Atvinnulíf Fleiri fréttir Bankarnir verði að lækka vexti jafnhratt og þeir hækkuðu Landsbankinn rekur lestina og lækkar vexti Loks opnað fyrir umsóknir um hlutdeildarlán Bogi og Linda kaupa af Heimum fyrir milljarða Borgin fær milljarða fyrir síðasta þéttingarreit miðborgarinnar Bein útsending: Viðtöl við sérfræðinga um mannauðsmál Uppreisnarleiðtogi snýr heim og tekur við rekstri Hríseyjarbúðarinnar Sýna áhuga á eignum Skagans 3X Indó lækkar líka vexti Íslandsbanki bregst sömuleiðis við stýrivaxtalækkuninni Arion fyrstur til að tilkynna lækkun Engar hópuppsagnir í september Rekstur Rammagerðarinnar gaf vel í fyrra Mikilvægt að íslenskan sé hluti af hverri tæknibyltinguu Gerir óþægilegt samtal auðveldara Þessir sprotar taka þátt í Startup SuperNova í ár Skiltið skuli fjarlægt „Við erum ekki komin á húrrandi ferð niður Esjuna“ Anna Fríða snýr sér að sælgætinu Vaxtahækkun bankanna vó þungt í ákvörðun Ásgeirs Culiacan lokað á Suðurlandsbraut Efla fjármálin með Elfu Herferð í boði Ernu Hreins og Önnu Margrétar Hvíta húsið og Ennemm segja upp fólki Telur ljóst að vaxtalækkunarferlið sé hafið Eirberg hættir með verslunina í Kringlunni í kjölfar brunans Bein útsending: Ásgeir og Rannveig rökstyðja lækkunina Lækkar stýrivextina í fyrsta sinn síðan í árslok 2020 Ekki útilokað að stýrivextir lækki Gengið frá sölu á hluta Endor Sjá meira
Guðmundur Björgvin Helgason ríkisendurskoðandi greindi frá því fyrir mánuði í samtali við Vísi að hann reiknaði með því að skýrslan yrði lögð fram í þeim mánuði. Útkoma hennar hafði þá frestast von úr viti en Guðmundur Björgvin sagði frá því að eitt og annað hefði sett strik í reikninginn svo sem Covid og sumarfrí starfsfólks. Skýrslan væntanleg á næstu dögum „Það er rétt að mánuðurinn sé á lokametrunum; við teljum skýrslugerðina reyndar vera það líka,“ segir Guðmundur Björgvin í samtali við Vísi í síðustu viku, þegar hann var rukkaður um skýrsluna. „Við reiknum með að senda forseta Alþingis skýrsluna fljótlega, en ég er ekki reiðubúinn til að binda mig við einhvern tiltekinn dag í því sambandi. Ég geri ráð fyrir að skýrslan verði tekin fyrir af stjórnskipunar- og eftirlitsnefnd um leið og hún liggur fyrir. Eins og gildir um allar okkar skýrslur til þingsins munum við birta skýrsluna á heimasíðu okkar sama dag og við kynnum efni hennar fyrir nefndinni,“ segir Guðmundur Björgvin. Vart ætti að þurfa að rifja upp heita umræðu sem varð á Alþingi vegna þessa gjörnings, en meðal þess sem þótti orka tvímælis við framkvæmdina var hverjir fengu að kaupa hlut á vildarkjörum og svo hverjir ekki. Hver á fætur öðrum fóru þingmenn stjórnarandstöðunnar í pontu og kröfðust þess að á fót yrði sett sérstök rannsóknarnefnd Alþingis sem færi í saumana á sölunni. Þeir héldu því fram að ríkisendurskoðandi, sem væri undir fjármálaráðherra í stjórnsýslulegum skilningi, gæti vart af þeim sökum talist hæfur til að skila hlutlægri skýrslu um málið. „Sérkennilegasta smjörklípa stjórnmálasögunnar“ Ragnar Þór Ingólfsson formaður VR er meðal fjölmargra sem gagnrýndi söluna harðlega, að hlutur ríkisins væri ekki seldur á markaðsvirði. Hann taldi málið þannig vaxið að Bjarna Benediktssyni fjármálaráðherra bæri að segja af sér vegna málsins, þarna væri verið að úthluta gæðum almennings í valda vasa. Viðbrögð ríkisstjórnarinnar voru þau að leggja bankasýsluna, sem hafði framkvæmd sölunnar á sinni könnu, niður. Stjórnarandstæðingar töldu blasa við að með því væri verið að slá ryki í augu almennings, fjármálaráðherra hlyti að bera ábyrgð á hinni undeildu sölu. Ódýrt væri að gera bankasýsluna að blóraböggli í málinu. Sigmar Guðmundsson, þingmaður Viðreisnar, er þeirrar skoðunar: „... spratt upp einhver hugmyndabastarður sem fer í sögubækurnar sem sérkennilegasta smjörklípa stjórnmálasögunnar. Einni ríkisstofnun var útrýmt til að komast undan pólitískri ábyrgð,“ sagði Sigmar í grein undir yfirskriftinni „Bankasýslan krossfest“.
