Segir ríkið þykjast bundið af almenna markaðnum Óli Kristján Ármannsson skrifar 10. júní 2015 07:00 Mótmæli BHM og hjúkrunarfræðinga. Páll Halldórsson, formaður samninganefndar, og Þórunn Sveinbjarnardóttir, formaður BHM, ræða við Eygló Harðardóttur félagsmálaráðherra fyrir ríkisstjórnarfund á föstudag. Fréttablaðið/Stefán Ræða á þá alvarlegu stöðu sem uppi er í kjaradeilum ríkisins við BHM og við hjúkrunarfræðinga á samningafundum sem ríkissáttasemjari hefur boðað til fyrir hádegi í dag. Vika er frá því síðast var fundað og mikið sem ber í milli hjá deiluaðilum. Fyrri fundur dagsins, klukkan níu árdegis, er 23. fundurinn í deilu BHM og ríkisins. Hjúkrunarfræðingar funda klukkan ellefu.Ólafur G. Skúlason, formaður Félags íslenskra hjúkrunarfræðinga, segist telja um stöðumatsfund að ræða, enn hafi ekkert nýtt komið fram sem ýtt geti undir bjartsýni um að hreyfing komist á viðræður. „Eins og er þá virðist ríkið vera bundið af þessum samningum á almenna vinnumarkaðnum,“ segir Ólafur og segir ríkið ekki virðast hafa heimildir til að semja við sitt starfsfólk. Hækkunin sem í boði er á almenna markaðnum sé ekki eitthvað sem hans félagsmenn geti sætt sig við. „Ríkið þarf að koma til móts við okkar kröfur á okkar forsendum, ekki á forsendum almenna vinnumarkaðarins.“ Páll Halldórsson, formaður samninganefndar BHM, segist hafa svipaðar væntingar til fundarins í dag og til funda yfirleitt. „Maður bara vonar að þetta þokist eitthvað áfram,“ segir hann. Í pistli á vef BHM er sagt furðu sæta að ríkið hafi ekki lagt allt kapp á að ná samningum áður en verkföll skullu á með fullum þunga fyrir níu vikum. Þar segir að BHM hafi ítrekað lagt fram ýmsar leiðir til lausnar og tekið jákvætt í að gera samning til fjögurra ára og lýst sig reiðubúið til að taka fyrstu skref í átt að „norrænu líkani“ við kjarasamningagerð. Ríkið hafi ekki komið að borðinu í alvöru og viðræðurnar kallaðar sýndarviðræður.Bryndís HlöðversdóttirBryndís Hlöðversdóttir ríkissáttasemjari kveðst vera í reglulegu sambandi við deiluaðila og leggur mat á hvort tilefni sé til funda. Til funda í dag sé boðað óháð því hvort tilefni sé til, í ljósi alvarleika stöðunnar. Hún segir tæki ríkissáttasemjara vera annars vegar að leggja fram sáttatillögu fyrir samninganefndirnar sem greitt gæti fyrir lausn deilu, eða miðlunartillögu sem lögð yrði fyrir félagsmenn. „Til að slík tillaga sé lögð fram verður hún að vera líkleg til að leysa deiluna. Hingað til hefur borið of mikið í milli manna í þessari deilu til þess að þær hafi verið tækar þessar leiðir sem eru til staðar til að höggva á hnúta. En þegar svona langt er á milli manna í sjálfum samningsgrunninum þá er það flókið.“Tíunda vika verkfalla BHM að hefjast Í dag er 65. verkfallsdagur fimm aðildarfélaga Bandalags háskólamanna (BHM) og tíunda vika í verkfalli að hefjast hjá þeim hópum. Þetta eru geislafræðingar, lífeindafræðingar, náttúrufræðingar og ljósmæður á Landspítalanaum, auk lögfræðinga hjá Sýslumanninum á höfuðborgarsvæðinu. Þá eru aðgerðir ljósmæðra á Sjúkrahúsinu á Akureyri á 63. degi, en þar hafa verið lögð niður störf á mánudögum og fimmtudögum. Aðrir hópar BHM hafa verið í verkfalli í rúmar sjö vikur, eða frá 20. apríl. Þar eru undir hópar háskólamenntaðra starfsmanna Matvælastofnunar, náttúrufræðingar og aðrir háskólamenn hjá Matvælastofnun, auk dýralækna. Þá hefur ótímabundið verkfall hjúkrunarfræðinga staðið í tvær vikur, er í dag á 15. degi. Í vikulegum pistli fyrir helgi undrast Páll Matthíasson, forstjóri Landspítalans, hversu mikla þolinmæði sjúklingar sýna heilbrigðiskerfinu eftir langvarandi verkfall. „Það tekur á að vera í verkfalli og það er mikið andlegt álag. Langvarandi streita hefur áhrif á alla, á sjúklinga, á starfsfólk og á fjölskyldur þeirra,“ sagði hann í pistli sínum. Verkfall 2016 Mest lesið Endalaus þrautaganga Haraldar eftir svörum Innlent Benedikt Sveinsson er látinn Innlent „Afleitt“ að sjá Yazan gerðan að leiksoppi í deilum ráðherra Innlent Höfuðstöðvar nýrrar ríkisstofnunar verða á Hvolsvelli Innlent Vitorðsmaður viðurkennir að hafa gert það sama og Pelicot Erlent 20 létust og 450 slösuðust þegar talstöðvarnar sprungu Erlent Sjálfsagt að skoða að semja við önnur ríki um að hýsa erlenda fanga Innlent Tuttugu konur saka Mohamed Al Fayed um kynferðisofbeldi Erlent Blöskrar markaðssetning á réttum: „Þetta eru eins og jólin fyrir okkur“ Innlent Flugvélarnar sem gerðu Loftleiðir að stórveldi Innlent Fleiri fréttir Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Sjá meira
