Enn gæti ringt á Formúlu 1 í Ástralíu Birgir Þór Harðarson skrifar 16. mars 2013 20:49 Veðurspáin fyrir frestaða tímatöku og fyrsta kappakstur ársins í Ástralíu er tvísýn enda spá allar veðurstöðvar hugsanlegri rigningu í Melbourne. Tímatakan fyrir kappaksturinn hefst á ný á miðnætti en henni var frestað eftir að ein lota hafði verið ekin í morgun vegna úrhellis rigningar og gríðarlega slæmra aðstæðna á götubrautinni í Melbourne. Stóra spurningin er því: Ætl'ann hangi þurr? Svarið við þeirri spurningu er einfaldlega að það eru, samkvæmt veðurspám, 20% líkur á að það rigni í Melbourne á meðan tímatakan og kappaksturinn fara fram. Vindur blæs af hafi, sunnan gola myndum við kalla það hér á klakanum. Jafnframt er þungskýjað yfir Melbourne. Þrátt fyrir þessi líkindi er útséð að ekki mun gera hellidembu eins og árrisulir formúluáhugamenn sáu í morgun þegar fyrsta tilraun var gerð til tímatöku. Í mesta lagi verður um skúrir og smáskvettur að ræða sem mun aðeins hrista upp í rásröðinni og gera liðunum erfitt fyrir í kappaktrinum. Eins og áður segir hefst frestuð tímataka á ný klukkan 12:00 og kappaksturinn sjálfur klukkan 6 í fyrramálið. Allt er í beinni og óruglaðri útsendingu á Stöð 2 Sport. Hvers vegna er ekki ekið í mikilli rigningu í Formúlu 1?Í Formúlu 1 hefur alltaf verið keppt og ekið í rigningu. Í regnmótum höfum við séð ökumenn springa út og gera það sem áður var talið ómögulegt. Má þar til dæmis nefna Ayrton Senna og Michael Schumacher sem hafa oft verið kallaðir "regnmeistarar". Í seinni tíð hefur Charlie Whiting, mótsstjóri í Formúlu 1, sett strangari kröfur um akstur í regninu. Hann hefur meðal annars verið gagnrýndur fyrir að vera of varkár í þessum efnum og aflýst eða stöðvað mót sem virtust ganga vel. Að baki ákvörðuninni í Ástralíu í nótt bjuggu hins vegar óvanalegar ástæður. Fyrir það fyrsta er brautin í Melbourne götubraut. Það þýðir að hún er skítugri en venjuleg kappakstursbraut og hætturnar eru fleiri. Þær verða svo enn fleiri þegar rignir enda er hún ekki hönnuð með það í huga að vatnsflaumnum verði að koma úr vegi kappakstursbíla. Þá eru hvítar línur umhverfis brautina á stöðum sem vanalega eru ekki málaðir á kappakstursbrautum sem skapa hættur. Öryggi ökumanna er því alltaf í forgangi þegar ákvarðanir um að fresta keppni eða akstri vegna rigninga er tekin. Má jafnframt líta svo á að frestunin hleypir enn meiri spennu í leikinn fyrir áhorfandann. Þá er ónefndur tíminn sem gefst, við þessar sérstöku aðstæður, til að rifja upp glæst augnablik í kappaksturssögunni. Ayrton Senna var alltaf álitinn vera gríðarlega öflugur ökuþór þegar ringdi. Það sýndi hann strax á sínu fyrsta keppnistímabili í Mónakó þegar hann ók Toleman-bíl sínum ótrúlega hratt á votri brautinni. Á meðan helstu meistarar þess tíma, René Arnoux, Nelson Piquet og Niki Lauda, skautuðu í vegriðið sótti Senna fast á fremstu menn og var kominn í annað sætið, með Alain Prost í sigtinu, þegar mótinu var aflýst. Senna hefði að öllum líkindum unnið Prost, síðar sinn helsta keppinaut, í fyrsta sinn á sínu fyrsta tímabili. Senna minnti aftur á sig þegar evrópski kappaksturinn var ræstur í Donnington Park á Bretlandi árið 1993. Í hellidembu geistust allir af stað, þar á meðal Ayrton úr fjórða sæti sem hann missti af ráslínunni. Á einum hring náði Senna að vinna sig úr fimmta sæti í það fyrsta í rigningunni. Stórkoslegt. Myndbandið má finna hér að ofan. Michael Schumacher var ekki síðri galdrakarl á brautinni þegar það ringdi. Það sýndi hann á sínu fyrsta tímabili með Ferrari, árið 1996, þegar spænski kappaksturinn fór fram í