Átján tommu pítsan snýr aftur í Vesturbænum með pítseríu í anda New York Tryggvi Páll Tryggvason og Kristín Ólafsdóttir skrifa 20. ágúst 2020 07:00 Stefán Melsted og Nikulás Ágústsson eru við það að opna nýjan pítsustað í Vesturbænum. Segja má að lítill hluti New York borgar sé við það að líta dagsins ljós við Hagamel í vesturbæ Reykjavíkur. Þar sem áður var ritfangaverslunin Úlfarsfell mun innan tíðar opna pítsería í anda stórborgarinnar bandarísku. Pítsastaðurinn mun heita Plútó Pizza og er hann á vegum veitingamannanna Stefáns Melsteds og Nikulásar Ágústssonar. Í samtali við Vísi segir Stefán að þeir sæki hugmyndina vestur yfir haf, nánar tiltekið til New York borgar þar sem litlar pítseríur eru nánast á hverju horni. „Við erum aðeins að herma eftir þessum týpísku New York pítseríum sem eru úti um allt. Það er kominn tíska í þetta. Menn eru rosalega að hella sér í hvað sé góð New York „slæsa“. Hvaða hveiti er þessi gæi að nota og svona. Menn eru djúpt í þessu. Pítsa er ekki bara pítsa. Við erum ekki að fara í samkeppni við Dóminos eða Pítsuna,“ segir Stefán og hlær. Take-away í forgrunni Hugmyndin er að einblína fyrst og fremst á svokallað take-away, þannig að viðskiptavinir geti gripið með sér pítsuna heim til sín. „Við bökum allt í rafmagnsofnum sem eru kallaðir deck-ofnar. Þetta eru steinofnar sem ganga á rafmagni með undir- og yfirhita. Þetta er meira ídeal fyrir take-away pítsu heldur en til dæmis eldofn. Eldofn bakar á rosalega háum hita eins og napoletana-pítsur, að þeim ólöstuðum þá verður maður eiginlega að borða þær um leið og þeir koma úr ofninum. Við ætlum að reyna að ná þessu meira þannig að fólk geti tekið með sér heim,“ segir Stefán. Plútó Pizza snýst um hið svokallaða Take Away.Vísir/Vilhelm Þeir félagar hafa að undanförnu staðið í ströngu við að finna rétta deigið til að nota, en það er Nikulás sem hefur veg og vanda af þeirri vegferð, enda byrjaði hann að sögn Stefáns að vinna í bakaríum á táningsaldri. „Í grunninn erum við að fara að baka pítsur eins vel og við getum. Við erum að fara að nota súpergott gæðahveiti frá Ítalíu, sterkt próteinríkt hveiti. Við erum að fara að gera deig sem er í 3-4 daga inn á kæli áður en við notum það til þess að fá það til að lyfta sér og fá bragð í það,“ segir Stefán. Frá ritföngum í fisk yfir pítsur Það ætti að kæta Vesturbæinga að sjá rýmið þar sem Plútó verður til húsa lifna við á ný, enda ansi rótgróinn verslunarkjarni þar á ferð. Þar var ritfangaverslunin Úlfarsfell rekin til margra ára. Síðast var fiskisjoppan Fisherman þar til húsa, en staðnum var lokað vegna kórónuveirufaraldursins. Stefán, gamall Vesturbæingur, segist vera ánægður með að hafa nælt í þetta tiltekna rými. Þar hafi mamma hans keypt Andrés-blöð í gamla daga og hann verið tíður gestur í bakaríi sem var til húsa í kjarnanum, þar sem hann nældi sér gjarnan í kókosbollur. Hér var áður ritfangaverslunin Úlfarsfell.Vísir/Vilhelm Það hefur varla farið framhjá nokkrum manni að kórónuveirufaraldur stendur nú yfir og margvíslegar takmarkanir í gildi vegna hans sem gera veitingamönnum ekki endilega auðvelt um vik að reka veitingastaði. Stefán segir enda ástæðan fyrir því að um take-away stað sé að ræða sé að stórum hluta kórónuveirunni að kenna. „Það er ástæða fyrir því að við erum að fara í pítsur og take-away núna. Það er alveg erfitt að reka veitingastað eins og staðan er núna,“ segir Stefán sem ætlar sér að endurvekja átján tommu pítsuna sem var yfirleitt í boði þegar pítsan var að ryðja sér til rúms hér á landi. „Við ætlum að endurvekja 18 tommuna. Vera með 18 tommur eins og var alltaf í gamla daga. Það eru rosa fáir eftir með 18 tommur. Það er svolítið New York stíllinn.