Líður bara vel með að missa metið: „Svona árangur er ekki plokkaður upp af götunni“ Sindri Sverrisson skrifar 15. nóvember 2021 09:00 Birkir Bjarnason skoraði fyrsta mark Íslands á stórmóti í fótbolta karla, gegn Portúgal á EM 2016, og fagnaði því vel. EPA/SERGEY DOLZHENKO „Mér finnst þetta bara gaman og samgleðst þeim sem ná að upplifa það sem ég náði að upplifa,“ segir Rúnar Kristinsson eftir að hafa misst landsleikjamet sitt í hendur Birkis Bjarnasonar í gær. Birkir lék sinn 105. A-landsleik þegar hann spilaði gegn Norður-Makedóníu í gær og tók þar með fram úr Rúnari sem lék sinn 104. landsleik árið 2004. Birkir Már Sævarsson er svo skammt á eftir þeim með 103 leiki. Þeir þrír eru þeir einu sem náð hafa hundrað A-landsleikjum fyrir karlalandsliðið í fótbolta. „Mér líður bara vel með það að missa metið og hef ekki haft nokkrar áhyggjur af því. Ég hef bara gaman af því og gleðst fyrir hönd þeirra sem ná þessum áfanga og hafa fengið tækifæri til að spila í svona mörg ár fyrir sína þjóð. Þetta er heiður fyrir alla og það sýnir úr hverju þessir strákar eru gerðir að vera að ná þessu. Ég óska þeim innilega til hamingju,“ segir Rúnar. Ekkert að baða sig í sviðsljósinu en vinnur sína vinnu Rúnar lék sína 104 leiki á 17 ára tímabili en Birkir Bjarnason, sem farið hefur með Íslandi á EM 2016 og HM 2018, hefur á rúmum ellefu árum náð metinu. Fleiri leikir hafa verið í boði á hverju ári fyrir Birki en voru í boði fyrir Rúnar á sínum tíma: „Það breytir því ekki að menn þurfa að hugsa vel um sig, vera alltaf í góðu standi og svo alltaf einn af þeim bestu til að vera valinn. Þessir strákar hafa sýnt það og eiga þetta svo fyllilega skilið. Þetta eru heiðarlegir strákar sem hafa lagt mikið á sig, sýnt gott fordæmi, æft vel og spilað vel, og svona árangur er ekki plokkaður upp af götunni. Það er mikil vinna og dugnaður að baki þessum áfanga,“ segir Rúnar. Rúnar Kristinsson, nýbúinn að pakka Michael Ballack saman í leik í undankeppni EM 2004.Getty/Andreas Rentz Birkir Bjarnason, sem er 33 ára gamall, hefði vel getað valið norska landsliðið eftir að hafa flutt til Noregs ellefu ára gamall. Hann valdi hins vegar Ísland, lék fyrir yngri landsliðin og spilaði fyrsta A-landsleikinn gegn Andorra í maí 2010, nýorðinn 22 ára gamall. „Birki þekki ég ekki persónulega en ef maður skoðar bara það sem hann hefur áorkað á sínum ferli, og þau félög sem hann hefur spilað með, þá segir það allt um hans gæði. Hann er ekkert að reyna að baða sig í sviðsljósinu, vinnur bara sína vinnu og skilar alltaf sínu. Hann er búinn að vera frábær í báðum keppnunum fyrir okkur, EM 2016 og HM 2018, og auðvitað öllum undankeppnunum líka. Algjör lykilmaður í þessu liði,“ segir Rúnar. Birkir Bjarnason nælir í afar mikilvæga vítaspyrnu í leik gegn Hollandi í Amsterdam, í undankeppni EM 2016. Hann fékk einnig víti í heimaleiknum gegn Hollandi í sömu keppni en sigrarnir á Hollandi réðu miklu um að Ísland kæmist á sitt fyrsta stórmót.Getty „Eiginleiki sem hefur nýst landsliðinu ofboðslega vel“ „Hann er með mjög skemmtilegan leikstíl. Er ekkert að gera allt of „fansí“ hluti en gerir einfalda hluti mjög vel. Hann hefur alltaf hlaupið mikið og hlaupið vel – verið hættulegur í vítateignum og