Fín frammistaða á La Manga þrátt fyrir tap Ingvi Þór Sæmundsson skrifar 24. janúar 2018 06:00 Fanndís Friðriksdóttir skoraði sitt 14. landsliðsmark í leiknum gegn Noregi í gær. vísir/eyþór „Fyrstu viðbrögð eru bara jákvæð. Þetta var erfiður leikur gegn erfiðum mótherja. Hugarfarið var gott og við spiluðum á köflum vel. Það var gott að geta gefið leikmönnum tækifæri. Þetta var langt frá því að vera fullkomið en ég er mjög ánægður með frammistöðuna,“ sagði Freyr Alexandersson, þjálfari íslenska kvennalandsliðsins í fótbolta, eftir 2-1 tap fyrir Noregi í vináttulandsleik á La Manga. Þetta var fyrsti leikur íslenska kvennalandsliðsins í janúar frá upphafi. Ísland fékk draumabyrjun því strax á 3. mínútu kom Fanndís Friðriksdóttir íslenska liðinu yfir með skoti úr vítateignum eftir sendingu frá Söndru Maríu Jessen. Þetta var 14. landsliðsmark Fanndísar í hennar 90. landsleik. Hún fékk gott tækifæri til að skora annað í fyrri hálfleik en Cecilie Fiskerstrand, markvörður Noregs, varði frá henni. Norðmenn sóttu meira í leiknum en íslenska vörnin hélt lengst af ágætlega og Sandra Sigurðardóttir átti góðan leik í markinu. Hún kom þó engum vörnum við þegar Synne Sofie Jensen jafnaði metin þremur mínútum fyrir hálfleik eftir laglega norska sókn. Jensen var svo aftur á ferðinni eftir rúmlega klukkutíma leik þegar hún skoraði sigurmark Noregs eftir mistök nýliðans Önnu Rakelar Pétursdóttur í vörn Íslendinga. „Það er 23. janúar, leikmenn voru þreyttir og erfitt að framkvæma tæknilega hluti. Ákvarðanatökur og annað slíkt hefðu mátt vera betri,“ sagði Freyr aðspurður hvað íslenska liðið hefði getað gert betur í leiknum í gær. „Það er aukaatriði í stóru myndinni. Ég var búinn að tala um það við þær að þetta væri tíminn til að láta reyna á sig, gera mistök og þroskast.“ Fimm nýliðar komu við sögu í íslenska liðinu í gær. Áðurnefnd Anna Rakel var í byrjunarliðinu og þær Selma Sól Magnúsdóttir, Guðný Árnadóttir, Hlín Eiríksdóttir og Andrea Mist Pálsdóttir komu inn á sem varamenn. Anna Rakel, sem var í lykilhlutverki hjá Íslandsmeistaraliði Þórs/KA á síðasta tímabili, lék allan leikinn sem vinstri kantbakvörður. Henni er ætlað að veita Hallberu Gísladóttur samkeppni um þá stöðu. „Anna Rakel gerði mistök í öðru markinu en það er eitthvað sem hún fær að komast upp með núna og lærir af því,“ sagði Freyr. „Hallbera hefur verið ein um þessa stöðu í lengri tíma. Anna Rakel er mjög efnileg og vonandi nær hún að taka skref fram á við og setja pressu á Hallberu. Að sama skapi ýtir þetta vonandi við Hallberu að halda áfram að vera í fremstu röð, sem ég efast ekki um að hún geri.“ Freyr stendur frammi fyrir því erfiða verkefni að fylla skarðið sem Dagný Brynjarsdóttir skildi eftir sig. Dagný er barnshafandi og tekur ekki frekari þátt í undankeppni HM 2019. Í leiknum gegn Noregi spilaði Rakel Hönnudóttir í stöðu Dagnýjar og komst vel frá sínu. „Mér fannst hún leysa það mjög vel. Rakel hljóp mikið, staðsetti sig vel og tók bardagann í loftinu þar sem við munum eðlilega sakna Dagnýjar. Rakel er einn af kostunum sem koma til greina og hún tók 90 mínútur í þessu hlutverki í dag [í gær] og gerði það mjög vel,“ sagði Freyr. Með því að færa Rakel inn á miðjuna leysir hann eitt vandamál en fær annað upp í hendurnar. „Rakel var búin að ná góðum tökum á stöðu hægri kantbakvarðar. Maður er að fórna annarri stöðu. Svava [Rós Guðmundsdóttir] og Selma fengu að spreyta sig þar og skiluðu fínu dagsverki.