„Gæti skrifað bókaseríu um vandræðileg stefnu­mót“

Aðspurð segir Móa draumastefnumótið vera fjallgöngu eða ferðalag um Ísland í góðu veðri:

„Ég er algjör náttúruperri.“

Hér að neðan svarar Moéiður Sif spurningum í viðtalsliðnum Einhleypan.

Aldur? 37 ára, fædd 1988.

Starf? Flugfreyja hjá Icelandair.

Menntun? Einkaþjálfari hjá ÍAK og grafísk hönnun.

Áhugamál? Ræktin, ferðast innanlands og erlendis, skoða fallega náttúru, yoga, sund, gera video fyrir TikTok og fleira.

Gælunafn eða hliðarsjálf? Kölluð Móa og mínar allra bestu kalla mig stundum Mómó, ekkert á bakvið það bara fyndið.

Aldur í anda? 23 ish, allavega ekki 37 ára.

Talar þú stundum um þig í þriðju persónu? Já stundum þegar ég er að útskýra eitthvað fyrir hunda-dóttur minni.

Hvernig myndir þú lýsa þér í þremur orðum? 

Sjálfstæð, samviskusöm og fyndin.

Hvernig myndu vinir þínir lýsa þér í þremur orðum? Sjálfstæð, dugleg og smá skrýtin.

Býrðu yfir einhverjum leyndum hæfileikum? Kemst í splitt, sjúklega stolt af því.

Ef þú værir dýr hvaða værir þú þá? Fiðrildi eða tígrisdýr.

Hvað myndi sjálfsævisagan þín heita? 

Aldrei aldrei aldrei gefast upp

Ertu A eða B týpa? A-týpa, elska að vakna snemma og fara snemma í háttinn.

Hvernig viltu eggin þín? Hjá mömmu sinni, ég er vegan.

Hvernig viltu kaffið þitt? Með smá möndlumjólk.

Guilty pleasure kvikmynd? Pocahantas, hún er mitt “spirit animal”.

Einhver söngtexti sem þú hefur alltaf sungið vitlaust? Ég veit það ekki, það má endilega benda mér á það ef þið heyrið mig raula eitthvað bull.

Hvað ertu að hámhorfa á? Elska allt true crime, síðast var það Monster season 2, Menendes Brothers. og er núna að bíða eftir season 3, Ed Gein. Annars hef ég ekki haft mikinn tíma fyrir sjónvarp undanfarið.

Hvaða bók/bækur lastu síðast? Chakra healing e Sahar Huneidi Palmer og Daring greatly e Brené Brown.

Syngur þú í sturtu? Nei en syng mikið í bílnum.

Hvað finnst þér leiðinlegast að gera? Gera skattaskýrsluna mína.

Hvað finnst þér skemmtilegast að gera? Skoða fallega náttúru, bæði á Íslandi og erlendis, í góðu veðri. Ég er algjör náttúruperri. Síðan elska ég að sofa því það er oft ekki mikill tími til þess.

Ef þú mættir velja einhverja þrjá einstaklinga úr sögunni (lífs eða liðna) til að bjóða í kvöldmat og spjall, hverja myndir þú velja? Amma mín Móa heitin, Aubrey Plaza og Patrekur Jamie, það væri svo skemmtilegt.

Varstu skotin í einhverjum frægum þegar þú varst yngri? Ég var “crazy in love” af Páli Óskari og Emillíönu Torrini. Kurt Cobain var líka i miklu uppáhaldi.

Hvaða persónueiginleikar finnast þér heillandi? Heiðarleiki, tilfinningagreind, samskiptafærni, að vera opin, og húmor. 

Húmor skiptir svo miklu máli finnst mér.

En óheillandi? Mikilmennska, óheiðarleiki, rörsýni, fordómar, snobb og stjórnsemi.

Þegar þú ferð út að skemmta þér, á hvaða staði ferðu? Fer mjög sjaldan út að skemmta mér, ég drekk ekki áfengi lengur, en ef það er eitthvað þá væri það út að borða í vinnustoppi eða á Brons í Keflavík.

Uppáhalds snjallforritið (e.app) þitt? TikTok, nota það mest og Instagram.

Ertu á stefnumótaforritum? Kíki þangað af og til en duga yfirleitt bara í nokkra daga þangað til ég hætti aftur. Mæli ekki með.

Draumastefnumótið? Fjallganga eða roadtrip í bongó blíðu.

Hvað er ást? 

Ást er góð tilfinning sem getur líka verið sársaukafull, þegar þú vilt einhverjum bara það besta og þú fyllist af þakklæti bara við það að hugsa um manneskjuna.

Ertu með einhvern bucket lista? Er með markmiða lista en er búin að klára hann, fyrir utan að ná tuttugu upphífingum, annars þarf ég að skoða Ítalíu betur. Það væri gaman að heimsækja bróðir minn og fjölskyldu hans í Danmörku, fara til Bali að læra jóga-kennarann, byrja með hlaðvarp, skrifa bók og fleira.

Hvar sérðu þig eftir tíu ár? Vonandi á svipuðum stað, þakklát og hamingjusöm með fólkið mitt, og hunda dóttur mína. 

En það væri ekkert leiðinlegt að vera búin að finna ástina.

Áttu einhverja sögu af vandræðalegu stefnumóti? Ég gæti skrifað bókaseríu um vandræðileg stefnumót, held ég sé búin að lenda í öllu rugli sem hægt er.