komið að mikið af mörkum. Þegar menn eldast og læra að skýla boltanum vel þá er kannski engin leið til að taka boltann af þeim nema að brjóta á þeim. Það á við um Birki. Hann er mjög sniðugur og klókur leikmaður og hefur oft verið okkur afar dýrmætur í að skora mörk og fá vítaspyrnur, því hann getur komið sér í góðar stöður og passað vel upp á boltann. Það er mikilvægur eiginleiki sem hefur nýst íslenska landsliðinu ofboðslega vel,“ segir Rúnar. Birkir Bjarnason hefur leikið alla leiki Íslands á stórmótum hingað til. Hann lét Lionel Messi hafa fyrir hlutunum í 1-1 jafntefli Íslands og Argentínu á HM 2018.EPA-EFE/PETER POWELL En getur Rúnar gert sér í hugarlund hvert metið verður þegar Birkir lætur gott heita, nú þegar búið er að yngja landsliðshópinn mikið upp? „Nú veit ég ekki hvað landsliðsþjálfararnir eru að hugsa og get voðalega lítið dæmt um það, en á meðan að menn eru í góðu líkamlegu ástandi og hafa getu, kraft og orku til að spila 90 mínútna landsleik og vera í deildarkeppni þess á milli, þá er engin ástæða til að henda mönnum út. Birkir á alveg möguleika á að halda áfram að bæta þetta met.“ HM 2022 í Katar Fótbolti Tengdar fréttir Herra Áreiðanlegur og ferskur Vindur heiðraðir í Dalnum í dag Tveir af allra dyggustu þjónum íslenska karlalandsliðsins í fótbolta frá upphafi verða heiðraðir á Laugardalsvelli í kvöld fyrir að ná að spila 100 A-landsleiki. Þeir gætu báðir bætt leikjamet Rúnars Kristinssonar áður en árið er á enda. 8. september 2021 09:01 Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn „Hundrað kílómetrar að drepast úr sýkingu er bara fínt“ Sport Albert skoraði tvö í fyrsta leiknum fyrir Fiorentina Fótbolti Í beinni: Man. City - Arsenal | Risaleikur í enska Enski boltinn Bellingham kallaði dómarann skíthæl Fótbolti Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Dubois rústaði Joshua: „Ég er stríðsmaður allt til enda“ Sport Fleiri fréttir Samantha: Mögulega besti leikur minn á Íslandi „Höfum bara aldrei verið jafn fegnir að fá hálfleik“ Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Í beinni: Man. City - Arsenal | Risaleikur í enska Þrjú rauð á loft þegar Brighton og Forest gerðu jafntefli Tveir varnarmenn KR meiddust á æfingu á Starhaga Kristall áfram í stuði og lagði upp mark Hólmbert með tvö mörk í fyrstu tveimur leikjunum fyrir nýja liðið Lagði upp mark tveimur mínútum eftir að hann kom inn á Albert skoraði tvö í fyrsta leiknum fyrir Fiorentina Bellingham kallaði dómarann skíthæl Gerðu grín að Mourinho: Sá grenjandi „Allir vilja að við verðum þurrkaðir af yfirborði jarðar“ „Hún var frábær eiginkona, mögnuð móðir sem og amma“ „Átum þá lifandi í fyrri hálfleik“ Jafnt hjá PSG og Galatasaray vann stórleikinn í Tyrklandi Setja pressu á Barcelona með sigri Sjáðu mark Brynjars Inga og stoðsendingu Viðars Ara „Ekki jafn auðvelt og lokatölurnar gáfu til kynna“ „Við fórum beint úr því að vera ömurlegir í frábærir“ Þriðja markalausa jafntefli Juventus í röð „Það hlaut að koma að því“ Gestirnir ívið betri en engin mörk skoruð Uppgjörið: KA bikarmeistari í fyrsta sinn Rúnar Þór lagði upp og setti boltann í eigið net Willum Þór gaf stoðsendingu Fulham fyrst til að vinna Newcastle og dramatík í Birmingham og Southampton Spurs vann þrátt fyrir að lenda undir eftir hálfa mínútu Sjá meira
