De la Rosa ráðinn til Ferrari Birgir Þór Harðarson skrifar 16. janúar 2013 16:00 De la Rosa reynsluekur Ferrari-bílum í ár. nordicphotos/afp Spænski ökuþórinn Pedro de la Rosa hefur verið ráðinn tilraunaökuþór Ferrari-liðsins í ár. Hjá Ferrari eru fyrir tveir Spánverjar, þeir Fernando Alonso og Marc Gene. „Við verðum að gera ráð fyrir að upp komi vandamál og einbeita okkur í tölvuherminum," sagði Stefano Domenicali, liðstjóri Ferrari-liðsins. Ferrari-liðið segist vera í góðum málum í smíði bílsins sem verður notaður 2013 og ætla ekki að láta þá vinnu fara forgörðum. Pedro de la Rosa hefur ekið í 104 Formúlu 1-kappökstrum á ferlinum. Hann ók fyrir HRT á síðasta keppnistímabili en liðið fór í þrot í vetur og verður ekki með á næsta ári. De la Rosa er jafnframt mikilsmetinn tilraunaökuþór og hefur starfað sem slíkur lungað af ferlinum. „Ég vona að ég geti hafist handa sem fyrst og hjálpað til við að gera bílinn betri," sagði de la Rosa við fjölmiðla þegar hann var kynntur til leiks. „Ég er ánægður með að geta liðsinnt Alonso aftur og hlakka til að vinna með Felipe Massa." „Það er stutt þar til ljósin slokkna í Ástralíu og það er enn mikið eftir að gera. Ég get núna hjálpað til." Starf de la Rosa mun að öllum líkindum reynast gríðarlega mikilvægt því nýlega spáði Domenicali því að flest stærstu liðin myndu hefjast handa við að hanna og þróa 2014-bílana um mitt sumar. Miklar reglubreytingar ganga í gildi á næsta ári og því mikilvægt að ná forskoti snemma. Ferrari ætlar í titilslagDomenicali vill ekki afskrifa neinn í titilbaráttunni og segir óvænta hluti vel geta skeð.nordicphotos/afpFerrari-liðið ætlar sér heimsmeistaratitilinn í ár og er tilbúið að há baráttu við hvaða lið sem er, segir Domenicali. Ferrari segir að Red Bull-menn verði ekki endilega þeirra helstu keppinautar þó McLaren- og Mercedes-liðin takist á við ögrandi verkefni innbyrðis. Lewis Hamilton yfirgaf McLaren í vetur og ekur fyrir Mercedes á næsta ári og McLaren-liðið réð til sín hinn unga Sergio Perez. Red Bull-bílunum aka, sem fyrr, Sebastian Vettel og Mark Webber. „Samkvæmt öllum pappírum er rétt að segja að Red Bull verði sterkasti andstæðingurinn," sagði Domenicali. „En eins og venjulega verðum við að fara mjög varlega í þessum fræðum. Ég legg áherslu á að keppinautar okkar verða að öllum líkindum jafn margir og þeir voru í fyrra. Óvæntir hlutir geta samt gerst á hverju ári." „Ég vil því ekki afskrifa neinn í titilbaráttunni og ég óttast alla." Domenicali segir nýja Ferrari-bílinn vera byggðan á grunni bílsins í fyrra og að mikil áhersla hafi verið lögð á hönnun pústkerfisins. „Reglurnar gera okkur ekki kleift að gera miklar breytingar á útliti bílsins," sagði hann. Því sé lögð áhersla á tæknilegar útfærslur vélkerfisins. Pústkerfið sé upplagt til að finna árangursríkar lausnir. Formúla Mest lesið Í beinni þegar tilkynnt var að hann væri rekinn Fótbolti Versta byrjun í sögu efstu deildar Fótbolti Fyrirliðinn segir Íslendingaliðið of gott fyrir C-deildina Enski boltinn Forsetinn Eto‘o fær ekki að mæta á leiki þjóðar sinnar Fótbolti Brasilíski miðvörðurinn gríðarlega eftirsóttur Fótbolti Arftaki Þóris fundinn: „Þetta eru stórir skór að fylla í“ Handbolti Dagskráin í dag: Meistaradeild Evrópu og Bónus deild kvenna fer af stað Sport Ronaldo benti til himins: „Vildi að pabbi væri enn á lífi“ Fótbolti Kolbeinn með glæsimark í sigri Gautaborgar Fótbolti Dómarinn fyrrverandi segir Bruno hafa átt að fá gult Enski boltinn Fleiri fréttir Hamilton opnar sig um þunglyndi og einelti: „Hafði engan til að tala við“ Ricciardo tapar sæti sínu hjá RB Þrír ákærðir fyrir að reyna að fjárkúga fjölskyldu Schumacher Mætti tárvotur í viðtal og óviss um framhaldið Refsing fyrir að blóta gæti flýtt fyrir því að Verstappen hætti Norris nálgast Verstappen eftir sigur í Singapúr Norris á ráspól í Singapúr Eðla rölti inn á brautina á æfingu Heimsmeistaranum refsað fyrir notkun blótsyrðis FIA tók fyrir kvörtun Red Bull og hefur kveðið upp dóm sinn Piastri vann í Aserbaísjan og McLaren fór fram úr Red Bull Lando Norris enn vongóður þrátt fyrir gulu flöggin Leclerc á ráspól á morgun Vill vinna titilinn á eigin forsendum Biðja Piastri um að styðja Norris í baráttunni um titilinn Hvalreki fyrir Aston Martin í Formúlu 1 Leclerc vann Monza kappaksturinn Táningurinn sem tekur við af Hamilton klessti bílinn í frumrauninni Sjá meira