“ Næsta verkefni íslenska kvennalandsliðsins er hið árlega mót á Algarve á Portúgal. Það stendur yfir frá 28. febrúar til 7. mars. Þar verður Ísland í riðli með Danmörku, Japan og Evrópumeisturum Hollands. HM 2019 í Frakklandi Mest lesið Kyssti fréttamanninn í miðju viðtali Sport Leik lokið: Breiðablik - Afturelding 2-0 | Meistararnir með öruggan sigur í opnunarleiknum Íslenski boltinn Uppgjörið: Afturelding - ÍBV 32-30 | Mosfellingar unnu fyrsta slaginn Handbolti SjallyPally: Pílan í beinni frá Akureyri Sport Enskir fjölmiðlar segja Chelsea hafa brotið reglur UEFA Enski boltinn Blikar mættu með málningarpenslana í garðinn hjá Gylfa Íslenski boltinn Bræður berjast og fjölskyldumeðlimir velja á milli Íslenski boltinn „Sorgardagur fyrir Manchester City“ Enski boltinn Everton gerði grönnunum greiða með því að taka stig af Arsenal Enski boltinn Uppgjörið: Valur - Þór Ak. 102-75 | Valskonur komnar í draumastöðu Körfubolti Fleiri fréttir „Skrifast á ákveðinn sviðsskrekk“ Meistarar í ellefta sinn á síðustu þrettán árum Leik lokið: Breiðablik - Afturelding 2-0 | Meistararnir með öruggan sigur í opnunarleiknum Hákon Arnar lék allan tímann þegar Lille tapaði stórleik Barca mistókst að ná sex stiga forskoti Misstu niður tveggja marka forystu Mikið breytt lið Villa vann mikilvægan sigur Vinicius Junior klikkaði á víti og Real Madrid tapaði Davíð Snær með dramatískt sigurmark Ekki góður dagur fyrir Meistaradeildardrauma Brighton og Bournemouth Leverkusen tryggði sér sigur á síðustu stundu Erfiðasta frumraun félags í efstu deild í 36 ár Blikar hafa byrjað báðar titilvarnir sínar illa Enskir fjölmiðlar segja Chelsea hafa brotið reglur UEFA Everton gerði grönnunum greiða með því að taka stig af Arsenal Ísak og Valgeir fögnuðu naumun sigri á móti Íslendingalausum mótherjum Íslenskir dómarar verða á samfélagsmiðlum í sumar „Sé þá ekki vinna í ár“ Bandaríska sambandið vill líka 48 þjóða HM hjá konunum Besta-spáin 2025: Hamra járnið meðan það er heitt Segja að Valur hafi boðið meira en tvær milljónir í Úlfu Dís „Hef ekkert það miklar áhyggjur af þessum breytingum“ Besta-spáin 2025: Lífið eftir Arnar Bræður berjast og fjölskyldumeðlimir velja á milli Amorim: Klikkun að halda að Man United geti unnið ensku úrvalsdeildina „Sorgardagur fyrir Manchester City“ Fá allir að mæta Arsenal en þrír fengu sekt Stelpurnar hennar Betu fengu skell á Englandi Kane með mikilvægt mark í sigri Bæjara Franska liðið með fullt hús í riðli Íslands Sjá meira
