Hættir sem framkvæmdastjóri hjá Play og einbeitir sér að fluginu Kolbeinn Tumi Daðason skrifar 4. mars 2022 16:14 Arnar Már Magnússon gegndi stöðu forstjóra Play þegar flugfélagið var kynnt til leiks. Vísir/Vilhelm Guðni Ingólfsson hefur verið ráðinn framkvæmdastjóri flugrekstrarsviðs Play. Guðni tekur við sem framkvæmdastjóri af Arnari Má Magnússyni, einum af stofnendum Play. Þetta kemur fram í tilkynningu Play til Kauphallar. „Auk þess að vera með mikla reynslu af flugrekstri er Arnar flugmaður og hefur hann ákveðið að setjast aftur í flugstjórasætið og fara að fljúga í fullu starfi. Arnar mun þó áfram sinna flugrekstrartengdum verkefnum hjá fyrirtækinu,“ segir í tilkynningunni. Þar kemur fram að Guðni hafi víðtæka reynslu af flugrekstri og mikla stjórnunarreynslu en hann var deildarstjóri áhafnadeildar hjá WOW air á árunum 2018 til 2019. Þar á undan starfaði Guðni hjá Icelandair í 22 ár, síðast sem forstöðumaður þjálfunardeildar á árunum 2015-2018. Þar áður sinnti hann ýmsum stjórnunarstörfum hjá Icelandair. Guðni kemur til PLAY frá Rio Tinto á Íslandi þar sem hann hefur starfað sem gæðastjóri frá 2019. Guðni er með meistaragráðu í aðgerðarannsóknum frá London School of Economics. Guðni nam við LSE í London.Play „Það hefur verið sannur heiður að taka þátt í að byggja upp PLAY, allt frá því að það var hugmynd og að sjá það verða að veruleika í þeirri mynd sem það er í dag. Ég er gríðarlega þakklátur fyrir að hafa fengið að starfa með öllu því frábæra fólki sem er hjá PLAY og ég hlakka til að halda því áfram á öðrum vettvangi innan félagsins, en nú um borð í flugvélunum. Ég er stoltur á þessum tímamótum og þá sérstaklega af afrekum okkar sem teymi þar sem allir hafa lagt mikið á sig til þess að gera PLAY að því flotta fyrirtæki sem það er orðið. Ég lít svo á að tilgangi mínum við að koma PLAY í loftið sé lokið og ætla nú að sinna því sem mér finnst skemmtilegast en það er að fljúga með farþega okkar á vit ævintýranna. Frá sumri mun ég sinna starfi þjálfunarflugstjóra hjá félaginu og hlakka mikið til þess. Ég veit að flugrekstrarsvið PLAY er í frábærum höndum hjá Guðna og óska honum alls hins besta,” segir Arnar Már. Birgir Jónsson, forstjóri Play, segir Arnar hafa verið lykilmann í sögu Play en Arnar gegndi forstjórastöðu á sprotastigi fyrirtækisins. „Þar leiddi hann starfsmannahópinn í talsverðum mótvindi enda setti COVID-19 upphaflegu áætlanirnar úr skorðum og gerði ferlið lengra og erfiðara en áætlað hafði verið. Eftir að félagið hóf eiginlegan rekstur hefur Arnar verið öflugur stjórnandi og byggt upp flugrekstrarteymið þannig að flugreksturinn hefur gengið eins og smurð vél og starfsandinn hefur verið gríðarlega góður. Ég hef mikinn skilning á því að háloftin kalli á Arnar sem flugmann og ber mikla virðingu fyrir ákvörðun hans enda höfum við rætt hana í langan tíma. Ég verð þó að segja að ég mun sakna Arnars sem öflugs liðsmanns framkvæmdastjórnar félagsins en á sama tíma hlakka ég til að hitta hann um borð hjá PLAY og óska honum góðs gengis og þakka honum frábær störf á mikilvægum tímum í sögu PLAY. Flugrekstrarsviðið er mjög þýðingarmikil eining innan fyrirtækisins og það er vandasamt verk að ráða inn nýjan stjórnanda. Ég er algjörlega sannfærður um að við höfum fundið frábæran leiðtoga í Guðna Ingólfssyni. Flugrekstrarteymið er öflugt, faglegt og metnaðarfullt og Guðni mun halda áfram að styrkja það og efla á sama tíma og rekstur PLAY fer ört vaxandi. Guðni býr yfir víðtækri reynslu úr flugrekstri sem og á öðrum sviðum atvinnulífsins, hann þekkir að auki vel til innviða PLAY og þeirra verkefni sem bíða