hellidembu í Barcelona. Schumacher, á grútlélegum Ferrari-bíl, vann kappaksturinn með gríðarlegum yfirburðum. Þegar hann kom fyrstu yfir endamarkið hafði Schumi hringað alla nema Jean Alesi og Jacques Villeneuve.Charles Pic missir afturenda bílsins í Melbourne í morgun. Formúla Mest lesið Í beinni þegar tilkynnt var að hann væri rekinn Fótbolti Hélt hann væri laus við þessi mál Fótbolti Fyrirliðinn segir Íslendingaliðið of gott fyrir C-deildina Enski boltinn Versta byrjun í sögu efstu deildar Fótbolti Forsetinn Eto‘o fær ekki að mæta á leiki þjóðar sinnar Fótbolti Arftaki Þóris fundinn: „Þetta eru stórir skór að fylla í“ Handbolti Brasilíski miðvörðurinn gríðarlega eftirsóttur Fótbolti Daníel og Irma taka spennandi stökk: „Maður vill ekki lifa í eftirsjá eftir ferilinn“ Sport Dagskráin í dag: Meistaradeild Evrópu og Bónus deild kvenna fer af stað Sport Ronaldo benti til himins: „Vildi að pabbi væri enn á lífi“ Fótbolti Fleiri fréttir Hamilton opnar sig um þunglyndi og einelti: „Hafði engan til að tala við“ Ricciardo tapar sæti sínu hjá RB Þrír ákærðir fyrir að reyna að fjárkúga fjölskyldu Schumacher Mætti tárvotur í viðtal og óviss um framhaldið Refsing fyrir að blóta gæti flýtt fyrir því að Verstappen hætti Norris nálgast Verstappen eftir sigur í Singapúr Norris á ráspól í Singapúr Eðla rölti inn á brautina á æfingu Heimsmeistaranum refsað fyrir notkun blótsyrðis FIA tók fyrir kvörtun Red Bull og hefur kveðið upp dóm sinn Piastri vann í Aserbaísjan og McLaren fór fram úr Red Bull Lando Norris enn vongóður þrátt fyrir gulu flöggin Leclerc á ráspól á morgun Vill vinna titilinn á eigin forsendum Biðja Piastri um að styðja Norris í baráttunni um titilinn Hvalreki fyrir Aston Martin í Formúlu 1 Leclerc vann Monza kappaksturinn Táningurinn sem tekur við af Hamilton klessti bílinn í frumrauninni Sjá meira
Veðurspáin fyrir frestaða tímatöku og fyrsta kappakstur ársins í Ástralíu er tvísýn enda spá allar veðurstöðvar hugsanlegri rigningu í Melbourne. Tímatakan fyrir kappaksturinn hefst á ný á miðnætti en henni var frestað eftir að ein lota hafði verið ekin í morgun vegna úrhellis rigningar og gríðarlega slæmra aðstæðna á götubrautinni í Melbourne. Stóra spurningin er því: Ætl'ann hangi þurr? Svarið við þeirri spurningu er einfaldlega að það eru, samkvæmt veðurspám, 20% líkur á að það rigni í Melbourne á meðan tímatakan og kappaksturinn fara fram. Vindur blæs af hafi, sunnan gola myndum við kalla það hér á klakanum. Jafnframt er þungskýjað yfir Melbourne. Þrátt fyrir þessi líkindi er útséð að ekki mun gera hellidembu eins og árrisulir formúluáhugamenn sáu í morgun þegar fyrsta tilraun var gerð til tímatöku. Í mesta lagi verður um skúrir og smáskvettur að ræða sem mun aðeins hrista upp í rásröðinni og gera liðunum erfitt fyrir í kappaktrinum. Eins og áður segir hefst frestuð tímataka á ný klukkan 12:00 og kappaksturinn sjálfur klukkan 6 í fyrramálið. Allt er í beinni og óruglaðri útsendingu á Stöð 2 Sport. Hvers vegna er ekki ekið í mikilli rigningu í Formúlu 1?Í Formúlu 1 hefur alltaf verið keppt og ekið í rigningu. Í regnmótum höfum við séð ökumenn springa út og gera það sem áður var talið ómögulegt. Má þar til dæmis nefna Ayrton Senna og Michael Schumacher sem hafa oft verið kallaðir "regnmeistarar". Í seinni tíð hefur Charlie Whiting, mótsstjóri í Formúlu 1, sett strangari kröfur um akstur í regninu. Hann hefur meðal annars verið gagnrýndur fyrir að vera of varkár í þessum efnum og aflýst eða stöðvað mót sem virtust ganga vel. Að baki ákvörðuninni í Ástralíu í nótt bjuggu hins vegar óvanalegar ástæður. Fyrir