Innflytjandi kannar bótarétt vegna verklagsreglna MAST Óli Kristján Ármansson skrifar 4. júní 2015 07:45 Sums staðar í verslunum er farið að grynnka verulega í kistum sem hafa að geyma erlenda matvöru sem ekki hefur verið hægt að flytja inn í verkfalli BHM. Það hefur nú staðið í um átta vikur. vísir/daníel Dæmi eru um að aðrar vörur en eftirlitsskyld matvæli séu fastar á hafnarbakka og fái ekki tollafgreiðslu vegna þess að þær eru í gámi með eftirlitsskyldum varningi. Sérfræðingar Matvælastofnunar (MAST) þurfa að votta innflutning á margvíslegum matvælum, en sú vinna liggur niðri vegna verkfalla BHM. Magnús Óli Ólafsson, forstjóri Innness, segir nokkur slík dæmi hjá fyrirtækinu og veit um fleiri hjá öðrum sem flytja inn vörur. Hvernig vinnist úr málum fari dálítið eftir erlendum birgjum þegar um sé að ræða blandaðar sendingar. Oft sé þá bara um að ræða einn reikning og farmbréf. „Svo getur verið einhver ein vara í gámnum sem stöðvar afgreiðsluna. Hjá Kaupási var nýlega greint frá dæmi þar sem hunang var í gámi og hjá okkur er nýlegt dæmi upp poppmaís sem stöðvaði afgreiðsluna,“ segir hann. Sé birgirinn ekki tilbúinn að gefa út nýjan reikning þannig að brjóta megi upp sendinguna og tollafgreiða í hlutum þá sitji öll sendingin föst.Magnús Óli ÓlafssonHjá Innnesi segir Magnús Óli þó nokkur dæmi um vörur sem stöðvað hafi heilu sendingarnar. Þar séu, auk poppmaíssins, mjöl, spírulínusafi, kaffirjómaduft, rúgur, spelthveiti og kínóafræ. „Þarna er MAST búið að setja sér ákveðið verklag um skoðun dýralækna þó svo að kollegar þeirra erlendis séu búnir að gera könnun á vörunni og gefa út heilbrigðisvottorð,“ segir Magnús Óli. Innnes láti nú kanna lögmæti verklags MAST, sem líkur séu á að brjóti í bága við EES-reglur. Magnús Óli vísar til nýlegs erindis Samtaka verslunar og þjónustu (SVÞ) til landbúnaðarráðuneytisins um að EES-samningurinn kveði á um að traust eigi að ríkja á milli aðildarríkja sambandsins, líkt og áréttað hafi verið í rökstuddu áliti ESA, eftirlitsstofnunar EFTA, í fyrra, vegna innflutningstakmarkana á fersku kjöti. Í móttökulandi varningsins eigi að nægja að taka stikkprufur, en ekki skoða allan eftirlitsskyldan varning sem hingað komi. Komi í ljós að vinnulag MAST standist ekki skoðun þá gæti innflutningsfyrirtæki átt rétt á bótum. „Þetta gæti þýtt gríðarlegar kröfur frá innflytjendum,“ segir Magnús Óli. Síðustu tölur hjá fyrirtækinu hljóði upp á að á hafnarbakkanum bíði tollafgreiðslu vörur fyrir yfir 30 milljónir króna. Gera megi ráð fyrir að hluti varningsins liggi undir skemmdum. Þá verði fyrirtækin fyrir sölutjóni vegna þess að innflutningur stöðvast. „Það er ljóst þegar saman er tekið að þetta eru háar upphæðir.