“ Gengur upp ef hjartað fylgir með Talið berst óhjákvæmileg aftur að kórónuveirufaraldrinum og það liggur beint við að spyrja hvor að þeir félagar séu ekki smeykir við að hefja nýjan rekstur í miðjum faraldri. Það stendur ekki á svarinu. „Maður er alltaf stressaður þegar maður er að opna veitingastað. Þú veist aldrei hvort þú ert að fara á hausinn eftir þrjá mánuði eða hvað. Ég hef nú alveg opnað nokkra en ef maður sér einbeitir því og hefur allan hug sinn, tilfinningar og hjarta í því og gera það eins vel og maður getur, þá er það mun líklegra til þess að ganga en ekki, sama hvernig ástandið er Það er eins og með þetta, þessi staður er engan veginn opnaður út af einhverju business-sjónarmiði. Þetta eru miklu meira við sem höfum áhuga á að gera þetta og menn bara skapa sér vinnu og hafa gaman að því að gera þetta.“ Reykjavík Faraldur kórónuveiru (COVID-19) Veitingastaðir Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent Bankarnir verði að lækka vexti jafnhratt og þeir hækkuðu Viðskipti innlent „En það hefur líka margt fallegt komið út úr þessu“ Atvinnulíf Fleiri fréttir Bankarnir verði að lækka vexti jafnhratt og þeir hækkuðu Landsbankinn rekur lestina og lækkar vexti Loks opnað fyrir umsóknir um hlutdeildarlán Bogi og Linda kaupa af Heimum fyrir milljarða Borgin fær milljarða fyrir síðasta þéttingarreit miðborgarinnar Bein útsending: Viðtöl við sérfræðinga um mannauðsmál Uppreisnarleiðtogi snýr heim og tekur við rekstri Hríseyjarbúðarinnar Sýna áhuga á eignum Skagans 3X Indó lækkar líka vexti Íslandsbanki bregst sömuleiðis við stýrivaxtalækkuninni Arion fyrstur til að tilkynna lækkun Engar hópuppsagnir í september Rekstur Rammagerðarinnar gaf vel í fyrra Mikilvægt að íslenskan sé hluti af hverri tæknibyltinguu Gerir óþægilegt samtal auðveldara Þessir sprotar taka þátt í Startup SuperNova í ár Skiltið skuli fjarlægt „Við erum ekki komin á húrrandi ferð niður Esjuna“ Anna Fríða snýr sér að sælgætinu Vaxtahækkun bankanna vó þungt í ákvörðun Ásgeirs Culiacan lokað á Suðurlandsbraut Efla fjármálin með Elfu Herferð í boði Ernu Hreins og Önnu Margrétar Hvíta húsið og Ennemm segja upp fólki Telur ljóst að vaxtalækkunarferlið sé hafið Eirberg hættir með verslunina í Kringlunni í kjölfar brunans Bein útsending: Ásgeir og Rannveig rökstyðja lækkunina Lækkar stýrivextina í fyrsta sinn síðan í árslok 2020 Ekki útilokað að stýrivextir lækki Gengið frá sölu á hluta Endor Sjá meira
Segja má að lítill hluti New York borgar sé við það að líta dagsins ljós við Hagamel í vesturbæ Reykjavíkur. Þar sem áður var ritfangaverslunin Úlfarsfell mun innan tíðar opna pítsería í anda stórborgarinnar bandarísku. Pítsastaðurinn mun heita Plútó Pizza og er hann á vegum veitingamannanna Stefáns Melsteds og Nikulásar Ágústssonar. Í samtali við Vísi segir Stefán að þeir sæki hugmyndina vestur yfir haf, nánar tiltekið til New York borgar þar sem litlar pítseríur eru nánast á hverju horni. „Við erum aðeins að herma eftir þessum týpísku New York pítseríum sem eru úti um allt. Það er kominn tíska í þetta. Menn eru rosalega að hella sér í hvað sé góð New York „slæsa“. Hvaða hveiti er þessi gæi að nota og svona. Menn eru djúpt í þessu. Pítsa er ekki bara pítsa. Við erum ekki að fara í samkeppni við Dóminos eða Pítsuna,“ segir Stefán og hlær. Take-away í forgrunni Hugmyndin er að einblína fyrst og fremst á svokallað take-away, þannig að viðskiptavinir geti gripið með sér pítsuna heim til sín. „Við bökum allt í rafmagnsofnum sem eru kallaðir deck-ofnar. Þetta eru steinofnar sem ganga á rafmagni með undir- og yfirhita. Þetta er meira ídeal fyrir take-away pítsu heldur en til dæmis eldofn. Eldofn bakar á rosalega háum hita eins og napoletana-pítsur, að þeim ólöstuðum þá verður maður eiginlega að borða þær um leið og þeir koma úr ofninum. Við ætlum að reyna að ná þessu meira þannig að fólk geti tekið með sér heim,“ segir Stefán. Plútó Pizza snýst um hið svokallaða Take Away.Vísir/Vilhelm Þeir félagar hafa að undanförnu staðið í ströngu við að finna rétta deigið til að nota, en það er Nikulás sem hefur veg og vanda af þeirri vegferð, enda byrjaði hann að sögn Stefáns að vinna í bakaríum á táningsaldri. „Í grunninn erum við að fara að baka pítsur eins vel og við getum. Við erum að fara að nota súpergott gæðahveiti frá Ítalíu, sterkt próteinríkt