það fyrsta er brautin í Melbourne götubraut. Það þýðir að hún er skítugri en venjuleg kappakstursbraut og hætturnar eru fleiri. Þær verða svo enn fleiri þegar rignir enda er hún ekki hönnuð með það í huga að vatnsflaumnum verði að koma úr vegi kappakstursbíla. Þá eru hvítar línur umhverfis brautina á stöðum sem vanalega eru ekki málaðir á kappakstursbrautum sem skapa hættur. Öryggi ökumanna er því alltaf í forgangi þegar ákvarðanir um að fresta keppni eða akstri vegna rigninga er tekin. Má jafnframt líta svo á að frestunin hleypir enn meiri spennu í leikinn fyrir áhorfandann. Þá er ónefndur tíminn sem gefst, við þessar sérstöku aðstæður, til að rifja upp glæst augnablik í kappaksturssögunni. Ayrton Senna var alltaf álitinn vera gríðarlega öflugur ökuþór þegar ringdi. Það sýndi hann strax á sínu fyrsta keppnistímabili í Mónakó þegar hann ók Toleman-bíl sínum ótrúlega hratt á votri brautinni. Á meðan helstu meistarar þess tíma, René Arnoux, Nelson Piquet og Niki Lauda, skautuðu í vegriðið sótti Senna fast á fremstu menn og var kominn í annað sætið, með Alain Prost í sigtinu, þegar mótinu var aflýst. Senna hefði að öllum líkindum unnið Prost, síðar sinn helsta keppinaut, í fyrsta sinn á sínu fyrsta tímabili. Senna minnti aftur á sig þegar evrópski kappaksturinn var ræstur í Donnington Park á Bretlandi árið 1993. Í hellidembu geistust allir af stað, þar á meðal Ayrton úr fjórða sæti sem hann missti af ráslínunni. Á einum hring náði Senna að vinna sig úr fimmta sæti í það fyrsta í rigningunni. Stórkoslegt. Myndbandið má finna hér að ofan. Michael Schumacher var ekki síðri galdrakarl á brautinni þegar það ringdi. Það sýndi hann á sínu fyrsta tímabili með Ferrari, árið 1996, þegar spænski kappaksturinn fór fram í hellidembu í Barcelona. Schumacher, á grútlélegum Ferrari-bíl, vann kappaksturinn með gríðarlegum yfirburðum. Þegar hann kom fyrstu yfir endamarkið hafði Schumi hringað alla nema Jean Alesi og Jacques Villeneuve.Charles Pic missir afturenda bílsins í Melbourne í morgun.
Formúla Mest lesið Í beinni þegar tilkynnt var að hann væri rekinn Fótbolti Hélt hann væri laus við þessi mál Fótbolti Fyrirliðinn segir Íslendingaliðið of gott fyrir C-deildina Enski boltinn Versta byrjun í sögu efstu deildar Fótbolti Forsetinn Eto‘o fær ekki að mæta á leiki þjóðar sinnar Fótbolti Arftaki Þóris fundinn: „Þetta eru stórir skór að fylla í“ Handbolti Brasilíski miðvörðurinn gríðarlega eftirsóttur Fótbolti Daníel og Irma taka spennandi stökk: „Maður vill ekki lifa í eftirsjá eftir ferilinn“ Sport Dagskráin í dag: Meistaradeild Evrópu og Bónus deild kvenna fer af stað Sport Ronaldo benti til himins: „Vildi að pabbi væri enn á lífi“ Fótbolti Fleiri fréttir Hamilton opnar sig um þunglyndi og einelti: „Hafði engan til að tala við“ Ricciardo tapar sæti sínu hjá RB Þrír ákærðir fyrir að reyna að fjárkúga fjölskyldu Schumacher Mætti tárvotur í viðtal og óviss um framhaldið Refsing fyrir að blóta gæti flýtt fyrir því að Verstappen hætti Norris nálgast Verstappen eftir sigur í Singapúr Norris á ráspól í Singapúr Eðla rölti inn á brautina á æfingu Heimsmeistaranum refsað fyrir notkun blótsyrðis FIA tók fyrir kvörtun Red Bull og hefur kveðið upp dóm sinn Piastri vann í Aserbaísjan og McLaren fór fram úr Red Bull Lando Norris enn vongóður þrátt fyrir gulu flöggin Leclerc á ráspól á morgun Vill vinna titilinn á eigin forsendum Biðja Piastri um að styðja Norris í baráttunni um titilinn Hvalreki fyrir Aston Martin í Formúlu 1 Leclerc vann Monza kappaksturinn Táningurinn sem tekur við af Hamilton klessti bílinn í frumrauninni Sjá meira