Braut reglurnar viljandi til að leyfa viðskiptavinum að skipta jólagjöfum Elín Margrét Böðvarsdóttir skrifar 3. janúar 2021 10:43 Verslunarmaður í Silkeborg í Danmörku ákvað viljandi að sveigja reglurnar til að láta á þær reyna. Getty Fataverslunin Laura Thomsen Luxury í Silkeborg í Danmörku var opnuð í gær svo viðskiptavinir gætu skipt og skilað jólagjöfum. Þetta gerðu eigendur verslunarinnar, þrátt fyrir núgildandi reglur danskra stjórnvalda vegna sóttvarnaaðgerða sem kveða á um að verslanir skuli vera lokaðar til að minnsta kosti 17. janúar. Viðskiptavinum stóð þó aðeins til boða að koma við milli klukkan ellefu og tvö í gær og skipta jólagjöfum við dyrnar. TV2 fjallar um málið og ræðir við Henrik Thomsen, meðeigenda verslunarinnar, sem raunar er þekktur fyrir að sveigja reglurnar, en hann hefur til að mynda nokkrum sinnum deilt myndum af þjófum sem stolið hafa úr versluninni á Facebook, en það er óheimilt samkvæmt persónuverndarlögum. „Þetta er grátt svæði, sem ég vildi að stjórnvöld myndu taka til skoðunar,“ segir Thomsen. Núgildandi reglur gera það að verkum að jólagjafaskiptum er að mestu slegið á frest, en öllum verslunum, sem ekki selja mat eða lyf- og lækningavörur, var gert að loka strax á jóladag. Stjórnendur verslunarinnar eru meðvitaðir um að með því að leyfa viðskiptavinum að koma og skipta gjöfum, kunni þeir að vera að brjóta reglurnar. „Ég tel í rauninni að við séum að því. En ég vil gjarnan láta reyna örlítið á reglurnar til að sjá hvort þetta gangi upp á meðan við erum með lokað,“ segir Thomsen. Þótt að það sé bannað að hafa fataverslunina opna samkvæmt núgildandi reglum líður Thomsen ágætlega á þessu „gráa svæði.“ „Við förum eftir því sem okkur finnst vera rétt, og ég veit vel að það eru ákveðnar reglur sem við þurfum að hlíta, og við gerum það. En mér finnst sumar reglur vera gerðar með röngum hætti og ég vil láta á þær reyna,“ segir Thomsen. Nefnir hann sem dæmi að hann sjái ekki muninn á því að viðskiptavinir fái að koma og skipta vörum við dyrnar, og svokölluðum „smella og sækja“ viðskiptum. Þannig mega veitingahús, sem alla jafna eiga að vera lokuð samkvæmt reglunum, til að mynda halda áfram að bjóða upp á mat sem er sóttur. Aðrar verslanir með sérvöru hafa jafnframt boðið upp á sambærilega þjónustu. Faraldur kórónuveiru (COVID-19) Danmörk Jól Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent Bankarnir verði að lækka vexti jafnhratt og þeir hækkuðu Viðskipti innlent „En það hefur líka margt fallegt komið út úr þessu“ Atvinnulíf Fleiri fréttir Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira
Viðskiptavinum stóð þó aðeins til boða að koma við milli klukkan ellefu og tvö í gær og skipta jólagjöfum við dyrnar. TV2 fjallar um málið og ræðir við Henrik Thomsen, meðeigenda verslunarinnar, sem raunar er þekktur fyrir að sveigja reglurnar, en hann hefur til að mynda nokkrum sinnum deilt myndum af þjófum sem stolið hafa úr versluninni á Facebook, en það er óheimilt samkvæmt persónuverndarlögum. „Þetta er grátt svæði, sem ég vildi að stjórnvöld myndu taka til skoðunar,“ segir Thomsen. Núgildandi reglur gera það að verkum að jólagjafaskiptum er að mestu slegið á frest, en öllum verslunum, sem ekki selja mat eða lyf- og lækningavörur, var gert að loka strax á jóladag. Stjórnendur verslunarinnar eru meðvitaðir um að með því að leyfa viðskiptavinum að koma og skipta gjöfum, kunni þeir að vera að brjóta reglurnar. „Ég tel í rauninni að við séum að því. En ég vil gjarnan láta reyna örlítið á reglurnar til að sjá hvort þetta gangi upp á meðan við erum með lokað,“ segir Thomsen. Þótt að það sé bannað að hafa fataverslunina opna samkvæmt núgildandi reglum líður Thomsen ágætlega á þessu „gráa svæði.“ „Við förum eftir því sem okkur finnst vera rétt, og ég veit vel að það eru ákveðnar reglur sem við þurfum að hlíta, og við gerum það. En mér finnst sumar reglur vera gerðar með röngum hætti og ég vil láta á þær reyna,“ segir Thomsen. Nefnir hann sem dæmi að hann sjái ekki muninn á því að viðskiptavinir fái að koma og skipta vörum við dyrnar, og svokölluðum „smella og sækja“ viðskiptum. Þannig mega veitingahús, sem alla jafna eiga að vera lokuð samkvæmt reglunum, til að mynda halda áfram að bjóða upp á mat sem er sóttur. Aðrar verslanir með sérvöru hafa jafnframt boðið upp á sambærilega þjónustu.
Faraldur kórónuveiru (COVID-19) Danmörk Jól Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent Bankarnir verði að lækka vexti jafnhratt og þeir hækkuðu Viðskipti innlent „En það hefur líka margt fallegt komið út úr þessu“ Atvinnulíf Fleiri fréttir Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira