Bestu myndir ársins 2019 Sylvía Hall skrifar 9. maí 2020 16:08 Frá sýningunni í Ljósmyndasafni Reykjavíkur. Vísir/Arnar Í dag klukkan 14 voru afhent verðlaun í Ljósmyndasafni Reykjavíkur fyrir bestu myndir ársins 2019. Veitt voru verðlaun í sjö flokkum auk bestu myndar ársins. Verðlaunahafarnir í dag.Vísir/Arnar Mynd ársins 2019 tók Golli / Kjartan Þorbjörnsson, ljósmyndari Iceland Review og er það mynd frá vorferð Jöklarannsóknarfélags Íslands á vatnajökul. „Áhrifarík og táknræn mynd fyrir loftslagsbreytingar af manna völdum. Myndin sýnir hversu smár maðurinn er í samanburði við náttúruna og síbreytilegan jökulinn frá áhugaverðu sjónarhorni,“ segir í umsögn dómnefndar. Vorferð Jöklarannsóknarfélags Íslands á Vatnajökul, mynd ársins 2019.Golli/Kjartan Þorbjörnsson Sigtryggur Ari Jóhannsson, ljósmyndari Fréttablaðsins, átti bestu mynd í fréttaflokki. Á myndinni sjást nemendur mótmæla aðgerðaleysi í loftslagsmálum á hinum vikulegu loftslagsverkföllum sem fram fóru síðasta vetur. „Myndin fangar það málefni sem hefur einna mest verið í umræðunni á Íslandi og heiminum öllum. Skilaboðin koma skýrt fram í myndinni og sýna að ungt fólk lítur til framtíðar,“ segir í umsögn dómnefndar. Fréttamynd ársins.Sigtryggur Ari Jóhannsson/Fréttablaðið Kristinn Magnússon átti íþróttaljósmynd ársins en á myndinni sést Anton Sveinn McKee stinga sér til sunds er hann keppti í 50 metra bringusundi. Hann vann til gullverðlauna þegar hann synti á 28,68 sekúndum. „Mynd sem fangar kjarna íþróttaljósmyndunar. Góð myndbygging á hárréttu augnabliki,“ segir í umsögn dómnefndar. Íþróttamynd ársins.Kristinn Magnússon Mynd Aldísar Pálsdóttur var valin tímaritamynd ársins. Í umsögn dómnefndar segir að myndin sé vel útfærð tískumynd með fallegri myndlýsingu og góðri myndbyggingu. Módelið sé fangað á grafískan hátt. Sundhöllin - Er allt sem sýnist? Hvað er fullkomið?Aldís Pálsdóttir Umhverfismynd ársins var mynd Eggerts Jóhannessonar frá Ískönnunarleiðangri Landhelgisgæslunnar. „Tignarlegur ísjaki sem flýtur um í þokunni gefur okkur tilfinningu fyrir því sem er að tapast en einnig fyrir styrk og mikilfengleika náttúrunnar,“ segir í umsögn dómnefndar. Umhverfsmynd ársins.Eggert Jóhannesson Heiða Helgadóttir fékk verðlaun fyrir mynd í flokknum Daglegt líf mynd ársins. „Tímalaus mynd sem sýnir kuldalegan veruleika íslenskra smábátasjómanna,“ segir í umsögn dómnefndar en á myndinni sést Ragnar Emilsson, skipstjóri á Mána II, sem hefur stundað sjómennsku í 35 ár. „Þetta lá alltaf fyrir mér, ég var búin að ákveða að gerast sjómaður þegar ég var 5 ára. Þetta voru idolin, maður var alltaf að fylgjast með þeim á höfninni. Ég er búin að prófa að gera annað, það gekk ekki upp. Þetta togar í mann. Mér líður bara vel á sjónum, það er eitthvað þetta er óútskýrt, þegar maður er í fríi þá er maður út á bryggju að spá og spekulera og skoða bátana.”Heiða Helgadóttir Þá fékk Heiða Helgadóttir einnig verðlaun fyrir portrettmynd ársins af Sif Baldursdóttur. Að mati dómnefndar var myndin táknræn og marglaga portrett mynd, vel innrömmuð sem leyfir áhorfandanum að upplifa og túlka sjálfur. Sif Baldursdóttir um hamingjuna: „Veit einhver hvað þessi blessaða hamingja í alvörunni er? Er hún ástand eða tilfinning, eða er hún óljóst hugtak sem við eltumst við án þess einu sinni skilja hvað við erum á höttunum eftir. Kvíði og þunglyndi eru gráir fylgifiskar þess að vera manneskja og að lifa í samfélagi sem uppfyllir ekki þær þarfir sem við höfum varðandi nánd nema að vissu eða litlu leyti. Það sem ég átta mig betur og betur á með hverju árinu er að geðheilsan er svo mikilvæg að hún er eiginlega allt.“Heiða Helgadóttir Golli fékk verðlaun fyrir myndaseríu ársins frá vorferð Jöklarannsóknarfélags Íslands á Vatnajökul. Myndaserían þótti vel uppbyggð og sameinaði fallegar myndir og heildstæða frásögn sem á erindi við alla. Myndaröðin sýni menn í tengslum við náttúruna frá ýmsum sjónarhornum. Myndasería ársins.Golli/Kjartan Þorbjörnsson Sýningin verður opin í Ljósmyndasafni Reykjavíkur frá 11. Maí til 1. júní. Fjöldi gesta í sýningarsal hverju sinni takmarkast við 40 manns og virða þarf 2ja metra regluna. Myndlist Ljósmyndun Mest lesið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Eva flutt inn í verðlaunahús Kára Lífið „Það er einhver sjarmi yfir París sem er ekki annarsstaðar“ Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Þriðja barnið á leiðinni Lífið Fleiri