„Algjör dónaskapur við þjóðina að Samfylkingin fari í ríkisstjórn“ Jakob Bjarnar skrifar 21. nóvember 2016 12:04 Óhætt er að segja að stuðningsmenn núverandi stjórnarflokka séu órólegir á hliðarlínunni, svo vægt sé til orða tekið. Stuðningsmenn ríkjandi stjórnarflokka eiga erfitt þessa dagana, nú meðan Katrín Jakobsdóttir, formaður Vinstri grænna, er með stjórnarmyndunarumboðið og ræðir við Pírata, Viðreisn, Bjarta framtíð og Samfylkingu um hugsanlegt ríkisstjórnarsamstarf. Á meðan engjast flokksbundnir Sjálfstæðis- og Framsóknarmenn á hliðarlínunni. Þeir sem tilheyra þessum hópum finna viðræðunum og hugmyndinni sem slíkri allt til foráttu og tjá vanlíðan sína á Facebook – ýmist með fordæmingum eða háðsyrðum. Sérstaklega leggst það illa í margan Sjálfstæðismanninn og þá ekki síður Framsóknarfólk, að Samfylkingin sé hugsanlega á leið í ríkisstjórn. Og þá eru Píratar í skotlínunni. Vísir fletti Facebook, kíkti lítillega inná Twitter, og tók til dæmi sem mega heita í hófstilltari kantinum.Hentistefna Pírata Einn þeirra er Karl Garðarsson, fyrrverandi alþingismaður, sem birti nú fyrir stundu Facebook-færslu þar sem hann gefur ekki mikið fyrir stöðu mála: „Þegar Píratar standa ekki við gefin loforð er það kallað að „slaka á kröfum“ í fjölmiðlum. Þegar Sjálfstæðis- og Framsóknarflokkur eiga í hlut er orðalagið hressilegra og talað um svik á kosningaloforðum. Svona er íslensk tunga fjölskrúðug og skemmtileg.“ Vigdísi Hauksdóttur, fyrrverandi alþingismanni, finnst reyndar þessar viðræður fáránlegar, ekki síst aðkoma Samfylkingarinnar að þeim og spyr: „- er það bara ég - eða finnst engum skrýtið að flokkurinn sem landsmenn höfnuðu í s.l. kosningum - og munaði 46 atkvæðum að flokkurinn þurrkaðist út af þingi - er að taka þátt í ríkisstjórnarmyndun?“Fimm flokka stjórn alveg ómöguleg Brynjar Níelsson, þingmaður Sjálfstæðisflokksins, gefur ekkert fyrir þessar viðræður og er duglegur að lýsa því yfir á sinni Facebooksíðu. Eins og svo margir aðrir vill hann gjalda varhug við ríkisstjórn sem svo margir flokkar eiga aðild að: „Eftirlifandi ráðherrar í 5 flokka ríkisstjórninni frá 1989-91 hafa náð að telja einhverjum trú um, helst þeim sem ekki voru komnir til vits og ára þá, að þetta hafi verið góð ríkisstjórn. Hún hafi komið á þjóðarsáttinni sem náði stjórn á verðbólgunni. Heiðurinn af þjóðarsáttinni eiga fyrst og fremst verkalýðsforystan undir stjórn Ásmundar Stefánssonar, ásamt "bjargvættinum", Einari Oddi Kristjánssyni. Aðkoma ríkisstjónarinnar að þessari þjóðarsátt var að setja lög á BHM. Þessi 5 flokka ríkisstjórn var einkum fræg fyrir alls konar millifærslur með almannafé og sjóðasukk. Hrósa verður henni þó fyrir að hafa komið á frjálsu framsali veiðiheimilda í lok starfstímans.“Guð blessi Ísland Davíð Þorláksson er fyrrverandi formaður SUS og hann vill meina að ekki sé nú mikið að marka Pírata. „Ófrávíkjanlegt er teygjanlegt hugtak.“ Davíð er þar væntanlega að vísa í hina ófrávíkjanlegu kröfu Pírata, eins og hún var lögð upp í aðdraganda kosninga, að Píratar vildu ekki að alþingismenn væru jafnframt ráðherrar. Þá má segja að óbeint sé Davíð einnig að vísa til fleygra ummæla Vigdísar Hauksdóttur sem sagði að strax væri teygjanlegt hugtak. Ari Ewald, forstjóri MS, sem starfað hefur innan Sjálfstæðisflokksins lengi og var meðal annars í kosningaráði Davíðs Oddssonar þegar hann gaf kost á sér í kjöri til forseta Íslands, tengir við grein þar sem getur að líta hópinn sem nú ræðir saman um hugsanlegt ríkisstjórnarsamstarf og segir: „Já oft var þörf en nú er nauðsyn: GUÐ BLESSI ÍSLAND !!