“ Lárus M.K. Ólafsson, lögmaður SVÞ, segir svar hafa borist við erindinu til ráðuneytisins 28. maí síðastliðinn. Í því komi fram að ráðuneytið hafi til athugunar verklag og eftirlit með innflutningi matvæla sem komi frá ríkjum EES. „Ráðuneytið mun hins vegar ekki geta lokið athugun á framkvæmd innflutningseftirlits fyrr en sérfræðingar Matvælastofnunar á inn- og útflutningssviði koma úr verkfalli Bandalags háskólamanna,“ segir í svarinu.Jón Gíslason, forstjóri Matvælastofnunar.Fleiri eru í verkfalli en dýralæknar einir Jón Gíslason, forstjóri Matvælastofnunar (MAST), áréttar að þar á bæ sé unnið eftir íslenskri löggjöf um innflutning matvæla og hún kunni að vera öðruvísi en annars staðar á evrópska efnahagssvæðinu. Til dæmis séu hér hömlur á kjötinnflutningi sem ekki sé annars staðar að finna. „Við fylgjum þessari löggjöf sem er í landinu þannig að þetta verður að ræða við ráðuneytið,“ segir hann. Í gámum kunni hins vegar að vera hinar og þessar vörur sem snerti hina og þessa löggjöf. „Í sumum tilvikum er þetta plöntuheilbrigðislöggjöf og í öðrum tilvikum er það dýraheilbrigðis- eða matvælaöryggislöggjöf.“ Eftirlit með þessum þáttum heyri undir fleiri en dýralækna eina sem líka séu í verkfalli hjá MAST, svo sem plöntusjúkdómafræðinga, matvælafræðinga og líffræðinga. Verkfall 2016 Mest lesið Endalaus þrautaganga Haraldar eftir svörum Innlent Benedikt Sveinsson er látinn Innlent „Afleitt“ að sjá Yazan gerðan að leiksoppi í deilum ráðherra Innlent Höfuðstöðvar nýrrar ríkisstofnunar verða á Hvolsvelli Innlent Vitorðsmaður viðurkennir að hafa gert það sama og Pelicot Erlent 20 létust og 450 slösuðust þegar talstöðvarnar sprungu Erlent Sjálfsagt að skoða að semja við önnur ríki um að hýsa erlenda fanga Innlent Blöskrar markaðssetning á réttum: „Þetta eru eins og jólin fyrir okkur“ Innlent Flugvélarnar sem gerðu Loftleiðir að stórveldi Innlent Fólk hafi samband við lögreglu í stað þess að deila sögum á netinu Innlent Fleiri fréttir Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Sjá meira
Dæmi eru um að aðrar vörur en eftirlitsskyld matvæli séu fastar á hafnarbakka og fái ekki tollafgreiðslu vegna þess að þær eru í gámi með eftirlitsskyldum varningi. Sérfræðingar Matvælastofnunar (MAST) þurfa að votta innflutning á margvíslegum matvælum, en sú vinna liggur niðri vegna verkfalla BHM. Magnús Óli Ólafsson, forstjóri Innness, segir nokkur slík dæmi hjá fyrirtækinu og veit um fleiri hjá öðrum sem flytja inn vörur. Hvernig vinnist úr málum fari dálítið eftir erlendum birgjum þegar um sé að ræða blandaðar sendingar. Oft sé þá bara um að ræða einn reikning og farmbréf. „Svo getur verið einhver ein vara í gámnum sem stöðvar afgreiðsluna. Hjá Kaupási var nýlega greint frá dæmi þar sem hunang var í gámi og hjá okkur er nýlegt dæmi upp poppmaís sem stöðvaði afgreiðsluna,“ segir hann. Sé birgirinn ekki tilbúinn að gefa út nýjan reikning þannig að brjóta megi upp sendinguna og tollafgreiða í hlutum þá sitji öll sendingin föst.Magnús Óli ÓlafssonHjá Innnesi segir Magnús Óli þó nokkur dæmi um vörur sem stöðvað hafi heilu sendingarnar. Þar séu, auk poppmaíssins, mjöl, spírulínusafi, kaffirjómaduft, rúgur, spelthveiti og kínóafræ. „Þarna er MAST búið að setja sér ákveðið verklag um skoðun dýralækna þó svo að kollegar þeirra erlendis séu búnir að gera könnun á vörunni og gefa út heilbrigðisvottorð,“ segir Magnús Óli. Innnes láti nú kanna