Spænski ökuþórinn Pedro de la Rosa hefur verið ráðinn tilraunaökuþór Ferrari-liðsins í ár. Hjá Ferrari eru fyrir tveir Spánverjar, þeir Fernando Alonso og Marc Gene. „Við verðum að gera ráð fyrir að upp komi vandamál og einbeita okkur í tölvuherminum," sagði Stefano Domenicali, liðstjóri Ferrari-liðsins. Ferrari-liðið segist vera í góðum málum í smíði bílsins sem verður notaður 2013 og ætla ekki að láta þá vinnu fara forgörðum. Pedro de la Rosa hefur ekið í 104 Formúlu 1-kappökstrum á ferlinum. Hann ók fyrir HRT á síðasta keppnistímabili en liðið fór í þrot í vetur og verður ekki með á næsta ári. De la Rosa er jafnframt mikilsmetinn tilraunaökuþór og hefur starfað sem slíkur lungað af ferlinum. „Ég vona að ég geti hafist handa sem fyrst og hjálpað til við að gera bílinn betri," sagði de la Rosa við fjölmiðla þegar hann var kynntur til leiks. „Ég er ánægður með að geta liðsinnt Alonso aftur og hlakka til að vinna með Felipe Massa." „Það er stutt þar til ljósin slokkna í Ástralíu og það er enn mikið eftir að gera. Ég get núna hjálpað til." Starf de la Rosa mun að öllum líkindum reynast gríðarlega mikilvægt því nýlega spáði Domenicali því að flest stærstu liðin myndu hefjast handa við að hanna og þróa 2014-bílana um mitt sumar. Miklar reglubreytingar ganga í gildi á næsta ári og því mikilvægt að ná forskoti snemma. Ferrari ætlar í titilslagDomenicali vill ekki afskrifa neinn í titilbaráttunni og segir óvænta hluti vel geta skeð.nordicphotos/afpFerrari-liðið ætlar sér heimsmeistaratitilinn í ár og er tilbúið að há baráttu við hvaða lið sem er, segir Domenicali. Ferrari segir að Red Bull-menn verði ekki endilega þeirra helstu keppinautar þó McLaren- og Mercedes-liðin takist á við ögrandi verkefni innbyrðis. Lewis Hamilton yfirgaf McLaren í vetur og ekur fyrir Mercedes á næsta ári og McLaren-liðið réð til sín hinn unga Sergio Perez. Red Bull-bílunum aka, sem fyrr, Sebastian Vettel og Mark Webber. „Samkvæmt öllum pappírum er rétt að segja að Red Bull verði sterkasti andstæðingurinn," sagði Domenicali. „En eins og venjulega verðum við að fara mjög varlega í þessum fræðum. Ég legg áherslu á að keppinautar okkar verða að öllum líkindum jafn margir og þeir voru í fyrra. Óvæntir hlutir geta samt gerst á hverju ári." „Ég vil því ekki afskrifa neinn í titilbaráttunni og ég óttast alla." Domenicali segir nýja Ferrari-bílinn vera byggðan á grunni bílsins í fyrra og að mikil áhersla hafi verið lögð á hönnun pústkerfisins. „Reglurnar gera okkur ekki kleift að gera miklar breytingar á útliti bílsins," sagði hann. Því sé lögð áhersla á tæknilegar útfærslur vélkerfisins. Pústkerfið sé upplagt til að finna árangursríkar lausnir.
Formúla Mest lesið Í beinni þegar tilkynnt var að hann væri rekinn Fótbolti Versta byrjun í sögu efstu deildar Fótbolti Fyrirliðinn segir Íslendingaliðið of gott fyrir C-deildina Enski boltinn Forsetinn Eto‘o fær ekki að mæta á leiki þjóðar sinnar Fótbolti Brasilíski miðvörðurinn gríðarlega eftirsóttur Fótbolti Arftaki Þóris fundinn: „Þetta eru stórir skór að fylla í“ Handbolti Dagskráin í dag: Meistaradeild Evrópu og Bónus deild kvenna fer af stað Sport Ronaldo benti til himins: „Vildi að pabbi væri enn á lífi“ Fótbolti Kolbeinn með glæsimark í sigri Gautaborgar Fótbolti Dómarinn fyrrverandi segir Bruno hafa átt að fá gult Enski boltinn Fleiri fréttir Hamilton opnar sig um þunglyndi og einelti: „Hafði engan til að tala við“ Ricciardo tapar sæti sínu hjá RB Þrír ákærðir fyrir að reyna að fjárkúga fjölskyldu Schumacher Mætti tárvotur í viðtal og óviss um framhaldið Refsing fyrir að blóta gæti flýtt fyrir því að Verstappen hætti Norris nálgast Verstappen eftir sigur í Singapúr Norris á ráspól í Singapúr Eðla rölti inn á brautina á æfingu Heimsmeistaranum refsað fyrir notkun blótsyrðis FIA tók fyrir kvörtun Red Bull og hefur kveðið upp dóm sinn Piastri vann í Aserbaísjan og McLaren fór fram úr Red Bull Lando Norris enn vongóður þrátt fyrir gulu flöggin Leclerc á ráspól á morgun Vill vinna titilinn á eigin forsendum Biðja Piastri um að styðja Norris í baráttunni um titilinn Hvalreki fyrir Aston Martin í Formúlu 1 Leclerc vann Monza kappaksturinn Táningurinn sem tekur við af Hamilton klessti bílinn í frumrauninni Sjá meira