hveiti. Við erum að fara að gera deig sem er í 3-4 daga inn á kæli áður en við notum það til þess að fá það til að lyfta sér og fá bragð í það,“ segir Stefán. Frá ritföngum í fisk yfir pítsur Það ætti að kæta Vesturbæinga að sjá rýmið þar sem Plútó verður til húsa lifna við á ný, enda ansi rótgróinn verslunarkjarni þar á ferð. Þar var ritfangaverslunin Úlfarsfell rekin til margra ára. Síðast var fiskisjoppan Fisherman þar til húsa, en staðnum var lokað vegna kórónuveirufaraldursins. Stefán, gamall Vesturbæingur, segist vera ánægður með að hafa nælt í þetta tiltekna rými. Þar hafi mamma hans keypt Andrés-blöð í gamla daga og hann verið tíður gestur í bakaríi sem var til húsa í kjarnanum, þar sem hann nældi sér gjarnan í kókosbollur. Hér var áður ritfangaverslunin Úlfarsfell.Vísir/Vilhelm Það hefur varla farið framhjá nokkrum manni að kórónuveirufaraldur stendur nú yfir og margvíslegar takmarkanir í gildi vegna hans sem gera veitingamönnum ekki endilega auðvelt um vik að reka veitingastaði. Stefán segir enda ástæðan fyrir því að um take-away stað sé að ræða sé að stórum hluta kórónuveirunni að kenna. „Það er ástæða fyrir því að við erum að fara í pítsur og take-away núna. Það er alveg erfitt að reka veitingastað eins og staðan er núna,“ segir Stefán sem ætlar sér að endurvekja átján tommu pítsuna sem var yfirleitt í boði þegar pítsan var að ryðja sér til rúms hér á landi. „Við ætlum að endurvekja 18 tommuna. Vera með 18 tommur eins og var alltaf í gamla daga. Það eru rosa fáir eftir með 18 tommur. Það er svolítið New York stíllinn.“ Gengur upp ef hjartað fylgir með Talið berst óhjákvæmileg aftur að kórónuveirufaraldrinum og það liggur beint við að spyrja hvor að þeir félagar séu ekki smeykir við að hefja nýjan rekstur í miðjum faraldri. Það stendur ekki á svarinu. „Maður er alltaf stressaður þegar maður er að opna veitingastað. Þú veist aldrei hvort þú ert að fara á hausinn eftir þrjá mánuði eða hvað. Ég hef nú alveg opnað nokkra en ef maður sér einbeitir því og hefur allan hug sinn, tilfinningar og hjarta í því og gera það eins vel og maður getur, þá er það mun líklegra til þess að ganga en ekki, sama hvernig ástandið er Það er eins og með þetta, þessi staður er engan veginn opnaður út af einhverju business-sjónarmiði. Þetta eru miklu meira við sem höfum áhuga á að gera þetta og menn bara skapa sér vinnu og hafa gaman að því að gera þetta.“
Reykjavík Faraldur kórónuveiru (COVID-19) Veitingastaðir Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent Bankarnir verði að lækka vexti jafnhratt og þeir hækkuðu Viðskipti innlent „En það hefur líka margt fallegt komið út úr þessu“ Atvinnulíf Fleiri fréttir Bankarnir verði að lækka vexti jafnhratt og þeir hækkuðu Landsbankinn rekur lestina og lækkar vexti Loks opnað fyrir umsóknir um hlutdeildarlán Bogi og Linda kaupa af Heimum fyrir milljarða Borgin fær milljarða fyrir síðasta þéttingarreit miðborgarinnar Bein útsending: Viðtöl við sérfræðinga um mannauðsmál Uppreisnarleiðtogi snýr heim og tekur við rekstri Hríseyjarbúðarinnar Sýna áhuga á eignum Skagans 3X Indó lækkar líka vexti Íslandsbanki bregst sömuleiðis við stýrivaxtalækkuninni Arion fyrstur til að tilkynna lækkun Engar hópuppsagnir í september Rekstur Rammagerðarinnar gaf vel í fyrra Mikilvægt að íslenskan sé hluti af hverri tæknibyltinguu Gerir óþægilegt samtal auðveldara Þessir sprotar taka þátt í Startup SuperNova í ár Skiltið skuli fjarlægt „Við erum ekki komin á húrrandi ferð niður Esjuna“ Anna Fríða snýr sér að sælgætinu Vaxtahækkun bankanna vó þungt í ákvörðun Ásgeirs Culiacan lokað á Suðurlandsbraut Efla fjármálin með Elfu Herferð í boði Ernu Hreins og Önnu Margrétar Hvíta húsið og Ennemm segja upp fólki Telur ljóst að vaxtalækkunarferlið sé hafið Eirberg hættir með verslunina í Kringlunni í kjölfar brunans Bein útsending: Ásgeir og Rannveig rökstyðja lækkunina Lækkar stýrivextina í fyrsta sinn síðan í árslok 2020 Ekki útilokað að stýrivextir lækki Gengið frá sölu á hluta Endor Sjá meira