fréttir Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Í dag klukkan 14 voru afhent verðlaun í Ljósmyndasafni Reykjavíkur fyrir bestu myndir ársins 2019. Veitt voru verðlaun í sjö flokkum auk bestu myndar ársins. Verðlaunahafarnir í dag.Vísir/Arnar Mynd ársins 2019 tók Golli / Kjartan Þorbjörnsson, ljósmyndari Iceland Review og er það mynd frá vorferð Jöklarannsóknarfélags Íslands á vatnajökul. „Áhrifarík og táknræn mynd fyrir loftslagsbreytingar af manna völdum. Myndin sýnir hversu smár maðurinn er í samanburði við náttúruna og síbreytilegan jökulinn frá áhugaverðu sjónarhorni,“ segir í umsögn dómnefndar. Vorferð Jöklarannsóknarfélags Íslands á Vatnajökul, mynd ársins 2019.Golli/Kjartan Þorbjörnsson Sigtryggur Ari Jóhannsson, ljósmyndari Fréttablaðsins, átti bestu mynd í fréttaflokki. Á myndinni sjást nemendur mótmæla aðgerðaleysi í loftslagsmálum á hinum vikulegu loftslagsverkföllum sem fram fóru síðasta vetur. „Myndin fangar það málefni sem hefur einna mest verið í umræðunni á Íslandi og heiminum öllum. Skilaboðin koma skýrt fram í myndinni og sýna að ungt fólk lítur til framtíðar,“ segir í umsögn dómnefndar. Fréttamynd ársins.Sigtryggur Ari Jóhannsson/Fréttablaðið Kristinn Magnússon átti íþróttaljósmynd ársins en á myndinni sést Anton Sveinn McKee stinga sér til sunds er hann keppti í 50 metra bringusundi. Hann vann til gullverðlauna þegar hann synti á 28,68 sekúndum. „Mynd sem fangar kjarna íþróttaljósmyndunar. Góð myndbygging á hárréttu augnabliki,“ segir í umsögn dómnefndar. Íþróttamynd ársins.Kristinn Magnússon Mynd Aldísar Pálsdóttur var valin tímaritamynd ársins. Í umsögn dómnefndar segir að myndin sé vel útfærð tískumynd með fallegri myndlýsingu og góðri myndbyggingu. Módelið sé fangað á grafískan hátt. Sundhöllin - Er allt sem sýnist? Hvað er fullkomið?Aldís Pálsdóttir Umhverfismynd ársins var mynd Eggerts Jóhannessonar frá Ískönnunarleiðangri Landhelgisgæslunnar. „Tignarlegur ísjaki sem flýtur um í þokunni gefur okkur tilfinningu fyrir því sem er að tapast en einnig fyrir styrk og mikilfengleika náttúrunnar,“ segir í umsögn dómnefndar. Umhverfsmynd ársins.Eggert Jóhannesson Heiða Helgadóttir fékk verðlaun fyrir mynd í flokknum Daglegt líf mynd ársins. „Tímalaus mynd sem sýnir kuldalegan veruleika íslenskra smábátasjómanna,“ segir í umsögn dómnefndar en á myndinni sést Ragnar Emilsson, skipstjóri á Mána II, sem hefur stundað sjómennsku í 35 ár. „Þetta lá alltaf fyrir mér, ég var búin að ákveða að gerast sjómaður þegar ég var 5 ára. Þetta voru idolin, maður var alltaf að fylgjast með þeim á höfninni. Ég er búin að prófa að gera annað, það gekk ekki upp. Þetta togar í mann. Mér líður bara vel á sjónum, það er eitthvað þetta er óútskýrt, þegar maður er í fríi þá er maður út á bryggju að spá og spekulera og skoða bátana.”Heiða Helgadóttir Þá fékk Heiða Helgadóttir einnig verðlaun fyrir portrettmynd ársins af Sif Baldursdóttur. Að mati dómnefndar var myndin táknræn og marglaga portrett mynd, vel innrömmuð sem leyfir áhorfandanum að upplifa og túlka sjálfur. Sif Baldursdóttir um hamingjuna: „Veit einhver hvað þessi blessaða hamingja í alvörunni er? Er hún ástand eða tilfinning, eða er hún óljóst hugtak sem við eltumst við án þess einu sinni skilja hvað við erum á höttunum eftir. Kvíði og þunglyndi eru gráir fylgifiskar þess að vera manneskja og að lifa í samfélagi sem uppfyllir ekki þær þarfir sem við höfum varðandi nánd nema að vissu eða litlu leyti. Það sem ég átta mig betur og betur á með hverju árinu er að geðheilsan er svo mikilvæg að hún er eiginlega allt.“Heiða Helgadóttir Golli fékk verðlaun fyrir myndaseríu ársins frá vorferð Jöklarannsóknarfélags Íslands á Vatnajökul. Myndaserían þótti vel uppbyggð og sameinaði fallegar myndir og heildstæða frásögn sem á erindi við alla. Myndaröðin sýni menn í tengslum við náttúruna frá ýmsum sjónarhornum. Myndasería ársins.Golli/Kjartan Þorbjörnsson Sýningin verður opin í Ljósmyndasafni Reykjavíkur frá 11. Maí til 1. júní. Fjöldi gesta í sýningarsal hverju sinni takmarkast við 40 manns og virða þarf 2ja metra regluna.
Myndlist Ljósmyndun Mest lesið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Eva flutt inn í verðlaunahús Kára Lífið „Það er einhver sjarmi yfir París sem er ekki annarsstaðar“ Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Þriðja barnið á leiðinni Lífið Fleiri fréttir Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira