Misstu stjórn á fjórhjóli og voru fluttar á spítala

Tvær konur voru fluttar með sjúkrabíl á Landspítala í Fossvogi í fyrradag eftir að fjórhjól sem þær voru á valt.

Konurnar, sem voru hér á landi í ferðalagi, voru að aka niður brekku á gömlum vegi austan Festarfjalls við Grindavík þegar slysið varð. Sú sem ók missti stjórn á fjórhjólinu með þeim afleiðingum að það fór tvær veltur.

Önnur kvennanna kvartaði undan eymslum og hlaut áverka í andliti. Hin slapp betur og taldi sig ekki þurfa á læknisaðstoð að halda.