Aubameyang skaut Börsungum í átta liða úrslit

Barcelona er á leið í átta liða úrslit Evrópudeildarinnar í fótbolta eftir 2-1 sigur gegn Galatasaray í kvöld. Fyrri leikur liðanna endaði með markalausu jafntefli, en það var Pierre-Emerick Aubameyang sem skoraði sigurmark Börsunga í kvöld.

Það voru þó heimamenn í Galatasaray sem tóku forystuna eftir tæplega hálftíma leik með marki frá Marcao. Pedri sá þó til þess að staðan var jöfn í hálfleik með marki á 37. mínútu eftir stoðsendingu frá Ferran Torres.

Pierre-Emerick Aubameyang kom Börsungum svo yfir snemma í síðari hálfleik þegar hann ýtti boltanum yfir línuna eftir tvöfalda vörslu frá Inaki Pena í marki Galatasaray.

Þetta reyndist seinasta mark leiksins og Börsungar verða því í pottinum þegar dregið verður í átta liða úrslit Evrópudeildarinnar á morgun.

Úrslit kvöldsins