hans hjá okkur. Ég býð hann velkominn og hlakka mjög til að vinna með honum,“ segir Birgir Jónsson, forstjóri PLAY. Play Vistaskipti Fréttir af flugi Mest lesið 1,5 milljarða gjaldþrot og Landsbankinn fékk varla krónu Viðskipti innlent Tveggja milljarða gjaldþrot Ingvars Jónadabs tók tíu ár Viðskipti innlent „Það segir sig sjálft að við höfum endalausa orku“ Atvinnulíf Stefnt á að koma upp 98 hleðslustöðvum í Kópavogi Neytendur Horfðu á hallærislegt sjónvarpsefni og úðuðu í sig bragðaref Atvinnulíf Að hætta að vera vandræðaleg í nýrri vinnu Atvinnulíf Sagði einhver fasteign á hjólum? Volvo EX90 reynsluakstur Samstarf Ráðin framkvæmdastjóri Pekron Viðskipti innlent Þrotabú Wok on vill tugmilljóna endurgreiðslu frá Kristjáni Viðskipti innlent „Fjárfestar eru bara venjulegt fólk“ Atvinnulíf Fleiri fréttir Tveggja milljarða gjaldþrot Ingvars Jónadabs tók tíu ár 1,5 milljarða gjaldþrot og Landsbankinn fékk varla krónu Ráðin framkvæmdastjóri Pekron Ellefu milljarða lán til að byggja upp veitukerfi og verjast loftslagsvá Salzburg úr sögunni hjá Play Samherji hvetur Odd Eystein til frekari verka Spá sömuleiðis óbreyttum stýrivöxtum Þrotabú Wok on vill tugmilljóna endurgreiðslu frá Kristjáni Fríar skólamáltíðir séu skammgóður vermir Frá RÚV til Coca-Cola Verulega minni verðbólga Mun leiða ferskvatnseldi hjá First Water Sátt Eimskipa við Samkeppniseftirlitið kom Samskipum ekki við Óvíða sem flugstarfsemi er jafn stór þáttur í efnahagslífi þjóðar Spá enn einum fundinum án breytingar Icelandair hækkað um ríflega fjórðung Munu fljúga til Nashville næsta sumar Rúv tapað nærri hálfum milljarði á árinu Átta sagt upp hjá Arion banka Bein útsending: Ársfundur Orkustofununar á Akureyri Hagnaður félags Björns Braga dróst verulega saman Ummæli seðlabankastjóra „skringileg“ Icelandair fyrsta samstarfsflugfélag bandarísks risa Spá verðbólgu undir fjórum prósentum á næsta ári Fjármálaeftirlitið samþykkir samruna Landsbankans og TM Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Sjá meira
„Auk þess að vera með mikla reynslu af flugrekstri er Arnar flugmaður og hefur hann ákveðið að setjast aftur í flugstjórasætið og fara að fljúga í fullu starfi. Arnar mun þó áfram sinna flugrekstrartengdum verkefnum hjá fyrirtækinu,“ segir í tilkynningunni. Þar kemur fram að Guðni hafi víðtæka reynslu af flugrekstri og mikla stjórnunarreynslu en hann var deildarstjóri áhafnadeildar hjá WOW air á árunum 2018 til 2019. Þar á undan starfaði Guðni hjá Icelandair í 22 ár, síðast sem forstöðumaður þjálfunardeildar á árunum 2015-2018. Þar áður sinnti hann ýmsum stjórnunarstörfum hjá Icelandair. Guðni kemur til PLAY frá Rio Tinto á Íslandi þar sem hann hefur starfað sem gæðastjóri frá 2019. Guðni er með meistaragráðu í aðgerðarannsóknum frá London School of Economics. Guðni nam við LSE í London.Play „Það hefur verið sannur heiður að taka þátt í að byggja upp PLAY, allt frá því að það var hugmynd og að sjá það verða að veruleika í þeirri mynd sem það er í dag. Ég er gríðarlega þakklátur fyrir að hafa fengið að starfa með öllu því frábæra fólki sem er hjá PLAY og ég hlakka til að halda því áfram á öðrum vettvangi innan félagsins, en nú um borð í flugvélunum. Ég er stoltur á þessum tímamótum og þá sérstaklega af afrekum okkar sem teymi þar sem allir hafa lagt mikið á sig til þess að gera PLAY að því flotta fyrirtæki sem það er orðið. Ég lít svo á að tilgangi mínum við að koma PLAY í loftið sé lokið og ætla nú að sinna því sem mér finnst skemmtilegast en það er að fljúga með farþega okkar á vit ævintýranna. Frá sumri mun ég sinna starfi þjálfunarflugstjóra