Okrað á stuðningsmönnum Man. Utd

Stuðningsmenn Man. Utd eru allt annað en sáttir við forráðamenn danska liðsins Midtjylland sem ætla að græða á þeim á morgun.

Stuðningsmenn Man. Utd þurfa að greiða 13 þúsund krónur fyrir miðann á leikinn en stuðningsmenn Southampton þurftu aðeins að greiða 4.000 krónur fyrir miða á sama stað í sömu keppni í ágúst.

Stuðningsmennirnir ætla að mótmæla þessu okurverði á leiknum með borða sem á stendur „Welcome to Scamdinavia“.

Stuðningsmenn United greiddu samtals 13.700 krónur fyrir miðana þrjá á útileiki liðsins í riðlakeppni Meistaradeildarinnar.

Þetta er fyrri leikur liðanna í 32-liða úrslitum Evrópudeildarinnar en leikurinn verður í beinni á Stöð 2 Sport.