Salan á Íslandsbanka Stjórnsýsla Ríkisstjórn Katrínar Jakobsdóttur Íslenskir bankar Alþingi Íslandsbanki Tengdar fréttir Skýrslunni skilað um næstu mánaðamót Búist er við að Ríkisendurskoðun skili skýrslu sinni um sölu á rúmlega 22 prósenta hlut ríkisins í Íslandsbanka um næstu mánaðamót. 15. ágúst 2022 10:16 Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent Bankarnir verði að lækka vexti jafnhratt og þeir hækkuðu Viðskipti innlent „En það hefur líka margt fallegt komið út úr þessu“ Atvinnulíf Fleiri fréttir Bankarnir verði að lækka vexti jafnhratt og þeir hækkuðu Landsbankinn rekur lestina og lækkar vexti Loks opnað fyrir umsóknir um hlutdeildarlán Bogi og Linda kaupa af Heimum fyrir milljarða Borgin fær milljarða fyrir síðasta þéttingarreit miðborgarinnar Bein útsending: Viðtöl við sérfræðinga um mannauðsmál Uppreisnarleiðtogi snýr heim og tekur við rekstri Hríseyjarbúðarinnar Sýna áhuga á eignum Skagans 3X Indó lækkar líka vexti Íslandsbanki bregst sömuleiðis við stýrivaxtalækkuninni Arion fyrstur til að tilkynna lækkun Engar hópuppsagnir í september Rekstur Rammagerðarinnar gaf vel í fyrra Mikilvægt að íslenskan sé hluti af hverri tæknibyltinguu Gerir óþægilegt samtal auðveldara Þessir sprotar taka þátt í Startup SuperNova í ár Skiltið skuli fjarlægt „Við erum ekki komin á húrrandi ferð niður Esjuna“ Anna Fríða snýr sér að sælgætinu Vaxtahækkun bankanna vó þungt í ákvörðun Ásgeirs Culiacan lokað á Suðurlandsbraut Efla fjármálin með Elfu Herferð í boði Ernu Hreins og Önnu Margrétar Hvíta húsið og Ennemm segja upp fólki Telur ljóst að vaxtalækkunarferlið sé hafið Eirberg hættir með verslunina í Kringlunni í kjölfar brunans Bein útsending: Ásgeir og Rannveig rökstyðja lækkunina Lækkar stýrivextina í fyrsta sinn síðan í árslok 2020 Ekki útilokað að stýrivextir lækki Gengið frá sölu á hluta Endor Sjá meira
Skýrslunni skilað um næstu mánaðamót Búist er við að Ríkisendurskoðun skili skýrslu sinni um sölu á rúmlega 22 prósenta hlut ríkisins í Íslandsbanka um næstu mánaðamót. 15. ágúst 2022 10:16