Kári kominn heim

Körfuboltamaðurinn frábæri Kári Jónsson er hættur í Drexel-háskólanum í Bandaríkjunum og kominn heim. Hann er í leit að liði.

Kári kom til Íslands í gær og er ekki farinn að huga að framtíðarmálum sínum hér heima af neinum krafti enda nýlentur.

Leikmaðurinn magnaði tjáði Vísi í dag að hann myndi nýta næstu daga í að skoða sína möguleika hér heima áður en hann tæki ákvörðun um framtíðina.

Kári er uppalinn hjá Haukum og fór með liðinu alla leið í úrslit í Dominos-deildinni áður en hann fór utan.