Birkir lék sinn 105. A-landsleik þegar hann spilaði gegn Norður-Makedóníu í gær og tók þar með fram úr Rúnari sem lék sinn 104. landsleik árið 2004. Birkir Már Sævarsson er svo skammt á eftir þeim með 103 leiki. Þeir þrír eru þeir einu sem náð hafa hundrað A-landsleikjum fyrir karlalandsliðið í fótbolta. „Mér líður bara vel með það að missa metið og hef ekki haft nokkrar áhyggjur af því. Ég hef bara gaman af því og gleðst fyrir hönd þeirra sem ná þessum áfanga og hafa fengið tækifæri til að spila í svona mörg ár fyrir sína þjóð. Þetta er heiður fyrir alla og það sýnir úr hverju þessir strákar eru gerðir að vera að ná þessu. Ég óska þeim innilega til hamingju,“ segir Rúnar. Ekkert að baða sig í sviðsljósinu en vinnur sína vinnu Rúnar lék sína 104 leiki á 17 ára tímabili en Birkir Bjarnason, sem farið hefur með Íslandi á EM 2016 og HM 2018, hefur á rúmum ellefu árum náð metinu. Fleiri leikir hafa verið í boði á hverju ári fyrir Birki en voru í boði fyrir Rúnar á sínum tíma: „Það breytir því ekki að menn þurfa að hugsa vel um sig, vera alltaf í góðu standi og svo alltaf einn af þeim bestu til að vera valinn. Þessir strákar hafa sýnt það og eiga þetta svo fyllilega skilið. Þetta eru heiðarlegir strákar sem hafa lagt mikið á sig, sýnt gott fordæmi, æft vel og spilað vel, og svona árangur er ekki plokkaður upp af götunni. Það er mikil vinna og dugnaður að baki þessum áfanga,“ segir Rúnar. Rúnar Kristinsson, nýbúinn að pakka Michael Ballack saman í leik í undankeppni EM 2004.Getty/Andreas Rentz Birkir Bjarnason, sem er 33 ára gamall, hefði vel getað valið norska landsliðið eftir að hafa flutt til Noregs ellefu ára gamall. Hann valdi hins vegar Ísland, lék fyrir yngri landsliðin og spilaði fyrsta A-landsleikinn gegn Andorra í maí 2010, nýorðinn 22 ára gamall. „Birki þekki ég ekki persónulega en ef maður skoðar bara það sem hann hefur áorkað á sínum ferli, og þau félög sem hann hefur spilað með, þá segir það allt um hans gæði. Hann er ekkert að reyna að baða sig í sviðsljósinu, vinnur bara sína vinnu og skilar alltaf sínu. Hann er búinn að vera frábær í báðum keppnunum fyrir okkur, EM 2016 og HM 2018, og auðvitað öllum undankeppnunum líka. Algjör lykilmaður í þessu liði,“ segir Rúnar. Birkir Bjarnason nælir í afar mikilvæga vítaspyrnu í leik gegn Hollandi í Amsterdam, í undankeppni EM 2016. Hann fékk einnig víti í heimaleiknum gegn Hollandi í sömu keppni en sigrarnir á Hollandi réðu miklu um að Ísland kæmist á sitt fyrsta stórmót.Getty „Eiginleiki sem hefur nýst landsliðinu ofboðslega vel“ „Hann er með mjög skemmtilegan leikstíl. Er ekkert að gera allt of „fansí“ hluti en gerir einfalda hluti mjög vel. Hann hefur alltaf hlaupið mikið og hlaupið vel – verið hættulegur í vítateignum og komið að mikið af mörkum. Þegar menn eldast og læra að skýla boltanum vel þá er kannski engin leið til að taka boltann af þeim nema að brjóta á þeim. Það á við um Birki. Hann er mjög sniðugur og klókur leikmaður og hefur oft verið okkur afar dýrmætur í að skora mörk og fá vítaspyrnur, því hann getur komið sér í góðar stöður og passað vel upp á boltann. Það er mikilvægur eiginleiki sem hefur nýst