lögmæti verklags MAST, sem líkur séu á að brjóti í bága við EES-reglur. Magnús Óli vísar til nýlegs erindis Samtaka verslunar og þjónustu (SVÞ) til landbúnaðarráðuneytisins um að EES-samningurinn kveði á um að traust eigi að ríkja á milli aðildarríkja sambandsins, líkt og áréttað hafi verið í rökstuddu áliti ESA, eftirlitsstofnunar EFTA, í fyrra, vegna innflutningstakmarkana á fersku kjöti. Í móttökulandi varningsins eigi að nægja að taka stikkprufur, en ekki skoða allan eftirlitsskyldan varning sem hingað komi. Komi í ljós að vinnulag MAST standist ekki skoðun þá gæti innflutningsfyrirtæki átt rétt á bótum. „Þetta gæti þýtt gríðarlegar kröfur frá innflytjendum,“ segir Magnús Óli. Síðustu tölur hjá fyrirtækinu hljóði upp á að á hafnarbakkanum bíði tollafgreiðslu vörur fyrir yfir 30 milljónir króna. Gera megi ráð fyrir að hluti varningsins liggi undir skemmdum. Þá verði fyrirtækin fyrir sölutjóni vegna þess að innflutningur stöðvast. „Það er ljóst þegar saman er tekið að þetta eru háar upphæðir.“ Lárus M.K. Ólafsson, lögmaður SVÞ, segir svar hafa borist við erindinu til ráðuneytisins 28. maí síðastliðinn. Í því komi fram að ráðuneytið hafi til athugunar verklag og eftirlit með innflutningi matvæla sem komi frá ríkjum EES. „Ráðuneytið mun hins vegar ekki geta lokið athugun á framkvæmd innflutningseftirlits fyrr en sérfræðingar Matvælastofnunar á inn- og útflutningssviði koma úr verkfalli Bandalags háskólamanna,“ segir í svarinu.Jón Gíslason, forstjóri Matvælastofnunar.Fleiri eru í verkfalli en dýralæknar einir Jón Gíslason, forstjóri Matvælastofnunar (MAST), áréttar að þar á bæ sé unnið eftir íslenskri löggjöf um innflutning matvæla og hún kunni að vera öðruvísi en annars staðar á evrópska efnahagssvæðinu. Til dæmis séu hér hömlur á kjötinnflutningi sem ekki sé annars staðar að finna. „Við fylgjum þessari löggjöf sem er í landinu þannig að þetta verður að ræða við ráðuneytið,“ segir hann. Í gámum kunni hins vegar að vera hinar og þessar vörur sem snerti hina og þessa löggjöf. „Í sumum tilvikum er þetta plöntuheilbrigðislöggjöf og í öðrum tilvikum er það dýraheilbrigðis- eða matvælaöryggislöggjöf.“ Eftirlit með þessum þáttum heyri undir fleiri en dýralækna eina sem líka séu í verkfalli hjá MAST, svo sem plöntusjúkdómafræðinga, matvælafræðinga og líffræðinga.
Verkfall 2016 Mest lesið Endalaus þrautaganga Haraldar eftir svörum Innlent Benedikt Sveinsson er látinn Innlent „Afleitt“ að sjá Yazan gerðan að leiksoppi í deilum ráðherra Innlent Höfuðstöðvar nýrrar ríkisstofnunar verða á Hvolsvelli Innlent Vitorðsmaður viðurkennir að hafa gert það sama og Pelicot Erlent 20 létust og 450 slösuðust þegar talstöðvarnar sprungu Erlent Sjálfsagt að skoða að semja við önnur ríki um að hýsa erlenda fanga Innlent Blöskrar markaðssetning á réttum: „Þetta eru eins og jólin fyrir okkur“ Innlent Flugvélarnar sem gerðu Loftleiðir að stórveldi Innlent Fólk hafi samband við lögreglu í stað þess að deila sögum á netinu Innlent Fleiri fréttir Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Sjá meira