“ Ljóst má vera að hvorki honum né öðrum Sjálfstæðismönnum líst á blikuna.Pólitísk lesblinda á ólæknandi stigi Og, talandi um Davíð, Guðfinna Jóh. Guðmundsdóttir borgarfulltrúi Framsóknarmanna, tengir við frétt Eyjunnar þar sem efni Reykjavíkurbréfs er tíundað. Í bréfinu greinarhöfundur beinir spjótum sínum að Samfylkingu að hætti hússins: „Samfylkingin er í rúst. En það er ekki eingöngu vegna þess að hún hafði ekki neitt annað fram að færa en að ganga í ESB og hélt þeim söng áfram þótt öll álfan sjálf hefði farið út af laginu. Flokkur sem sýnir að hann tekur ekki sönsum hefur fátt að bjóða. ESB logaði, og mynt þess er höfð að háði og spotti. Það þarf pólitíska lesblindu á ólæknandi stigi til að láta áfram eins og ekkert sé. Aldrei hefði gamla Alþýðuflokknum dottið í hug að auglýsa ball í Glaumbæ kvöldið eftir að staðurinn brann,“ segir þar ennfremur.“ Guðfinnu sýnist höfundurinn hafa lög að mæla og segir: „Það er auðvitað algjör dónaskapur við þjóðina að Samfylkingin fari í ríkisstjórn.“Björn Ingi bindur þetta saman Björn Ingi Hrafnsson fjölmiðlamaður bindur þetta svo saman á sinni Facebooksíðu: „Þetta er orðið svolítið kómískt. Allt síðasta kjörtímabil var ráðist á forystu Sjálfstæðisflokksins fyrir að standa ekki við fyrirheit um þjóðaratkvæði um viðræður við ESB. Brigslað var um svik og stór orð látin falla. En Píratar bakka með hvert ófrávíkjanlega stefnumálið á fætur öðru og enn er ekki einu sinni búið að mynda ríkisstjórn.“ Kosningar 2016 Tengdar fréttir Katrín búin að ræða við forsetann Formlegar stjórnarmyndunarviðræður, undir forystu VG, hefjast í dag. 21. nóvember 2016 09:01 Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent Mótmælendur hindruðu för lögreglubíls í forgangsakstri Innlent „Þegar hægrið fær að ráða ferðinni óheft og án alls taumhalds fer illa“ Innlent Fagna löngu tímabærri breytingu Innlent Vilhjálmur Hjálmarsson kjörinn varaformaður ÖBÍ Innlent Fannst hann þvingaður til að afsala sér hundinum Innlent Bátarnir frá eldgosinu í Vestmannaeyjum málaðir á vita Innlent Tveir reyndust í skotti bíls Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
Stuðningsmenn ríkjandi stjórnarflokka eiga erfitt þessa dagana, nú meðan Katrín Jakobsdóttir, formaður Vinstri grænna, er með stjórnarmyndunarumboðið og ræðir við Pírata, Viðreisn, Bjarta framtíð og Samfylkingu um hugsanlegt ríkisstjórnarsamstarf. Á meðan engjast flokksbundnir Sjálfstæðis- og Framsóknarmenn á hliðarlínunni. Þeir sem tilheyra þessum hópum finna viðræðunum og hugmyndinni sem slíkri allt til foráttu og tjá vanlíðan sína á Facebook – ýmist með fordæmingum eða háðsyrðum. Sérstaklega leggst það illa í margan Sjálfstæðismanninn og þá ekki síður Framsóknarfólk, að Samfylkingin sé hugsanlega á leið í ríkisstjórn. Og þá eru Píratar í skotlínunni. Vísir fletti Facebook, kíkti lítillega inná Twitter, og tók til dæmi sem mega heita í hófstilltari kantinum.Hentistefna Pírata Einn þeirra er Karl Garðarsson, fyrrverandi alþingismaður, sem birti nú fyrir stundu Facebook-færslu þar sem hann gefur ekki mikið fyrir stöðu mála: „Þegar Píratar standa ekki við gefin loforð er það kallað að „slaka á kröfum“ í fjölmiðlum. Þegar Sjálfstæðis- og Framsóknarflokkur eiga í hlut er orðalagið hressilegra og talað um svik á kosningaloforðum. Svona er íslensk tunga fjölskrúðug og skemmtileg.“ Vigdísi Hauksdóttur, fyrrverandi alþingismanni, finnst reyndar þessar viðræður fáránlegar, ekki síst aðkoma Samfylkingarinnar að þeim og spyr: „- er það bara ég - eða finnst engum skrýtið að flokkurinn sem landsmenn höfnuðu í s.l. kosningum - og munaði 46 atkvæðum að flokkurinn þurrkaðist út af þingi - er að taka þátt í ríkisstjórnarmyndun?