Samfélagið verður grimmara í kreppu 23. mars 2012 13:00 Bjartmar Þórðarson og Bjarni Snæbjörnsson í hlutverkum sínum í Glerdýrunum. Myndir/Anthony Bacigalupo Fátæka leikhúsið frumsýndi Glerdýrin eftir Tennessee Williams í Þjóðleikhúskjallaranum á þriðjudag. Önnur sýning verður á morgun klukkan 15. Heiðar Sumarliðason, þýðandi verksins og leikstjóri, segir uppsetningu verksins hafa verið nýja áskorun. „Fátæka leikhúsið er bara nafn sem ég bjó til utan um þær sýningar sem ég hef leikstýrt og eru settar upp fyrir enga peninga," segir Heiðar Sumarliðason, leikstjóri Glerdýranna, spurður út í heiti leikhópsins. „Leikhúsið er eiginlega bara ég sjálfur en ég hef svo fengið fólk til liðs við mig í hverja sýningu." Meðal verka sem hann hefur sett upp má nefna eigið verk Hetróhetjur, Pizzasendilinn, Rándýr og fleiri, allt evrópsk samtímaverk. Hví ákvað hann að takast á við Tennessee Williams? „Mig langaði að takast á við einhverja nútímaklassík, það var ný áskorun þar sem ég hef ekki gert það áður," segir Heiðar. Sögutími Glerdýranna eru millistríðsárin í Bandaríkjunum þar sem persónur þurfa að glíma við afleiðingar kreppunnar miklu. Fannst Heiðari verkið eiga vel við samtímann? „Eftir kreppuna breytast allar leikreglur og það verður nokkurs konar gengisfelling á manneskjunni. Samfélagið allt verður grimmara þegar að kreppir og fólk sem hefði átt að eiga auðvelt uppdráttar í lífinu rekst allt í einu á tómar hindranir. Þetta er það sem leikritið fjallar um að mínu áliti og, já, það talar til samtímans. Ég er hins vegar sammála því sem Þórhildur Þorleifs sagði þegar hún var spurð hvort Dagleiðin langa ætti erindi í dag. Hún sagði að spurningin um erindið væri gatslitnasta spurning leikhússins. Þetta er bara gott verk með góðum rullum fyrir góða leikara og það hreif mig." Heiðar segir uppfærsluna hefðbundna og enga tilraun gerða til að nútímavæða verkið. „Við bara skoðuðum leikritið og erum í raun að þjónusta höfundinn. Þetta er ekkert flipp af okkar hálfu. Við erum að setja verkið upp eins og okkur finnst eiga að setja það upp, út frá okkar smekk að sjálfsögðu."Heiðar Sumarliðason leikstjóri.Glerdýrin var frumflutt árið 1944 í Chicago og kom Tennessee Williams á kortið sem einum fremsta höfundi leikbókmenntanna. Það hefur tvisvar áður verið sýnt hér á landi, síðast hjá Leikfélagi Akureyrar árið 1976. Leikendur í sýningu Fátæka leikhússins eru Lilja Guðrún Þorvaldsdóttir, Bjartmar Þórðarson, Tinna Lind Gunnarsdóttir og Bjarni Snæbjörnsson. Þórdís Jóhannesdóttir gerði leikmyndina, Magnús Arnar Sigurðarson lýsti sýninguna og Gunnar Helgi Guðjónsson keyrir ljósin. Önnur sýning er, eins og áður sagði, í Þjóðleikhúskjallaranum klukkan 15 í dag en næstu sýningar verða 26. mars og 2. og 3. apríl klukkan 19.30. fridrikab@frettabladid.is Menning Mest lesið Skilnaður handan við hornið hjá Kanye og Biöncu Lífið Kemur frá Sýrlandi og syngur á íslensku Tónlist Stofnar eigin útgáfu og byrjar í ruslinu Lífið Galið að fræðsla um snípinn sé af skornum skammti Lífið Harry og Meghan séu ekki að skilja Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Bergrún Íris og Kolbrún keyptu í Hafnarfirði Lífið Móðir Whitney Houston látin Lífið Eins og þruma