„Fyrstu viðbrögð eru bara jákvæð. Þetta var erfiður leikur gegn erfiðum mótherja. Hugarfarið var gott og við spiluðum á köflum vel. Það var gott að geta gefið leikmönnum tækifæri. Þetta var langt frá því að vera fullkomið en ég er mjög ánægður með frammistöðuna,“ sagði Freyr Alexandersson, þjálfari íslenska kvennalandsliðsins í fótbolta, eftir 2-1 tap fyrir Noregi í vináttulandsleik á La Manga. Þetta var fyrsti leikur íslenska kvennalandsliðsins í janúar frá upphafi. Ísland fékk draumabyrjun því strax á 3. mínútu kom Fanndís Friðriksdóttir íslenska liðinu yfir með skoti úr vítateignum eftir sendingu frá Söndru Maríu Jessen. Þetta var 14. landsliðsmark Fanndísar í hennar 90. landsleik. Hún fékk gott tækifæri til að skora annað í fyrri hálfleik en Cecilie Fiskerstrand, markvörður Noregs, varði frá henni. Norðmenn sóttu meira í leiknum en íslenska vörnin hélt lengst af ágætlega og Sandra Sigurðardóttir átti góðan leik í markinu. Hún kom þó engum vörnum við þegar Synne Sofie Jensen jafnaði metin þremur mínútum fyrir hálfleik eftir laglega norska sókn. Jensen var svo aftur á ferðinni eftir rúmlega klukkutíma leik þegar hún skoraði sigurmark Noregs eftir mistök nýliðans Önnu Rakelar Pétursdóttur í vörn Íslendinga. „Það er 23. janúar, leikmenn voru þreyttir og erfitt að framkvæma tæknilega hluti. Ákvarðanatökur og annað slíkt hefðu mátt vera betri,“ sagði Freyr aðspurður hvað íslenska liðið hefði getað gert betur í leiknum í gær. „Það er aukaatriði í stóru myndinni. Ég var búinn að tala um það við þær að þetta væri tíminn til að láta reyna á sig, gera mistök og þroskast.“ Fimm nýliðar komu við sögu í íslenska liðinu í gær. Áðurnefnd Anna Rakel var í byrjunarliðinu og þær Selma Sól Magnúsdóttir, Guðný Árnadóttir, Hlín Eiríksdóttir og Andrea Mist Pálsdóttir komu inn á sem varamenn. Anna Rakel, sem var í lykilhlutverki hjá Íslandsmeistaraliði Þórs/KA á síðasta tímabili, lék allan leikinn sem vinstri kantbakvörður. Henni er ætlað að veita Hallberu Gísladóttur samkeppni um þá stöðu. „Anna Rakel gerði mistök í öðru markinu en það er eitthvað sem hún fær að komast upp með núna og lærir af því,“ sagði Freyr. „Hallbera hefur verið ein um þessa stöðu í lengri tíma. Anna Rakel er mjög efnileg og vonandi nær hún að taka skref fram á við og setja pressu á Hallberu. Að sama skapi ýtir þetta vonandi við Hallberu að halda áfram að vera í fremstu röð, sem ég efast ekki um að hún geri.“ Freyr stendur frammi fyrir því erfiða verkefni að fylla skarðið sem Dagný Brynjarsdóttir skildi eftir sig. Dagný er barnshafandi og tekur ekki frekari þátt í undankeppni HM 2019. Í leiknum gegn Noregi spilaði Rakel Hönnudóttir í stöðu Dagnýjar og komst vel frá sínu. „Mér fannst hún leysa það mjög vel. Rakel hljóp mikið, staðsetti sig vel og tók bardagann í loftinu þar sem við munum eðlilega sakna Dagnýjar. Rakel er einn af kostunum sem koma til greina og hún tók 90 mínútur í þessu hlutverki í dag [í gær] og gerði það mjög vel,“ sagði Freyr. Með því að færa Rakel inn á miðjuna leysir hann eitt vandamál en fær annað upp í hendurnar. „Rakel var búin að ná góðum tökum á stöðu hægri kantbakvarðar. Maður er að fórna annarri stöðu. Svava [Rós Guðmundsdóttir] og Selma fengu að spreyta sig þar og skiluðu fínu dagsverki.“ Næsta verkefni íslenska kvennalandsliðsins er hið árlega mót á Algarve á Portúgal. Það stendur yfir frá 28. febrúar til 7. mars. Þar verður Ísland í riðli með Danmörku, Japan og Evrópumeisturum Hollands.
HM 2019 í Frakklandi Mest lesið Kyssti fréttamanninn í miðju viðtali Sport Leik lokið: Breiðablik - Afturelding 2-0 | Meistararnir með öruggan sigur í opnunarleiknum Íslenski boltinn Uppgjörið: Afturelding - ÍBV 32-30 | Mosfellingar unnu fyrsta slaginn Handbolti SjallyPally: Pílan í beinni frá Akureyri Sport Enskir fjölmiðlar segja Chelsea hafa brotið reglur UEFA Enski boltinn Blikar mættu með málningarpenslana í garðinn hjá Gylfa Íslenski boltinn Bræður berjast og fjölskyldumeðlimir velja á milli Íslenski boltinn „Sorgardagur fyrir Manchester City“ Enski boltinn Everton gerði grönnunum greiða með því að taka stig af Arsenal Enski boltinn Uppgjörið: Valur - Þór Ak. 102-75 | Valskonur komnar í draumastöðu Körfubolti Fleiri fréttir „Skrifast á ákveðinn sviðsskrekk“ Meistarar í ellefta sinn á síðustu þrettán árum Leik lokið: Breiðablik - Afturelding 2-0 | Meistararnir með öruggan sigur í opnunarleiknum Hákon Arnar lék allan tímann þegar Lille tapaði stórleik Barca mistókst að ná sex stiga forskoti Misstu niður tveggja marka forystu Mikið breytt lið Villa vann mikilvægan sigur Vinicius Junior klikkaði á víti og Real Madrid tapaði Davíð Snær með dramatískt sigurmark Ekki góður dagur fyrir Meistaradeildardrauma Brighton og Bournemouth Leverkusen tryggði sér sigur á síðustu stundu Erfiðasta frumraun félags í efstu deild í 36 ár Blikar hafa byrjað báðar titilvarnir sínar illa Enskir fjölmiðlar segja Chelsea hafa brotið reglur UEFA Everton gerði grönnunum greiða með því að taka stig af Arsenal Ísak og Valgeir fögnuðu naumun sigri á móti Íslendingalausum mótherjum Íslenskir dómarar verða á samfélagsmiðlum í sumar „Sé þá ekki vinna í ár“ Bandaríska sambandið vill líka 48 þjóða HM hjá konunum Besta-spáin 2025: Hamra járnið meðan það er heitt Segja að Valur hafi boðið meira en tvær milljónir í Úlfu Dís „Hef ekkert það miklar áhyggjur af þessum breytingum“ Besta-spáin 2025: Lífið eftir Arnar Bræður berjast og fjölskyldumeðlimir velja á milli Amorim: Klikkun að halda að Man United geti unnið ensku úrvalsdeildina „Sorgardagur fyrir Manchester City“ Fá allir að mæta Arsenal en þrír fengu sekt Stelpurnar hennar Betu fengu skell á Englandi Kane með mikilvægt mark í sigri Bæjara Franska liðið með fullt hús í riðli Íslands Sjá meira
Leik lokið: Breiðablik - Afturelding 2-0 | Meistararnir með öruggan sigur í opnunarleiknum Íslenski boltinn
Leik lokið: Breiðablik - Afturelding 2-0 | Meistararnir með öruggan sigur í opnunarleiknum Íslenski boltinn