hjá félaginu og hlakka mikið til þess. Ég veit að flugrekstrarsvið PLAY er í frábærum höndum hjá Guðna og óska honum alls hins besta,” segir Arnar Már. Birgir Jónsson, forstjóri Play, segir Arnar hafa verið lykilmann í sögu Play en Arnar gegndi forstjórastöðu á sprotastigi fyrirtækisins. „Þar leiddi hann starfsmannahópinn í talsverðum mótvindi enda setti COVID-19 upphaflegu áætlanirnar úr skorðum og gerði ferlið lengra og erfiðara en áætlað hafði verið. Eftir að félagið hóf eiginlegan rekstur hefur Arnar verið öflugur stjórnandi og byggt upp flugrekstrarteymið þannig að flugreksturinn hefur gengið eins og smurð vél og starfsandinn hefur verið gríðarlega góður. Ég hef mikinn skilning á því að háloftin kalli á Arnar sem flugmann og ber mikla virðingu fyrir ákvörðun hans enda höfum við rætt hana í langan tíma. Ég verð þó að segja að ég mun sakna Arnars sem öflugs liðsmanns framkvæmdastjórnar félagsins en á sama tíma hlakka ég til að hitta hann um borð hjá PLAY og óska honum góðs gengis og þakka honum frábær störf á mikilvægum tímum í sögu PLAY. Flugrekstrarsviðið er mjög þýðingarmikil eining innan fyrirtækisins og það er vandasamt verk að ráða inn nýjan stjórnanda. Ég er algjörlega sannfærður um að við höfum fundið frábæran leiðtoga í Guðna Ingólfssyni. Flugrekstrarteymið er öflugt, faglegt og metnaðarfullt og Guðni mun halda áfram að styrkja það og efla á sama tíma og rekstur PLAY fer ört vaxandi. Guðni býr yfir víðtækri reynslu úr flugrekstri sem og á öðrum sviðum atvinnulífsins, hann þekkir að auki vel til innviða PLAY og þeirra verkefni sem bíða hans hjá okkur. Ég býð hann velkominn og hlakka mjög til að vinna með honum,“ segir Birgir Jónsson, forstjóri PLAY.
Play Vistaskipti Fréttir af flugi Mest lesið 1,5 milljarða gjaldþrot og Landsbankinn fékk varla krónu Viðskipti innlent Tveggja milljarða gjaldþrot Ingvars Jónadabs tók tíu ár Viðskipti innlent „Það segir sig sjálft að við höfum endalausa orku“ Atvinnulíf Stefnt á að koma upp 98 hleðslustöðvum í Kópavogi Neytendur Horfðu á hallærislegt sjónvarpsefni og úðuðu í sig bragðaref Atvinnulíf Að hætta að vera vandræðaleg í nýrri vinnu Atvinnulíf Sagði einhver fasteign á hjólum? Volvo EX90 reynsluakstur Samstarf Ráðin framkvæmdastjóri Pekron Viðskipti innlent Þrotabú Wok on vill tugmilljóna endurgreiðslu frá Kristjáni Viðskipti innlent „Fjárfestar eru bara venjulegt fólk“ Atvinnulíf Fleiri fréttir Tveggja milljarða gjaldþrot Ingvars Jónadabs tók tíu ár 1,5 milljarða gjaldþrot og Landsbankinn fékk varla krónu Ráðin framkvæmdastjóri Pekron Ellefu milljarða lán til að byggja upp veitukerfi og verjast loftslagsvá Salzburg úr sögunni hjá Play Samherji hvetur Odd Eystein til frekari verka Spá sömuleiðis óbreyttum stýrivöxtum Þrotabú Wok on vill tugmilljóna endurgreiðslu frá Kristjáni Fríar skólamáltíðir séu skammgóður vermir Frá RÚV til Coca-Cola Verulega minni verðbólga Mun leiða ferskvatnseldi hjá First Water Sátt Eimskipa við Samkeppniseftirlitið kom Samskipum ekki við Óvíða sem flugstarfsemi er jafn stór þáttur í efnahagslífi þjóðar Spá enn einum fundinum án breytingar Icelandair hækkað um ríflega fjórðung Munu fljúga til Nashville næsta sumar Rúv tapað nærri hálfum milljarði á árinu Átta sagt upp hjá Arion banka Bein útsending: Ársfundur Orkustofununar á Akureyri Hagnaður félags Björns Braga dróst verulega saman Ummæli seðlabankastjóra „skringileg“ Icelandair fyrsta samstarfsflugfélag bandarísks risa Spá verðbólgu undir fjórum prósentum á næsta ári Fjármálaeftirlitið samþykkir samruna Landsbankans og TM Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Sjá meira