Ólafur Ingi: Þeir þykjast bíða eftir mér í Istanbul Eiríkur Stefán Ásgeirsson skrifar 7. október 2015 14:30 Ólafur Ingi í umræddum leik gegn Besiktas. Hér er hann í baráttu við Þjóðverjann Andreas Beck. Vísir/AFP Ólafur Ingi Skúlason hefur upplifað margt á þeim fáum mánuðum sem hann hefur spilað með Genclerbirligi Ankara í tyrknesku úrvalsdeildinni. Árbæingurinn er nú staddur hér á landi með íslenska landsliðinu sem mætir Lettlandi á Laugardalsvelli á laugardag. Strákarnir halda svo einmitt til Tyrklands á sunnudag og mæta heimamönnum í lokaleik sínum í riðlinum í Konya á þriðjudag. Ólafur Ingi hefur ekki verið byrjunarliðsmaður í landsliðinu en gæti fengið kallið um helgina þar sem að Aron Einar Gunnarsson verður í banni. „Við vitum ekki enn hvernig liðinu verður stillt upp og því skiptir máli að maður sé klár ef kallið kemur. Maður vill sýna að maður eigi heima í þessum hópi,“ sagði Ólafur Ingi í viðtali við Vísi fyrir æfingu landsliðsins á Laugardalsvelli í dag. Hann segir að allir leikmenn séu samtaka í því að vinna báða leikina sem eftir eru, vinna riðilinn og komast upp í þriðja styrkleikaflokk fyrir riðladráttinn í desember, en sem kunnugt er hafa strákarnir þegar tryggt sér öruggt sæti á EM í Frakklandi.Ólafur Ingi Skúlason.Vísir/StefánÓlafur Ingi veit að hver mínúta sem hann fær á vellinum skiptir máli upp á möguleika hans að gera að verða með í EM-hópnum næsta sumar. „Maður verður bara að reyna að sýna hvað maður getur þegar maður hittir hópinn og svo standa sig vel úti með sínu liði. Það er í raun ekki mikið meira sem maður getur gert,“ sagði Ólafur Ingi sem óttaðist ekki að hann myndi „týnast“ í tyrknesku deildinni. „Alls ekki. Tyrkneska deildin er hátt skrifuð og er mjög góð. Það er meiri barátta um sæti í liðinu þar og það skiptir mig auðvitað mestu máli að spila sem mest. Á meðan ég er að spila þá hef ég ekki áhyggjur af stöðu minni í landsliðinu.“ Hann segir að það sé mikið ævintýri að spila í Tyrklandi en þangað fór hann í sumar eftir nokkurra ára dvöl hjá Zulte-Waregem í Belgíu. „Þjálfarinn sem fékk mig út var rekinn eftir tvo leiki. Þolinmæðin er ekki mikil þarna og maður finnir að margir óttast um sín störf þegar illa gengur. Það verður því öðruvísi stemning í kringum félagið og maður finnur pressu frá forseta og stjórn félagsins að við leikmenn verðum að standa okkur.“Mynd/SkjáskotHann segir að það sem hafi helst komið honum á óvart er hversu skrýtin dómgæslan hefur verið. Ólafur Ingi fékk til að mynda myndarlegt olnbogaskot frá Þjóðverjanum Mario Gomez, leikmanni Besiktas, á dögunum en sá þýski fékk aðeins að líta gula spjaldið fyrir brotið. „Þetta gerðist beint fyrir framan nefið á dómaranum og ekki nokkur spurning að þetta var beint olnbogaskot í andlitið sem verðskuldaði rautt spjald. En hann fékk gult og var því ekki í banni í næsta leik, þar sem hann skoraði tvö mörk gegn Fenerbahce og vann leikinn fyrir Besiktas.“ Ólafur Ingi segir að dómarinn sem sleppti því að gefa Gomez rautt hafi verið settur í tveggja leikja straff eftir atvikið. En bætir því við að umdeild atvik eigi sér stað hjá dómurum í hverjum einasta leik. „Í síðasta leik dæmdu þeir til dæmis rangstöðu úr innkasti,“ segir hann og brosir. „Það er því ýmislegt sem á sér stað í deildinni hvað dómgæsluna varðar. Maður verður bara að læra inn á það og halda bara áfram.“ Stuðningsmenn Besiktas létu svo Ólaf Inga heyra það duglega á Twitter eftir leik en það á rætur sínar að rekja til þess að okkar maður lenti í rifrildi við markvörð Besiktas eftir leikinn. „Hann var að væla í dómaranum eftir leik og ég skildi ekkert í því. Ég sagði við hann að þeir hefðu fengið allt sem þeir vildu frá dómurunum og ætti að hætta þessu væli. Hann skilur að ég held litla ensku og varð alveg brjálaður við þetta. Það voru því smá pústrar á milli okkar og eftir það logaði Twitter hjá manni.“ Hann segist hafa þó ekki misst svefn þrátt fyrir hegðun stuðningsmannanna. „Ég setti fyrstu færslurnar í gegnum þýðingavél [Google translate] og það er ekkert hægt að hafa það eftir sem þeir sögðu,“ sagði Ólafur og brosti. „En maður vissi að knattspyrnuáhugamenn í Tyrklandi eru blóðheitir og að þetta sé partur af þessu. Það er enn eitthvað að koma og þeir þykjast vera að bíða eftir því að ég komi til Istanbúl. Við sjáum hvað setur þegar maður kemur þangað.“ EM 2016 í Frakklandi Fótbolti Mest lesið Tillögu Aþenu vantaði þrjú prósent til að vera tekin fyrir: Gengu út af KKÍ þinginu Körfubolti Leik lokið: Ísland - Grikkland 33-21 | EM-sætið tryggt með glæsibrag Handbolti Sjónvarpsbannið í enska boltanum pirrar prinsinn Enski boltinn Svona var þing KKÍ Körfubolti Kristinn Albertsson nýr formaður KKÍ Körfubolti Hafþór Júlíus keppir á móti í Síberíu Sport Aþena fann smugu á reglunum og mætti aftur á KKÍ þingið Körfubolti Stórefast um framtíð íslenska körfuboltans ef ekkert verði gert Körfubolti Greint frá ósæmilegri hegðun í aðdraganda þings KKÍ Körfubolti Vandræði meistaranna halda áfram Fótbolti Fleiri fréttir Stefán Teitur hetja Preston Í beinni: Villarreal - Real Madrid | Meistararnir geta farið á toppinn Bæjarar töpuðu stigum í Berlín Fanney Inga í undanúrslit sænska bikarsins á fyrsta ári Vandræði meistaranna halda áfram Chelsea vann enska deildabikarinn á sjálfsmarki Lífsnauðsynlegur sigur hjá Íslendingaliði Düsseldorf Guardiola: „Ég hlusta á allt sem fólk segir um mig, passið ykkur“ Sjónvarpsbannið í enska boltanum pirrar prinsinn Skoraði Messi þá ólöglegt mark í úrslitaleik HM í Katar? Liðsfélaga landsliðsfyrirliðans var ekki hleypt inn í landið Englendingar gætu verið með sjö lið í Meistaradeildinni á næstu leiktíð Víkingskonur síðasta liðið í undanúrslitin Neymar snýr ekki aftur í brasilíska landsliðið Eyþór afgreiddi gömlu félagana í KR með sigurmarki í blálokin Sara Björk og félagar hoppuðu upp í þriðja sætið Liverpool liðin fengu stóru mánaðarverðlaunin í enska Blóðguð Glódís Perla fagnaði sigri á móti Sveindísi Ný átta sekúndna regla innleidd hér á landi Mourinho gerir grín að skáldhæfileikum eigin leikmanns og segir hann of þungan Næstu bikarmeistarar stórgræða á árangri Víkings Borga 50 milljónir fyrir 17 ára pjakk sem fær sjö ára samning Heimir leitar sátta: Vill bjór og spjall með Duff og Bradley Ánægður með fullkomna fyrirliðann en segir hann þurfa að treysta samherjunum Svona líta öll átta liða úrslitin í Evrópu út Rashford og 32 ára nýliði í fyrsta landsliðshópi Tuchels Sir Alex er enn að vinna titla Dorgu bað dómarann um að gefa United ekki víti Óttaðist að ánetjast svefntöflum Lærisveinar Mourinho komu til baka en töpuðu svo í vító Sjá meira
Ólafur Ingi Skúlason hefur upplifað margt á þeim fáum mánuðum sem hann hefur spilað með Genclerbirligi Ankara í tyrknesku úrvalsdeildinni. Árbæingurinn er nú staddur hér á landi með íslenska landsliðinu sem mætir Lettlandi á Laugardalsvelli á laugardag. Strákarnir halda svo einmitt til Tyrklands á sunnudag og mæta heimamönnum í lokaleik sínum í riðlinum í Konya á þriðjudag. Ólafur Ingi hefur ekki verið byrjunarliðsmaður í landsliðinu en gæti fengið kallið um helgina þar sem að Aron Einar Gunnarsson verður í banni. „Við vitum ekki enn hvernig liðinu verður stillt upp og því skiptir máli að maður sé klár ef kallið kemur. Maður vill sýna að maður eigi heima í þessum hópi,“ sagði Ólafur Ingi í viðtali við Vísi fyrir æfingu landsliðsins á Laugardalsvelli í dag. Hann segir að allir leikmenn séu samtaka í því að vinna báða leikina sem eftir eru, vinna riðilinn og komast upp í þriðja styrkleikaflokk fyrir riðladráttinn í desember, en sem kunnugt er hafa strákarnir þegar tryggt sér öruggt sæti á EM í Frakklandi.Ólafur Ingi Skúlason.Vísir/StefánÓlafur Ingi veit að hver mínúta sem hann fær á vellinum skiptir máli upp á möguleika hans að gera að verða með í EM-hópnum næsta sumar. „Maður verður bara að reyna að sýna hvað maður getur þegar maður hittir hópinn og svo standa sig vel úti með sínu liði. Það er í raun ekki mikið meira sem maður getur gert,“ sagði Ólafur Ingi sem óttaðist ekki að hann myndi „týnast“ í tyrknesku deildinni. „Alls ekki. Tyrkneska deildin er hátt skrifuð og er mjög góð. Það er meiri barátta um sæti í liðinu þar og það skiptir mig auðvitað mestu máli að spila sem mest. Á meðan ég er að spila þá hef ég ekki áhyggjur af stöðu minni í landsliðinu.“ Hann segir að það sé mikið ævintýri að spila í Tyrklandi en þangað fór hann í sumar eftir nokkurra ára dvöl hjá Zulte-Waregem í Belgíu. „Þjálfarinn sem fékk mig út var rekinn eftir tvo leiki. Þolinmæðin er ekki mikil þarna og maður finnir að margir óttast um sín störf þegar illa gengur. Það verður því öðruvísi stemning í kringum félagið og maður finnur pressu frá forseta og stjórn félagsins að við leikmenn verðum að standa okkur.“Mynd/SkjáskotHann segir að það sem hafi helst komið honum á óvart er hversu skrýtin dómgæslan hefur verið. Ólafur Ingi fékk til að mynda myndarlegt olnbogaskot frá Þjóðverjanum Mario Gomez, leikmanni Besiktas, á dögunum en sá þýski fékk aðeins að líta gula spjaldið fyrir brotið. „Þetta gerðist beint fyrir framan nefið á dómaranum og ekki nokkur spurning að þetta var beint olnbogaskot í andlitið sem verðskuldaði rautt spjald. En hann fékk gult og var því ekki í banni í næsta leik, þar sem hann skoraði tvö mörk gegn Fenerbahce og vann leikinn fyrir Besiktas.“ Ólafur Ingi segir að dómarinn sem sleppti því að gefa Gomez rautt hafi verið settur í tveggja leikja straff eftir atvikið. En bætir því við að umdeild atvik eigi sér stað hjá dómurum í hverjum einasta leik. „Í síðasta leik dæmdu þeir til dæmis rangstöðu úr innkasti,“ segir hann og brosir. „Það er því ýmislegt sem á sér stað í deildinni hvað dómgæsluna varðar. Maður verður bara að læra inn á það og halda bara áfram.“ Stuðningsmenn Besiktas létu svo Ólaf Inga heyra það duglega á Twitter eftir leik en það á rætur sínar að rekja til þess að okkar maður lenti í rifrildi við markvörð Besiktas eftir leikinn. „Hann var að væla í dómaranum eftir leik og ég skildi ekkert í því. Ég sagði við hann að þeir hefðu fengið allt sem þeir vildu frá dómurunum og ætti að hætta þessu væli. Hann skilur að ég held litla ensku og varð alveg brjálaður við þetta. Það voru því smá pústrar á milli okkar og eftir það logaði Twitter hjá manni.“ Hann segist hafa þó ekki misst svefn þrátt fyrir hegðun stuðningsmannanna. „Ég setti fyrstu færslurnar í gegnum þýðingavél [Google translate] og það er ekkert hægt að hafa það eftir sem þeir sögðu,“ sagði Ólafur og brosti. „En maður vissi að knattspyrnuáhugamenn í Tyrklandi eru blóðheitir og að þetta sé partur af þessu. Það er enn eitthvað að koma og þeir þykjast vera að bíða eftir því að ég komi til Istanbúl. Við sjáum hvað setur þegar maður kemur þangað.“
EM 2016 í Frakklandi Fótbolti Mest lesið Tillögu Aþenu vantaði þrjú prósent til að vera tekin fyrir: Gengu út af KKÍ þinginu Körfubolti Leik lokið: Ísland - Grikkland 33-21 | EM-sætið tryggt með glæsibrag Handbolti Sjónvarpsbannið í enska boltanum pirrar prinsinn Enski boltinn Svona var þing KKÍ Körfubolti Kristinn Albertsson nýr formaður KKÍ Körfubolti Hafþór Júlíus keppir á móti í Síberíu Sport Aþena fann smugu á reglunum og mætti aftur á KKÍ þingið Körfubolti Stórefast um framtíð íslenska körfuboltans ef ekkert verði gert Körfubolti Greint frá ósæmilegri hegðun í aðdraganda þings KKÍ Körfubolti Vandræði meistaranna halda áfram Fótbolti Fleiri fréttir Stefán Teitur hetja Preston Í beinni: Villarreal - Real Madrid | Meistararnir geta farið á toppinn Bæjarar töpuðu stigum í Berlín Fanney Inga í undanúrslit sænska bikarsins á fyrsta ári Vandræði meistaranna halda áfram Chelsea vann enska deildabikarinn á sjálfsmarki Lífsnauðsynlegur sigur hjá Íslendingaliði Düsseldorf Guardiola: „Ég hlusta á allt sem fólk segir um mig, passið ykkur“ Sjónvarpsbannið í enska boltanum pirrar prinsinn Skoraði Messi þá ólöglegt mark í úrslitaleik HM í Katar? Liðsfélaga landsliðsfyrirliðans var ekki hleypt inn í landið Englendingar gætu verið með sjö lið í Meistaradeildinni á næstu leiktíð Víkingskonur síðasta liðið í undanúrslitin Neymar snýr ekki aftur í brasilíska landsliðið Eyþór afgreiddi gömlu félagana í KR með sigurmarki í blálokin Sara Björk og félagar hoppuðu upp í þriðja sætið Liverpool liðin fengu stóru mánaðarverðlaunin í enska Blóðguð Glódís Perla fagnaði sigri á móti Sveindísi Ný átta sekúndna regla innleidd hér á landi Mourinho gerir grín að skáldhæfileikum eigin leikmanns og segir hann of þungan Næstu bikarmeistarar stórgræða á árangri Víkings Borga 50 milljónir fyrir 17 ára pjakk sem fær sjö ára samning Heimir leitar sátta: Vill bjór og spjall með Duff og Bradley Ánægður með fullkomna fyrirliðann en segir hann þurfa að treysta samherjunum Svona líta öll átta liða úrslitin í Evrópu út Rashford og 32 ára nýliði í fyrsta landsliðshópi Tuchels Sir Alex er enn að vinna titla Dorgu bað dómarann um að gefa United ekki víti Óttaðist að ánetjast svefntöflum Lærisveinar Mourinho komu til baka en töpuðu svo í vító Sjá meira