úr heiðskíru lofti Lífið Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Fátæka leikhúsið frumsýndi Glerdýrin eftir Tennessee Williams í Þjóðleikhúskjallaranum á þriðjudag. Önnur sýning verður á morgun klukkan 15. Heiðar Sumarliðason, þýðandi verksins og leikstjóri, segir uppsetningu verksins hafa verið nýja áskorun. „Fátæka leikhúsið er bara nafn sem ég bjó til utan um þær sýningar sem ég hef leikstýrt og eru settar upp fyrir enga peninga," segir Heiðar Sumarliðason, leikstjóri Glerdýranna, spurður út í heiti leikhópsins. „Leikhúsið er eiginlega bara ég sjálfur en ég hef svo fengið fólk til liðs við mig í hverja sýningu." Meðal verka sem hann hefur sett upp má nefna eigið verk Hetróhetjur, Pizzasendilinn, Rándýr og fleiri, allt evrópsk samtímaverk. Hví ákvað hann að takast á við Tennessee Williams? „Mig langaði að takast á við einhverja nútímaklassík, það var ný áskorun þar sem ég hef ekki gert það áður," segir Heiðar. Sögutími Glerdýranna eru millistríðsárin í Bandaríkjunum þar sem persónur þurfa að glíma við afleiðingar kreppunnar miklu. Fannst Heiðari verkið eiga vel við samtímann? „Eftir kreppuna breytast allar leikreglur og það verður nokkurs konar gengisfelling á manneskjunni. Samfélagið allt verður grimmara þegar að kreppir og fólk sem hefði átt að eiga auðvelt uppdráttar í lífinu rekst allt í einu á tómar hindranir. Þetta er það sem leikritið fjallar um að mínu áliti og, já, það talar til samtímans. Ég er hins vegar sammála því sem Þórhildur Þorleifs sagði þegar hún var spurð hvort Dagleiðin langa ætti erindi í dag. Hún sagði að spurningin um erindið væri gatslitnasta spurning leikhússins. Þetta er bara gott verk með góðum rullum fyrir góða leikara og það hreif mig." Heiðar segir uppfærsluna hefðbundna og enga tilraun gerða til að nútímavæða verkið. „Við bara skoðuðum leikritið og erum í raun að þjónusta höfundinn. Þetta er ekkert flipp af okkar hálfu. Við erum að setja verkið upp eins og okkur finnst eiga að setja það upp, út frá okkar smekk að sjálfsögðu."Heiðar Sumarliðason leikstjóri.Glerdýrin var frumflutt árið 1944 í Chicago og kom Tennessee Williams á kortið sem einum fremsta höfundi leikbókmenntanna. Það hefur tvisvar áður verið sýnt hér á landi, síðast hjá Leikfélagi Akureyrar árið 1976. Leikendur í sýningu Fátæka leikhússins eru Lilja Guðrún Þorvaldsdóttir, Bjartmar Þórðarson, Tinna Lind Gunnarsdóttir og Bjarni Snæbjörnsson. Þórdís Jóhannesdóttir gerði leikmyndina, Magnús Arnar Sigurðarson lýsti sýninguna og Gunnar Helgi Guðjónsson keyrir ljósin. Önnur sýning er, eins og áður sagði, í Þjóðleikhúskjallaranum klukkan 15 í dag en næstu sýningar verða 26. mars og 2. og 3. apríl klukkan 19.30. fridrikab@frettabladid.is
Menning Mest lesið Skilnaður handan við hornið hjá Kanye og Biöncu Lífið Kemur frá Sýrlandi og syngur á íslensku Tónlist Stofnar eigin útgáfu og byrjar í ruslinu Lífið Galið að fræðsla um snípinn sé af skornum skammti Lífið Harry og Meghan séu ekki að skilja Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Bergrún Íris og Kolbrún keyptu í Hafnarfirði Lífið Móðir Whitney Houston látin Lífið Eins og þruma úr heiðskíru lofti Lífið Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira