Malaga skellti Valencia

Malaga lyfti sér upp í fjórða sæti spænsku úrvalsdeildarinnar með 4-0 sigri á Valencia á heimavelli í kvöld. Malaga var 1-0 yfir í hálfleik.

Portillo kom Malaga yfir strax á 8. mínútu og það var ekki fyrr en á 75. mínútu og Javier Saviola skoraði annað mark liðsins.

Roque Santa Cruz skoraði þriðja markið á 81. mínútu og Isco fullkomnaði niðurlægingu Valencia þegar tvær mínútur voru komnar fram yfir venjulegan leiktíma.

Valencia er því enn í 9. sæti deildarinnar.