“Fimm flokka stjórn alveg ómöguleg Brynjar Níelsson, þingmaður Sjálfstæðisflokksins, gefur ekkert fyrir þessar viðræður og er duglegur að lýsa því yfir á sinni Facebooksíðu. Eins og svo margir aðrir vill hann gjalda varhug við ríkisstjórn sem svo margir flokkar eiga aðild að: „Eftirlifandi ráðherrar í 5 flokka ríkisstjórninni frá 1989-91 hafa náð að telja einhverjum trú um, helst þeim sem ekki voru komnir til vits og ára þá, að þetta hafi verið góð ríkisstjórn. Hún hafi komið á þjóðarsáttinni sem náði stjórn á verðbólgunni. Heiðurinn af þjóðarsáttinni eiga fyrst og fremst verkalýðsforystan undir stjórn Ásmundar Stefánssonar, ásamt "bjargvættinum", Einari Oddi Kristjánssyni. Aðkoma ríkisstjónarinnar að þessari þjóðarsátt var að setja lög á BHM. Þessi 5 flokka ríkisstjórn var einkum fræg fyrir alls konar millifærslur með almannafé og sjóðasukk. Hrósa verður henni þó fyrir að hafa komið á frjálsu framsali veiðiheimilda í lok starfstímans.“Guð blessi Ísland Davíð Þorláksson er fyrrverandi formaður SUS og hann vill meina að ekki sé nú mikið að marka Pírata. „Ófrávíkjanlegt er teygjanlegt hugtak.“ Davíð er þar væntanlega að vísa í hina ófrávíkjanlegu kröfu Pírata, eins og hún var lögð upp í aðdraganda kosninga, að Píratar vildu ekki að alþingismenn væru jafnframt ráðherrar. Þá má segja að óbeint sé Davíð einnig að vísa til fleygra ummæla Vigdísar Hauksdóttur sem sagði að strax væri teygjanlegt hugtak. Ari Ewald, forstjóri MS, sem starfað hefur innan Sjálfstæðisflokksins lengi og var meðal annars í kosningaráði Davíðs Oddssonar þegar hann gaf kost á sér í kjöri til forseta Íslands, tengir við grein þar sem getur að líta hópinn sem nú ræðir saman um hugsanlegt ríkisstjórnarsamstarf og segir: „Já oft var þörf en nú er nauðsyn: GUÐ BLESSI ÍSLAND !!“ Ljóst má vera að hvorki honum né öðrum Sjálfstæðismönnum líst á blikuna.Pólitísk lesblinda á ólæknandi stigi Og, talandi um Davíð, Guðfinna Jóh. Guðmundsdóttir borgarfulltrúi Framsóknarmanna, tengir við frétt Eyjunnar þar sem efni Reykjavíkurbréfs er tíundað. Í bréfinu greinarhöfundur beinir spjótum sínum að Samfylkingu að hætti hússins: „Samfylkingin er í rúst. En það er ekki eingöngu vegna þess að hún hafði ekki neitt annað fram að færa en að ganga í ESB og hélt þeim söng áfram þótt öll álfan sjálf hefði farið út af laginu. Flokkur sem sýnir að hann tekur ekki sönsum hefur fátt að bjóða. ESB logaði, og mynt þess er höfð að háði og spotti. Það þarf pólitíska lesblindu á ólæknandi stigi til að láta áfram eins og ekkert sé. Aldrei hefði gamla Alþýðuflokknum dottið í hug að auglýsa ball í Glaumbæ kvöldið eftir að staðurinn brann,“ segir þar ennfremur.“ Guðfinnu sýnist höfundurinn hafa lög að mæla og segir: „Það er auðvitað algjör dónaskapur við þjóðina að Samfylkingin fari í ríkisstjórn.“Björn Ingi bindur þetta saman Björn Ingi Hrafnsson fjölmiðlamaður bindur þetta svo saman á sinni Facebooksíðu: „Þetta er orðið svolítið kómískt. Allt síðasta kjörtímabil var ráðist á forystu Sjálfstæðisflokksins fyrir að standa ekki við fyrirheit um þjóðaratkvæði um viðræður við ESB. Brigslað var um svik og stór orð látin falla. En Píratar bakka með hvert ófrávíkjanlega stefnumálið á fætur öðru og enn er ekki einu sinni búið að mynda ríkisstjórn.“
Kosningar 2016 Tengdar fréttir Katrín búin að ræða við forsetann Formlegar stjórnarmyndunarviðræður, undir forystu VG, hefjast í dag. 21. nóvember 2016 09:01 Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent Mótmælendur hindruðu för lögreglubíls í forgangsakstri Innlent „Þegar hægrið fær að ráða ferðinni óheft og án alls taumhalds fer illa“ Innlent Fagna löngu tímabærri breytingu Innlent Vilhjálmur Hjálmarsson kjörinn varaformaður ÖBÍ Innlent Fannst hann þvingaður til að afsala sér hundinum Innlent Bátarnir frá eldgosinu í Vestmannaeyjum málaðir á vita Innlent Tveir reyndust í skotti bíls Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
Katrín búin að ræða við forsetann Formlegar stjórnarmyndunarviðræður, undir forystu VG, hefjast í dag. 21. nóvember 2016 09:01