íslenska landsliðinu ofboðslega vel,“ segir Rúnar. Birkir Bjarnason hefur leikið alla leiki Íslands á stórmótum hingað til. Hann lét Lionel Messi hafa fyrir hlutunum í 1-1 jafntefli Íslands og Argentínu á HM 2018.EPA-EFE/PETER POWELL En getur Rúnar gert sér í hugarlund hvert metið verður þegar Birkir lætur gott heita, nú þegar búið er að yngja landsliðshópinn mikið upp? „Nú veit ég ekki hvað landsliðsþjálfararnir eru að hugsa og get voðalega lítið dæmt um það, en á meðan að menn eru í góðu líkamlegu ástandi og hafa getu, kraft og orku til að spila 90 mínútna landsleik og vera í deildarkeppni þess á milli, þá er engin ástæða til að henda mönnum út. Birkir á alveg möguleika á að halda áfram að bæta þetta met.“
HM 2022 í Katar Fótbolti Tengdar fréttir Herra Áreiðanlegur og ferskur Vindur heiðraðir í Dalnum í dag Tveir af allra dyggustu þjónum íslenska karlalandsliðsins í fótbolta frá upphafi verða heiðraðir á Laugardalsvelli í kvöld fyrir að ná að spila 100 A-landsleiki. Þeir gætu báðir bætt leikjamet Rúnars Kristinssonar áður en árið er á enda. 8. september 2021 09:01 Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn „Hundrað kílómetrar að drepast úr sýkingu er bara fínt“ Sport Albert skoraði tvö í fyrsta leiknum fyrir Fiorentina Fótbolti Í beinni: Man. City - Arsenal | Risaleikur í enska Enski boltinn Bellingham kallaði dómarann skíthæl Fótbolti Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Dubois rústaði Joshua: „Ég er stríðsmaður allt til enda“ Sport Fleiri fréttir Samantha: Mögulega besti leikur minn á Íslandi „Höfum bara aldrei verið jafn fegnir að fá hálfleik“ Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Í beinni: Man. City - Arsenal | Risaleikur í enska Þrjú rauð á loft þegar Brighton og Forest gerðu jafntefli Tveir varnarmenn KR meiddust á æfingu á Starhaga Kristall áfram í stuði og lagði upp mark Hólmbert með tvö mörk í fyrstu tveimur leikjunum fyrir nýja liðið Lagði upp mark tveimur mínútum eftir að hann kom inn á Albert skoraði tvö í fyrsta leiknum fyrir Fiorentina Bellingham kallaði dómarann skíthæl Gerðu grín að Mourinho: Sá grenjandi „Allir vilja að við verðum þurrkaðir af yfirborði jarðar“ „Hún var frábær eiginkona, mögnuð móðir sem og amma“ „Átum þá lifandi í fyrri hálfleik“ Jafnt hjá PSG og Galatasaray vann stórleikinn í Tyrklandi Setja pressu á Barcelona með sigri Sjáðu mark Brynjars Inga og stoðsendingu Viðars Ara „Ekki jafn auðvelt og lokatölurnar gáfu til kynna“ „Við fórum beint úr því að vera ömurlegir í frábærir“ Þriðja markalausa jafntefli Juventus í röð „Það hlaut að koma að því“ Gestirnir ívið betri en engin mörk skoruð Uppgjörið: KA bikarmeistari í fyrsta sinn Rúnar Þór lagði upp og setti boltann í eigið net Willum Þór gaf stoðsendingu Fulham fyrst til að vinna Newcastle og dramatík í Birmingham og Southampton Spurs vann þrátt fyrir að lenda undir eftir hálfa mínútu Sjá meira
Herra Áreiðanlegur og ferskur Vindur heiðraðir í Dalnum í dag Tveir af allra dyggustu þjónum íslenska karlalandsliðsins í fótbolta frá upphafi verða heiðraðir á Laugardalsvelli í kvöld fyrir að ná að spila 100 A-landsleiki. Þeir gætu báðir bætt leikjamet Rúnars Kristinssonar áður en árið er á enda. 8. september 2021 09:01