Ræða á þá alvarlegu stöðu sem uppi er í kjaradeilum ríkisins við BHM og við hjúkrunarfræðinga á samningafundum sem ríkissáttasemjari hefur boðað til fyrir hádegi í dag. Vika er frá því síðast var fundað og mikið sem ber í milli hjá deiluaðilum. Fyrri fundur dagsins, klukkan níu árdegis, er 23. fundurinn í deilu BHM og ríkisins. Hjúkrunarfræðingar funda klukkan ellefu.Ólafur G. Skúlason, formaður Félags íslenskra hjúkrunarfræðinga, segist telja um stöðumatsfund að ræða, enn hafi ekkert nýtt komið fram sem ýtt geti undir bjartsýni um að hreyfing komist á viðræður. „Eins og er þá virðist ríkið vera bundið af þessum samningum á almenna vinnumarkaðnum,“ segir Ólafur og segir ríkið ekki virðast hafa heimildir til að semja við sitt starfsfólk. Hækkunin sem í boði er á almenna markaðnum sé ekki eitthvað sem hans félagsmenn geti sætt sig við. „Ríkið þarf að koma til móts við okkar kröfur á okkar forsendum, ekki á forsendum almenna vinnumarkaðarins.“ Páll Halldórsson, formaður samninganefndar BHM, segist hafa svipaðar væntingar til fundarins í dag og til funda yfirleitt. „Maður bara vonar að þetta þokist eitthvað áfram,“ segir hann. Í pistli á vef BHM er sagt furðu sæta að ríkið hafi ekki lagt allt kapp á að ná samningum áður en verkföll skullu á með fullum þunga fyrir níu vikum. Þar segir að BHM hafi ítrekað lagt fram ýmsar leiðir til lausnar og tekið jákvætt í að gera samning til fjögurra ára og lýst sig reiðubúið til að taka fyrstu skref í átt að „norrænu líkani“ við kjarasamningagerð. Ríkið hafi ekki komið að borðinu í alvöru og viðræðurnar kallaðar sýndarviðræður.Bryndís HlöðversdóttirBryndís Hlöðversdóttir ríkissáttasemjari kveðst vera í reglulegu sambandi við deiluaðila og leggur mat á hvort tilefni sé til funda. Til funda í dag sé boðað óháð því hvort tilefni sé til, í ljósi alvarleika stöðunnar. Hún segir tæki ríkissáttasemjara vera annars vegar að leggja fram sáttatillögu fyrir samninganefndirnar sem greitt gæti fyrir lausn deilu, eða miðlunartillögu sem lögð yrði fyrir félagsmenn. „Til að slík tillaga sé lögð fram verður hún að vera líkleg til að leysa deiluna. Hingað til hefur borið of mikið í milli manna í þessari deilu til þess að þær hafi verið tækar þessar leiðir sem eru til staðar til að höggva á hnúta. En þegar svona langt er á milli manna í sjálfum samningsgrunninum þá er það flókið.“Tíunda vika verkfalla BHM að hefjast Í dag er 65. verkfallsdagur fimm aðildarfélaga Bandalags háskólamanna (BHM) og tíunda vika í verkfalli að hefjast hjá þeim hópum. Þetta eru geislafræðingar, lífeindafræðingar, náttúrufræðingar og ljósmæður á Landspítalanaum, auk lögfræðinga hjá Sýslumanninum á höfuðborgarsvæðinu. Þá eru aðgerðir ljósmæðra á Sjúkrahúsinu á Akureyri á 63. degi, en þar hafa verið lögð niður störf á mánudögum og fimmtudögum. Aðrir hópar BHM hafa verið í verkfalli í rúmar sjö vikur, eða frá 20. apríl. Þar eru undir hópar háskólamenntaðra starfsmanna Matvælastofnunar, náttúrufræðingar og aðrir háskólamenn hjá Matvælastofnun, auk dýralækna. Þá hefur ótímabundið verkfall hjúkrunarfræðinga staðið í tvær vikur, er í dag á 15. degi. Í vikulegum pistli fyrir helgi undrast Páll Matthíasson, forstjóri Landspítalans, hversu mikla þolinmæði sjúklingar sýna heilbrigðiskerfinu eftir langvarandi verkfall. „Það tekur á að vera í verkfalli og það er mikið andlegt álag. Langvarandi streita hefur áhrif á alla, á sjúklinga, á starfsfólk og á fjölskyldur þeirra,“ sagði hann í pistli sínum.
Verkfall 2016 Mest lesið Endalaus þrautaganga Haraldar eftir svörum Innlent Benedikt Sveinsson er látinn Innlent „Afleitt“ að sjá Yazan gerðan að leiksoppi í deilum ráðherra Innlent Höfuðstöðvar nýrrar ríkisstofnunar verða á Hvolsvelli Innlent Vitorðsmaður viðurkennir að hafa gert það sama og Pelicot Erlent 20 létust og 450 slösuðust þegar talstöðvarnar sprungu Erlent Sjálfsagt að skoða að semja við önnur ríki um að hýsa erlenda fanga Innlent Tuttugu konur saka Mohamed Al Fayed um kynferðisofbeldi Erlent Blöskrar markaðssetning á réttum: „Þetta eru eins og jólin fyrir okkur“ Innlent Flugvélarnar sem gerðu Loftleiðir að stórveldi Innlent Fleiri fréttir Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Sjá meira